အိန္ဒိယနိုင်ငံ မဟာရာသျှတြာပြည်နယ် တောတောင်ထဲတွင် နေထိုင်သည့် မာဒီရာဂွန်းမျိုးနွယ်စုများ အတွက်တော့ အဘိုးဆရာဝန် ဘာဘူကြီး ဒေါက်တာ ပရာကက်ရ်ှတို့ ဇနီးမောင်နှံသည် အမှောင်ခွင်းပေးခဲ့သည့် အလင်းပြသူများပင် ဖြစ်သည်။
လွန်ခဲ့သော သုံးဆယ့်ငါးနှစ်က ဖြစ်သည်။ ဒေါက်တာ ပရာကက်ရ်ှအမ်တီနှင့် ဇနီးသည် ဒေါက်တာ မန်ဒါကီနီအမ်တီတို့သည် အိန္ဒိယနိုင်ငံ၏ ဝေးလံ ခေါင်ဖျားမျိုးနွယ်စုဒေသ ဂတ်ချီရိုလီက တံခါးမရှိ၊ လျှပ်စစ်မီးမရှိ တဲကလေးမှာသွားနေဖို့ ဆုံးဖြတ်လိုက်ကြသည်။ ရည်ရွယ်ချက်က မျိုးနွယ်စုဒေသခံများကို အခမဲ့ ဖွံ့ဖြိုးရေးအတွက် အစေခံပေးရန်၊ ကျန်းမာရေး စောင့်ရှောက်ပေးရန် ဖြစ်သည်။ သူတို့လျှောက်ခဲ့ရသည့် လမ်းသည် ချောမွေ့ခဲ့သည် မဟုတ်သော်လည်း သူတို့ဘဝ တစ်လျှောက်လုံး အတွက် ဇောက်ချလုပ်မည်ဟု ယုံယုံကြည်ကြည် တက်လှမ်းခဲ့ခြင်း ဖြစ်သည်။
၁၉၇၃ ခုနှစ်တွင် လော့ဘီရာဒါရီ ပရာကတ်ပ်ဟု အမည်ပေးထားသည့် ဆေးကုသခန်းတစ်ခုကို တည်ထောင်ခဲ့သည်။ သူတို့ဇနီးမောင်နှံ အခြေချရာ ဟီမယ်ကာဆာ ဒေသ၏ လမ်းပန်းဆက်သွယ်ရေး ကလည်း ထိုစဉ်က အလွန့်အလွန် ကြမ်းတမ်းသည်။
ယခုဆိုလျှင် သူတို့တည်ထောင်ထားသည့် ရပ်ရွာ ကျန်းမာရေးဌာနကြီး သာမကဘဲ ဂေဟာလေးတစ်ခု ပြုလုပ်ပေးထားပြီး ဒဏ်ရာရ တိရစ္ဆာန်များကိုပါ ပြုစု ကျွေးမွေးပေးလျက်ရှိရာ အာသျှရန်ရှာလာဟု အမည်ပေးထားသည့် သားရိုင်းတိရစ္ဆာန် ဂေဟာလေးပင် ရှိလာပြီ ဖြစ်သည်။
ယင်းဒေသသည် အစိုးရက ဘေးမဲ့ပြုထားသော ကြိုးဝိုင်းဒေသ ဖြစ်သည်။ သားရိုင်းသတ္တဝါများ အန္တရာယ်ကြောင့် အခြေချ နေထိုင်ရန်ဝေးစွ သွားရောက် လည်ပတ်ဖို့ပင် ခက်ခဲလှပေသည်။
အစပိုင်းတွင် အဆိုပါဒေသကို ဝင်ရောက် အခြေချ ပြီး အကူအညီပေးရေး လုပ်ငန်းများ လုပ်ရသည်မှာ လွယ်လှသည်တော့ မဟုတ်ပေ။ ဒေသခံ မာဒီရာဂွန် မျိုးနွယ်စုများ၏ ဘာသာစကားကို လုံးလုံးနားမလည်ခဲ့ပေ။
သူတို့မျိုးနွယ်စုသည် ၎င်းတို့ ရှေးမဆွက သုံးခဲ့သည့် ရိုးရာနည်း မန်းမှုတ်ခြင်းများကိုသာ တွယ်ဖက်နေ ခဲ့ကြသဖြင့် ဆရာဝန်ဇနီးမောင်နှံ၏ ကျန်းမာရေး စောင့်ရှောက်မှုများကို လက်ခံလာအောင် အစပိုင်းက မဖျောင်းဖျနိုင်ခဲ့ပါ။
မည်သို့ပင် အခက်အခဲများ ကြုံခဲ့ရသည်ဖြစ်စေ ကုတ်ကတ်ပြီး ရအောင် စည်းရုံးခဲ့ကြသည်။ ဒေါက်တာ ပရာကက်ရ်ှဆိုလျှင် သူ့ပထမဆုံး ရင်သွေးသည် သားယောက်ျားလေး ဖြစ်ကြောင်းကို တစ်လလောက်ကြာမှ သိခဲ့ရသည်။ တောတွင်းတစ်နေရာနှင့် တစ်နေရာ ဆက်သွယ်ရေး အခြေအနေက ထိုမျှခက်ခဲသည်။
ဆယ်စုနှစ်သုံးခုလောက် မမောနိုင်မပန်းနိုင် အလုပ်ကြိုးစားပြခဲ့ပြီး ယခုဆိုလျှင် သူတို့လုပ်ကိုင်နေ သည့် တောနက်ထဲက ပရဟိတ လုပ်ငန်းများမှာ နောက် မျိုးဆက်ကိုပင် လက်ဆင့်ကမ်းနိုင် လောက်အောင် အဆင်သင့် ဖြစ်နေပေပြီ။
သူတို့မိသားစုလေးသည် လူမှုပရဟိတ လုပ်ငန်းများ လုပ်ဆောင်ရခြင်းကို အမြစ်တွယ်သလို ကူးစက်ခံ ထားရကြောင်း ဒေါက်တာပရာကက်ရ်ှက ပြောကြားသည်။ သူပြန်ကုသ မွေးမြူပေးထားသည့် တောရိုင်း သတ္တဝါများက သူနှင့် တော်တော်ယဉ်ကြသည်ကိုလည်း တွေ့ရသည်။ သူ့ Facebook စာမျက်နှာ Fan Page တွင် အကောင်ပလောင်ပေါင်းစုံ သူ့ကိုယ်ပေါ် တွယ်တက်နေသည့် ဓာတ်ပုံများကို မြင်နိုင်သည်။
၂၀၀၈ ခုနှစ်တွင် ဖိလစ်ပိုင်နိုင်ငံက ချီးမြှင့်သည့် မက်ဂ်ဆေးဆေး ရပ်ရွာဖွံ့ဖြိုးရေးဆုကို သူတို့ဇနီးမောင်နှံ ရရှိကြောင်း သတင်းရောက်လာစဉ်က စပါးအုံးမြွေကြီး တစ်ကောင်နှင့် သူအလုပ်များနေခဲ့သည်။
“ရှစ်ပေလောက်ရှည်တဲ့ စပါးအုံးကြီး ပိုက်တစ်ခုထဲမှာ မိနေတာကို တောတွင်းသား တိုင်းရင်းသားတွေက တွေ့လို့ ကျုပ်ဆီ ယူလာကြတယ်ဗျို့။ ပိုက်ထဲက ဖြည်ပေးပြီး ဒဏ်ရာတွေကို ဆေးကုပေးနေတာ” ဟု ဆရာဝန်ကြီးက ပြောဆိုသည်။
ရာမွန်မက်ဂ်ဆေးဆေး ဖောင်ဒေးရှင်းက ပေးအပ်သည့် ရပ်ရွာဖွံ့ဖြိုးရေး လုပ်ဆောင်မှုဆုကို သူတို့ဇနီး မောင်နှံ ဆယ်စုနှစ်ပေါင်းများစွာ အိန္ဒိယနိုင်ငံ မဟာရာသျှတြာပြည်နယ် တောထဲတောင်ထဲတွင် မြှုပ်နှံ ပြီး မျိုးနွယ်စုများအတွက် ဘဝအဆင့်အတန်း မြင့်လာရေး ကူညီလုပ်ဆောင်ပေးမှုအတွက် ချီးမြှင့်ခဲ့ခြင်း ဖြစ်သည်။
ယင်းဆုသည် အာရှနိုဘယ်လ်ဆုဟု လူသိများပြီး အများအကျိုး ရွပ်ရွပ်ချွံချွံ လုပ်ဆောင်သော နိုင်ငံရေး သမားများ၊ ပရဟိတသမားများ၊ တီထွင်ဖန်တီးသူများကို ပေးအပ်ခြင်း ဖြစ်ပေသည်။
တောမှီဆရာဝန်ကြီးသည် ဆေးသိပ္ပံပညာ အကယ်ဒမီက ပေးအပ်သည့် ထူးချွန်သော ဆေးပညာ သည် ဆုကိုလည်း ရရှိခဲ့ပေသည်။
မစ္စတာပရာကက်ရ်ှအမ်တီ၏ ပရဟိတသွေးသည် မျိုးရိုးလိုက်ခဲ့သည်ဟု ဆိုလျှင် ရနိုင်ပေသည်။ သူ့ဖခင်ကြီး ဘာဘာအမ်တီသည်လည်း မက်ဂ်ဆေးဆေး အများအကျိုး ဆောင်သူဆုကို ၁၉၈၅ ခုနှစ်က ရခဲ့ဖူးပြီး ယင်းဆုပေးသည့် သမိုင်းတစ်လျှောက်တွင် အဖေရော သားရော ရခဲ့သည့် မှတ်တမ်းလည်း ဝင်ခဲ့သည်။
သူပရဟိတ လောကထဲသို့ စတင်ဝင်ရောက်လာစဉ်က သူ့ဖခင်ကြီး ဒေါက်တာဘာဘာအမ်တီ၏ လမ်းညွှန်ချက်များများစွာ အထောက်အပံ့ ရရှိခဲ့သည်။ ၁၉၇၃ခုနှစ်မှာ ဆရာဝန်ဇနီးမောင်နှံ ၁၇ နှစ်ကြာ ရုန်းကန်ခဲ့ရသည့် ခရီးရှည်၏ အစအဖြစ် တောထဲတောင်ထဲ လူမနီးသူမနီးမီးမရှိ၊ ဇိမ်ခံပစ္စည်းမရှိ ကျန်းမာရေး စောင့်ရှောက်မှု စခန်းစဖွင့်ခဲ့စဉ်က ဖခင်ကြီးအိန္ဒိယ နာမည်ကျော် စေတနာ့ဝန်ထမ်းကြီး ဒေါက်တာဘာဘာအမ်တီထံမှ စိတ်ဝိညာဉ် ခွန်အားများစွာ ယူခဲ့ရပေသည်။
အိန္ဒိယတွင် ဆင်းရဲမွဲတေမှုနှင့် အနာရောဂါ၏ ဖိစီးထုထောင်းမှုကို ခံခဲ့ရကြသော နူနာရောဂါသည်များ ကို ဘဝကို နှစ်မြှုပ်ပြီး ကုသပေးခဲ့သည့် ဆရာဝန်ကြီး ဒေါက်တာဘာဘာအမ်တီ၏ ပရဟိတအမွေကို သားဖြစ်သူ ဒေါက်တာပရာကက်ရ်ှအမ်တီနှင့် ချွေးမတို့က တောထဲတောင်ထဲ ဖွံ့ဖြိုးရေး လုပ်ငန်းများဖြင့် လက်ဆင့်ကမ်း ရယူနိုင်ခဲ့ပေသည်။
ပရဟိတကို စိတ်ဝင်တစား လုပ်ကိုင်နေကြသူများစွာ ကျွန်ုပ်တို့ နေထိုင်ရာ လူ့ကမ္ဘာတွင် ရှိကြသည်။ သို့သော် မိမိဘဝကို နှစ်မြှုပ်၍ မိမိကူညီလိုသူ အသိုင်းအဝိုင်းနှင့် တစ်သားတည်း နေထိုင်ခဲ့ပြီး အချိန်နှစ်ပေါင်းများစွာ ရင်းနှီးပေးဆပ်ကြသူများမှာကား အလွန်နည်းလှပေသည်။ ယင်းသို့ မွန်မြတ်သည့် အလုပ်ကို လုပ်ဆောင်ပေးခဲ့သူများအနက် တစ်ယောက်ဟု ဆိုနိုင်သည့် ဆရာဝန်ကြီး ဒေါက်တာပရာကက်ရ်ှနှင့် မိသားစု အကြောင်းကို မျှဝေပေးရင်း ပရဟိတကို ဘဝပေး အစေခံနေကြသူများကို ဂုဏ်ပြုလိုက်ရပေသည်။
(သန့်ဇင်စိုး)
The Voice Weekly
