အိန္ဒိယနိုင်ငံမှ အသက် ၅၄ နှစ်အရွယ် အမျိုးသမီးကြီး တစ်ဦးသည် သူမ၏ လယ်ယာ သုံး ပစ္စည်း ကိရိယာကို အသုံးပြု၍ ကျားသစ်တစ်ကောင်ကို သတ်ဖြတ် နိုင်ခဲ့ကြောင်း သိရသည်။
ကမ်လာဒီဗီ အမည်ရှိ အဆိုပါ အမျိုးသမီး ကြီးသည် အူတရာခမ်းမြို့ ရူဒရာပရာယက် ခရိုင်အတွင်းရှိ သူမ၏ ကျေးရွာသို့ အပြန်လမ်းတွင် ကျားသစ်တစ်ကောင်နှင့် တွေ့ကြုံ ရင်ဆိုင်ခဲ့ရခြင်း ဖြစ်သည်။ ကျားသစ်နှင့် တွေ့ကြုံ ရင်ဆိုင်နေရချိန်တွင် အနီးအနား၌ အကူအညီပေးမည့်သူ တစ်ဦးတစ်ယောက်မျှ မရှိခဲ့ခြင်းကြောင့် ကမ်လာဒီဗီသည် သူမနှင့်အတူ ပါလာသည့် ဂေါ်ပြားကို အသုံးပြု၍ ကျားသစ်ကို တစ်နာရီ နီးပါးကြာ တိုက်ခိုက်ခဲ့ခြင်း ဖြစ်ကြောင်း သိရသည်။
လက်ရှိအချိန်တွင် ကမ်လာဒီဗီသည် ဒေသတွင်းရှိ ဆေးရုံတွင် ဆေးကုသမှု ခံယူလျက် ရှိကြောင်း သိရသည်။
မြ၀တီ
https://www.facebook.com/mwdmedia
