ကမ္ဘာပေါ်တွင် အဆိုးရွားဆုံးပြည်တွင်းစစ်နှင့် စစ်ဘေးဒဏ်ခံစားနေရ သည့်နိုင်ငံကိုပြပါဆိုလျှင် ဆီးရီးယားကို လူအများစုက လက်ညှိုးထိုးကြလိမ့်မည်ဖြစ်သည်။ ထိုအတိုင်းဖြစ်အောင်လည်း အမေ ရိကန်နှင့် သူ့အပေါင်းအပါတို့က လုပ်ဇာတ်ခင်းထားခြင်းဖြစ်သည်။
ယခု ထိုထက်ပိုဆိုးနေသည့်နိုင်ငံက ဆော်ဒီနှင့်အိမ်နီးချင်းနိုင်ငံဖြစ်သော ယီမင်ဖြစ်သည်။ ပြည်တွင်းစစ်ကို အဆိုးရွားဆုံးဖြစ်အောင် အမေရိကန်ကဖန်တီးပေးခဲ့ပြီး ဆော်ဒီကို နောက်ကွယ်မှ သွေးထိုးပေးခဲ့သောကြောင့် ယခုယီမင်သည် ဆီးရီးယားထက်ပိုဆိုး နေပြီဖြစ်သည်။
စစ်ပွဲဒဏ်ကို ခံစားနေရသည့်အပြင် ကမ္ဘာ့အဆိုးရွား ဆုံးကပ်ရောဂါဘေးနှင့်တွေ့ကြုံနေရပြီး နေ့စဉ် လူပေါင်း ရာနှင့်ချီသေဆုံးလျက်ရှိသည်။ စစ်ပွဲကြောင့် သေဆုံးသည့်အရေ အတွက်နှင့်ဆိုလျှင် ယီမင်တွင် နေ့စဉ် လူပေါင်း ၂ဝဝ ကျော် သေဆုံးနေရသည်။ ဆော်ဒီတို့လေကြောင်းထိုးစစ်က ဆေးရုံနှင့်ကျောင်းများကိုပင် အလွတ်မပေးဘဲတိုက်ခိုက်ခဲ့ကြပြီး ၂ဝ၁၇ ခုနှစ် အစောပိုင်းတွင် ကုလသမဂ္ဂက ဆော်ဒီကို အမည်ပျက် စာရင်းသွင်းခဲ့သည်။ သို့သော်လည်း ဆော်ဒီကို လူ့အခွင့်အရေးချိုးဖောက် မှုပြစ်ဒဏ်နှင့် အရေးယူပိတ်ဆို့မှု တစ်စုံတစ်ရာ မလုပ်ခဲ့ပေ။ ဆော်ဒီနောက်တွင် အမာခံ အမေရိကန်ကရှိနေသောကြောင့်ဖြစ်သည်။
ဇွန်လတွင် ယီမင်နိုင်ငံ၌ ကာလဝမ်းရောဂါကူးစက်မှု ၂ဝဝဝဝဝ အထိရှိခဲ့ပြီး ယခုတစ်လအတွင်း ကာလအကြာမှာပင် နောက်ထပ် သောင်း၊ သိန်းချီကာ ထပ်မံကူး စက်ခဲ့ပြီ ဖြစ်သည်။
ယခု ဝမ်းရောဂါကူးစက်မှု သုံးသိန်းနီးပါးအထိရှိလာခဲ့ပြီး အားနည်းသောကလေးများမှာ ရက်ပိုင်းအတွင်းမှာပင်သေဆုံးရသည်။ ယီမင်နိုင်ငံ၌ စစ်ပွဲကြောင့် မသေဆုံးလျှင် ရောဂါကြောင့် သေဆုံးရပြီး ကလေးရှိသည့်မိခင်တိုင်းပြောသည့်စကားမှာသူတို့ကလေးတွေကို ဘုရား သခင် ဆီမှာထားခဲ့ရတော့မှာဆိုသည့် မျှော်လင့်ချက်ကင်းမဲ့နေသော စကားသံများသာဖြစ်သည်။
ဆေးရုံ၌လည်း ဆေးဝါးကပြတ်နေပြီး ကုလသမဂ္ဂက ယီမင်အတွက်တောင်းခံထားသည့် တစ်နှစ်စာရန်ပုံငွေသည် အမေရိကန်ဒေါ်လာ ၂ ဒသမ ၁ ဘီလီယံ ဖြစ်သည်။ သို့သော် အလှူရှင် များဆီမှ ၂ဝ၁၇ ခုနှစ် အတွက် ရရှိထားသည့် နိုင်ငံတကာရန်ပုံငွေသည် တောင်းခံသည့်ငွေ၏ သုံးပုံတစ်ပုံသာရရှိခဲ့သည်။ ထိုငွေသည် ယခုနှစ် ကုန်တွင် ကူးစက်ခံရမည့် ဝမ်းရောဂါ အရေအတွက်ကို ကုစားရန်လုံလောက်ရုံမျှသာရှိနေသည်။ လူ့အခွင့်အရေးအဖွဲ့များ၏ ခန့်မှန်းချက်အရ ၂ဝ၁၇ ခုနှစ် အကုန် တွင်ယီမင်၌ ဝမ်းရောဂါကူးစက်မှု နှုန်းသည် ၆ဝဝဝဝဝ အထိရှိလာသည်။ သန့်ရှင်းသည့် ရေမရရှိခြင်းက ဝမ်းရောဂါဖြစ်စေရန် အဓိကအကြောင်းရင်းဖြစ်ပြီး ရေကိုလက်နက် တစ်ခုအဖြစ်အသုံးပြုခဲ့ခြင်းက ပြည်သူများအတွက် အဆိုးရွားဆုံးဖြစ် စေခဲ့သည်။ ပြည်သူ ၁၂ သန်းကျော် အစာရေစာပြတ်လပ်မှုကိုခံစားနေရပြီး ထိုအထဲမှ ကလေးငယ်နှစ်သန်းသည် အဆိုးရွားဆုံး အာဟာရချို့တဲ့မှုဒဏ်ကို ခံစားနေရသည်။
ယခုအတိုင်းသာ ပြည်တွင်းစစ်ကထပ်ဖြစ်နေဦးမည် ဆိုလျှင် ယီမင်တွင် အဆိုးရွားဆုံး ဝမ်းရောဂါကူးစက်မှု နှင့် အစုလိုက်အပြုံလိုက်သေဆုံးမှု ကမ္ဘာ့စံချိန်တင်မည် ဖြစ်သည်။ ဟူသီတို့ လက်နက်မချမချင်း ဆော်ဒီက ငြိမ်းချမ်းရေးမယူဘဲ ဆက်တိုက်နေမည်ဖြစ်သည်။ ကုလသမဂ္ဂ ဝင်လည်းမရ၊ အမေရိကန်ဝင်လည်းမရ၊ အီဂျစ်ဝင် လည်းမရဖြစ်နေသည်။
သို့သော် ဆော်ဒီဗုံးကြဲမှုတစ်ခုတည်းဖြင့် ယီမင်ပြည်တွင်းစစ်က ဟူသီတို့၏အရှုံးကို အဆုံးအဖြတ် ပေးလိမ့်မည်မဟုတ်ပေ။ သူ့နောက်တွင် အီရန်က အမာခံ လက်နက်ပံ့ပိုးပေးနေသောကြောင့်ဖြစ်သည်။ လိုအပ် သည့် လက်နက်မှန်သမျှကို အီရန်ကရေကြောင်းမှ ပံ့ပိုးပေးနေပြီး ဟူသီတို့ အင်အားကလည်း သမ္မတဟောင်းမန်ဆောဟာဒီနှင့် မတိမ်းမယိမ်းဖြစ်နေသောကြောင့်ဖြစ်သည်။
ပြည်တွင်းတိုက်ခိုက်မှုပိုင်းတွင် သမ္မတဟာဒီ ဆော်ဒီ ကို ထွက်ပြေးခဲ့ရသည်အထိ ဟူသီတို့ အင်အားကသာခဲ့ပြီး အကယ်၍ အမေရိကန်နှင့် ဆော်ဒီသာဝင်မပါလာလျှင် ဟူသီတို့ ယီမင်
တစ်နိုင်ငံလုံးကို သိမ်းပိုက်နေနိုင်မည်မှာသေချာသည်။ ယခု ဆော်ဒီကြောင့် စစ်ပွဲက ခက်ခဲသွားခဲ့ပြီး ရှီးယိုက်ဟူသီတို့ အာဏာရှိနေမှုကို ဆော်ဒီက ကြည့်မနေနိုင်ပေ။
သူ့ရန်သူကို သူ့အိမ်နီးချင်းဖြစ်ခွင့်ပေးလိုက်သကဲ့သို့ ဖြစ်သွားမည်ဖြစ်သဖြင့် ဆော်ဒီ အဖြစ် မခံနိုင်ပေ။ရှီးယိုက်ဆိုသည်နှင့် အီရန်၏ သစ္စာတော်ခံဖြစ်သွားမည်ဖြစ်ပြီး စစ်ရေးအရ အီရန်၏ လွှမ်းမိုးမှုကို ဟူသီတို့ကျိန်းသေခံရမည်ဖြစ်သည်။ ထိုအကြောက်တရားကြောင့်သာ ဆော်ဒီက ဟူသီတို့နှင့် ငြိမ်းချမ်းရေးမယူခြင်းဖြစ်သည်။
ယခု ယီမင်ပြည်တွင်းစစ်ကနှစ်နှစ်ကျော်လာခဲ့ပြီဖြစ်သည်။ သေဆုံးသူအရေအတွက်က ဆီးရီးယားထက်ပင် ပိုမိုမြင့်တက်လာနိုင်သည့်အနေအထားဖြစ်ပြီး စစ်ပွဲကြောင့် သေဆုံးရသည်ထက် ရောဂါကြောင့် သေဆုံးခြင်းနှင့် အစာရေစာငတ်ပြီးသေဆုံးမည့်အရေးက ပိုများ နေသည်။ ထိုအရေ အတွက်က လေးသိန်းထိ ရှိနေသောကြောင့် ဆီးရီးယား သေဆုံးသူ
အရေအတွက်ထက်ပင် ကျော်လွန်သွားစေမည်ဖြစ်သည်။
ယခုဆီးရီးယားပြည်တွင်းစစ်က အမေရိကန်နှင့် ရုရှားတို့ သဘောတူညီချက်ဖြင့် ငြိမ်းချမ်းနေပြီဖြစ်သည်။ အပစ်ရပ်စဲရေးက တစ်လနီးပါးအသက်ဝင်တည်မြဲနေပြီး နောက်ထပ် အမေရိကန်နှင့် ရုရှားတို့ တွေ့ဆုံမှုဖြင့် ငြိမ်းချမ်းရေးသဘောတူစာချုပ်ချုပ်ဆိုနိုင် မည်ဖြစ်သည်။
ယီမင်ကတော့ ထိုသို့မဟုတ်။ နှစ်နှစ်အတွင်းရရှိခဲ့သည့် အပစ်ရပ်စဲရေး သဘောတူညီချက်များကို ဆော်ဒီတို့ဘက်မှဗုံးကြဲခြင်းကြောင့် ကျိုးပေါက်ခဲ့ရပြီး ယီမင်ပြည်တွင်းစစ်ထဲသို့ မကြာမီ ရုရှားဝင်ရောက်လာမည့် အရိပ်အယောင်များလည်း မြင်နေရသည်။ ရုရှားဝင်လာခဲ့မှသာ ယီမင်ပြည်တွင်းစစ်လည်း ရပ်တန့်ရန် လမ်းစရှိမည့် အနေ အထားလည်းဖြစ်သည်။ ယခုစစ်ပွဲကတစ်ဖက် စောင်းနင်းဖြစ်နေသည်။
ဟာဒီဘက်က အမေရိကန်နှင့် ဆော်ဒီဦးဆောင်သည့် အာရပ်ညွန့်ပေါင်း တပ်ဖွဲ့ ရှိသည်။ ဟူသီတို့ဘက်က အီရန်တစ်နိုင်ငံတည်းသာရှိသည်။
ထို့ကြောင့် ဆီးရီးယားကိုကြားဝင်သကဲ့သို့ ရုရှားတို့ ဝင်ရောက်လာနိုင်သည်။ အကယ်၍ မဝင်ရောက်ခဲ့ပါက နှစ်ကုန်လျှင် ယီမင်တွင် သေဆုံးသည့်အရေအတွက်သည် ထင်မှတ်မထားနိုင်လောက် အောင် ဆိုးရွားသွားခဲ့မည်ဖြစ်သည်။
အဓိကပြဿနာမှာ ပြည်တွင်းစစ်ထက် ဝမ်းရောဂါကပိုဆိုးနေသည်။ ဆေးဝါးပံ့ပိုးရေးနှင့် အစားအသောက် ပံ့ပိုးပေးရေး ယာဉ်များကိုဆော်ဒီလေကြောင်းက တိုက်ခိုက်နေသောကြောင့်ရောဂါ ထိန်းချုပ်ရန်မဆိုထားနှင့် ညဘက်ရောက်တိုင်း ဗိုက်ဟောင်းလောင်း နှင့် အိပ်ရာဝင်ခဲ့ရသည့် ရက်များစွာပင်သန်းချီသော ယီမင်ပြည်သူများ တွေ့ကြုံ ခဲ့ရသည်။
ယခု အမေရိကန်က ယီမင်ပြည်တွင်းစစ်ကိုမျက်ကွယ်ပြုထားသည်။ ကမ္ဘာ့သတင်းမီဒီယာများတွင်မပါအောင် သူတို့ကိုယ်တိုင် သတင်းအမှောင်ချထားသည်။ ထို့ကြောင့် ကမ္ဘာ့အင်အားကြီးနိုင်ငံ တစ်နိုင်ငံ၏ ကြားဝင်မှုကို ယီမင်လိုအပ်နေပြီး မဟုတ်ပါက ယီမင်ပြည်တွင်း စစ်နှင့်ကာလဝမ်းရောဂါဖြစ်ပွားမှု ပြဿနာသည် သမိုင်းတွင် စံချိန် သစ်တစ်ခုအဖြစ် မှတ်တမ်းဝင်သွား မည်ဖြစ်ပါကြောင်း တင်ပြ လိုက်ရပါသည်။ ။
ရှိန်းထက်
မြ၀တီ
https://www.facebook.com/mwdmedia
