လူတို့ အသုံးပြုကြသော ဆီအမျိုးမျိုး ရှိသည်။ ဆီသည် အသီးအနှံ တို့၏ အစေ့အဆန်မှ ကြိတ်၍ရသော အဆီနှင့် တိရစ္ဆာန်မှ ထွက်သော အဆီဟူ၍ နှစ်မျိုးရှိသည်။ ထိုဆီ နှစ်မျိုးလုံး စားသုံး၍ ရသည် မှန်သော်လည်း ကျန်းမာရေး ရှုထောင့်မှ ကြည့်လျှင် တိရစ္ဆာန်မှ ထွက်သောအဆီ များသည် စားသုံးရန် မသင့်သည်ကို တွေ့ရသည်။ အထူးသဖြင့် ဝက်ဆီ၊ အမဲဆီများ စားသုံးမှုကြောင့် နှလုံး သွေးကြောကျဉ်း ရောဂါနှင့် အဆီပိတ် ရောဂါများ ဖြစ်ကြရသည်။
အသီးအနှံများ၏ အစေ့၊ အဆန်မှ ကြိတ်၍ရသော ဆီများမှာ လူတို့ စားသုံးရန် သင့်လျော်သည်။ အနယ်နယ် အရပ်ရပ်တွင် အစား အများဆုံးသော ဆီမှာ မြေပဲဆီနှင့် နှမ်းဆီတို့ ဖြစ်သည်။ အခြား စားသုံးနိုင်သော ဆီအမျိုးအစား များစွာ ရှိသေးသည်။ ဆီများမှာ မုန်ညင်းဆီ၊ အုန်းဆီ၊ ဆူးပန်းစေ့ဆီ၊ ကြက်ဆူဆီ၊ မည်စည်ဆီ၊ ကလိန်ဆီ၊ ရှမ်းနှမ်းဆီ၊ ပဲပိစပ်ဆီ၊ ဟင်းရွက်ဆီ၊ နေကြာဆီ၊ အောင်မဲဖြူစေ့ဆီ၊ အောင်မဲညိုစေ့ဆီ၊ သင်းဝင်ဆီ၊ လွန်ဆီ၊ သံလွင်ဆီ၊ တမာဆီ၊ လက်ခုပ်ဆီ နှင့် လျော်ဆီ စသည်ဖြင့် ဆီမျိုးများစွာ တွေ့ရသည်။
ဆောင်းဥတုသည် ပြင်ပတွင် အေးသဖြင့် ချွေးမထွက်၊ ကိုယ်တွင်း တွင် အပူအောင်း အပူငုပ်သော ရာသီဖြစ်သည်။ အပူငုပ်သော သူသည် ဆီစားမှားလျှင် အပူအထက်ကန်၊ လည်ချောင်း ယားပြီး ချောင်းဆိုး ရောဂါ ရလာတတ်သည်။ ဝက်ဆီ၊ အမဲဆီ များသည် အေးလျှင် ခဲသော အဆီမျိုး ဖြစ်သဖြင့် ဆောင်းရာသီနှင့် မသင့်ပေ။ လည်ချောင်း ယားရာ မှ ချောင်းဆိုး ကြာသောအခါ၊ လေပြွန်ရောင်၊ အာသီးရောင် ရောဂါများ ဖြစ်လာ နိုင်သည်။
အအေးပတ်သော ရောဂါရှိသူ၊ ရေချိုးလျှင် အအေးပတ် လွယ်သောသူ၊ အဆုတ်အား မကောင်းသူ၊ အဆုတ်ရောင် ရောဂါ ဖြစ်ဖူးသူ များသည် ဆောင်းဥတုတွင် အသုံးများသော မြေပဲဆီနှင့် နှမ်းဆီ နှစ်မျိုးတွင် နှမ်းဆီကိုသာ ရွေးချယ် စားသုံးသင့်သည်။ အုန်းဆီနှင့် စားအုန်းဆီကို လုံးဝ ရှောင်ကြဉ် သင့်သည်။ နှမ်းဆီကို ရွေးချယ် ရကြောင်းမှာ နှမ်းဆီသည် ပူ၍ နွေးထွေးစေသော သတ္တိရှိသည်။ အခြားဆီများ ကဲ့သို့ ကိုယ်တွင်းတွင် ခဲမသွား နိုင်ပေ။
အစားမှားလျှင် အေးသော အစာကိုပင် နွေးသောအစာ ဖြစ်စေပြီး ကြေကျက် သွားစေနိုင်သော သတ္တိရှိသည်။ ဥပမာ- ကောက်ညှင်းပေါင်း သည် အစာကြေခဲသော အစာ၊ အေးစက် မာကြောသော အစာမျိုး ဖြစ်သည်။ သို့သော် နှမ်းဆီ ဆမ်းစားလျှင် အစာမကြေ ခြင်းမှ ကာကွယ် နိုင်သည်။
ကုန်းဘောင်ခေတ်၏ အစောဆုံး သိပ္ပံပညာရှင် ဟု ဆိုကြသော ယောမြို့စား အတွင်းဝန် ဦးဖိုးလှိုင် ၏ ဥတုဘောဇန သင်္ဂဟကျမ်း တွင် ဖော်ပြ ထားသည်မှာ နှမ်းဆီသည် ဆိမ့်၏။ စဉ်းငယ်ဖန်၏။ ခါး၏။ ကြေခဲ၏။ ဝမ်းမီးချက်၍ ကျက်လျှင် ဆိမ့်၏။ ပူ၏။ လိမ်းလျှင် အေး၏။ ကိုယ်ခိုင်ခံ့ စေတတ်၏။ အင်အား ကြီးစေတတ်၏။ အဆင်းကို လှစေတတ်၏။ အသံကို ကောင်းစေ တတ်၏။ သုတ်ကို ပွားစေတတ်၏။ ပိန်သောသူကို ဝစေတတ်၏။ ဝသောသူကို ပိန်စေတတ်၏။ လေသလိပ် ကိုနိုင်၏။ အကြောကို လျော့စေ တတ်၏။ ဝမ်းမီးကို တောက်စေ တတ်၏။ ဆီးများစွာ သွားသော အနာကို နိုင်၏။ နား အင်္ဂါဇာတ်၊ ဦးခေါင်း ကိုက်ခြင်းတို့ကို နိုင်၏။ ယားနာ၊ နူနာ၊ ပိုးနာတို့ကိုနိုင်၏ စသည်ဖြင့် ချီးမွမ်း ရေးသား ထားသည်ကို တွေ့ရှိရကြောင်း တင်ပြ လိုက်ရပေသည်။
ကြည်မြင့်လွင် (မုဒြာ)
#Yadanarpondaily
#ရတနာပုံနေ့စဉ်
http://myawady-myawady.blogspot.com/2014/12/blog-post_96.html
