Polycythemia သွေးနီဥများခြင်း


မင်္ဂလာပါ ဆရာ။ မြန်မာနိုင်ငံမှာ ခုနောက်ပိုင်း အဖြစ်များလာတဲ့ Polycythemia နဲ့ပတ်သက်တဲ့ ပညာပေးဆောင်းပါးလေး ဆရာကြီးရေးပေးစေချင်ပါတယ် ဆရာကြီးရှင့်။ သမီးက သွေးရောဂါကုဌာနမှာ အလုပ်ဝင်နေတာ ၉နှစ်နီးပါးရှိပါပြီ။
အဖြစ်များလာပြီး လူသိနည်းနေသေးတဲ့ Polycythemia အကြောင်း အများပြည်သူဆင်ခြင်နိုင်အောင်လို့ပါ။ သမီးစကားတွေမှာ လိုအပ်ချက်ရှိသွာရင်လဲ ခွင့်လွှတ်ပေးပါ ဆရာကြီးရှင်။

ကျန်းမာရေးဌာနမှာလုပ်ကိုင်နေသူတွေဆီကမေးခွန်းထည့်ရတာ ခပ်လန့်လန့်ပဲ။ တခါကလည်း ဓါတ်ခွဲဝန်ထမ်း တယောက်က သွေးအုပ်စုအကြောင်းမေးလို့ ဖြေတယ်။ အဲတာကို တယောက်က ဓါတ်ခွဲဝန်ထမ်းက အဲလိုမမေးပါဘူး လုပ်လို့။ မနေ့ကလည်း တယောက်ကလာသေးတယ်။ ကိုယ့်ဖါသာ မေးခွန်းထုတ်၊ ကိုယ်တိုင်ဖြေသတဲ့ စွပ်စွဲခံရတယ်။ ကျွန်တော့်မှာ မေးခွန်းအတုလုပ်ဘို့နေနေသာသာ့့။

၁။ ဆရာရှင့် သွေးဖြူဥ၊ သွေးနီဥများရင် ဆိုးကျိုးတွေကိုသိချင်ပါတယ်ရှင့်။ ဆရာအချိန်ရရင် ရှင်းပြပေးစေချင်ပါတယ်။

၂။ ကျွန်တော့်နာမည်က့့ ပါ။ အသက် ၂၈ ကျော်ပါပြီ။ လူလွတ်ပါ။့့ မှာ အလုပ်လုပ်နေတာ ၁ လခွဲလောက်ရှိပါပြီ။
ပြီးခဲ့တဲ့တပတ်က ဆေးစစ်ခိုင်းလို့ စစ်ထားတာ ဒီနေ့ ရလဒ်သိရပါတယ်။ တခြားဟာအားလုံးနီးပါး ကောင်းပါတယ်။ တခုက Polycythemia ဆိုတာပြထားပါတယ်။ ဆေးပြန်စစ်ဖုိ့လိုတယ်လို့လဲ ရေးထားပါတယ်။ White Blood Cell Count 8300 နဲ့ Red Blood Cell Count 610 ရှိပါတယ်။ ရှေ့ဆက်ပြီး ဘာတွေဖြစ်နိုင်သလဲ၊ ဘာတွေ ဆက်လုပ်ရမလဲဆိုတာ တတ်နိုင်သလောက် ရှင်းပြပေးစေချင်ပါတယ်။

Red Blood Cell (RBC) သွေးနီဥအရေအတွက်ဟာ ပုံမှန်ဆိုရင် ယောက်ျားတွေမှာ 700,000 ကနေ 5.2 million per microliter (mcL) နဲ့ အမျိုးသမီးတွေမှာ 500,000 ကနေ 4.6 million per mcL ရှိရတယ်။

White blood cell (WBC) သွေးဖြူဥအရေအတွက်ဟာ 4,300 ကနေ 10,800 cells per (cmm) ရှိတယ်။ 4.3 to 10.8 IU x 109 cells per liter လို့လည်းရေးတယ်။

Polycythemia သွေးနီဥများခြင်းကို တိတိကျကျပြောရင် သွေးနီဥထုထည်များနေတာဖြစ်တယ်။ နှစ်မျိုးရှိတယ်။ ရောဂါခံ တခုခုကနေ ဖြစ်တာနဲ့ အဲလိုမဟုတ်တာ။ မျိုးဗီဇလို့ပြောနိုင်တယ်။ chronic hypoxia နဲ့ tumors releasing erythropoietin ရောဂါတွေကနေ ဆက်ဖြစ်တတ်တယ်။ Polycythemia vera ဆိုတာ ရိုးတွင်းခြင်ဆီကနေ အများကြီး ထုတ်ပေးနေလို့ ဖြစ်တယ်။ ဖြစ်စေတာရှိရင် အဲတာကိုကုသရမယ်။

သွေးစစ်ရင် Hematocrit (HCT), Hemoglobin (HGB) တွေပုံမှန်ထက်များနေမယ်။ Hematocrit (HCT) က အမျိုးသမီးမှာ ၃၇-၄၈% နဲ့ အမျိုးသားမှာ ၄၅-၅၂% ကျော်နေမယ်။ Hemoglobin (HGB) က အမျိုးသမီးမှာ 16.5g/dL နဲ့ အမျိုးသားမှာ 18.5 g/dL ထက်များနေမယ်။

Red cell count သွေးနီဥအရေအတွက်ဟာ ယောက်ျားမှာ 4.7 - 6.1 million cells/ul ရှိရတယ်။ အမျိုးသမီးမှာ 4.2 to 5.4 million cells/ul ရှိရမယ်။

Hemoglobin (Hb) ဟီမိုဂလိုဘင်က ယောက်ျားမှာ 13 to 18 grams per deciliter နဲ့ အမျိုးသမီးမှာ 12 to 16 grams per deciliter ရှိရမယ်။

သွေးနီဥတွေကို ရိုးတွင်းခြင်ဆီအပြင် ကျောက်ကပ်နဲ့ အသည်း (၁ဝ%) ထုတ်ပေးနေတယ်။ Hypoxia ခေါ် အောက်စီဂျင် မဝဖြစ်နေရင် သွေးနီဥတွေ ပိုထုတ်ပေးလို့လည်းဖြစ်တယ်။ မွေးစကလေးတွေ ၁-၅% မှာ အဲလိုများနေတယ်။

Chronic hypoxia နာတာရှည်အောက်စီဂျင်မဝတာကို emphysema ရောဂါနဲ့ chronic bronchitis ရောဂါကြောင့်ဖြစ်တဲ့ chronic obstructive pulmonary disease (COPD) နာတာရှည်အသက်ရှူလမ်းပိတ်ဆို့ခြင်းရောဂါကနေဖြစ်စေနိုင်တယ်။ chronic heart diseases နာတာရှည်နှလုံးရောဂါကနေဖြစ်စေနိုင်တယ်။ pulmonary hypertension အဆုပ်တွင်း ဖိအားများခြင်းကနေလည်းဖြစ်စေနိုင်တယ်။ Renal hypoxia ကျောက်ကပ်ကနေလည်းဖြစ်စေနိုင်တယ်။ တောင်ပေါ်လို မြင့်တဲ့နေရာတွေမှာ နေသူတွေမှာ အလိုလိုများနေတယ်။ Erythropoietin secreting tumors အကျိတ်ရောဂါကနေလည်း ဖြစ်စေနိုင်တယ်။ hepatocellular carcinoma အသည်းကင်ဆာ၊ renal cell carcinoma ကျောက်ကပ်ကင်ဆာ၊ adenocarcinomas ကျောက်ကပ်အထက် အဒရီနယ်ကင်ဆာနဲ့ uterine tumors သားအိမ်ကင်ဆာတွေဖြစ်တယ်။ benign kidney cysts ကင်ဆာမဟုတ်တဲ့ ကျောက်ကပ်ဆစ်စနဲ့ hydronephrosis ကျောက်ကပ်ရောဂါကနေလည်း ဖြစ်နိုင်တယ်။

ဘာတွေခံစားရမလဲ။ အားနည်းနေမယ်။ ခေါင်းကိုက်၊ ယားယံ၊ သွေးထွက်လွယ်မယ်၊ အဆစ်တွေနာမယ်၊ ခေါင်းမူးမယ်၊ ဗိုက်အောင့်မယ်။

Polycythemia vera ရှိသူကိုလုပ်ပေးတဲ့ Phlebotomy နည်းဆိုတာသွေးဖေါက်ထုတ်တာဖြစ်တယ်။ သွေးမခဲစေအောင် Aspirin နဲ့ dipyridamole (Persantine) ဆေးပေးတယ်။

နောက်ဆက်တွဲဖြစ်နိုင်တာတွေရှိတယ်။ သွေးပျစ်နေလို့ strokes, heart attacks, pulmonary embolism လို ဆိုးဝါးတာတွေဖြစ်စေနိုင်တယ်။ Leukemia သွေးကင်ဆာနဲ့ သွေးယိုမှာကိုလည်း သတိထားနေရမယ်။

- Blood သွေး http://doctortintswe.blogspot.com/2015/12/blood.html
- Leukemia (လူကီးမီးယား) သွေးကင်ဆာ http://doctortintswe.blogspot.com/2015/01/leukemia.html
- High platelets သွေးမှုံများနေခြင်း http://doctortintswe.blogspot.com/2016/01/high-platelets.html
- Thrombocytopenia သွေးမှုံအရေအတွက် နည်းနေခြင်း http://doctortintswe.blogspot.com/2015/01/thrombocytopenia.html
- Polycythemia သွေးနီဥများခြင်း http://doctortintswe.blogspot.com/2016/03/polycythemia.html

ဒေါက်တာတင့်ဆွေ
https://www.facebook.com/drtintswe/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ