ကျီးပေါင်းတက် ရောဂါဆိုသည်မှာ ယခုဆယ်စုနှစ်အတွင်းမှာမှ လူထုအတွင်း ခေတ်စားလာသော ရောဂါဖြစ်သည်။ ဇက်ကျီး ပေါင်း၊ ခါးကျီးပေါင်း၊ ဒူးကျီးပေါင်း၊ ဖနောင့်ကျီးပေါင်း စသည် ဖြင့် ကျီးပေါင်းရောဂါ အမည်များစွာ တွင်တွင်ကျယ်ကျယ် ပြောလာကြသည်။ ထိုသို့ လူပြောများလာသဖြင့် ရိုးရိုး ဇက်ကြောတက် သူများ ကပင် ဇက်ကျီးပေါင်းများလားဟု သံသယဝင်လာကြသည်။ အထိုင်များသော အလုပ်ကို လုပ်၍ မကြာခဏခါးနာတတ်သူ ကလည်း ခါးကျီးပေါင်းတက်နေပြီလားဟု သံသယ ဝင်လာကြသည်။ လူဝလာ၍ ဒူးနာသူ၊ လှေကားအဆင်းအတက်များ ၍ဖနောင့် နာသူများကလည်းဒူးကျီးပေါင်းလား၊ ဖနောင့် ကျီးပေါင်းတက်ပြီးအတက်ထွက်နေပြီလားဟု ဓာတ်မှန်ရိုက် ချင်လာကြသည်။
ကွန်ပျူတာအကြည့်များပြီး ဇက်ကြောတက်သူ အသက် ၂ဝ ကျော် မိန်းကလေးတစ်ဦးသည် ကျီးပေါင်းပျောက်ဆေး တစ်မျိုးကိုဝယ်ပြီး (မိမိသဘောဖြင့်) စားနေသည်ကို တွေ့ရ သည်။ သေချာစစ်ဆေးကုသသောအခါမှ မျက်စိသူငယ်အိမ် စောင်းပြီး မျက်မှန်တပ်ရန် လိုအပ်နေသည်ကို သိရသည်။ မျက်စိဆရာဝန် ညွှန်ကြားချက်အတိုင်းလိုက်နာဆောင်ရွက် သောအခါ ကွန်ပျူတာ ပြန်သုံးနိုင်သည်ကို တွေ့ရသည်။ အသက် ၂ဝ အရွယ်ဖြင့် ကျီးပေါင်းတက်ရောဂါ မဖြစ်နိုင် ပါ။
လူငယ်များ ဇက်ကြောတက်ခြင်း၊ ငယ်ငယ်ရွယ်ရွယ်နှင့် မျက်စိမှုန်ရခြင်းမှာ လက်ကိုင်ဖုန်းဖြင့်(fb) ဖေ့စ်ဘုတ်ခ် အကြည့်များခြင်းကြောင့် အဓိကဖြစ်သည်။ ဖုန်းမျက်နှာပြင် သေးလျှင် အာရုံစိုက်ကြည့်ရခြင်း၊ ဖုန်းမျက်နှာပြင်(Screen) အလင်းရောင် လျော့မထားဘဲ အတောက်များသည့်၊ အလင်း များသည့် အနေအထားဖြင့် ကြည့်ရှုခြင်း၊ ဖုန်းကြည့်ရှုသည့် အချိန် များခြင်းတို့ကြောင့် မျက်စိထိခိုက်ရသည်။ မျက်စိကို ထောက်ပံ့ရသည့် အာရုံကြောအဖွဲ့အစည်းသည် ဦးနှောက် အတွင်းမှထွက်သဖြင့် ဦးနှောက်ကိုပါ ထိခိုက်ရသည်။ ခေါင်းငုံ့ ကြည့်ရှုရသည့်အတွက်ဇက်မှ အရိုးအဆစ်နှင့် အာရုံကြောများ ပါ အညောင်းမိပြီး ကြာတော့ဒဏ်ဖြစ်လာသည်။
ဝမ်းချုပ်ခြင်းကြောင့် အကြောတက်
တစ်ခါတစ်ရံ လူငယ်အများစုသည် ခေါက်ဆွဲခြောက်၊ ကော်ဖီမစ်၊ အချိုရည်ဘူး စသောရယ်ဒီမိတ် အစာ (လွယ်ကူ စာ)များစားပြီး အသီးအနှံ သဘာဝအစားအစာနည်းသော ကြောင့် ဝမ်းချုပ်ကြသည်။ ဝမ်းချုပ်ခြင်းသည် အထိုင်များခြင်း လမ်းလျှောက် နည်းခြင်းကြောင့်လည်း ဖြစ်နိုင်သည်။ ဝမ်းချုပ် သူသည် နောက်ကြောတက်ရောဂါ ဖြစ်လာတတ်သည်။
ဝမ်းချုပ်သူအတွက် တိုင်းရင်းဆေးပညာရှုထောင့်မှ ကြည့်လျှင် အောက်သို့ တွန်းသောလေ (အဇောဂမဝါယော) အားနည်းသူ ဖြစ်သည်။ ထိုအခါ ဆန့်ကျင်ဘက် (ဥဓင်္ဂမ ဝါယော) အထက်သို့ ဆန်သောလေအား ကြီးလာသည်။ထိုအခါ ဇက် ကြောထိုးခြင်း၊ ခေါင်းကိုက်ခြင်း၊ ဦးခေါင်းမကြည် ခြင်း၊ မျက်စိအမြင် ဝေဝါးခြင်းများ ဖြစ်လာတော့သည်။
ဤသို့ ဖြစ်ခြင်းကိုအချို့က ဇက်ကျီးပေါင်းတက်ခြင်းနှင့် အမြင်မှားကြသည်။ ကျီးပေါင်းရှိမရှိဓာတ် မှန်ရိုက်စစ်ဆေးချင် ကြသည်။ အချို့က မိမိဘာသာကျီးပေါင်းပျောက်ဆေးဝယ် စားကြသည်။ အမှန်တကယ် ကျီးပေါင်းရောဂါ မဟုတ်ဘဲတလွဲ ကုထုံးဖြင့် ကုသနေသူသည် ရောဂါမပျောက်နိုင်ပေ။
ဝမ်းအလွန်ချုပ်သူသည် ကြာလျှင် စအြို<ွကက်သားများ ညှစ်အားသုံးရဖန်များသဖြင့်၊ အတွင်းလိပ်ခေါင်း၊ ထို့နောက် အပြင်လိပ်ခေါင်း ဖြစ်လာနိုင်သည်။ လိပ်ခေါင်းရောဂါရှိသူများ သည် အလွန် နောက်ကြော တက်ကြသည်။ အချို့ နောက်ကြော၊ ပခုံြး<ွကက်သားများကို အနှိပ်ခံရုံသာမက သနပ်ခါးတုံး၊ သစ်သားချောင်းများဖြင့် ထုရိုက်နေသူများ တွေ့ဖူးသည်။ အချို့မှာ ဒေသအလိုက် ရိုးရာကုထုံးစားခြစ်သည် (ရှားခြစ် သည်) ဟုဆိုကာ ပရုတ်ဆီဘူးအဖုံးဖြင့် အရေပြားပွန်း အောင်ခြစ်ပြီး အကိုက်အခဲသက်သာအောင် ပြုလုပ်နေကြ သည်။
အချို့မှာ ပိုက်ဆံအြေ<ွကစေ့ပြားဖြင့် အနီအရဲအဆင်း ထင်အောင် ခြစ်ကြသည်ကို တွေ့ဖူးသည်။ ထိုသို့ အကြော တက်သူများသည် များသောအားဖြင့် ဝမ်းချုပ်တတ်သူ၊ လိပ်ခေါင်းရောဂါရှိ သူများဖြစ်သည်။ ထိုသူများသည် တစ်ခါ တစ်ရံ ကျီးပေါင်းတက်ရောဂါနှင့် မှားတတ်သည်။
ဇက်ကျီးပေါင်းတက်ရောဂါ
ဇက် (လည်ပင်း)တွင် တစ်ခုပေါ် တစ်ခုထပ်လျက် အရိုး အဆစ်ကြီး ခုနစ်ဆစ်ရှိသည်။ အဆစ်နှစ်ခုကြားတိုင်းမှ ဘယ် ညာတစ်ဖက်စီသို့ အာရုံကြောများထွက်သည်။ ထို အာရုံ ကြောများမှ အလုပ်လုပ်ပေးသဖြင့် ဇက်လှည့်ခြင်း၊ ခေါင်းမော့ ခြင်း၊ ခေါင်းငုံ့ခြင်း၊ လက်နှစ်ဖက် လှုပ်ရှားမှုစသည်များကို ထိန်းချုပ်ပေးသည်။ အနုစိတ်လက်ချောင်းကလေး တစ်ချောင်း ၏ ထိပ်တွင် ကျဉ်နေသည်ကအစ ကျီးပေါင်းတက်ရောဂါနှင့် ဆိုင်သည်။
အချို့သူများသည် ဇက်ကြောတက်ခြင်း၊ ဇက်ညောင်း ခြင်းမဖြစ်ကြသော်လည်း ညအိပ်ရာဝင် ခေါင်းအုံးပေါ် ဇက်တင် ပြီးဖိလိုက်သည်နှင့် တစ်နာရီခန့် ကြာသောအခါ လက်တစ်ဖက် ဖြစ်စေ၊ နှစ်ဖက် လုံး ဖြစ်စေကျဉ်ပြီးနိုးလာတတ်သည်။ ဤ သည်မှာဇက်ကျီးပေါင်းနှင့် အာရုံကြောပိမိသည့် လက္ခဏာပင် ဖြစ်သည်။
အနောက်တိုင်း ခန္ဓာဗေဒ (Anatomy)အရဇက်တွင် အရိုးအဆစ် ခုနစ်ဆစ်ရှိသဖြင့် ကျီးပေါင်းတက်လျှင် အကြော ညပ်နိုင်သည့်နေရာ ခုနစ်နေရာရှိသည်ကို တွေ့ရသည်။
အကြောအဆစ် ပညာရှင်များ၏ သုတေသနအရ-
လည်ပင်းရိုးဆစ် Cervicalကိုအတိုအားဖြင့် (c) ဟု မှတ်သားပါ။ ဦးခေါင်းမှ စထွက်သောအဆစ် ကို ဃ၁ ဟု စမှတ်ပြီး တစ်ခုပြီးတစ်ခုk C2, C3, C4, C5, C6, C7ဟု မှတ်သွားရန်ဖြစ်သည်။
အကယ်၍ လည်ပင်းရိုးဆစ် နှစ်ခုကြားတွင် ကျီးပေါင်း တက်ပြီး အရွတ်နုကို ပွန်းစားသဖြင့် အာရုံကြောကို ပိမိလျှင် ခံစားရမည့် နောက်ဆက်တွဲလက္ခဏာများမှာ-
အာရုံကြောညပ်ခြင်းတွင် ရောဂါ၏ အတိမ်အနက်ပေါ် မူတည်၍ ကျဉ်ခြင်း၊ ထုံခြင်း၊ နာခြင်း၊ အောင့်ခြင်း၊ ကိုက်ခဲခြင်းတို့ ဖြစ်ပေါ် ခံစားရပေသည်။
C1-C2 ကြားတွင် အာရုံကြောညပ်လျှင် နောက်စေ့အထက် ဦးခေါင်းတစ်ခုလုံး ဘယ်ညာ၊ ဘယ်ညာနားရွက် အောက်မှ မေးရိုးတစ်လျှောက်၊
C2-C3 ကြားတွင် အာရုံကြောညပ်လျှင် နောက်စေ့အောက် ကုပ်ဆက်အထက် လည်ဇလုတ်အထိ၊
C3-C4 ကြားတွင် အာရုံကြောညပ်လျှင် လည်ဂုပ်အထက် နားမှ ဘယ်ညာညှပ်ရိုးအထက် ဧရိယာအထိ၊
C4-C5 ကြားတွင် အာရုံကြောညပ်လျှင် လည်ကုပ်ဆက်မှ ဘယ်ညာပခုံးကြောဧရိယာအထိ၊
C5-C6 ကြားတွင် အာရုံကြောညပ်လျှင် လည်ကုပ်ဆက် အောက်မှ ဘယ်ညာညှပ်ရိုးအောက်၊
C6-C7 ကြားတွင် အာရုံကြောညပ်လျှင် ဘယ်ညာလက်ပြင် အထက်နားမှလက်မောင်း၊ လက်ဖျံရှေ့နောက် အပြင် ဘေးတစ်လျှောက်မှ လက်ညှိုး၊ လက်ခလယ် သို့၊ C7-T1 ကြားတွင် အာရုံကြောညပ်လျှင် ဘယ်ညာလက်ပြင် အလယ်မှ လက်မောင်း၊ လက်ဖျံရှေ့နောက်၊ အတွင်း ဘေးတစ်လျှောက်မှ လက်သန်း၊ လက်သြူ<ွကယ် အထိ။
အထက်ပါအတိုင်း အာရုံကြောများ ဖိညပ်ခံရမှု အပေါ်မူတည်၍ ဝေဒနာအမျိုးမျိုး ကွဲပြားစွာဖြစ် ပေါ်တတ်လေသည်။
နှလုံးရောဂါ ဆရာဝန်က နှလုံးနှင့်ပတ်သက်၍ စစ်ဆေးကြည့်ပြီး ပြစ်ချက်မတွေ့သောအခါတွင် ဇက်ကျီးပေါင်း ရှိမရှိ၊ (c.spine) ခေါ် လည်ပင်းရိုးဆစ် ဓာတ်မှန်ရိုက် စစ်လေ့ ရှိသည်။ ထိုအခါမှလည်ပင်း (ဇက်) ကျီးပေါင်းရောဂါရှိနေမှန်း သိကြလေသည်။
သတိပြုရန်မှာမူးတိုင်း နှလုံးရောဂါ မဟုတ်၊ ဇက်ကျီး ပေါင်းရောဂါကြောင့် ဖြစ်နိုင်သည်ကိုသတိ ပြုကြရန် ဖြစ်သည်။
ဇက်ကျီးပေါင်းရောဂါ မဖြစ်စေရန်
၁။ ခေါင်းငုံ့ပြီး၊ မော့ပြီး ကြာရှည်လုပ်ရသော အလုပ် များကို ရှောင်ကြဉ်ရန်။
အကယ်၍ မလွှဲမရှောင်သာ၍ လုပ်ရပါကလည်း တစ်နာရီ ကြာလျှင် ၁ဝ မိနစ်ခန့် အနားယူပေးရန် လိုအပ်ပါသည်။
၂။ ကုလားထိုင်၊ တန်းလျားများပေါ်တွင် ဇက်တင်ပြီး ဖြစ်စေ၊ ခွေခေါက်ပြီးဖြစ်စေ အိပ်ပျော်ခြင်းကို ရှောင်ကြဉ်ပါ။
၃။ ခေါင်းပေါ်တွင် အလေးအပင်ရွက်ခြင်း၊ အထူးသဖြင့် ၁ဝ ပိဿာထက် ပိုသောအလေးအပင်ကို ရွက် ခြင်းမှ ရှောင်ကြဉ်ပါ။
၎။ ပန်ကာအသုံးပြုပြီး ထိုင်အလုပ်လုပ်နေသူများ သည် မိမိခေါင်းပေါ် တည့်တည့်မှာ ပန်ကာဖွင့်ခြင်း မပြုသင့်ပါ။
၅။ ဇက်ကြောတက်ခြင်းကြောင့် အနှိပ်ခံခြင်း ခေါင်း လျှော်ချိန်တွင် ရေလောင်းပြီးဇက်ကြောနှိပ်ခြင်း များ မပြုလုပ်သင့်ပါ။
Cervical Spondylosisဟု အနောက်တိုင်း ဆေးပညာ အရခေါ်သော ''ဇက်ကျီးပေါင်းတက် ရောဂါ''၏
ခံစားချက်မှာ
၁။ ဇက်ကြောတင်းခြင်း၊ တက်ခြင်း။
၂။ လည်ပင်းရိုးဆစ် တောင့်တင်းပြီး အနေခက်ခြင်း။
၃။ ခေါင်းငုံ့ အာရုံစိုက်ရသည့် အလုပ်ကို ကြာရှည် မလုပ်နိုင်ခြင်း။
၎။ လက်မောင်းနှင့် ပခုံးဆစ်တွင်ပါ ကိုက်ခဲခြင်း။ လက် မောင်းကပ်ခြင်း။
၅။ ခေါင်းဘယ်ညာလှည့်လျှင် ခေါင်းငုံ့လျှင်၊ ခေါင်းမော့ လျှင် ချာချာလည်မူးခြင်း။
၆။ ညအိပ်လျှင် ခေါင်းအုံးပေါ် ခေါင်းချပြီးနောက် တစ် နာရီခန့်အကြာ၌ လက်များတွင် ထုံကျဉ်ပြီး လန့် နိုးခြင်း။
နှလုံးရောဂါနှင့် မှားတတ်
အထက်ဖော်ပြပါ ခံစားချက်များတွင် ကျီးပေါင်းမှ ထွက် သောအတက်သည် လည်ပင်းဘေးတစ်ဖက် တစ်ချက်ရှိ ဦးနှောက်သို့ သွေးပို့သည့် သွေးကြောမကြီးများကို သွားဖိမိ လျှင်၊ (အထူးသဖြင့် ခေါင်းအလှည့်၊ အငုံ့၊ အမော့တွင် ဖိမိလျှင်) ဦးနှောက်သို့ သွေးမရောက်တော့သဖြင့် ချာချာလည် မူးသွား တတ်သည်။
ထိုသို့ မူးသည်ကိုရင်တွင်းမှ ပျို့အန်ချင်သလိုခံစားချက်ပါ တွဲဖြစ်သဖြင့် နှလုံးမကောင်းဟုယူဆပြီး နှလုံးရောဂါ ဆရာဝန် ကိုသွားရောက် ပြသသူများရှိသည်။
ဇက်ကျီးပေါင်းတက်ရောဂါဖြစ်လျှင် အကြောအဆစ် ပညာရှင် ဆရာဝန်များ ညွှန်ကြားသည့် ဦးခေါင်းလေ့ကျင့်ခန်း (ဘယ်လှည့်၊ ညာလှည့်၊ ငုံ့၊ မော့)ကို နေ့စဉ် မှန်မှန်ပြုလုပ်ပါ။ လိုအပ်လျှင် ဆေးခန်းများတွင်Attraction ခေါ် ဇက်ဆွဲကုသ ခြင်းကို ခံယူပါ။ ထိုသို့ ကုသခြင်းကို ရက်ရှည်ပြုလုပ်ရလျှင် လည်းစိတ်ရှည်ရှည် လုပ်ဆောင်ပါ။
ဇက်ကျီးပေါင်းရောဂါ သက်သာစေနိုင်သော
ဆေးနည်းတိုများ
၁။ မုန်ညင်းဆီငါးကျပ်$သားတွင် ကွမ်းရွက် သုံးရွက်ထည့် ပြီး ဆူအောင် ကျိုချက်ပါ။ ထိုဆီကို ခပ်နွေးနွေး ဇက်တွင် စိမ့်ဝင်အောင်လိမ်းပါ။
၂။ ကွမ်းရွက်ကိုမီးကင်ပြီး မုန်ညင်းဆီသုတ်၍ ဇက်တွင် ကပ်ပေးလျှင် ဇက်ကြောတက် သက်သာစေနိုင် သည်။
၃။ သင်္ဘောရွက်ကိုပျော့အောင် ခေတ္တ ရေနွေးစိမ်ပါ။ ပျော့လျှင် ဇက်နှင့် လက်ပြင်များတွင် ကပ်ပေးပါ။ ကျီးပေါင်းတက်၍ ဇက်လှည့်မရခြင်းကိုသက်သာစေနိုင်သည်။
၎။ ချင်းတက်ကို ပါးပါးလှီးပြီး နားထင်နှစ်ဖက်နှင့် ဇက်ရင်းတွင် ကပ်ပါ။ ကျီးပေါင်းကြောင့် မူးခြင်းကို သက်သာစေနိုင်သည်။
၅။ ရဲယိုရွက်ကိုမီးကင် နှမ်းဆီသုတ်ပြီးဇက်တွင် ကပ် လျှင် ကျီးပေါင်းကြောင့် ကိုက်ခဲခြင်းသက်သာစေ သည်။
၆။ မိဿလင်အမှုန့်ကို ပိတ်စဖြင့် လက်သီးဆုပ် အရွယ်ခန့်ထုပ်ပြီး ကြပ်ထုပ်ပြုလုပ်ပါ။ ရေနွေး ငွေ့ခံပြီး ကြပ်ထုပ်ထိုးပေးလျှင် ကျီးပေါင်းတက် ရောဂါ သက်သာစေနိုင်သည်။
၇။ နနွင်းမှုန့်ကိုမီးကျီးခဲပေါ်တွင် ဖြူးပြီးအငွေ့ကို ရှူ ပေးပါက ကျီးပေါင်းကြောင့် ဇက်ကြောထိုးခြင်း၊ ခေါင်းအုံခြင်း၊ မျက်ရိုးကိုက်ခြင်းများ သက်သာ စေနိုင်သည်။
၈။ မျက်နှာသစ်သည့် အခါတိုင်းရေကိုလက်ခုပ်ဖြင့် ယူပြီးဇက်ပိုးတွင် ရိုက်ပေးလျှင် ဇက်ကြောတင်း ခြင်းသက်သာစေနိုင်သည်။
ကြည်လွင်မြင့် (မုဒြာ)
Myanmaalinn
https://www.facebook.com/pg/MYANMAALINNNEWS
