အရွယ်သုံးပါးအတွက် အိုင်အိုဒင်းဆား


ဆားကိုဓာတုဗေဒနည်းဖြင့် ခွဲခြမ်း စိတ်ဖြာကြည့်ပါက ကလိုရိုက်အိုင်းယွန်း နဲ့ ဆိုဒီယမ်အိုင်းယွန်း တို့ပေါင်းစပ်ထား သော ဆိုဒီယမ်ကလိုရိုက် သတ္တုဓာတ် ပေါင်းဖြစ်ပါတယ်။ ဆားကို ယေဘုယျ အားဖြင့် (၁) ဆားကြမ်း (၂) စားပွဲ တင်ဆားနှင့် (၃) အိုင်အိုဒင်းဆားဟူ၍ သုံးမျိုးခွဲခြားထားပါတယ်။ ပင်လယ်ရေ ကရရှိပြီး သဘာဝအတိုင်းမပြုပြင်ရသေး တဲ့ ခပ်ကြမ်းကြမ်းရှတတရှိသော ဆားခဲ ကြီးကို ဆားကြမ်း လို့ခေါ်ပါတယ်။ အဲဒီ ဆားကြမ်းခဲကြီးများကို အရောင်ချွတ် ဆေးသုံးပြီး ဖြူဖွေးသန့်စင်စေကာ နူးညံ့ မှုန့်ညက်နေအောင်စက်ဖြင့်ကြိတ်ထားတာ ကိုတော့ စားပွဲတင်ဆားလို့ ခေါ်ပါတယ်။ ဆားငန်ရည် (သို့ ) ဆားကြမ်းကို အိုင်အို ဒင်းဓာတ် ဖြည့်စွက်ကာ အဖြူရောင် ဆားပုံဆောင်ခဲလေးတွေအဖြစ် ပြုပြင် ထားတာကို ''အိုင်အိုဒင်းဆား'' လို့ခေါ် ပြီး သူကတော့ စားပွဲတင်ဆားလောက် မနူးညံ့ပါဘူး။

တစ်နည်းအားဖြင့်ဆိုရရင် ''အိုင်အိုဒင်းဆား'' ဆိုတာ မိမိတို့စားနေ ကျ အိမ်သုံးဆား အပုံတစ်သိန်းတွင် အိုင်အိုဒင်းအာဟာရ သုံးပုံခန့်(ပါသည် ဆိုရုံ) ဖြည့်ထားသော ဆားဖြစ်ပါတယ်။ စားနေကျအိမ်သုံးဆားနှင့်အရောင်အဆင်း၊ အနံ့၊ အရသာ ခြားနားမှုမရှိပါဘူး။ အချို့ နိုင်ငံတွေမှာတော့ အိုင်အိုဒင်းဆားကို ပန်း ရောင်၊ မီးခိုးရောင်ဖျော့ဖျော့ ပုံဆောင်ခဲ လေးတွေအဖြစ် တွေ့မြင်နိုင်ပါတယ်။
အိုင်အိုဒင်းဆားကို ဘာကြောင့်စားသုံး သင့်ပါသလဲ အိုင်အိုဒင်းဓာတ်ဟာ သက်စောင့် ဓာတ် (သတ္တုဓာတ်) တစ်မျိုးဖြစ်ပါတယ်။ အထူးသဖြင့် ခန္ဓာကိုယ်အတွက်လိုအပ်တဲ့ အိုင်အိုဒင်း ၇၅ ရာခိုင်နှုန်းကို သိုင်းရွိုက် ဂလင်းမှာ သိုလှောင်ထားလေ့ရှိတာ ကြောင့် အိုင်အိုဒင်းဟာ သိုင်းရွိုက်ဂလင်း ၏ လုပ်ငန်းများနဲ့ သိုင်းရွိုက်ဆဲလ်များ ဖြစ်တည်မှုအတွက် အသုံးဝင်ပါတယ်။

ယနေ့ကမ္ဘာပေါ်မှာ အိုင်အိုဒင်းချို့တဲ့သူ ပေါင်း သန်း ၂ဝဝဝ ခန့်ရှိတယ်လို့ သြစ တြေးလျနိုင်ငံရှိ MNT Knowledge Centre မှဆိုပါတယ်။ နေ့စဉ် အိုင်အိုဒင်း လိုအပ်ချက်ပမာဏမှာ အရွယ်ရောက်ပြီး သူတစ်ဦးအတွက် မိုက်ကရိုဂရမ် ၁၅ဝ ဖြစ်ပြီး ကိုယ်ဝန်သည်နဲ့ နို့တိုက်မိခင်တို့ မှာတော့ နေ့စဉ် မိုက်ကရိုဂရမ် ၂၂ဝ မှ ၂၉ဝ လိုအပ်နေပါတယ်။
(၁) ကလေးငယ်များ ပုံမှန်ကြီးထွားရေး၊ ဥာဏ်ရည်ထက်မြက်ရေးနှင့်လူကြီး၊ လူငယ်၊ လူရွယ်အားလုံး ကျန်းမာ ရေးအတွက် အိုင်အိုဒင်းအာဟာရကို လုံလောက်စွာရရှိစေရန် မိသားစုဝင် အားလုံး အိုင်အိုဒင်းဆားကို နေ့စဉ် စားသုံးကြဖို့လိုအပ်ပါတယ်။
(၂) အိုင်အိုဒင်းဆား နေ့စဉ်စားသုံးရုံနှင့် အိုင်အိုဒင်းအာဟာရလွန်ကဲမှုမဖြစ် နိုင်ပါဘူး။
(၃) မြန်မာနိုင်ငံတစ်ဝန်းမည်သည့်ဒေသ တွင်ဖြစ်စေ အစားအစာတစ်မျိုး တည်းမှ အိုင်အိုဒင်းအာဟာရလုံ လောက်စွာရရှိဖို့ မသေချာပါဘူး။ အိုင်အိုဒင်းပါဝင်တဲ့ အစားအစာ များမှာ-
(က) ကောက်ပဲသီးနှံ၊ ဟင်းသီး ဟင်းရွက်၊ သစ်သီးဝလံ၊ အသား၊ ငါး၊ နို့၊ ဥစတဲ့အစား အစာတွေထဲမှာ အိုင်အိုဒင်း အနည်းငယ်စီပါဝင်နေပါတယ်။
(ခ) ပင်လယ်ငါး၊ ပုစွန်၊ ကျောက် ပွင့်စတဲ့ ပင်လယ်မှထွက်တဲ့ အစားအစာများထဲမှာ အိုင် အိုဒင်းအာဟာရ ပို၍ကြွယ်ဝ ပါတယ်။

အိုင်အိုဒင်းချို့တဲ့ခြင်းကြောင့် ဘယ်လို ရောဂါတွေ ဖြစ်လာနိုင်ပါသလဲ
အိုင်အိုဒင်းချို့တဲ့မှုဟာ ဦးနှောက် ပျက်စီးမှု၊ နှေးကွေးမှုနဲ့ ကမ္ဘာတစ်ဝန်း ရင်ဆိုင်နေရပါတယ်။
(၁) ကိုယ်ဝန်ဆောင်မိခင်များ အိုင်အို ဒင်းချို့တဲ့ခြင်းကြောင့် -
(က) ကိုယ်ဝန် ပျက်ကျတတ်ပါ တယ်။ ကလေးအသေမွေး တတ်ပါတယ်။
(ခ) လမစေ့၊ ပေါင်မပြည့်သော ကလေး မွေးတတ်ပါတယ်။
(ဂ)ဆွံ့အနားမကြားသောကလေး၊ ခြေလက်မသန်စွမ်းသောကလေး၊ လေးဖက်လှုပ်မရသောကလေး မွေးတတ်ပါတယ်။
(ဃ) စိတ်ပိုင်းချို့တဲ့သော၊ ဥာဏ် ရည်နိမ့်သောကလေးမွေးတတ် ပါတယ်။
(င) အရပ်ပုပြတ်နှင့် သက်ကြီးပုံစံ ကလေးများမွေးတတ်ပါတယ်။
(၂) ကလေးငယ်များ အိုင်အိုဒင်းချို့တဲ့ ခြင်းကြောင့် -
(က) ပုံမှန်မကြီးထွားဘဲ အရပ်ပုနေ ပါမယ်။
(ခ) Óဏ်ထိုင်းပါမယ်။ သွက် လက်ဖျတ်လတ်မှုမရှိ၊ထုံထိုင်း နှေးကွေးပါမယ်။
(ဂ) မွေးရာပါရောဂါများအပြင် ရင့် ကျက်မှုမပြည့်ဝပြဿနာများ ရရှိ နိုင်ပါတယ်။
(ဃ) လည်ပင်းကြီးရောဂါ ဖြစ် ပါမယ်။
(၃) လူကြီးများ အိုင်အိုဒင်းချို့တဲ့ခြင်း ကြောင့် -
(က) သွေးထဲမှာ အိုင်အိုဒင်းလျော့ နည်းရင် အရှေ့လည်ပင်းကြီး ရောဂါ ဖြစ်စေပါတယ်။ (ကမ္ဘာတစ်ဝန်း လူဦးရေသန်း ၂ဝဝ မှ ၃ဝဝ ကြား လည် ပင်းကြီးရောဂါကို ခံစားနေ ရပါတယ်)
(ခ) ဒူးခေါင်း အရိုးဆစ်ကြီးပါ မယ်။
(ဂ) သွက်လက်ဖျတ်လတ်မှုမရှိ၊ ထုံထိုင်းနှေးကွေးပါမယ်။
(ဃ) သက်လုံမကောင်းပါဘူး (ပင် ပန်းလွယ်ပါမယ်)

အငန်ဓာတ်ကို ဘာ့ကြောင့် ဆင်ဆင် ခြင်ခြင်ဖြင့် မှီဝဲသင့်ပါသလဲ
ကျန်းမာရေးရှုထောင့်ကကြည့်ပါလျှင် ဆားဟာ အပူဓာတ်အနေနဲ့ လူတွေကို ကောင်းကျိုးပြုနိုင်လို့  လူတစ်ဦးအနေဖြင့် တစ်နေ့တာလိုအပ်တဲ့ ဆား(ဆိုဒီယမ် ကလိုရိုက်)ပမာဏဟာ အသက်အရွယ် အလိုက် မီလီဂရမ် ၁၅ဝဝ မှ မီလီဂရမ် ၂၃ဝဝ မျှ လိုအပ်လျက်ရှိပါတယ်။ သို့ သော် လိုအပ်တဲ့ပမာဏထက်ပို၍ အငန် ဓာတ်ကို စားသုံးမိတဲ့အခါ-
(က) နို့စို့အရွယ် ကလေးငယ်များ၏ ကျောက်ကပ်ဟာဆိုဒီယမ်ဓာတ်စွန့် ထုတ်သည့်လုပ်ငန်းကိုထိထိရောက် ရောက် မလုပ်နိုင်သေးပါဘူး။ ဒါ ကြောင့် အသက်ခြောက်လပြည့်ပြီး ကလေးများကို ထမင်းခွံ့တဲ့အခါ ဆားအများအပြားထည့်ခြင်း သို့ မဟုတ် ငန်လွန်းတဲ့ အစာတွေကျွေး ခြင်းမပြုလုပ်သင့်ပါဘူး။
(ခ) ဆိုဒီယမ်စားသုံးမှု များလွန်းတဲ့အခါ အရွယ်သုံးပါးမရွေး သွေးတိုးရော ဂါဖြစ်လာပါမယ်။
(ဂ) နှလုံး၊ သွေးတိုး၊ ကျောက်ကပ် ရောဂါရှိသူများ အငန်စားသုံးမှုကို အထူးဂရုပြုဆင်ခြင်ရပါမယ်။
(ဃ) အငန်ဓာတ်ကဲတဲ့ အစားအစာများ မှာ ဆား(ရိုးရိုးဆား)၊ ငါးပိ၊ ပုစွန် ငါးပိ၊ ငံပြာရည်၊ ငါးပိကောင်၊ ငါး ဆားနယ်၊ငါးခြောက်၊ ပုစွန်ခြောက်၊ အမဲခြောက်၊ အသားခြောက်မျိုး၊ သစ်သီးခြောက်၊ မြေပဲဆားလှော်၊ ပဲကြီးလှော်၊ နေကြာစိမ့်လှော်၊ ကွာ စေ့လှော်တို့ဖြစ်ပါတယ်။

ကျန်းမာရေးဝန်ကြီးဌာန အောက်ရှိ ''အမျိုးသားအာဟာရ ဖွံ့ဖြိုးရေးနှင့် သုတေသနဌာန''နှင့် ကုလသမဂ္ဂဆိုင်ရာ ကလေးများ အထောက်အပံ့အဖွဲ့တို့က အိုင်အိုဒင်းဆား တစ်မျိုးတည်းကိုသာ စားသုံးကြရန်၊ အငန်ဓာတ်ကဲတဲ့အစား အစာများအပြင် ငန်သောဟင်းလျာများ စားသုံးမှုလျှော့ချကြရန်၊ ထမင်း စားပွဲ ပေါ်မှာ ဆားပုလင်းထောင်၍ ဆားအပို ထည့်စားသည့်အကျင့်မျိုး မလုပ်ကြရန်၊ အချိုမှုန့်၊ ကြက်သားမှုန့်များ အစား သကြားနှင့်ဆား အနည်းငယ် ထည့်၍ ချက်ပြုတ်စားသောက်ကြရန်၊ တာရှည်ခံ လုပ်ထားသော အစား အစာများထဲတွင် ဆားပါဝင်မှုများပြားတဲ့အတွက် ၄င်း အစားအစာများ စားသုံးမှုကို တတ်နိုင် သမျှ ဆင်ခြင်ကြရန်၊ သွေးတိုးရောဂါနှင့် ကင်ဆာရောဂါများ ဖြစ်လာတဲ့အခါ ဆားကို လက်ဖက်ရည်ဇွန်း တစ်ဇွန်း၏ သုံးပုံတစ်ပုံ(နှစ်ဂရမ်)အထိ လျှော့စားကြ သင့်ပါသည်။

ပေါက်ပေါက်
The Union Daily
https://www.facebook.com/pg/uniondaily.net

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ