ကမ္ဘာတစ်ဝန်း လူသုံးများလျက်ရှိသော Listerine ပလုတ်ကျင်းဆေးရည်သည် ဂနိုရီးယားဗက်တီးရီးယားကို သတ်ဖြတ်နိုင်ကြောင်း အမေရိကန်သိပ္ပံပညာရှင်များက ထောက်ခံလိုက်သော်လည်း ၄င်းဆေးရည်ဖြင့် အင်္ဂါ
ဇာတ်ကိုဆေးကြောခြင်းအား လုံးဝမပြုလုပ်ရန်လည်း သတိပေးထားကြောင်း သိရသည်။
Listerine ပလုတ်ကျင်းရည် ထုတ်လုပ်ရေးကုမ္ပဏီက လွန်ခဲ့သောနှစ်ပေါင်း ၁၄၀ ခန့် ကတည်းက ၄င်းတို့  ၏ ပလုတ်ကျင်းရည်သည် ဂနိုရီးယားဗက်တီးယားကို နိုင်နင်းကြောင်း ထုတ်ပြန်ကြေညာ ခဲ့သော် လည်း ဆေးသိပ္ပံလောက က စိတ်ဝင်စားမှုမရှိခဲ့ကြောင်း ၊ ယခုအချိန်ကျမှသာ လေ့လာဆန်းစစ်ကာ အတည်ပြုခဲ့ခြင်းဖြစ်ကြောင်း ၊ ပလုတ်ကျင်းရည်သည် ခံတွင်း၌ပေါက်ဖွားသောဗက်တီးရီးယားများကို ရှင်းလင်းသုတ်သင်နိုင်စွမ်းရှိသောကြောင့် အင်္ဂါဇာတ်တွင်ဖြစ်ပွားသော ဗက်တီးရီးယားများကိုလည်း သုတ်သင်နိုင်မည်ပင်ဖြစ်ကြောင်း ၊ အမေရိကန်တွင် ဂနိုရီးယားရောဂါဖြစ်ပွားမှု တိုးလာ လျက်ရှိပြီး ဆေး ယဉ်ပါးစူပါဗက်တီးရီးယားများကြောင့် ကူးစက်မှုအ၀၀ကို ကုသရန်ခက်ခဲနေချိန်တွင် Listerine ပလုတ် ကျင်းရည်သည် မျှော်လင့်ချက်အသစ်တစ်ခုဖြစ်လာနိုင်ကြောင်း သုတေသီများက ပြောသည် ။
ဂနိုရီးယားဗက်တီးရီးယားကို အမျိုးသား ၊အမျိုးသမီး နှစ်ရပ်လုံးက ကူးစက်ခံရနိုင်ကြောင်း ၊ သို့ သော် ပိုးကူးစက်ခံရ သူ အမျိုးသား ၁၀ ရာခိုင်နှုန်းနှင့် အမျိုးသမီး ၈၀ ရာခိုင်နှုန်းတို့ တွင် ပိုးကူးစက်ခံရသော လက္ခဏာ တစ်စုံတစ်ရာ မပြ ကြောင်း ၊ သို့ သော် ဂနိုရီးယားပိုးကြောင့် အမျိုးသားများတွင် ကပ္ပါယ်အိတ် ကင်ဆာဖြစ်ပွားနိုင်ခြေ ပိုမိုမြင့်မားလာနိုင် ပြီး အမျိုးသမီးများတွင် တင်ပဆုံရောင်ရမ်းသောဝေဒနာကို ခံစားရနိုင်မည်ဖြစ်ကြောင်း သိရသည် ။
ဂနိုရီးယားဗက်တီးရီးယားသည် လိင်ဆက်ဆံခြင်းမှတစ်ဆင့်ကူးစက်သော်လည်း လူနာ၏ခံတွင်း နှင့် လည်ချောင်း သို့ ပါ ကူးစက်နိုင်ကြောင်း ၊ ခံတွင်းနှင့်လည်ချောင်းတွင် ရောက်နေသော ဂနိုရီယားပိုးများကို Listerine ဆေးရည် ဖြင့် ပလုတ်ကျင်းခြင်းဖြင့် သက်သာပျောက်ကင်းနိုင်ခြင်း ရှိ ၊ မရှိ ဆက်လက် စမ်းသပ် ခဲ့ရာ ရရှိသောအဖြေများမှာ ကောင်းမွန်ခြင်း၊ Listerine Total Care နှင့် Cool Mint တို့ ကို အသုံးပြုခြင်းဖြင့် ခံတွင်း နှင့် လည်ချောင်းသို့  ရောက်ရှိ ကူးစက်နေသော ဂနိုရီးယားပိုးများကို သုတ်သင်ရှင်းလင်း နိုင်မည်ဖြစ်ကြောင်း သိရသည်။
သို့ သော် Listerine ကို လိင်အင်္ဂါဇာတ်ကိုဆေးကြောရန် လုံးဝအသုံးမပြုရန် ၊ အသုံးပြုပါက အသား အရေကို ဆိုးရွား စွာ ထိခိုက်ပျက်စီးစေနိုင်မည်ဖြစ်ပြီး ဗက်တီးရီးယားသေဆုံးမည် ၊ မသေဆုံးမည်ကိုလည်း အာမခံချက်တစ်စုံတစ်ရာ ပေးနိုင်မည်မဟုတ်ကြောင်း သိရသည် ။
ရတနာပုံ သတင်းစာ
https://www.facebook.com/yadanabonnewspaper
