အသတ်ခံရသူမှာ ကြည့်မြင်တိုင် ပိတောက်ပင်လမ်းတွင်နေထိုင်သူ သမ္ဗာန်မောင်းကိုသိန်းတန်(၃၄)နှစ် ဖြစ်သည်ဟု ရဲတပ်ဖွဲ့က အတည်ပြုထားသည်။
သေဆုံးသူသည် အောက်တိုဘာ ၁၃ ည ၉ နာရီအချိန်က အလတ်ချောင်ရပ်ကွက်မှ ကျပန်းလုပ်ကိုင်သူ သန်းလင်းထိုက်နှင့် စကားများခဲ့သည်ဟုလည်း သေဆုံးသူ၏မိခင်က ရဲအားပြောပြထားသည်။
ထို့ကြောင့် နံနက် ၃ နာရီခွဲအချိန် သားဖြစ်သူ ကိုသိန်းတန်မှာ နေအိမ်ရှေ့ခန်းတွင် အိမ်ပျော်နေစဉ် သန်းလင်းထိုက်(ခ) မြွေပွေးက နေအိမ်ပေါ်အထိတက်ပြီး ဓားဖြင့်ထိုး၍ ထွက်ပြေးသွားသည်ဟုလည်း သေဆုံးသူ မိခင်က ရဲထံတွင် စွပ်စွဲတိုင်တန်းထားသည်။
အဆိုပါ ဓားထိုးမှုကြောင့် သိန်းတန်တွင် လည်ပင်းဝဲဘက်ဝဲနားအောက်တွင် ထိုးသွင်းဒဏ်ရာတစ်ချက် ရရှိသဖြင့် ရန်ကုန်ဆေးရုံကြီးသို့ ပို့ဆောင်စဉ် နံနက် ၄ နာရီ ၁၅ မိနစ်တွင် သေဆုံးခဲ့သည်ဟုလည်း ရဲတပ်ဖွဲ့က ဆိုထားသည်။
ယင်းကြောင့် သန်းလင်းထိုက်(ခ)မြွေပွေးအပေါ် အရေးယူပေးရန် အသတ်ခံရသူ၏ မိခင်ဖြစ်သူ ဒေါ်စန်း (၅၆)နှစ်က စွပ်စွဲတိုင်တန်းလိုက်ခြင်းလည်းဖြစ်သည်ဟု ရဲတပ်ဖွဲ့က ဆိုသည်။
ယင်းအမှုကို ကြည့်မြင်တိုင် စက်ဆန်းနယ်မြေရဲစခန်းက (ပ)၃၆၃/၂၀၁၃ဖြင့် အမှုဖွင့်ပြီး စွပ်စွဲတိုင်တန်းခံရသူအား လိုက်လံဖမ်းဆီးနေပြီး ဖမ်းဆီးမိပါက ပုဒ်မ ၃၀၂ ဖြင့် အရေးယူရန် စစ်ဆေးသွားမည်ဟု တိုင်းရဲတပ်ဖွဲ့မှူးရုံးက ဆိုထားသည်။
ဇော်ဇော်ထွေး
Mizzima - News in Burmese
