Exluton ကိုယ်ဝန်တား အသေးစား ဆေးပြား


၁။ ဆရာ မင်္ဂလာပါရှင့်။ အသက် ၂၃ နှစ်ပါရှင့်။ နို့တိုက်မိခင်ပါ။ ကလေးက ၁၁ လပြည့်ပါပြီရှင့်။ တားဆေးမထိုးပဲ သောက်ဆေးသောက်ချင်လို့ပါရှင့်ဆရာ။ အမျိုးသားက တခါတရံပဲ အိမ်နေရတာမို့ နို့တိုက်မိခင်သောက်ရမယ့် ဆေးနည်းအတွက် အကြံဉာဏ်တောင်းတာပါရှင့် ဆရာ။

၂။ ဆရာ ကျွန်မအမျိုးသား က့့ မှာ အလုပ်လုပ်နေတာ တနှစ်ကို ၃ ခေါက်လာလည်ပါတယ်။ OG က လာလည်ခါနီး တပတ်ကြို marvelon ဆေးကဒ်စသောက်၊ ပြန်သွားပြီး တပတ်ထိဆက်သောက်ပေး ပြောပါတယ်။ အဲဒါက save ဖြစ်ပါသလား ။ နောက်ပြီး အခု ကလေး ၄၅ ရက်သားလေးကို နို့တိုက်နေချိန်ဖြစ်လို့ ဆရာစာထဲမှာပါတဲ့အတိုင်း နို့ကို effect မဖြစ်စေရန် marvelon အစား exluton ပြောင်းသောက်ရင် ကောင်းပါသလား ဆရာ။

၃။ ဆရာ သမီးက ကလေးနို့တိုက်နေလို့ OG က exluton သောက်ခိုင်းတာ ဘယ်လိုစပြီးသောက်ရမှန်းမသိ၊ ဆေးကဒ်က ယိုးဒယားစာနဲ့ရေးထားတော့ မြားကလဲဘယ်ကစရမှန်းမသိလို့ ဓာတ်ပုံပို့ပြီး ဆရာ့ဆီအကူအညီတောင်းပါတယ်။

တတိယမေးခွန်းထဲက မျှားလို့ရေးတာ မှားလို့ မြားလို့ပြင်လိုက်ပါတယ်။ Excluton ကိုယ်ဝန်တားဆေးကို Minipill လို့လည်း ခေါ်တယ်။ မီနီဆိုတာသေးတာ။ ပုံမှန်တားဆေးတွေမှာ ဟော်မုန်း နှစ်မျိုးပါတယ်။ အခုဆေးထဲမှာ (ပရိုဂျက်စတင်) တမျိုးတည်းပါတယ်။ Lynoestrenol 0.5 mg ပါတယ်။ (အီစထိုဂျင်) မပါဘူး။ (ပရိုဂျက်စတင်) ပါတာကလဲ နည်းတယ်။ တားဆေးတွေမှာ ဟော်မုန်း အနည်း-အများအလိုက် (၃) မျိုးရှိတယ်။

Excluton ကိုယ်ဝန်တားဆေးကို ဘယ်လိုသောက်ရမလဲ
ရာသီစဆင်းတဲ့ရက်ကနေစပြီး တနေ့ ၁ ပြားသောက်ပါ။ တားဆေးတွေမှာ အရောင်တူရင် ဆေးတူတယ်။ ဘယ်ကစစ ရတယ်။ မမေ့အောင် ကိုယ်ပိုင်စနစ်လေးထားသင့်တယ်။ နေ့တိုင်း သောက်နေကျအချိန်မှာ အချိန်တူသောက်ပါ။ ဆေးကပ်တခုကုန်ရင် နောက်ကပ်သစ်တခု စသောက်ပါ။ တချို့မှာ (၃၅) ပြားပါတယ်။ ရာသီက ၂ လမှ တခါသာ လာမယ်။ ကိုယ်ဝန်ပျက်-ဖျက်သူတွေလဲ သွေးဆင်းတဲ့ ပဌမရက်နေ့မှာ ဆေးပြားစသောက်ပါ။

အကျိုးရှိတာတွေ = ကလေးနို့တိုက်နေချိန်လဲ သောက်နိုင်တယ်။ ဆေးဖြတ်တာနဲ့ ကလေးပြန်ရဘို့ လွယ်တယ်။ ရာသီနဲ့ဆက်စပ်နေမဲ့ Sickle cell disease ရောဂါနဲ့ အရေပြားနာကို ကုသရာမှာ သုံးနိုင်တယ်။ သွေးဆင်းနည်းလို့ သွေးအားနည်းတာ သက်သာမယ်။ ဆေးလိပ်သောက်သူ၊ အသက် ၃၅ နှစ်ကျော်သူတွေလဲ သောက်နိုင်တယ်။ နှလုံးရောဂါရှိသူတွေအတွက် စိတ်ချနိုင်တယ်။ သွေးခဲတာ နည်းတယ်။ PID တင်ပါးဆုံတွင်း အင်္ဂါတွေရောင်တဲ့ရောဂါကို အဖြစ်နည်းစေတာကတော့ ဟော်မုန်း ၂ မျိုးတွဲတားဆေးနဲ့ အတူတူဘဲ။

ဘေးထွက်-ဆိုးကျိုးတွေ = ဆေးစသောက်ကာစ အစောပိုင်းလတွေမှာ ရာသီမမှန်တာ ဖြစ်နိုင်တယ်။ တချို့ စွန်းရုံသာ လာတာလဲ ဖြစ်နိုင်တယ်။ တချို့တော့ များတယ်။ ရာသီမလာဘဲနေတာလဲ ဖြစ်နိုင်တယ်။ တလအထိ နောက်ကျသွားရင် ဆရာဝန်ပြပါ။ အသားဝါဖြစ်လာရင် ဆရာဝန်ပြပါ။ ဝက်ခြံထွက်မယ်၊ ပျို့ချင်မယ်၊ ခေါင်းကိုက်မယ်၊ ရင်သားတင်း-နာမယ်၊ ဒါတွေကလဲ စောစောပိုင်းလတွေမှာသာ ဖြစ်လေ့ရှိတယ်။ လူက ဝလာနိုင်တယ်။ ဟော်မုန်း ၂ မျိုးတွဲဆေးလောက် ကိုယ်အလေးချိန် မတက်ဘူး။ နောက်ပိုင်းမှာတော့ ဆက်မတိုးတော့ဘူး။ ဆီးချိုရှိနေသူတွေ သတိထားပေးရမယ်။ ဆီးချိုကိ်ု အထိန်းရခက်နိုင်တယ်။ ကိုယ်ရောင်တာ ဖြစ်စေနိုင်လို့ နှလုံးရောဂါ၊ ကျောက်ကပ်ရောဂါ၊ အတက်ရောဂါ၊ မိုင်ဂရင်းရောဂါ၊ သွေးတိုး၊ ပန်းနာရောဂါရှိသူတွေက သတိထားသောက်ရမယ်။ ဆေးသောက်ကာစ ပဌမတနှစ်မှာ ၃ လတကြိမ် ဆေးစစ်သင့်တယ်။ နောက်ပိုင်း ၆ လတခါစစ်သင့်တယ်။ လိင်စိတ်နည်း၊ စိတ်မူပြောင်း၊ စိတ်ဓါတ်ကျ၊ ၁ဝဝ မှာ ၁ ယောက်ကနေ ၁၃ ယောက်အထိ ပဌမ ၁ နှစ်အတွင်းမှာ ကိုယ်ဝန်ရတာ တွေ့ရတယ်။ ဟော်မုန်း ၂ မျိုးတွဲထက် ဒီလိုဖြစ်တာ ပိုများတယ်။ တကယ်လို့ ကိုယ်ဝန်ရလာရင် သိဘို့ခက်တတ်တယ်။ ကံမကောင်းရင် သားအိမ်ပြင်ပမှာ သန္ဓေတည်နိုင်တယ်။ Functional ovarian cysts မျိုးဥအိမ်အကျိတ်သေး ဖြစ်နိုင်တယ်။ မခွဲဘဲလဲ ပျောက်နိုင်တယ်။ STDs လိင်ကတဆင့် ကူးစက်ရောဂါတွေကို မကာကွယ်နိုင်ဘူး။

ဘယ်လောက်ထိရောက်သလဲ
ဟော်မုန်း ၂ မျိုးတွဲနဲ့ အတူတူထိရောက်တယ်။ အချိန်တူသောက်ဘို့၊ ရက်မပျက်ဘို့ ပိုလိုတယ်။ ကလေး နို့တိုက်နေသူတွေမှာ ၆ လအတွင်းသောက်ရင် ၁ဝဝ% ကိုယ်ဝန်မရဘူး။ ကလေး နို့မတိုက်နေသူတွေမှာ ၉၉့၅% ကိုယ်ဝန်မရဘူး။ ဆေး ၂ မျိုးတွဲ ၉၉့၇-၉၉့၉% မရစေဘူး။ ဆေးတရက်ပျက်လို့ ကိုယ်ဝန်ရလမ်းက ၂ မျိုးတွဲထက်ပိုမယ်။ ကလေးမွေးထားပြီး ကလေးကိုလဲ နို့အပြည့်အဝ တိုက်နေမယ် ရာသီလဲ ပြန်မပေါ်သေးရင် ၆ လအထိ၊ ကလေးမွေးထားပြီး ကလေးကိုနို့မတိုက်ရင် ၂၁ ရက်အထိ ကိုယ်ဝန်ရလမ်း အလွန်နည်းတယ်။

သတိထားစရာတွေ
ရာသီတလ သွေးစဆင်းတဲ့ရက်ကနေ စသောက်တာ အကောင်းဆုံးဖြစ်တယ်။ ဆေးသောက်အပြီး ၄-၂၂ နာရီအတွင်းမှာ သားအိမ်အဝအချွဲ စေးပျစ်တာက အများဆုံးအချိန် ဖြစ်လို့ မနက်ခင်း ဆေးသောက်ပြီး ညမှာအတူနေတာ အကောင်းဆုံး အစီအစဉ်ဖြစ်တယ်။ ရာသီစလာတဲ့ရက်မှာ စသောက်ပေမဲ့ ရာနှုန်းပြည့် သေခြာအောင် ဆေးစသောက်ပြီးနောက် ၄၈ နာရီအတွင်းအတူနေရင် (ကွန်ဒွမ်) သုံးပါ။ ဆေးသောက်ချိန်ထက် ၃ နာရီ နောက်ကျသွားရင် ၄၈ နာရီအတွင်း အတူမနေပါနဲ့။ နေဖြစ်ရင် အရေးပေါ်တားဆေးသောက်ပါ။ တရက်နောက်ကျသွားရင် နောက်ရက်မှာ ဆေး ၂ လုံးတခါတည်းသောက်ပါ။ ၄၈ နာရီ အတူမနေပါနဲ့။ ဒါမှမဟုတ် (ကွန်ဒွမ်) သုံးပါ။ ဆေးတကပ် ကုန်တာနဲ့ ရာသီ လာလာ-မလာလာ၊ နောက်ဆေးတကပ် ဆက်သောက်ပါ။ အတူမနေဖြစ်သေးလဲ ဆက်သောက်ပါ။ ၁-၇ ရက်အထိ ဆေးသောက်တာ နောက်ကျသွားရင် (ကွန်ဒွမ်) သုံးပါ။ ဆေးသောက်ပြီး ၂ နာရီအတွင်း အန်ရင် နောက် ၁ လုံး သောက်ပါ။ ဟော်မုန်း ၂ မျိးတွဲဆေးကနေ ဒီအမျိုးအစားကို ပြောင်းချင်ရင် (ဟော်မုန်းပါ) အရင်သောက်ရတဲ့ဆေးပြား သောက်နေတုံးမှာ ချက်ချင်းပြောင်းသောက်ပါ။

St. John's Wort တိုင်းရင်းဆေး၊ Rifampin တီဘီဆေး၊ Griseofulvin ပွေး-မှိုဆေး၊ Phenobarbitone, Phenytoin, Primidone, Carbamazepine, Dichloralphenazone အတက်သက်သာဆေး၊ HIV ဆေးတချို့နဲ့တွဲမသောက်သင့်ပါ။ ကလေးလိုချင်လို့ ဆေးရပ်ချင်ရင် ဆေးကပ်မကုန်သေးလဲ ရပ်လိုက်နိုင်တယ်။ ၂၄ နာရီအတွင်း ကိုယ်ဝန်ရနိုင်တယ်လို့ ထင်မှတ်ထားရမယ်။ ရက်လဲမှတ်လို့ လွယ်အောင် ရာသီမှန်စေပြီးမှ ကလေးယူသင့်တယ်။ ဆေးရပ်အပြီး ကြားထဲမှာ (ကွန်ဒွမ်) သုံးပါ။ ဆေးဖြတ်ပြီး ကိုယ်ဝန်ရချင်ရင် ဖေါလစ်အက်စစ်ဆေးကို တလကြို သောက်နိုင်ရင် ပိုကောင်းတယ်။ ဒီဆေးသောက်တဲ့သူ တနှစ်တာလေ့လာချက်အရ ၁ဝဝ မှာ ၁ ယောက် ကိုယ်ဝန်ရတာ တွေ့ရတယ်။ ဆေးသောက်ဖို့ ၁ ရက်ပျက်ရင် သတိရတာနဲ့ချက်ချင်းဆေး ၁ လုံးသောက်ပါ။ ဆေး ၂ လုံးတွဲဖြစ်သွားမယ်။

ဆေးအမည် အမျိုးမျိုးရှိတယ်။
Camila®
Errin®
Heather®
Jolivette®
Micronor®
Nor-Q.D.®
Norethindrone®

- Marvelon (မာဗယ်လွန်) တားဆေး http://doctortintswe.blogspot.com/2014/11/marvelon_24.html
- Exluton ကိုယ်ဝန်တား အသေးစားဆေးပြား http://doctortintswe.blogspot.com/2014/11/birth-control-minipill.html

Dr. တင့်ဆွေ
https://www.facebook.com/drtintswe/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ