ယနေ့ခေတ် လူငယ်အတော်များများသည် အရက်၏ ကျေးကျွန်ဘဝသို့ ကျရောက်နေ သည်။ မြို့ကြီးများတွင်သာမက ကျေးလက် တောရွာများတွင်ပါ အရက်သောက်သူဦးရေ တိုးပွားလာလျက်ရှိသည်။ လူတန်းစားမရွေး သောက်သုံးနိုင်သည့် နိုင်ငံခြားဘီယာအရက်များအပြင် ဈေးပေါပေါဖြင့်ဝယ်ယူ
သောက်သုံးနိုင်သည့်အရက်များ များစွာရှိနေသည်။ ဥပမာ စကားတစ်ခွန်းကဲ့သို့ 'လွယ်လျှင် သူကြွယ်တောင် သူခိုးဖြစ်နိုင်တယ်'ဆိုသကဲ့သို့ နေရာတိုင်း အရက်ရနိုင်ခြင်းသည် လူငယ်များအားအရက်စွဲစေပြီးအရက်၏ ကျေးကျွန်ဘဝသို့ ရောက်သွားစေခြင်းဖြစ်ပါသည်။
မြန်မာနိုင်ငံအပါအဝင် ကမ္ဘာ့နိုင်ငံများတွင် အရက်သောက်သုံးမှုနှင့်ပတ်သက်၍ ကမ္ဘာ့ ကျန်းမာရေးအဖွဲ့က သုတေသနပြုလုပ်ခဲ့ရာ တစ်ကမ္ဘာလုံး၏ အရက်သောက်သုံးမှု နှုန်းမှာ ၂၄ ရာခိုင်နှုန်းခန့် မြင့်တက်ခဲ့ကြောင်း သိရသည်။ နှစ်စဉ် ကမ္ဘာ့လူဦးရေ သန်းနှစ်ထောင် ကျော်သည် အရက်ကို စွဲစွဲမြဲမြဲသောက်သုံးနေ ကြပြီး သန်း ၈ဝ နီးပါးမှာ အရက်ကြောင့် နောက်ဆက်တွဲ ကျန်းမာရေးပြဿနာများ ခံစားနေကြရသည်။ ကမ္ဘာပေါ်တွင် နှစ်စဉ်အရက်ကြောင့် သေဆုံးသူဦးရေ ၃ ဒသမ ၃ သန်းခန့်ရှိရာ ယင်းအရေအတွက်သည် AIDS ၊ တီဘီနှင့် အကြမ်းဖက်မှုများကြောင့် သေဆုံးသူဦးရေထက် ပိုမိုများနေကြောင်း ကမ္ဘာ့ကျန်းမာရေးအဖွဲ့က ထုတ်ပြန်ထားသည်။
လူငယ်များအကြား အရက်နှင့် ယမကာ အမျိုးမျိုးသောက်သုံးလာစေရန် နည်းမျိုးစုံဖြင့် ဈေးကွက်အတွင်း ထိုးဖောက်စွဲဆောင်မှုများပြုလုပ်လျက်ရှိသည်။ ထို့ထက်ဆိုးသည်မှာ အရက်သောက်သုံးသူများ၏ ၇ဝ ရာခိုင်နှုန်းမှာ အရည်အသွေးမမီသည့် အရက်များကိုသောက် သုံးနေကြောင်း သတင်းစာမျက်နှာတစ်ခုတွင် ရေးသားဖော်ပြထားသည်။ ယနေ့ မြန်မာနိုင်ငံတွင် အရက်သောက်သုံးမှုနှုန်း တစ်ရှိန်ထိုးမြင့်တက်လာပြီး ထိုအထဲတွင် အမျိုးသမီးများပါ သောက်သုံးလာသည်ကို တွေ့ရသည်။
'အရက်သမားအမှားတစ်ထောင်'ဆိုသကဲ့သို့အမှား၊အမှန် ဝေဖန်ပိုင်းခြားနိုင်စွမ်း မရှိတော့ဘဲ အမှားများကို ဆက်တိုက်ကျူးလွန် မိတတ်ကြသည်။ အရက်သောက်ခြင်းသည် ဗုဒ္ဓ၏ အဆုံးအမနှင့်မညီဘဲ ငါးပါးသီလ ကို ဖောက်ဖျက်ရာရောက်သလို မပြုအပ်သော အပြုအမူများကို လုပ်ဆောင်မိတတ်ကြသည်။ ပြစ်မှုကျူးလွန်သူများအနက် အရက်သောက်ပြီး ပြစ်မှုကျူးလွန်သူ အများအပြား ပါဝင်ကြောင်း မှုခင်းစာမျက်နှာများတွင် ဖတ်ရှုလျှင် သိနိုင် ပါသည်။
အရက်အနည်းငယ် သောက်သုံးခြင်းဖြင့် ကျန်းမာရေးကောင်းမွန်စေကြောင်း တချို့ သိထားကြသည်။ ယင်းအချက်သည် မှားယွင်းနေကြောင်း သုတေသနပညာရှင်များ သုံးသပ် ထားသည်ကို စာရေးသူလည်း အင်တာနက်စာ မျက်နှာမှတစ်ဆင့် သတင်းတစ်ပုဒ်တွင် ဖတ်ရှု မိမှ သိခဲ့ရသည်။ အရက်သည် လူတို့နှင့် မအပ်စပ်သည့်အရာဟုပင် မှတ်ယူသင့်ပါသည်။ အရက်ကို အလွန်အကျွံသောက်သုံးကာ နောက်ဆုံး လူဖြစ်ရှုံးသည့် အဖြစ်နှင့် ရင်ဆိုင်ကြုံတွေ့ကာ ဘဝဆုံးသွားသူများလည်း လူမှုဝန်းကျင် တွင် အများအပြားတွေ့ကြရမည်ဖြစ်သည်။
အရက်သောက်သုံးမှုကြောင့် နောက်ဆက်တွဲ ကျန်းမာရေးပြဿနာဖြစ်သည့် အသည်းရောင်ခြင်း၊ အသည်းခြောက်ခြင်း၊ အသည်း ကင်ဆာ၊ နှလုံးရောဂါ၊ ဦးနှောက်နှင့်အာရုံကြော ရောဂါ စသည့်ရောဂါများ ဖြစ်ပေါ်နိုင်ပြီးအသက်သေဆုံးသည်အထိ ဖြစ်ပေါ်နိုင်သည်။ ထို့ပြင် အရက်ကြောင့်ဖြစ်သော နောက်ဆက်တွဲ စိတ်ကျန်းမာရေးဖြစ်သည့် စိတ်ဖောက်ပြန်ခြင်း၊ စိတ်ကြွ၊ စိတ်ကျရောဂါ၊ မိမိကိုယ်ကို သတ်သေခြင်းများအထိ ဖြစ်ပွားနိုင်ကြောင်း ကျန်းမာရေး ဝန်ကြီးဌာနမှ သတိပေးချက်ထုတ်ပြန်ထားသည်။
ထို့ပြင် အရွယ်မရောက်သေးသော ကလေးသူငယ်များ၊ အမျိုးသမီးများကို အရက်ဝယ် ခိုင်းခြင်း၊ ရောင်းချခြင်း မပြုလုပ်စေရန်နှင့် မသောက်သုံးမိစေရန် လိုအပ်ကြောင်း၊ အရက်ကို အလွန်အကျွံသောက်သုံးမိပြီး အရက်စွဲ ရောဂါဖြစ်နေပါကနီးစပ်ရာဆေးရုံ၊ ဆေးခန်းနှင့်ကျန်းမာရေးဌာနများတွင်
ဆောလျင်စွာပြသ၍စနစ်တကျကုသမှုခံယူကြရမည်ဖြစ်ကြောင်းလည်း နှိုးဆော်သတိပေးထားသည်။ မိမိတို့ ယခုလက်ရှိရောက်ရှိနေသော တိုတောင်းလှသည့် လူ့ဘဝတွင် မိမိ၏ဘဝကို အညွန့်တုံးစေပြီး လူမှုတာဝန်မကျေပွန်သကဲ့သို့ မိသားစုအကျိုး၊ ဝန်းကျင်လောကသား များ၏ ပရဟိတအကျိုးများကို မျက်ကွယ်ပြု ကာ သေမင်း၏ လက်ကမ်းကြိုဆိုမှုကို ငံ့လင့် နေကြသူများ မဖြစ်သင့်ပေ။ ရခဲလှသည့် လူဘဝတွင် မိမိတို့ရရှိပိုင်ဆိုင်ထားသည့် ဘဝကို တန်ဖိုးထားကာ ပျော်ရွှင်ချမ်းမြေ့သည့် မိသားစုဘဝများကို တည်ဆောက်သွားကြရမည်ဖြစ်ပါသည်။
လက်ရှိတွင် ပြည်သူများ၏ ကျန်းမာရေးစောင့်ရှောက်မှုလုပ်ငန်းများကို တိုးမြှင့်လုပ် ဆောင်လျက်ရှိရာ ပြည်သူများ၏ ကျန်းမာရေး ရှုထောင့်အပြင် လူမှုစီးပွားဘဝများကိုပါ အနှောင့်အယှက်ဖြစ်စေသည့် အရက်မျိုးစုံအန္တရာယ်ကို နိုင်ငံတော်နှင့် နိုင်ငံသားများ အားလုံးက ဂရုပြုသင့်ပြီဖြစ်သည်။ အထူးသဖြင့် နိုင်ငံ၏ အားများဖြစ်သည့် လူငယ်လေးများ၏ အနာဂတ်ကို အရက်နွံအတွင်း မနစ်မွန်းစေရန် ရှုထောင့်ပေါင်းစုံမှ အားလုံးဝိုင်းဝန်း အဖြေရှာ ထိန်းသိမ်းရင်း ကျန်းမာပြီးဖွံ့ဖြိုးသည့် လူမှု အဖွဲ့အစည်းကို ဖန်တီးကြရမည်ဖြစ်ပါသည်။
နေဇာဇာထွန်း(ကြေးမုံ)
The Mirror Daily
https://www.facebook.com/TheMirrorDaily
