ခေါင်းစဉ်ကြည့်ပြီး ကြောင်မသွားပါနဲ့။
ရှင်းပါမယ်။ကျောင်းသားဘဝက ဘောလုံး ကန်တဲ့အချိန် တဖက်အသင်းရှေ့တန်းက အပြေးတအားမြန်တယ်။ ပွဲပြီးတော့ မိမိ အသင်းက ချင်းတယောက်က ဘာပြောလဲ ဆိုတော့ ဟိုကောင်မြန်မြန်ပီးတယ် ပီးတာ တအားမြန်တယ် လိုက်မပီးနိုင်ဘူးတဲ့ အားလုံးကြောင်သွားတယ် နောက်မှ ဟိုကောင် မြန်မြန်ပြေးတယ် ပြေးတာ တအားမြန်တယ်ပေါ့ လိုက်မပြေး နိုင်ဘူး ဆိုတာ နားလည်ပြီး ဝိုင်း ရယ်ကြတယ်။
အားကစား ပြိုင်ပွဲတွေမှာ အပြေးမြန်တာ ကောင်းပေမဲ့ ဖဲမွေ့ရာ ထက်က ပြိုင်ပွဲ မှာတော့ မကောင်းလှပါဘူး။
မိမိ အဖော်ကို စိတ်ပျက်စေသလို မိမိ ကိုယ်တိုင်လည်း စိတ်ဓာတ်ကျစေပါတယ်။ တစ်မိနစ်မှာ စက္ကန့် ခြောက်ဆယ်ရှိပါတယ် ။ ဒါပေမဲ့ စက္ကန့် ခြောက်ဆယ်လဲ တစ်မိနစ်ပါပဲ ကမ္ဘာ့ ပေါ်မှာ အခု နောက်ပိုင်း အမျိုးသား သုံးယောက်မှာ တယောက် က အပြေးမြန် (သို့) အပီးမြန်တဲ့ သုတ်လွတ်စောခြင်း (Premature ejaculation) ကို ကြုံတွေ့နေရပါတယ်တဲ့။
သင်လဲ ဒီအဖွဲ့ထဲပါနေရင်တောင် စိတ်ဓာတ် ကျစရာ မလိုပါဘူး ။ အွန်လိုင်း မှာ အခုနောက်ပိုင်းကြော်ငြာအားကောင်းလာတဲ့ ဆေးတွေပဲ ဝယ်သုံးရမလား ဘာလုပ်ရမလား မတွေဝေနေပါနဲ့ ။ငွေမကုန် အကျိုးများတဲ့ နည်းလမ်းတွေ ရှိပါတယ်သိရင်ပေါ့။ မသိရင်တော့ ကျော်သွားဦးမှာပေါ့ ။ သိပြီ ဆို လက်တွေ့ကျင့်ကြံ ပြီး အမြန်ဆုံး ကုသတာပေါ့။ ကဲ စကြစို့
(၁) များများဆက်ဆံပါ
သုတ်လွတ်စောခြင်း ကို ကြုံတွေ့ရတဲ့ အမျိုးသား များ မကြာခဏ ဆက်ဆံခြင်းဖြင့် ကျင့်ယူရမည် ဆိုပြီး MDVIP.com အမေးအဖြေ ဝက်ဆိုဒ်က သမားတော် Larry P Gassner ကပြောထားပါတယ် ။
စွမ်းဆောင်ရည်နဲ့ပတ်သက်ပြီး စိတ်လှုပ်ရှား မှု နဲ့ စိတ်ထဲက ပူပန်နေမှု ကို လျှော့ချဖို့က
မိမိ အဖော်ရဲ့ နွေးထွေးမှု နဲ့ သက်တောင့်သက်သာ ဖြစ်တယ် ဆိုတဲ့ စိတ်ခံစားမှု ရဖို့ က ပိုအရေးကြီးသည်။
Practice makes perfect တဲ့
(၂) Kegels လေ့ကျင့်ပါ
ဘာတုန်း Kegels? ဒီလေ့ကျင့်ခန်းကို ကျင့်ပါက သုတ်လွတ်စောတာကို အကျိုးရှိစေပါတယ်။
ဒီ Kegels လေ့ကျင့်တာက သင့်ခန္ဓာကိုယ် Pubococcygeus (PC) ကြွက်သားကို သန်မာစေတယ်တဲ့။ဒီ PC ကြွက်သားဆိုတာ ဆီးသွားချိန် ရုတ်တရက် ရပ်လိုက်ချိန် ကြုံ့ပြီး အားယူလိုက်တဲ့ ကြွက်သားပဲ။သူက သုတ်လွတ်တာ ကိုထိန်းတဲ့ အဓိက ခရာပဲ။
Kegels ကို ဘယ်လို ကျင့်ရမလဲ ဆိုတော့ ဆီးသွားတဲ့ချိန် ရုတ်တရက် ရပ်လိုက် ၁၀ စက္ကန့်လောက် ပြီးမှ ဆက်သွား။ ဒီလေ့ကျင့်ခန်းကို တရက် သုံးကြိမ် လုပ်ပေးပါ တဲ့ ထူးခြားစွာ သိသာလာပါမည်။
(၃) တကိုယ်ရေအာသာဖြေကြည့်ပါ
မိမိအဖော်နဲ့ မဆက်ဆံခင် တကိုယ်ရေ အာသာဖြေခြင်း အတွေ့အကြုံ ရှိသင့်ပါတယ်။ တကိုယ်ရေ အာသာဖြေချိန်မှာ မိမိ ဘယ်အချိန်မှာ ပြီးလိုတဲ့ ခံစားချက်ရသလဲ သိဖို့ အရေးကြီးပါသည်။ မိမိ အဖော် နဲ့ အတူ နေချိန်မှာ မိမိ ဘယ်အချိန် ဆို အထွတ်အထိပ်ရောက်လဲ ပြီးလိုတဲ့ ခံစားချက် ဘယ်အချိန်စရလဲ။ ဘယ်လို အနေအထား ပုံစံ ဆို ပို ပြီးမြန်တယ် သိရင် ရှောင်ကြည်ခြင်းဖြင့် ပိုကြာလာမှာ ဖြစ်ပါသည်။
(၄) ကွန်ဒုံး အသုံးပြုပါ
'' အလွှာခြားရင် ကမ္ဘာခြားတယ် '' ဆရာတော့ မလုပ်နဲ့။ သုတ်လွတ်စော သူတွေအတွက် အထူး ထုတ်ထားတဲ့ ကွန်ဒုံးတွေရှိပါတယ် ။ ကွန်ဒုံး အထဲမှာ ထုံစေတဲ့ ဆေးရည်လေးတွေ ပါလေ့ရှိတယ် ကွန်ဒုံး စွပ်တဲ့အချိန်မှာ ထို အရည်လေးတွေက အပေါ်ယံ အရေပြားကို ထုံစေပြီး အထိအတွေ့ ခံစားမှု လျော့စေလို့ အချိန်ပိုကြာစေပါတယ် ။ တခါတလေ မိမိအဖော်ပါ ခံစားမှုလျော့စေသတဲ့။
ဒီအတွက် ပြသနာ ရှိတာက အလွှာ မခြား ချင်တဲ့ ကိုကို တွေ ပဲ။ကိုယ်ဝန်တားပြီးသားဖြစ်သလို လိင်မှ ကူးစက်ရောဂါ လဲ ကာကွယ်မယ် ပိုလဲ ကြာမယ်လေ။ တချက်ခုတ် သုံးချက်ပြတ်ပဲ။
(၅)ကျွမ်းကျင်သူ နှင့် ဆွေးနွေးပါ
မိမိပြသနာကို ကျွမ်းကျင်သူ ဆရာဝန် နှင့်ဆွေးနွေးသင့်ပါသည်။မိမိ စိတ်ထဲ ပူပန်နေတဲ့ စွမ်းဆောင်ရည် နဲ့ ပတ်သက်တဲ့ အပိုင်းကို နားလည် တတ်ကျွမ်းသူများနှင့် တိုင်ပင် ဆွေးနွေးပါ ။ ဘေးပတ်ဝန်းကျင်က ကောလဟာလ ဆေးမြီးတို များနှင့်စာရင် များစွာ အကျိုးရှိပါသည် ။ ကျွမ်းကျင်သူ နှင့် ဆွေးနွေး ပြီး မိမိ စိတ်ပူပန်မှု များ သက်သာသွားလျှင် စွမ်းဆောင်ရည် တက်လာခြင်းကို တွေ့ရပါမည် ။ စိတ်က အဓိက ပဲ မဟုတ်ဘူးလား ။ စိတ်မပူပါနဲ့ အမြန် ဆွေးနွေးပါ ။
(၆)အသက်ပြင်းပြင်းရူ
အသက်ပြင်းပြင်းရှိုက်ရူခြင်းက ခန္ဓာကိုယ်မှာရှိတဲ့ တက်ကြွနေတဲ့ စိတ်
Sympathetic system ကို ငြိမ်စေသည် ထိုအခါ သုတ်လွတ်စော ခြင်းကာကွယ်ပြီးသားဖြစ်သွားသည် ။ အသက်ပြင်းပြင်းရှုခြင်းအားဖြင့် သွေးထဲ အောက်ဂျီဂျင် ဓာတ် ပိုရပြီး ဦးနှောက်မှ Endorphins ဆိုတဲ့ ဓာတ်ပိုထွက်စေသည် ။ ထိုဓာတ်ကြောင့်လူက သက်တောင့်သက်သာရှိပြီး စိတ်လှုပ် ရှားမှု လျော့သွားစေသည် ။ နှာခေါင်း နဲ့ ပြင်းပြင်းရှုထား သုံးစက္ကန့်လောက်အောင့်ထား ပြီးမှ ဖြေးဖြေးချင်း ပါးစပ်က ပြန်ထုတ်တဲ့။ တနေ့ သုံးခါ လေ့ကျင့်ပေးပါ ။ ဖဲမွေ့ရာထက် မရောက်ခင် စိတ်အရမ်း လှုပ်ရှားနေပါကလည်း အသက်ပြင်းပြင်းရူဖို့ မမေ့ပါနဲ့ ။
(၇) ရပ်လိုက် သွားလိုက်
ကားမောင်းသလိုပေါ့ ဘရိုတ်နဲ့ လီဗာလို| နှေးချင် ဘရိုက်နင်းလိုက် မြန်ချင် လီဗာ နင်းလိုက်။ မိမိ အထွတ်အထိပ်ရောက်ခါနီးဆို ရပ်လိုက် ခဏ နား ပြီးမှ ပြန်စတဲ့။ ရောက်ခါနီး နားလိုက်ရင်လည်း အမျိုးသား အင်္ဂါ အတံ အောက်ခြေ ကို လက်နဲ့ ညှစ်ပေးတဲ့ နည်းလည်း အသုံးပြုလို့ရပါသည် ။
ဒီနည်းက တော်တော်များများ နဲ့ အဆင်ပြေပေမဲ့ တချို့ အမျိုးသားများက ငါလုပ်နိုင်ပါ့မလား စိတ်ပူပြီး အဆင်မပြေတတ်ပါဘူး ။ဒါ့ပြင် တချို့ အမျိုးသမီး အဖ်ာများကလည်း မကြိုက်ပါတဲ့။ အထွတ်အထိပ် နှစ်ယောက်အတူ ရောက်ဖို့ ညှိ့ ယူပါ ။
(၈)ဆရာဝန် နှင့် တိုင်ပင်ပြီး ဆေးဝါးမှီဝဲပါ
အထက်ပါ နည်းများ နှင့် လည်း အဆင်မပြေဘူး။ မတိုးတက်ဘူး ဆိုရင်တော့ ဆရာဝန် နှင့် တိုင်ပင်ပြီး ဆေးဝါးနှင့် ကုသ သင့်ပါပြီ။ ဆရာဝန် ညွန်ကြားတဲ့ အတိုင်း ဆေးဝါး သောက်သုံးသင့်ပါသည်။ မိမိ အခြေအနေ ကျန်းမာရေးနှင့် ချိန်ဆပြီး ပေးသောကြောင့် ဘေးကင်းပါသည်။ တရားဝင် လိမ်းဆေး ထိုးဆေး များလည်းရှိပါသည်။ ဆရာဝန်များ ညွန်ကြားချက်ရမှသာ သုံးစွဲသင့်ပါသည်။ မိမိ သဘော နှင့် သုံးစွဲခြင်းသည် အလွန် အန္တာရယ် များလှပါသည်။ နိုင်ငံခြား တိုင်းပြည်များတွင် လိင်မှု ဆက်ဆံရေးအထူးကု များရှိပါသည် ။အွန်လိုင်းမှ ဆေးများဝယ်မသောက်ပါနှင့် ငွေကုန် အကျိုးမရှိပဲ ကံဆိုးရင် ပန်းသေတတ် ပါသည် ။
အားလုံး ခြုံကြည့်ရင် စိတ်သာ အဓိက ဖြစ်ကြောင်းတွေ့ရမှာပါ။ စိတ်ကိုသာ လေ့ကျင့်ပေးပါ ခန္ဓာကိုယ်က သူ့အလိုလို ဖြစ်လာပါမည်တဲ့။ တကယ်လုပ်ရင် တကယ်ဖြစ်ပါတယ်။ ယုံ ယုံကြည်ကြည် စိတ်ရှည်ရှည် နဲ့လေ့ကျင့်ပြီးဖဲမွေ့ရာပေါ်က ကျားဆိုမှ တကယ့် ကျား ဖြစ်ပါစေ ဆုတောင်းပေးပါတယ်။
ဒေါက်တာဗိုး
Health Guide
https://www.facebook.com/healthguidemyanmar
