မိခင်လောင်းများအတွက် အုန်းသီးနုရည်


အပူပိုင်းဒေသများတွင် ကိုယ်ခန္ဓာပြန်လည် လန်းဆန်းတက်ကြွအောင် သောက်သုံးနိုင်ပြီး လူတို့အတွက် ရှေးအကျဆုံး သဘာဝ ဖျော်ရည်တစ်မျိုးကတော့ အုန်းရည်ဖြစ်ပါတယ်။ ခန္ဓာကိုယ်အတွက် လိုအပ်သော အဟာရဓာတ်များ၊ ဗိုက်တာမင်နှင့် သတ္ထုဓာတ်များစွာပါဝင်ကာ လျှပ်လိုက်ရည်( Electrolyte) ပမာဏသည်လည်း သွေးထဲတွင် ပါဝင်သည့် ပမာဏအတိုင်းပါဝင်သည်။
မိခင်လောင်းများသည် များသောအားဖြင့် ကိုယ်ခန္ဓာမှ ရေဓာတ်ကုန်ခန်းခြင်းနှင့် ခြေကုန်လက်ပန်းကျခြင်းတို့ကို မကြာခဏ ခံစားရလေ့ရှိပါတယ်။ လည်းကောင်းကို ဖြစ်ပေါ်စေတဲ့ အကြောင်းအရာများကတော့ ရုတ်တရက်နှင့် လျှင်မြန်သော ကိုယ်ခန္ဓာ ပြောင်းလဲမှုဖြစ်စဉ်များ၊ နေ့စဉ်နေ့တိုင်း ပြုလုပ်နေရသော အိမ်မှုကိစ္စများကြောင့် စိတ်ပင်ပန်းနွမ်းနယ်မှုများ၊ ရေဓာတ်လိုအပ်ချက် မြင့်တက်လာခြင်းနှင့် ကြီးထွားလာသော သန္ဓေသားအတွက် တို့ကြောင့်ဖြစ်ပါတယ်။


သင့်တင့်လျှောက်ပတ်သော ရေဓာတ်ပြန်လည် ဖြည့်တင်းခြင်းသည် စိတ်ပင်ပန်း လူပင်ပန်းဖြစ်နေခြင်းကို လျှော့ချပေးနိုင်တဲ့အတွက် ကိုယ်ဝန်ဆောင် မိခင်လောင်းများအတွက် အထူးအရေးကြီးပါတယ်။
ထို့ကြောင့် အုန်းနုရည်သည် ကျန်းမာရေးနှင့် ညီညွတ်ပြီး အကောင်းဆုံးအသင့်တော်ဆုံး အဟာရဓာတ်များပါဝင်၍ အလွယ်တကူ သောက်သုံးနိုင်သော ရေဓာတ်ပြန်လည်ဖြည့်တင်းပေးသည့် မိခင်လောင်းများ မလွဲမသွေ သောက်သင့်သည့် အရည်တမျိုးဖြစ်ပါသည်။
မိခင်လောင်းများ အုန်းနုရည်သောက်ခြင်းကြောင့် အကျိုးကျေးဇူး ရရှိခြင်း များစွာရှိသည့်အနက် တချို့ကိုဖေါ်ပြရရင်
ကိုယ်ခံစွမ်းအား ပိုမိုကောင်းမွန်လာစေခြင်း။
အုန်းသီးနုရည်တွင် အန်တီအောက်ဆီဒန့်၊ လိုအပ်သော ဗိုက်တာမင်များနှင့် သတ္တုဓာတ်များ ပါဝင်နေသောကြောင့် ကိုယ်ခံစွမ်းအားကို မြှင့်တင်ပေးသည်။ ထို့ကြောင့် ကိုယ်ဝန်ဆောင်စဉ် ကာလအတွင်း အုန်းသီးနုရည်ကို သောက်ခြင်းသည် မိခင်နှင့်ကလေးအတွက် အနာရောဂါများကြောင့် နာမကျန်းဖြစ်ခြင်းကို ကာကွယ်ပေးသည်။ မိခင်၏ အထွေထွေ ကျန်းမာရေးကို တိုးတက်ကောင်းမွန်စေသည်။
ရောဂါကူးစက်မှုများကို တွန်းလှန်ပေးခြင်း။
ဘက်တီးရီးယား၊ ဗိုင်းရတ်ပိုးတို့ကြောင့် ဖြစ်တတ်သော ရောဂါများနှင့် မှိုရောဂါများကို ကာကွယ်ပေးသည်။ မိခင်လောင်းများ ကိုယ်ဝန်ဆောင်စဉ်တွင် သောက်သင့်သော သဘာဝအတိုင်း ပိုးသတ်ပြီးဖြစ်သည့် အုန်းသီးနုရည် ဖြစ်ပါသည်။
ဝမ်းချုပ်ခြင်းနှင့် ရင်ပူခြင်းကို ကုသပေးနိုင်ခြင်း
အစာခြေ၊ ချက်ခြင်းနှင့် ဆိုင်သော ပြဿနာများသည် ကိုယ်ဝန်ဆောင်စဉ် ကာလအတွင်း ဖြစ်လေ့ဖြစ်ထရှိသော ကျန်းမာရေး ကိစ္စများဖြစ်ပါတယ်။ အုန်းသီးနုရည်ကို သောက်ခြင်းဖြင့် အစာကြေစေခြင်း၊ အစာခြေအင်္ဂါအဖွဲ့အစည်းများ အားကောင်းစေခြင်း၊ ဝမ်းချုပ်ခြင်းနှင့် ရင်ပူခြင်းကို ထိရောက်စွာ ကာကွယ်ကုသပေးနိုင်ပါတယ်။
ကိုယ်ခန္ဓာတွင် အဆိပ်အတောက်များကို ဖယ်ရှားပေး၍ pH ပမာဏကို ထိန်းသိမ်း လှည့်ပတ်စေကာ အစာခြေဖျက်မှု၊ ကြီးထွားမှုနှင့် စွန့်ထုတ်မှုစသည့် ဖြစ်စဉ်များအားလုံးကို တိုးတက်ကောင်းမွန်စေသည်။
မအီမသာဖြစ်ခြင်း၊ ပျို့အန်ခြင်းနှင့် နာကျဉ်ခြင်း ဝေဒနာများကိုပါ ကုသပေးနိုင်ပါသည်။
သဘာဝ ဆီးရွင်ဆေး။
ကိုယ်ဝန်ဆောင်ကာလတွင် အလွန်အရေးပါသော ကိုယ်ခန္ဓာတွင်းရှိ ယူရစ်အက်ဆစ် ပမာဏကို ထိန်းသိမ်းနိုင်ရန်အတွက် သဘာဝ ဆီးရွင်ဆေးဖြစ်ပါတယ်။ ပဓာနကျသည့် ဆီးသွားလမ်း သန့်ရှင်းအောင် ဆီးရွင်စေခြင်းဖြင့် ကူညီပေးသည်။
ဆီးလမ်းကြောင်းဆိုင်ရာ ရောဂါပိုးကူးစက်ခြင်းနှင့် လမစေ့ခင် ကလေးမွေးဖွားမှု ဖြစ်ပေါ်နိုင်သည့် အလားအလာများကို ကာကွယ်ထိန်းချုပ်ပေးသည်။ ကျောက်ကပ်ကိုလဲ ကျန်းမာစေပြီး ကျောက်ကပ်အတွင်း ရောဂါများနှင့် ကျောက်တည်ခြင်းကို မဖြစ်အောင်တားဆီးပေးသည်။
သန္ဓေသားအတွက် သင့်တော်သော ကြီးထွားနှုန်းကို မြှင့်တင်ပေးခြင်း
အုန်းနုရည်ကိုသောက်ခြင်းဖြင့် မိခင်၏ကျန်းမာရေးကို မြှင့်တင် ထိန်သိမ်းပေးရာတွင် အဓိကကျသော အဟာရဓာတ်ကို ဖြည့်တင်းပေးကာ ရောဂါဘယများလည်း မဖြစ်အောင် ကာကွယ်ပေးသည်။ ထို့ကြောင့် ကျန်းမာသုခ ရရှိစေကာ ကလေးအတွက် သင့်တင့်လျှောက်ပတ်သော အဟာရနှင့် ကြီးထွားမှုကိုပါ အထောက်အကူပေးသည်။
သွေးလှည့်ပတ်မှု တိုးတက်ကောင်းမွန်စေခြင်းနှင့် သကြားဓာတ် ပမာဏကို ထိန်းသိမ်းပေးခြင်း။
ဗိုက်တာမင်စီ၊ အခြေခံပရိုတိန်းဓာတ်များ၊ မဂ္ဂနီဆီယမ်နှင့် ပိုတက်ဆီယမ်တို့သည် ယင်းသဘာဝ အုန်းနုရည်ထဲတွင် ပါဝင်သောကြောင့် ကိုယ်ခန္ဓာတွင်းရှိ ကောင်းမွန်သော ကိုလက်စရော ပမာဏကို မြှင့်တင်ပေးသည်။
သွေးအတွင်း သကြားဓာတ်နှင့် သွေးဖိအားကိုပါ ထိန်းသိမ်းပေးပြီး သွေးလှည့်ပတ်မှုကိုပါ တိုးတက်ကောင်းမွန်စေပါသည်။ မိခင်များအတွက် သွေးတိုးခြင်းနှင့် လေဖြတ်ခြင်းတို့ဖြစ်ပွားနိုင်မှု ရာနှုန်းကို လျှော့ချပေးပါသည်။

ကျန်းမာသော ကိုယ်ခန္ဓာ ဖြစ်ပေါ်စေခြင်းနှင့် အဆီများကို ထိန်းချုပ်ပေးခြင်း။
ကိုလက်စရောနှင့် အဆီဓာတ်တို့ အုန်းနုရည်တွင် လုံးဝမပါရှိသဖြင့် ကိုယ်ခန္ဓာအတွင်းရှိ မကောင်းသော ကိုလက်စရောကို လျှော့ကျစေ၍ ကောင်းမွန်သော ကိုလက်စရောကို မြှင့်တင်ပေးသည်။ အဆီပိုများ စုပုံလာခြင်းကို ကာကွယ်ပေးသဖြင့် မိခင်၏ ကျန်းမာရေးကို ထိရောက်စွာ အကျိုးပြုပါသည်။
မိခင်လောင်းများအတွက် အသင့်တော်ဆုံး အုန်းနုရည်ဖြစ်သော်လဲ သာမန်လူများသောက်သုံးရာတွင် သတိမူရမည့် အချက်များကို နောက်ပို့စ်များတွင် တင်ပြသွားပါ့မည်။

ဝင်းလှိုင်ဦး
Myawady Health
https://www.facebook.com/pg/myawadyhealth

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ