ပြင်းထန်သော သွားဖုံးရောဂါ တစ်မျိုးတွင် တွေ့ ရလေ့ရှိသော ဗက်တီးရီးယားသည် အဆစ်အမြစ် ကိုက်ခဲ နာကျင်မှုကိုလည်း ဖြစ်စေနိုင်သည်ကို တွေ့ ရှိရကြောင်း အမေရိကန်ပြည်ထောင်စု ၊ ဂျွန်ဟော့ ပကင်း တက္ကသိုလ်မှ သုတေသီများ က ပြောသည် ။
အဆိုပါဗက်တီးရီးယားမှာ Aggregatibacteractinomycetemcomitans ဗက်တီးရီးယား အမျိုးအစားဖြစ်ပြီး AA ဗက်တီးရီးယားဟု အတိုကောက်ခေါ်ဆိုကြောင်း ၊ လူပေါင်းသုံးပုံတစ်ပုံထက်မနည်းတို့ တွင် AA ဗက်တီးရီးယားကို တွေ့ ရလေ့ရှိပြီး အဆစ်အမြစ် ရောင်နာလေ့ရှိသော လူနာ ၄၇ ရာခိုင်နှုန်းတွင်လည်း ယင်း AA ဗက်တီးရီးယားကို တွေ့ ရလေ့ရှိကြောင်း သိရသည် ။
AA ဗက်တီးရီးယားသည် ရောဂါခုခံသည့် စနစ်တွင် အရေးပါသော နျူထရိုဖီးလ်ဆဲလ်များကို ပျက်စီးစေကြောင်း ၊ နျူထရိုဖီးလ်ဆဲလ်များသည် မိမိ၏ရောဂါခုခံသည့်စနစ်ကို ပြန်လည်တိုက်ခိုက် ကြကြောင်း ၊ အဆစ်အမြက်ရောင်နာရောဂါတွင် တွေ့ ရသည့်ပုံစံအတိုင်းဖြစ်ကြောင်း ၊ အဆစ် အမြစ်ရောင်နာခြင်း နှင့် သွားဖုံးရောင်နာဝေဒနာ ဆက်စပ်မှု မှာ ၅၀ ရာခိုင်နှုန်းထက် မနည်းရှိကြောင်းသုတေသီတစ်ဦးကပြောသည် ။
AA ဗက်တီးရီးယားကူးစက်ခြင်းကြောင့် သွားဖုံးရောင်ရောဂါဖြစ်ပွားပါမယ် ။ ဗက်တီးရီးယားဟာ အဲဒီကနေတစ်ဆင့် နျူထရိုဖီးလ်ဆဲလ်တွေကို ပျက်စီးစေပါမယ် ။ ပျက်စီးသွားတဲ့ဆဲလ်တွေဟာ ခန္ဓာကိုယ်ရောဂါခုခံတဲ့စနစ် ကိုပြန်ပြီးတိုက်ခိုက်ပါမယ် ။ ဒီလိုနဲ့ အဆစ်အမြက်ရောင်နာခြင်းကို ပြင်းပြင်းထန်ထန်ခံစားရမှာဖြစ်ပါတယ် ။ အဆစ် အမြစ် ရောင်နာတယ်ဆိုတာအခြားသော အကြောင်းရင်းတွေကြောင့်လည်း ဖြစ်နိုင်ပါတယ်။ သွားဖုံးရောင်နာခြင်းကိုဖြစ်စေတဲ့ AA ဗိုင်းရပ်ကနောက်ထပ်အကြောင်းရင်းတစ်ခုဖြစ်လာတာပါ ဟု ၄င်းက ဆက်လက်ပြောပြသည် ။
မည်သည့်ရောဂါဖြစ်စေ၊ ကုသခြင်းထက် ကြိုတင်ကာကွယ်ခြင်းကပိုကောင်းပါတယ်။ ဒါကြောင့် အဆစ်အမြက် ရောင်နာမဖြစ်အောင် မတည့်တဲ့အစားအစာတွေကိုလည်းမစားပါနဲ့ ၊ ခံတွင်းသန့် ရှင်းရေးနဲ့ ကျန်းမာရေးကိုလည်းအထူးဂရုစိုက်ပါလို့  ပြောချင်ပါတယ်ဟု ၄င်းက ဖြည့်စွက်ပြောပြသည်။
ခန္ဓာကိုယ်ရဲ့ နျူထရိုဖီးလ်ဆဲလ်တွေကကျန်းမာတဲ့ဆဲလ်တွေကိုမှားယွင်းတိုက်ခိုက်တဲ့အခါ ပြင်းထန်စွာနာကျင်တဲ့ အဆစ်အမြက်ရောင်နာဝေဒနာကိုခံစားရပါတယ် ။ ဒီဝေဒနာကိုဖြစ်စေတဲ့ အကြောင်း ရင်းနောက် တစ်ခုကတော့ ထူးထူးခြားခြား သွားဖုံးကနေလာပါတယ် ။ ခြေဆစ် ၊ လက်ဆစ်တွေ ကိုရောင်ရမ်း နာကျင်စေတာ အသက်အန္တရာယ် နဲ့  ဝေးပေမယ့် နှလုံးတို့ အဆုပ်တို့ ကိုလည်း တိုက်ခိုက်လာနိုင်ပြီး အခန့် မသင့်ရင် အသက်သေဆုံးနိုင်ပါတယ် ။ ဒီဖြစ်စဉ်ကိုဟန့် တားပေးနိုင်မယ့်ဆေးမရှိသေးပါဘူး။ အဆစ်အမြက်ရောင်နာဖြစ်ရင် သူ့ အလိုအလျောက် သက်သာသွားတဲ့အထိစောင့်ရပါတယ်။ နာကျင်မှုကိုသက်သာအောင် အကိုက်အခဲပျောက်ဆေး ထိုးပေးတာလောက်ပဲတတ်နိုင်ပါတယ်ဟု နားလည်တတ်ကျွမ်းသူတစ်ဦးကပြောပြသည် ။
ရတနာပုံ သတင်းစာ
https://www.facebook.com/yadanabonnewspaper/
