၈.၉.၂၀၁၃ ရက်နေ့ ၀၈၀၀ အချိန် တိုက်ကြီးမြို့နယ်၊ ရန်ကုန်-ပြည်လမ်း၊ မိုင်တိုင်အမှတ်(၅၁/၂) အနီးတွင် ပြည်ဘက်မှရန်ကုန်ဘက်သို့ ယာဉ်မောင်း(စုံစမ်းဆဲ)မောင်းနှင်ပြီး တရားမ၀င်ကျွန်းသစ်ပရိဘောဂ တံခါးရွက်များတင်ဆောင်လာသော ၂ဃ/---- ခရောင်း၊ နက်ပြာရောင်ယာဉ်နှင့် ရန်ကုန်ဘက်မှ ပြည်ဘက်သို့ ယာဉ်မောင်းအောင်ကျော်ဦး (ဘ)ဦးဖိုးစောအောင်၊ မကွေးတိုင်းဒေသကြီးနေသူ မောင်းနှင်လာသည့် ၈င/---- လိုက်ထရပ်အဖြူရောင်ယာဉ်တို့ မျက်နှာချင်းဆိုင်တိုက်မိခဲ့ပြီး ၂ဃ/---- ယာဉ်မှ ၀ဲဘက်လမ်းဘေးတွင် ရပ်ထားသော ၄စ/---- ဆူဇူကီး ယာဉ်အားလည်းကောင်း၊ ၈င/----ယာဉ်မှ ယာဘက်လမ်းဘေးတွင် ရပ်ထားသော ည/---- TE ယာဉ်အားလည်းကောင်း အသီးသီး ဆက်လက်တိုက်မိခဲ့ကြသဖြင့် ယာဉ်များပျက်ဆီးခဲ့ကြပါသည်။
ယာဉ်တိုက်မှုကြောင့် ၈င/----ယာဉ်မောင်း အောင်ကျော်ဦးမှာ ဦးခေါင်း၊ လည်ပင်း၊ ၀ဲလက်ဖျံ၊ ၀ဲခြေသလုံး တို့တွင်ပေါက်ပြဲ၊ဖူးယောင်၊ကျိုးပဲ့ဒဏ်ရာများ ရရှိကာ အခင်းဖြစ်နေရာတွင် သေဆုံးသွားခဲ့ပြီး ၎င်း၏ ယာဉ်ပေါ်ပါသူများ ဖြစ်သည့် ဆရာတော်ဦးကာရုံသု၊ မစန်းစန်းမော်၊ မမြမြသွင်နှင့် မနွဲ့အေးတို့တွင် ဖူးယောင်၊ ပွန်းပဲ့၊ နာကျင်ဒဏ်ရာများရရှိကာ တိုက်ကြီးဆေးရုံတွင် အတွင်း/အပြင် လူနာများ(မစိုးရိမ်ရ)အဖြစ် ကုသခဲ့ရပါသည်။
အဆိုပါယာဉ်တိုက်မှုတွင်အခင်းဖြစ်နေရာ၌ ယာဉ်ကိုထားကာ တိမ်းရှောင်သွားသူ ၂ဃ/---- ယာဉ်မောင်း(စုံစမ်းဆဲ)နှင့် ၈င/---- ယာဉ်မောင်း အောင်ကျော်ဦး(သေဆုံး) တို့(၂)ဦးအား တိုက်ကြီးမြို့မ
ရဲစခန်းယာဉ်(ပ) ၃၈/၂၀၁၃၊ ပုဒ်မ ၃၀၄-က/၃၃၈/၃၃၇/၂၀၂ ဖြင့် အရေးယူဆောင်ရွက်လျက်ရှိပြီး ၂ဃ/----ယာဉ်ပေါ်ပါတရားမ၀င် ကျွန်းသစ်ပရိဘောဂ တံခါးရွက်များနှင့် ပတ်သက်၍ သစ်တောဥပဒေ
အရ ဆက်လက်အရေးယူနိုင်ရေး ဆောင်ရွက်လျက်ရှိကြောင်း သတင်းရရှိပါသည်။
Yangon Police
