၂၀-၉-၂၀၁၃ ရက်နေ့ ၀၆၀၀ အချိန် ကချင်ပြည်နယ်၊ မိုးညှင်းမြို့နယ်၊ တောင်အင်း ကျေးရွာအုပ်စု၊ ကွင်းအမှတ်(၂၅၄)ရှိလယ်တဲအား မိုးကြိုးပစ်ခဲ့ရာ လယ်စောင့်ရင်းအိပ်ပျော်နေသော မိုးညှင်းမြို့နယ်၊ နန်းမားကျေးရွာ၊ ရန်အောင်ရပ်ကွက်နေ သိန်းစိုး(၂၇)နှစ်တွင် ၀ဲဘက်လက်ပြင်/ ပါးစပ်ညိုမဲဒဏ်ရာနှင့် ဇနီးဖြစ်သူ မအေးအေးဖြိုး(၁၉)နှစ် တွင် ရင်ဘတ်/ပါးစပ်ညိုမဲဒဏ်ရာများရရှိ၍ သေဆုံးသွားခဲ့ပြီး လယ်တဲအနီးရှိ နွားထီး တစ်ကောင်လည်း မိုးကြိုးထိမှန် သေဆုံးခဲ့သည်။ စုံစမ်းချက်အရ မအေးအေးဖြိုးတွင် ကိုယ်ဝန်(၉)လခန့် ရှိကြောင်း သိရှိရပြီး သေဆုံးသူများ၏ အလောင်းအား မိုးညှင်းဆေးရုံသို့ ပို့ဆောင်ထားရှိကာ ဖြစ်စဉ်နှင့်ပတ်သက်၍ နမ္မားနယ်မြေရဲစခန်း၊ သေမှုသေခင်း အမှတ်စဉ်(၂/၂၀၁၃)ဖြင့် အမှုဖွင့်စစ်ဆေးလျက်ရှိကြောင်း သတင်းရရှိသည်။
ရဲဇာနည်
