အရင်ကထက်စာရင် သရုပ်ဆောင်ရတာပိုအဆင်ပြေလာပြီလို့ ဆိုတဲ့ ယုသန္တာတင်
အနုပညာပျိုးခင်းက တင်တဲ့ မင်းသမီးသုံးယောက်ထဲက တစ်ပွင့်သောပန်းလေးဖြစ်တဲ့ ယုသန္တာတင် နဲ့ တွေ့ဆုံခိုက် သူမရဲ့ အနုပညာလှုပ်ရှားမှုတွေအကြောင်း မေးကြည့်ဖြစ်တဲ့အခါမှာတော့ ‘အခုရိုက်နေတဲ့ ကားလေးက ဒါရိုက်တာ ကိုပေါက်၊ မင်းသားက ကိုမြင့်မြတ်ပါ။ ဒီကားပြီးရင် ဗီဒီယိုတွေပဲ ဆက်ရိုက်ဖို့ရှိပါတယ်။ ဒီအလုပ်နဲ့ပတ်သတ်ပြီး ယုဝါသနာပါတယ်။ လုပ်ရင်းလုပ်ရင်းနဲ့မှ ဒီအလုပ်ကို ပိုပြီးမြတ်နိုးလာတယ်။ ကြိုးစားချင်တယ် ။ ဆက်ပြီးလုပ်သွားချင်တဲ့အတွေးတွေ ၀င်လာတာပေါ့။ ယုဒီအလုပ်ကိုလုပ်တယ်။ နောက်ပိုင်းကျတော့ ပိုပြီးတန်ဖိုးထားလာတယ်။ ဒီအလုပ်ကို အကောင်းဆုံးဖြစ်အောင် ဆက်လုပ်သွားမယ်လို့လဲစဉ်းစားထားတယ်။ ယုကို လာငှားကြတဲ့ ကားလေးတွေထဲမှာ ခပ်သွက်သွက်ကလေးတွေလဲပါတယ်။ အေးတဲ့ ကာရိုက်တာလေးတွေလဲပါတယ်။ ကာရိုက်တာကတော့ သိပ်မစုံသေးဘူးပေါ့။ ယုနဲ့လိုက်တာက နဲနဲငြိမ်တာလေးတွေ၊ ခပ်သွက်သွက်ကလေးတွေ၊ ပြန်မပြောနားမထောင်တဲ့ ဂျစ်တစ်တစ် ပုံစံလေးတွေနဲ့လိုက်တယ်လို့မြင်တယ်။ လက်ခံဖို့ ဘယ်လိုဆုံးဖြတ်သလဲဆိုတာကတော့ ကိုယ့်အတွက်နေရာလဲရမယ်။ လုပ်ကွက်လဲရမယ်။ ကိုယ်လဲလုပ်နိုင်တဲ့ ကာရိုက်တာမျိုးလဲ ဖြစ်ရမယ်။ အရင်ကထက်စာရင် တစ်ကားနဲ့တစ်ကားရိုက်ရတာ အဆင်ပြေလာတယ်။ ရှေ့မှာလိုအပ်တဲ့ ဟာတွေကို သေချာကြည့်ပြီး နောက်ကားမှာ လိုက်ဖြည့်ဖြစ်တယ်။ အကုန်လုံးမပြည့်စုံသည့် တိုင်အောင် လိုက်ပြင်လိုက်တဲ့အခါကျတော့ အဆင်ပြေလာတယ်ပါတယ်’လို့ သူမက ပြောပါတယ်။
ကားရိုက်မှာ ဖက်ရှင်အပိုင်းနဲ့ပတ်သတ်ပြီးတော့လဲသူက ‘ကိုယ့်ဟာကိုယ်ပဲ စီစဉ်တယ်။ ဒီဇိုင်နာနဲ့ ချုပ်တာတွေလဲရှိတယ်။ ၀ယ်တာတွေလဲရှိတယ်။ ယုလဲလူငယ်တစ်ယောက်ဖြစ်တဲ့အတွက် အတိုတွေကြိုက်တယ်။ ဒါပေမဲ့ သူ့နေရာလေးနဲ့သူပေါ့နော်။ ပြီးတော့ ကိုယ်ဝတ်လိုက်တဲ့အတိုက မလိုက်မှာလဲစိုးတယ်။ အဲဒီတော့ သင့်တော်အောင်ဝတ်တတ်ရင်တော့ ပိုကောင်းတာပေါ့နော်။ ဖက်ရှင်ကတော့ အရမ်းကြီးဟော့မှ သူများဝတ်တိုင်းလိုက်ဝတ်မှ ဖက်ရှင်မဟုတ်ပါဘူး။ ကိုယ်နဲ့လိုက်ဖက်တာကို ရွေးဝတ်တတ်ရင်တော့ ဖက်ရှင်အကျဆုံးလို့ပဲထင်ပါတယ်။ အခုလတ်တလောတော့ တီရှပ်နဲ့ဘောင်းဘီတို၊ ဂါဝန်လေးတွေတော့ဝတ်ဖြစ်နေတယ်။ ယုက ကိုယ်ကိုယ်ကိုယ်အရောင်တောက်တောက်လေးတွေနဲ့လိုက်ဖက်တယ်လို့ထင်တယ်။အရမ်းကြီးကျပ်ကျပ်ထုပ်ထုပ်နဲ့ လူမြင်မကောင်းတာမျိုးဆို ယုကို စိတ်ကျဥ်းကျပ်စေပါတယ်’တဲ့။
အသားအရေထိန်းသိမ်းမှုအပိုင်းနဲ့ပတ်သတ်ပြီး ‘လိုးရှင်းမှန်မှန်လူးတယ်။ နေပူထဲသွားတဲ့အခါ SUN BLOCK ခံတယ်။ သုံးစွဲတာက SKII ၊ DECROL ၊MAC တို့သုံးဖြစ်ပါတယ်။’လို့ ဖွင့်ဟခဲ့ပါတယ်။
ခင်ဆွေသက်
Trend Myanmar
မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။
