အကင် စားသုံးခြင်း နှောက် ကွယ် မှ ကင်ဆာ ရောဂါ


အိမ်နီးချင်းနိုင်ငံများမှ ကုန်ကြမ်းများ၊ တောင်ကိုရီးယား နိုင်ငံမှ အေးခဲအသားများ၊ ရက်လွန်အသားများ အတိုင်းအဆမရှိ ဝင်လာခြင်းနှင့်အတူ လမ်းဘေးဆိုင်များ၌ သာမက ဆိုင်ကြီးများ၌ပါ ''အကင်'' ယဉ်ကျေးမှုတစ်ရပ် ဖွံ့ဖြိုးဝေဆာလာခဲ့သည်။ အမေရိကန် ကင်ဆာ သုတေသန အဖွဲ့မှ ထုတ်ပြန်ရာတွင် အသားကြော်များ၊ အသားကင်များ၊ ပလတ်စတစ်အိတ် ပတ်ထားသည့် အစာများ၊ ဆီကဲ့သို့သော အဆီအမျိုးမျိုး သုတ်လိမ်းပြီး မီး သို့မဟုတ် လျှပ်စစ်မီး ဖြင့်ဖုတ်ခြင်း၊ ကင်ခြင်း၊ ပြုတ်၍ စားခြင်းတို့ကြောင့် လူတို့၏ဒီအင်အေကို ဖျက်ဆီးနိုင်သော ဓာတုဓာတ်များ ပါဝင်မှုများလာခြင်းကြောင့် ကင်ဆာအလွယ် တကူဖြစ်စေရန် အခွင့် အလမ်းများ ဖြစ် ပေါ်လာတော့သည်။

အမည်မသိ အသားများကို ဆီသုတ်၍ မီးကင်စားခြင်းကြောင့် ထိုအကင်တွင် အထူးသဖြင့် ဟိုက်ဒရိုဆိုင်ကလင်းအာမီနို (HCA)နှင့် ပိုလီဝီတစ်ဟိုက် ဒရိုမက် တစ်ဟိုက် ဒရိုကာဗွန်ဓာတ် (PAH) များပါဝင်သောကြောင့် ကင်ဆာဖြစ်နိုင်ခြေ များကြောင်း ကြေညာခဲ့သည်။ HCA သည် မီးကင်ထားသည့် အစာတွင် မြင့်မားစွာ ပါဝင်သည်။ သား၊ ငါး၊ ပုစွန်၊ အမဲသားနှင့် အခြားအသားများကို မီးဖုတ်ခြင်း၊ ကြော်လှော်ခြင်း၊ မီးကင်ခြင်းပြုလုပ်သည့်အခါ အပူချိန် ၂ဝ၂ ဒီဂရီဖာရင်ဟိုက်ဖြင့် ကင်ဖုတ်ရာမှ ကင်ဆာ ဖြစ်စေနိုင်သည့် ဓာတ်ပစ္စည်းများ ထွက်လာသည်။ အကင်များကို မီးသွေးအနည်းငယ်ဖြင့် မကျက်တကျက်ကင်၊ မီးဖုတ်ရောင်းချကြသည်။ အချို့အသားတုကို ပတ်ထားသည့် ပလတ်စတစ်များကိုပင် မခွာတော့ဘဲ ကင်ကြသည်။

ဈေးနှုန်းချိုသဖြင့် ဝယ်စားသူက ဝယ်စားကြသည်။ ထိုအစားအစာများကြောင့် အသည်းကင်ဆာ ဖြစ်နှုန်းများပြီး အသက် ဆုံးရှုံးကြသည်။ မြန်မာနိုင်ငံ အနောက်ဘက်၊ မြောက်ဘက်နှင့် တောတောင်ထူထပ်သည့် အရပ်ဒေသ၊ ပင်လယ်ရေပြင်နှင့် နီးစပ်သည့် အရပ်များမှာ အသား၊ ငါး၊ ပုစွန်ကို မီးကင်စားတတ်သည်။ ထိုဒေသများမှာ အသည်းကင်ဆာ အဖြစ်များကြသည်။ အလွယ်တကူ စားသုံးတတ်သည့် အလေ့အထကြောင့် ကျန်းမာရေးသတိမရှိတတ်ကြပါ။

တရုတ်၊ ကိုရီးယား၊ ထိုင်းနိုင်ငံတို့မှာပင် အကင်စားသူများ များလာသည်။ အကင်ကြောင့် ကင်ဆာရောဂါနှင့် အခြားရောဂါ (သံထခြင်း)၊ အစာအဆိပ်သင့်ခြင်း ဖြစ်နိုင်သည်။ ကင်ဆာရောဂါ၏ တရားခံလက်သည်မှာ အကင်၊ အကြော်အလှော်များစွာ စားသုံးခြင်းကြောင့်ဖြစ်သည်။

မြန်မာတို့သည် အကြော်အလှော်၊ အကင်များ စားသုံးကြရာ လတ်ဆတ်သော ရိုးရိုးငါးသလောက်ကင်၊ ပုစွန်ကင်တို့သာ စားသုံးခဲ့၍ လေဖြတ်၊ သွေးတိုးနှင့် နှလုံး ရောဂါများ ဖြစ်ပေါ် ခံစားရခြင်းမရှိပါ။ ထိုစဉ်က နာမည်ဆန်းနှင့် အကင်ပစ္စည်းများ မရှိသလို ကိုရီးယား၊ တရုတ်၊ ယိုးဒယား၊ ဂျပန်ကင်များလည်း ဝင်မလာခဲ့ သေးပါ။ ကင်ဆာဆဲလ်များ ပြန့်ပွားမှုသည် ကျပ်တင်ခြောက်များ ပြုလုပ်စားသောက်ခြင်း၊ ဝက်၊ အမဲ၊ ဆိတ်၊ သိုးနှင့် ငါးမျိုးစုံတို့ကို သဘာဝနေအပူဖြင့် ခြောက်သွေ့အောင် မလှန်းဘဲ မီးပေး၍ကျပ်တိုက် (မီးပူခံ)စားခြင်းကြောင့် အနီရောင် အသားဖြစ်သော အမဲသား၊ ဝက်သား၊ ဆိတ်သားတို့မှ တစ်ဆင့် ဘေးဖြစ်စေသဖြင့် ကျန်းမာရေး အတွက် ဘေးထွက်ဆိုးကျိုးများ တတ်သည်။

အကြော်အလှော်၊ အကင်များတွင် ငါးကင်၊ ပုစွန်ကင်မှလွဲ၍ ကျန်းမာပျော်ရွှင်စွာ လူ့ဘဝကို သက်တမ်းကုန် အထိ ဖြတ်သန်းနိုင်စေခြင်း အလို့ငှာ အကင် စားသုံး ခြင်းကြောင့် ဖြစ်ပွားတတ်သော ''အကင်နှင့်ကင်ဆာ'' အကြောင်း သတိပြုနိုင်စေရန် ရှာဖွေတင်ပြ လိုက်ရပါသည်။

ဒေါက်တာလွင်သန့်(ဆေး-၂)
မြ၀တီ
https://www.facebook.com/mwdmedia

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ