မုန်လာဥနီ ပုံမှန်စားခြင်းဖြင့် မျက်လုံး အတွက် ကောင်းရုံ သာမက ရင်သားကင်ဆာပါ ကာကွယ်နိုင်


မုန်လာဥနီ ပုံမှန် စားပါက အမျိုးသမီး များတွင် အချို့သော ရင်သားကင်ဆာ ရောဂါများ ဖြစ်ပွား မလာအောင် (၆၀) ရာခိုင်နှုန်းထိ ကာကွယ်နိုင်စွမ်း ရှိကြောင်း လေ့လာမှု စစ်တမ်း တစ်ရပ်က ဆိုလိုက်သည်။
မုန်လာဥနီ ကဲ့သို့ အနီနှင့် လိမ္မော် ဓာတ်ထွက် စေသော ဘီတာ-ကာရိုတင်းဓာတ် ကြွယ်ဝသည့် အခြားသော ဟင်းသီးဟင်းရွက် များသည်လည်း အလားတူ အကျိုး သက်ရောက်မှု ရှိကြောင်း စစ်တမ်းက ဆိုသည်။ ဘီတာ-ကာရိုတင်းဓာတ်သည် ဟင်းသီးဟင်းရွက် များကို အရောင်တောက်တောက် ထွက်အောင် လုပ်ပေးသော ဓာတ်လည်း ဖြစ်သည်။ ဘီတာ-ကာရိုတင်းဓာတ်သည် နှလုံးရောဂါ၊ ကင်ဆာ စသည့် ကျန်းမာရေး ဆိုးကျိုး အတော်များများကို ကာကွယ်ပေးနိုင်စွမ်း ရှိကြောင်း သုတေသန အများအပြားက ဖော်ထုတ်ထားပြီး ဖြစ်သော်လည်း ရင်သားကင်ဆာ ကာကွယ်နိုင်စွမ်း ကိုကား ယခုမှ လေ့လာတွေ့ ရှိခြင်း ဖြစ်သည်။
လေ့လာမှု စစ်တမ်းကို American Journal of Clinical Nutrition တွင် ထည့်သွင်းဖော်ပြ ထားပြီး ဘီတာ-ကာရိုတင်းဓာတ်က ရင်သား ကင်ဆာ ကာကွယ်နိုင်စွမ်းသည် ယခင် ထင်ထားသည်ထက် ပိုကောင်းနေကြောင်း စစ်တမ်းက ဆိုသည်။
ဗြိတိန်နိုင်ငံတွင် တစ်နှစ်လျှင် အမျိုးသမီး (၅၈၀၀၀) သည် ရင်သားကင်ဆာ ဖြစ်ပွားလျက် ရှိသည်။ အမျိုးသမီး ရှစ်ယောက်တွင် တစ်ယောက်သည် ဘ၀သက်တမ်း တစ်လျှောက် တစ်ချိန်မဟုတ် တစ်ချိန်တွင် ရင်သားကင်ဆာနှင့် ကြုံတွေ့ နေရသည်ဟု သိရသည်။
စစ်တမ်းသည် ဥရောပ တစ်ဝန်းမှ ရင်သားကင်ဆာ ရှိသော အမျိုးသမီး (၁၅၀၀) နှင့် ကင်ဆာ ကင်းစင်သူ အမျိုးသမီး (၁၅၀၀) ကို စောင့်ကြည့် လေ့လာ ထားသည်။ အမျိုးသမီးများ၏ သွေးတွင်း၌ ပါဝင်သော ဘီတာ-ကာရိုတင်းဓာတ် ပမာဏကို တိုင်းတာ သလို၊ ဗီတာမင်စီ၊ လိုင်ကိုပင်း စသည့် ဓာတ်များ ကိုလည်း တိုင်းတာ မှတ်တမ်း တင်သည်။
ထိုအခါ ဘီတာ-ကာရိုတင်း ကြွယ်ဝသော မုန်လာဥနီ ကဲ့သို့ ဟင်းသီးဟင်းရွက် များကို စားသုံးသူ များသည် အစားနည်းသူ များနှင့် စာလျှင် ရင်သားကင်ဆာ ဖြစ်ပွားနိုင်ခြေ (၄၀) မှ (၆၀) ရာခိုင်နှုန်းထိ နည်းပါးကြောင်း တွေ့ရှိခဲ့ရသည်။ ရင်သားကင်ဆာ လျှော့ချပေးနိုင်စွမ်းတွင် အခြားသော ဓာတ်ပစ္စည်းများထက် ဘီတာ-ကာရိုတင်း ဓာတ်ပစ္စည်း၏ သက်ရောက်မှုသည် ကြီးကြီးမားမား အကျိုးဆက် ရှိသည်ဟု သုတေသီ များက ဆိုသည်။
ဘီတာ-ကာရိုတင်းဓာတ်သည် ခန္ဓာကိုယ်တွင်း ရောက်ရှိ သွားသည့် အခါ ဗီတာမင် အေဓာတ် အဖြစ်သို့ ပြောင်းလဲ သွားကာ အမြင်အာရုံ ကောင်းမွန်အောင် အထောက်အကူပြု သလို၊ ခုခံအား စနစ်ကောင်းမွန်အောင် လည်း အထောက်အကူပြုကြောင်း သိရသည်။ သို့သော် ဘီတာ-ကာရိုတင်းဓာတ်ကို ဆေးအဖြစ် ထုတ်လုပ် ထားသည်များကို အလွန်အကျွံ မှီဝဲလျှင်မူကား အချို့ လူများတွင် အဆုတ်ကင်ဆာ ဖြစ်ပွားလာသည်ကို တွေ့ ရကြောင်းလည်း ဗြိတိန် ကျန်းမာရေး ၀န်ကြီးဌာနက သတိပေး ထားသည်။ ဗြိတိန် တစ်နိုင်ငံတည်း မှာပင် တစ်နှစ်ကို မုန်လာဥနီ တန်ချိန် ခုနစ်သိန်း စိုက်ပျိုး ထုတ်လုပ်လျက် ရှိပြီး ဈေးကွက် တန်ဖိုးအားဖြင့် ပေါင်သန်း (၂၉၀) စာဖိုး ရှိကြောင်း သိရသည်။

Myawady Health
https://www.facebook.com/myawadyhealth

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ