Studio 35 မှ ထုတ်လွှင့်ခဲ့သော ဇာတ်လမ်းများမှ အနုပညာရှင် အသစ် တစ်ဦးနှင့် မတူသော သရုပ်ဆောင်မှုများ ရှိပြီး မီဒီယာ စာမျက်နှာ များပေါ်တွင် ဖော်ပြမှု နည်းနေသေးသော သရုပ်ဆောင် ကျော်ကျော်၏ လက်ရှိ အနုပညာ လှုပ်ရှားမှုနှင့် အနုပညာ လောကသို့ ဝင်ရောက်ခဲ့ပုံများကို The Voice က မေးမြန်းထားခြင်း ဖြစ်သည်။
Voice : အခုလက်ရှိ အနုပညာ လှုပ်ရှားမှုက ဘာတွေ လုပ်ဖြစ်နေလဲ။
KK : လက်ရှိမှာ မြဝတီက ရိုက်မယ့် ဇာတ်လမ်းတွဲ တစ်ခုမှာ ရိုက်ဖို့ လုပ်နေပါတယ်။
Voice : အဲဒီဇာတ်လမ်းက ဘယ်လို ပုံစံလဲ။
KK : ဇာတ်လမ်းနာမည်က ရွှေအိုရောင် မုန့်ဟင်းခါးတဲ့။ အပိုင်း ကတော့ ၃၀ လောက် ရှိတယ်။ ဇာတ်လမ်းတွဲကတော့ အခြေခံ လူတန်းစား လူငယ်လေး တစ်ယောက်က မုန့်ဟင်းခါး ရောင်းပြီးတော့ ဘဝကို ကြီးပွား တိုးတက်အောင်လို့ သမားရိုးကျ၊ သမ္မာအာဇီဝ နည်းနဲ့ ကြိုးစား အားထုတ်တဲ့ ပုံစံ ရိုက်ရမှာပါ။
Voice : လက်ရှိရော ဇာတ်ကားတွေ ဘယ်နှကားလောက် ရိုက်ပြီးပြီလဲ။
KK : ဇာတ်ကားတွေကတော့ အများကြီး ရိုက်ပြီးပါပြီ။ ရုပ်ရှင်ကားကြီး သုံး၊ လေး ကား လောက် ရိုက်ပြီးပြီ။ ဗီဒီယို ဇာတ်ကားတွေ ကတော့ တော်တော်များများ ရိုက်ပြီးပါပြီ။ ခေါင်းဆောင် မင်းသား နေရာ မှာတော့ ၁၄၊ ၁၅ ကားလောက် ရိုက်ပြီးပြီ။ ဇာတ်လမ်းတွဲတွေလည်း ရိုက်ထားတယ်။
Voice : အနုပညာလောကကို ဘယ်လို ပုံစံနဲ့ ဝင်လာတာလဲ။
KK : အနုပညာလောကကို ၂၀၀၇ ခုနှစ် ၁ လပိုင်းမှာ မြဝတီက ဇာတ်လမ်းတွဲ ရိုက်ဖို့ သရုပ်ဆောင်သစ်တွေကို ကမ်းလှမ်းတော့ အဲဒီမှာ Studio 35 ဆိုတဲ့ ကုမ္ပဏီနဲ့ လက်တွဲပြီးတော့ ရိုက်ရင်းနဲ့ သရုပ်ဆောင် လောကကို စလုပ်ဖြစ်တာပါ။
Voice : အနုပညာ လောကကို ဖြတ်သန်းလာတဲ့ တစ်လျှောက်ကို ဘယ်လို အခက်အခဲ မျိုးတွေ အများဆုံး ကြုံခဲ့ရလဲ။
KK : ကြုံတွေ့ရတဲ့ အခက်အခဲကတော့ မျိုးစုံပါပဲ။ ကိုယ်ဖြစ်ချင်တဲ့ ပုံစံတွေ မဖြစ်တာမျိုး တွေ အများကြီးပါပဲ။ အဲလိုမျိုးတွေ ကြုံတိုင်း ဆက်မလုပ်ချင်တော့တဲ့ စိတ်တွေလည်း ခဏခဏ ဖြစ်ခဲ့တယ်။ အနုပညာ အလုပ်ကို လုံးဝ စိတ်အရင်းခံမှာ ဖြစ်နေတဲ့အတွက် ဆက်လုပ်သွားမယ်လို့ ဆုံးဖြတ်ပြီး လုပ်ဖြစ်တာပါ။ လမ်းပျောက်လည်း လမ်းဆက် လျှောက်မယ် ဆိုတဲ့စိတ်နဲ့ ဆက်လျှောက်လာတာပါ။
Voice : သရုပ်ဆောင်တဲ့ အချိန်မှာ ကိုယ့်ဘက်က အသစ် တစ်ယောက် ပုံစံနဲ့ မတူအောင် ဘယ်လို ပြင်ဆင်မှုတွေရှိခဲ့လဲ။
KK : ပွင့်ပွင့်လင်းလင်းပြောရရင် ပရိသတ်က စပြီး သိတာတော့ ဇာတ်ကားတွေ ထွက်လာတဲ့ အချိန်ပေါ့။ ဒါပေမဲ့ အဲဒီဇာတ်ကားတွေ မထွက်ခင်က ဇာတ်လမ်းတွဲကို ၁၀ ပိုင်း၊ ၁၅ ပိုင်းလောက်ကို လေး၊ ငါး ကားလောက် ရိုက်ထားတာ ဆိုတော့ အတွေ့အကြုံတွေ ရှိပါတယ်။ အဲအတွေ့အကြုံတွေကပဲ သရုပ်ဆောင်ကောင်း တစ်ယောက်ဖြစ်အောင် တွန်းအားပေးခဲ့တယ် ထင်ပါ တယ်။
Voice : ရှေ့ဆက်ပြီးတော့ကော အနုပညာ အလုပ်တွေကို ဘယ်လို ဆက်လုပ်သွားဖို့ ရှိလဲ။
KK : အစ်ကိုက သရုပ်ဆောင် တစ်ယောက် ဖြစ်တာကြောင့် သရုပ်ဆောင် အလုပ်ကိုပဲ ဇောက်ချ လုပ်သွားမှာပါ။ အရင်က လိုအပ်တာတွေ ရှိနေတယ်။ ပြီးတော့ သိပ်လေးလေးနက်နက် မရှိခဲ့တာတွေ ကို အခု အတွေ့အကြုံတွေနဲ့ လေးနက်တဲ့၊ တိကျတဲ့ သရုပ်ဆောင်မှုတွေနဲ့ ပရိသတ်ကို ချပြသွားမှာပါ။
Voice : အရင်က Studio 35 နဲ့ စာချုပ် ချုပ်ခဲ့တာလား။ အခုရော ဘယ်ကုမ္ပဏီတွေနဲ့ စာချုပ် ချုပ်ထားသေးလဲ။
KK : အရင်က Studio 35 နဲ့ ငါးနှစ် စာချုပ် ချုပ်ခဲ့ပါတယ်။ အခုတော့ စာချုပ် သက်တမ်း ပြည့်သွားပါပြီ။ အခု လောလောဆယ်တော့ ဘယ်ကုမ္ပဏီ နဲ့မှ စာချုပ် ချုပ်ထားခြင်း မရှိပါဘူး။
The Voice Weekly
