ကိုယ်ဝန်ဆောင်ခြင်း၊ မီးဖွားခြင်းသည် အမျိုးသမီးများ၏ ဘဝတွင် အလွန်အရေးကြီးသော အချိန်ကာလ အပိုင်းအခြား ဖြစ်ပြီး မိခင်အသက်အန္တရာယ် ကင်းရှင်းရေးနှင့် ကျန်းမာသော ကလေးငယ် ဖွားမြင်ရေးသည် မိခင်တိုင်း၏ အဓိက မျှော်မှန်းချက်ဖြစ်သည်။ ယခု အခါ ကိုယ်ဝန်ဆောင် စောင့်ရှောက်ခြင်းနှင့် ပတ်သက်၍ အယူအဆများစွာ ရှိနေပြီး အသက်အန္တရာယ် မဖြစ်စေသော်လည်း မိခင်နှင့် သန္ဓေသား အပေါ်တွင် ဆိုးကျိုးများ ဖြစ်ပေါ်စေသည့်အတွက် မိခင်များမှန်မှန်ကန်ကန် တွေးတောဆင်ခြင်၍ မိမိကိုယ်ကို စောင့်ရှောက်ကြရန် လွန်စွာအရေးကြီးသည်။ ကိုယ်ဝန်ဆောင် များတွင် တွေ့ရတတ်သော အယူအဆ အမှားများကို ထပ်မံသတိပြု ဆင်ခြင်နိုင်စေရန် ထုတ်နုတ် တင်ပြအပ်ပါသည်။
၁။ အစားအသောက်နှင့် ပတ်သက်သော အယူအဆအမှားများ ကိုယ်ဝန်ရှိလာလျှင် နှစ်ယောက်စာ စားပါ (အယူအဆအမှား) ဤအဆိုသည် ကိုယ်ဝန်ဆောင်မိခင်များ အာဟာရ ပြည့်ဝစွာ ရရှိစေရန်၊ အစားမရှောင်ရန်အတွက် ကျန်းမာရေး ဗဟု သုတပေးရာတွင် အလွယ်တကူ သုံးဖြစ်သော စကားဖြစ်သည်။ သို့သော် ကိုယ်ဝန် ဆောင်နေစဉ်အတွင်း မိခင်အ တွက် ကယ်လိုရီ လိုအပ်ချက် သည် ပုံမှန် ၂၄ဝ၃ ကယ်လိုရီထက် ၃ဝဝ သာ ပိုများသည်။ အဆီးအတားမရှိဘဲ နှစ် ယောက်စာပိုစားခြင်းသည် အာဟာရ ပြည့်ဝခြင်းထက် ကလေးအရွယ်အစား ပိုကြီးသွားရန်သာ ဦးတည်နေသည်။ ထို့ ကြောင့် နှစ်ယောက်စာ စားခြင်းထက် အစာအုပ်စုသုံးမျိုး ဖြစ်သည့် ကစီဓာတ်၊ အဆီဓာတ်နှင့် အသားဓာတ်တို့ မျှတ စွာစားရန်သာ ပိုအရေးကြီးကြောင်း တိုက်တွန်း ပြောကြား လိုပါသည်။ အားဆေးများများ သောက်လေ - ကောင်းလေ (အယူအဆအမှား) အားဆေး သောက်သုံးခြင်းသည် ကိုယ်ဝန်ဆောင် မိခင်အများစု၏ ကျန်းမာသော အလေ့အထများထဲတွင် တစ်ခုအပါ အဝင်ဖြစ်သည်။ ထို့ပြင် အားဆေးများကို ကျန်းမာရေး ဌာနများမှ အခမဲ့ ရရှိနိုင်သလို ပြင်ပမှ ဝယ်ယူသောက်သုံး သည်များလည်း ရှိကြသည်။ သို့သော် ဘီတာမင်အေနှင့် ဇင့်ကဲ့သို့သော အားဆေးများ အလွန်အကျွံ သောက်သုံးမိပါ က ကလေးငယ်တွင် ဦးနှောက်နှင့် အာရုံကြောဖွဲ့စည်း ပုံမမှန်ခြင်း၊ ဦးခေါင်းခွံသေးခြင်း၊ နှုတ်ခမ်းကွဲ-အာခေါင်ကွဲခြင်း စသည့်မွေးရာပါ ကိုယ်လက်အင်္ဂါ ချို့တဲ့၍ မွေးလာနို င်ကြောင်း မူမမှန် သန္ဓေသားများ လေ့လာရေး အဖွဲ့အစည်းမှ သုတေသန ပြုတင်ပြထားသည်ကို တွေ့ရသည်။ ထို့ကြောင့် အားဆေးသောက်သုံးသည့်အခါ ကျန်းမာရေး ဝန်ထမ်းများ နှင့်စနစ်တကျ တိုင်ပင်ဆွေးနွေးပြီး ညွှန်ကြားသည့် ပမာဏအတိုင်းသာ သောက်သုံးသင့်ကြောင်း တိုက်တွန်းလိုသည်။ ကိုယ်ဝန်ဆောင်စဉ် ကော်ဖီ မသောက်သင့် (အယူအဆအမှား) ကဖိန်းဓာတ်သည် ခန္ဓာကိုယ်ရှိ ဦးနှောက်၊ နှလုံး၊ အစာချေဖျက်မှုနှင့် ဆီးထုတ်လုပ်မှုတို့ အပေါ်တွင် အကျိုးသက် ရောက်မှုရှိသည့်အတွက် ကလေးကို ထိခိုက်မှုရှိသည်ဟူသော ယူဆချက်ကြောင့် ကဖိန်းဓာတ်ပါသော ကော်ဖီ၊ လက်ဖက်၊ ချောကလက်၊ အအေးနှင့် အချို့သော ဆေးဝါးများ သောက်သုံးခြင်းကို ကိုယ်ဝန်ဆောင် ကာလတွင် တားမြစ် တတ်ကြသည်။ သို့သော် သုတေသန တွေ့ရှိချက်များအရ နေ့စဉ်ကော်ဖီတစ်ခွက် သောက်သုံးခြင်းကြောင့် ကလေး အား ဘေးဥပဒ် မဖြစ်စေပါ။ အားဆေးများကို ကော်ဖီနှင့် သောက်သုံးခြင်းသည် သံဓာတ်စုပ်ယူမှုကို လျော့ကျစေသည့် အတွက် အတူတွဲ၍ သောက်သုံးခြင်းကိုသာ တားမြစ်ထားသည်။ ကိုယ်ဝန်သည် ပင်လယ်စာနှင့် မတည့်/မစားသင့်(အယူအဆအမှား) ပင်လယ်စာများသည် အစာအဆိပ်သင့်ခြင်း၊ ဓာတ်မတည့်ခြင်းတို့ ဖြစ်ပေါ်စေသည့်အတွက် မစားသုံးသင့်ကြောင်း ကိုယ်ဝန်သည်များအားတိုက်တွန်းတတ်ကြသည်။ သို့သော် ပင်လယ်စာတိုင်းကို ရှောင်ကြဉ်ရန် မလိုပါ။ ပြဒါးပါဝင်မှု များသော ငါးမန်းကဲ့သို့သော ငါးကြီးမျိုးများမှလွဲ၍ ပုစွန်ဆိတ်၊ ဆော်လမွန်ငါး၊ ငါးသေတ္တာငါး အစရှိသည့် ပင်လယ်ငါး များသည် စားသုံးရန် သင့်လျော်သည်။ ပင်လယ်ငါးကို တစ်ပတ်လျှင် အနည်းဆုံး ၁၂ အောင်စခန့် စားသုံးပေးပါက ကျန်းမာပြီး ဥာဏ်ရည်ထက်မြက်သော ကလေးများ မွေး ဖွားနိုင်ကြောင်း၊ ကလေး၏ စကားပြောစွမ်းရည် မြင့်မားပြီး ပေါင်းသင်း ဆက်ဆံရေး ကောင်းမွန်နိုင်ကြောင်း၊ ကာယပညာ ထူးချွန်နိုင်ကြောင်း မိခင်များ ကျန်းမာရေးဆိုင်ရာ အင် တာနက် စာမျက်နှာများတွင် သုတေသနပြု တင်ပြထားသည်ကို တွေ့ရသည်။ ကိုယ်ဝန်သည် အချိုမစားသင့် (အယူအဆအမှား) ကိုယ်ဝန်သည်မိခင် အချိုအစားများခြင်းသည် ကလေးဆီးချိုရောဂါ ဖြစ်စေနိုင်သည့်အပြင် ကလေးအဝလွန်ခြင်းတုိ့ ဖြစ် ပေါ်စေသဖြင့် ကိုယ်ဝန်ဆောင်စဉ် အချိုများများ စားခြင်းကို တားမြစ်ခဲ့ကြသည်။ သို့သော် သုတေသန အသစ်များ၏ တွေ့ရှိချက်များအရ နေ့စဉ် ချောကလက်စားသည့် ကိုယ်ဝန်သည်မှ မွေးလာသော ကလေးများကို ခြောက်လသား အရွယ်တွင် ပြန်လည် စစ်ဆေးကြည့်ရာ ၎င်းကလေးများတွင် ကြောက်ရွံ့စိတ်နည်းပြီး အခြားကလေးများထက် ပြုံး ရယ်သည်ကို တွေ့ရကြောင်း ဖော်ပြထားသည်။
၂။ ကိုယ်လက်လှုပ်ရှားမှုနှင့် ပတ်သက်သော အယူအဆအမှားများ ကိုယ်ဝန်ဆောင်သည် ညနေစောင်း ရေချိုးပါက မွေးလျှင်ရေပါတတ်(အယူအဆအမှား) ရေချိုးချိန်ထက် ချိုးသည့်ရေအပူချိန်ကသာ အရေးကြီးကြောင်း ပညာရှင်များက ပြောကြားထားသည်။ ကိုယ်ဝန် ဆောင်မိခင်များ ရေချိုးသည့်အခါ ခန္ဓာကိုယ်အပူချိန်နှင့် အနီးစပ်ဆုံး တူညီရန် အရေးကြီးကြောင်းနှင့် ရေချိုးခြင်းဖြင့် ကြွက်သားများ ပြေလျော့စေခြင်း၊ အရောင်ကျစေခြင်း စသည့်အကျိုးကျေးဇူး များစွာရရှိနိုင်ကြောင်း လေ့လာတွေ့ရှိရသည်။ လမ်းလျှောက်ခြင်းသည် မြန်ဆန်စွာ မီးဖွားစေနိုင်သည်(အယူအဆအမှား) လမ်းလျှောက်ခြင်းသည် သွေးလည်ပတ်မှုနှုန်းကို ကောင်းမွန်စေပြီး ကယ်လိုရီများကို ပိုမိုလောင်ကျွမ်းစေနိုင်သည်။ သို့ သော် မီးဖွားမှု ဖြစ်စဉ်ကို မြန်ဆန် လွယ်ကူစေသည်ဟူသော သက်သေပြချက် မရှိပါ။ လူကို ပေါ့ပါးလန်းဆန်း စေနိုင် သော်လည်း လမ်းလျှော က်ခြင်းသည် မီးဖွားမှုကို မဖြစ်ပေါ်စေနိုင်ပါ။ ထို့ကြောင့် ကလေးမြန်မြန်မွေးရန် လမ်းများများ လျှောက်ရမည်ဟု အယူအဆမမှားကြဘဲ ကျန်းမာစွာ နေထိုင်ရန်သာ အရေးကြီးကြောင်း တိုက်တွန်းလိုသည်။ ကိုယ်ဝန်ဆောင်စဉ် အားကစား မပြုလုပ်သင့်(အယူအဆအမှား) ကိုယ်ဝန်ဆောင်နေချိန်တွင် ဝမ်းဗိုက်ကြွက်သားများ အားစိုက်ရသော အားကစားမှလွဲ၍ ထိုက်သင့်သော အားကစားကို ပြုလုပ်နိုင်သည်။သုတေသနအချို့တွင် ကိုယ်ဝန်ဆောင်မိခင် အားကစားလုပ်ခြင်းဖြင့် ကလေးတွင် နှလုံးခုန်နှုန်းနှင့် နှလုံးကျန်းမာရေး ပိုမိုေ ကာင်းမွန်သည်ကို တွေ့ရသည်။ ထို့ပြင် အဝလွန်ခြင်းကို လျော့ကျစေပြီး အခြားကလေးများ ထက် ဥာဏ်ရည်ပိုမို ထက်မြက်သည်ဟု ဖော်ပြထားသည်။ ထို့ကြောင့် ကိုယ်ဝန်သည် မိခင်တိုင်း အလွန်အားမစိုက် ရသော အားကစား သို့မဟုတ် ထိုက်သင့်သော ကိုယ်လက်လှုပ်ရှားမှု ပြုလုပ်သင့်ကြောင်း တိုက်တွန်းလိုသည်။ ၃။ အခြားမွေးပြီးတာနဲ့ မိခင်နို့ အလိုလို ထွက်လာမယ်(အယူအဆအမှား) ''နို့တိုက်ကျွေးရန် ပြင်ဆင်ခြင်း'' နှင့်ပတ်သက်၍ အချို့သော ကိုယ်ဝန်ဆောင် မိခင်များသည် လိုအပ်သည်ဟု မယူဆ တတ်ကြပေ။ ကလေးမွေးပြီးချိန်တွင် အလိုလို ထွက်လာလိမ့်မည်ဟု ယူဆ၍သော် လည်းကောင်း၊ သားဦးမိခင်များတွင် ရှက်စိတ်ကြောင့်သော် လည်းကောင်း ကိုယ်ဝန်ဆောင်စဉ် နို့ထွက်၊ မထွက်စစ်ဆေးခြင်း၊ သန့်ရှင်းရေး ပြုလုပ်ခြင်း၊ မွေးပြီးပြီးချင်း နို့တိုက်ကျွေးနိုင်ရန် ပြင်ဆင်ခြင်း စသည့်အလေ့အထများ နည်းပါးတတ်ကြသည်။ ဤအချက်သည် ကျန်းမာရေး စောင့်ရှောက်မှု ခံယူသော်လည်း မေ့လျော့ေ နတတ်ပြီး အမှန်တကယ် မွေးပြီးသည့်အချိန်မှ နို့မတိုက်နိုင်သည့် အခြေအနေများ ကြုံတွေ့ရပြီး လက်လျှော့ လိုက်ရသည်အထိ ရှိတတ်ကြောင်း မိခင်လောင်းတို့ သတိပြုသင့် သည်။ ကျန်းမာရေး ဝန်ထမ်းများ အနေဖြင့်လည်း စနစ်တကျ ပညာပေး စစ်ဆေး သင့်ကြောင်း တိုက်တွန်းလိုပါသည်။ ဗိုက်ခွဲ မွေးဖွားပြီးသော မိခင်သည် သဘာဝ အတိုင်း မမွေးဖွားနိုင်(အယူအဆအမှား) အခြေအနေ အားလုံးအတွက် မမှန်နိုင်ပါ။ အမျိုးသမီး ကျန်းမာရေး စာစောင်၏ ဖော်ပြချက်အရ ဗိုက်ခွဲမွေးဖွားပြီး မိခင်မှ ထပ်မံရရှိလာသော ကိုယ်ဝန်ကို သဘာဝအတိုင်း မွေးဖွားခြင်းသည် နောက်တစ်ကြိမ် ဗိုက်ခွဲမွေးဖွားခြင်းထက် အနည်းငယ်သာ ဆိုးကျိုးပိုများ သည်ဟု သိရသည်။ ဗိုက်ခွဲမွေးပြီးမှ နောက်တစ်ကြိမ်ကို သဘာဝအတိုင်း မွေးဖွားလို လျှင် ကိုယ်ဝန်အပ်ထားသော ဆရာဝန်၊ ဆရာမများနှင့် သေချာစွာ ဆွေးနွေးတိုင်ပင်ပြီး မွေးဖွားနိုင်ကြောင်း သိရှိရသည်။ ဖော်ပြပါ အချက်များသည် နိုင်ငံတကာမှ သုတေသန တွေ့ရှိချက်များနှင့် ပြည်တွင်း ပညာရှင်များ၏ ရေးသားဖော်ပြ ချက်များမှ အချို့ကို ထုတ်နုတ်ဖော်ပြထားခြင်းဖြစ်သည်။ ရှည်လျားလှသော ကိုယ်ဝန်ဆောင် ကာလတွင် မိခင်တစ်ဦးစီ၏ ကျန်းမာရေး ဗဟုသု တနှင့် အယူအဆများသည် မိခင်နှင့် ကလေးကျန်းမာရေးအတွက် အဓိက ကျလှသည်။ သို့ သော် မိခင်၏ အစိုးရိမ်လွန်ကဲမှုကြောင့် သော်လည်းကောင်း၊ လက်ဆင့်ကမ်း သိရှိလာသော မိရိုးဖလာ အယူအဆများ ကြောင့်သော်လည်းကောင်း မိခင်လောင်းများတွင် မှားယွင်းသော အယူအဆများ ရှိနေတတ်ပြီး ထိုအတိုင်း ကျင့်ကြံပါ က မလိုလားအပ်သော ကျန်းမာရေး ပြဿနာများ ကြုံတွေ့ရဖွယ်ရှိသည်။ ထို့ကြောင့် ကိုယ်ဝန်ဆောင် မိခင်များအနေဖြင့် တတ်ကျွမ်းသော ကျန်းမာရေး ဝန်ထမ်းများ၊ ပညာရှင်များ၏ တိုက် တွန်းဆွေးနွေးချက်များကို စဉ်ဆက်မပြတ် လေ့လာလိုက်နာပြီး''လုံခြုံစိတ်ချမိခင်ဘဝ'' ဖန်တီးကြပါဟု ဤဆောင်းပါး ဖြင့် အကြံပေး တိုက်တွန်း လိုက်ရ ပါသည်။
အိအိခိုင်
Myawady Health
https://www.facebook.com/myawadyhealth
