လူ့ခန္ဓာကိုယ်မှာ တွေ့ရှိရတဲ့ ကိုလက်စထရော (အဆီ) တွေက အရင်းအမြစ်နှစ်မျိုးကနေ ရရှိပါ တယ်။ တစ်မျိုးက ခန္ဓာကိုယ်က သဘာဝအတိုင်း ထုတ်လုပ်ပေးတာ ဖြစ်ပြီး၊ နောက်တစ်ခုကတော့ ကျွန်တော်တို့ စားသုံးလိုက်တဲ့ အစားအသောက်တွေကတဆင့် ရရှိ တာဖြစ်ပါတယ်။ ယင်း ကိုလက်စထ ရောတွေက အဆုတ်ကို ဖုံးအုပ်ထား တဲ့ အဆုတ်အမြှေးပါးပေါ် သိသာတဲ့ သက်ရောက်မှုတွေကို ဖြစ်လာစေပါ တယ်။ ယင်း အချက်နဲ့ ပတ်သက်ပြီး ဆွီဒင်ရှိ Lund University မှ သုတေသီတွေက သွေးတွင်း အဆီ ပမဏရဲ့ အဆုတ်လုပ်ငန်းဆောင်ရွက် မှုအပေါ် သက်ရောက်ပုံကို လေ့လာခဲ့ ကြပါတယ်။ အဆုတ်မှာ အောက်ဆီ ဂျင်နဲ့ ကာဗွန်ဒိုင်အောက်ဆိုဒ် လဲလှယ်မှုဖြစ်ပွားတဲ့ နေရာကို alveoli (လေအိတ်) လို့ခေါ်ပါ တယ်။
ယခုသုတေသနမှာ လေအိတ် (alveoli) လေးတွေကို ကာကွယ်ပေး ထားတဲ့ ပရိုတင်းအလွှာပါး အဆုတ် မြှေး (Surfactant) အကြောင်းကို အထူးပြု လေ့လာထားပါတယ်။ ယင်း ပရိုတင်းအလွှာပါးလေးက alveoli လေးတွေကို ကာကွယ်ပေးရုံသာမက ပဲ သွေးကြောထဲက ဓာတ်ငွေ့အမျိုးမျိုး လဲလှယ်မှုအပေါ်လည်း သက်ရောက် မှုရှိစေပါတယ်။ အဆုတ်အမြှေးပါး၊ (Surfactant) ဖြစ်ပေါ်လာရာမှာ ကိုလက်စထရောက သဘာဝပါဝင် ပစ္စည်းဖြစ်ပါတယ်။ ဒါပေမဲ့ လမစေ့ပဲ မွေးတဲ့ကလေးတွေမှာတော့ အဆုတ် အမြှေးပါးမှာ ကိုလက်စထရောက မပါသလောက်နီးပါးပါပဲ။ လမစေ့ပဲ မွေးတဲ့ကတွေမှာ alveoli (လေ အိတ်) လေးတွေကို ကာကွယ် ပေးထားဖို့ အဆုတ်အမြှေးပါး (surfactant) ဖြစ်ပေါ်လာဖို့ အချိန် မရပါဘူး။
ယင်းကလေးတွေကို ကုသရာ မှာ ၀က်ရဲ့အဆုတ်ကတဆင့် ထုတ် လုပ်ထားတဲ့ အဆုတ်အမြှေးပါး အထောက်အကူပြု ဆေးထိုးပေးတဲ့ အခါမှာလည်း အရေးပေါ်အခြေ အနေမှာ ရလဒ်တွေကောင်းခဲ့ပေမဲ့ ရေရှည်မှာတော့ အဆုတ်ကို အကြီး အကျယ် ပျက်စီးမှုတွေ ဖြစ်ပေါ်လာ စေပါတယ်။ ယခု သုတေသနမှာ သုတေသီတွေက နယူကလိယ သံလိုက်လှိုင်းနည်းပညာ (NMR technology) ကို အသုံးပြုပြီး အဆုတ်အမြှေးပါးပေါ် ကိုလက်စထ ရောရဲ့ သက်ရောက်ပုံကို စစ်ဆေးခဲ့ပါ တယ်။ ယင်းနည်းပညာ အသုံးပြုပြီး ရှာဖွေမှုအရ ကိုလက်စထရောပါတာ နဲ့ မပါတာအပေါ် မူတည်ပြီး မော်လီကျူးတည်ဆောက်ပုံ အသစ် တွေဖြစ်ပေါ်လာတာကို တွေ့ရပါ တယ်။ မော်လီကျူးတည်ဆောက်ပုံ တွေ မတူညီတာနဲ့အမျှ အဆုတ် အမြှေးပါးရဲ့ လုပ်ငန်းဆောင်ရွက်ပုံက လည်း လုံးဝကွဲပြားတာကို တွေ့ရပါ တယ်။
အထူးသဖြင့် ဓာတ်ငွေ့တွေ လဲလှယ်ရာမှာနဲ့ အဆုတ်လေအိတ် လေးတွေကို ကာကွယ်ပေးတဲ့အပိုင်း တွေမှာဖြစ်ပါတယ်။ ဒါကြောင့် သုတေသိတွေအနေနဲ့ ကိုလက်စထ ရောရဲ့ အဆုတ်လေအိတ်လေးတွေ အပေါ် သက်ရောက်ပုံကို တွေ့ရှိမှု အား အခြေခံပြီး ကုထုံးသစ်တွေ ထွက်ပေါ်လာနိုင်ဖို့ သုတေသနတွေ ဆက်လုပ်သွားသင့်တယ်လို့ အကြံပြု ထားပါတယ်။
အ၀င်း
Health Updates Journal
https://www.facebook.com/pg/HealthUpdatesJournal
