သွေးတိုးရောဂါသည် လူတို့နေထိုင်မှုဘဝ ပုံစံနှင့်ဆက်နွှယ်နေသည့် နာတာရှည်ရောဂါ ဖြစ်သည်။ သွေးတိုး ရောဂါသည် သွေးကြော များကျဉ်းနေပြီး နှလုံးမှညှစ်ထုတ်လိုက်သောသွေးများ တွန်း ထွက်နေ ရသည့်အတွက် တိုးလာရခြင်းဖြစ်သည်။ အရွယ်ရောက်သူတစ်ဦး တွင် ပုံမှန်သွေးပေါင်ချိန်ပျမ်းမျှအားဖြင့် အပေါ်သွေး ၁၂ဝ မီလီမီတာ မာကျူရီရှိပြီး အောက်သွေး ၈ဝ မီလီမီတာမာကျူရီရှိရ မည်။ သွေးပေါင်ချိန် ၁၂ဝ/၈ဝ မီလီမီတာ မာကျူရီနှင့် ၁၄ဝ/၉ဝ မီလီမီတာမာကျူရီကြားကို ပဏာမအဆင့် သွေးတိုးရောဂါရှိ သည်ဟုသတ်မှတ်ပြီး သွေးပေါင်ချိန် ၁၄ဝ/၉ဝ မီလီမီတာမာကျူရီနှင့် အထက်ရှိလျှင် သွေးတိုး ရောဂါဟုသတ်မှတ်သည်။ သွေးတိုးရောဂါသည် ဆေးတစ်မျိုးတည်းအားကိုးပြီး ကုသနေရုံဖြင့်မသက်သာနိုင်ပါ။ အစားအသောက် အနေအထိုင်ကို ဆင်ခြင် စားသောက်နေထိုင်မှသာ ရောဂါသက်သာပျောက်ကင်းနိုင်မည်။
သုတေသနပြု လေ့လာတွေ့ရှိချက်များအရ သွေးတိုး ရောဂါဖြစ်စေသော အကြောင်းရင်းများစွာ ရှိပါသည်။ ငန်သော အစားအစာ၊ အဆီအအိမ့် လွန်ကဲသောအစားအစာ အစား များခြင်းကြောင့် ခန္ဓာကိုယ်တွင်းရေဓာတ် ထိန်းသိမ်းမှုများပြီး သွေးထုထည်တိုးပွားလာ ခြင်းကြောင့် သွေးတိုးရောဂါဖြစ်စေသည်။ ထို့ပြင် အရက်ကြောင့်လည်း သွေးတိုးရောဂါ ဖြစ်စေသည့်အတွက် ဆေးကုသမှုခံယူရာတွင် အရက်ဖြတ်ရန် အရေးကြီးသည်။ အရက် မဖြတ်ဘဲ သွေးကျဆေးသောက်ပါက သွေးတိုးရောဂါပျောက်မည် မဟုတ်ပါ။ အလားတူပင် ဆေးလိပ်သောက်ခြင်းသည်လည်း သွေးကြောကျဉ်းစေပြီး သွေးတိုးရောဂါကို ပိုဆိုးစေသည်။
လူသားတို့သည် အသက်အရွယ်ကြီးလာ သည်နှင့်အမျှ သွေးကြောများမာလာခြင်းကြောင့် သွေးပေါင်ချိန်မြင့် တက်လာ တတ်သည်။ ဆီးချိုရောဂါရှိ သူများသည်လည်း သွေးတွင်းသကြား ဓာတ်များ နေခြင်းကြောင့် သွေးကြောများ မာကျောလာပြီး သွေးတိုးရောဂါပိုဖြစ်နိုင်သည်။ နေ့စဉ်နေထိုင်မှုဘဝတွင် လှုပ်ရှားမှု နည်းခြင်း ကြောင့်ဖြစ်စေ၊ အစားများခြင်းကြောင့်ဖြစ်စေ အဝလွန်လာလျှင် သွေးတိုးရောဂါဖြစ် စေနိုင် သကဲ့သို့ စိတ်ပူပင်သောကများလျှင်လည်း ခန္ဓာကိုယ်မှထွက်လာသော ဓာတုပစ္စည်းများကြောင့် သွေးကြောကို ကျဉ်း စေပြီး သွေးတိုးစေနိုင် သည့်အတွက် စိတ်ကိုပျော်ရွှင်တည်ငြိမ်အေးချမ်းအောင် နေထိုင်ခြင်းသည် သွေးတိုးရောဂါကို သက်သာစေသည်။
သွေးတိုးရောဂါသည် မျိုးရိုးလိုက်သော ရောဂါဖြစ်သည့်အတွက် ဆွေမျိုးသားချင်းများတွင် သွေးတိုး ရောဂါမျိုးရိုးရှိခြင်းကြောင့်လည်း ဖြစ်စေနိုင်သည်။ ထို့ပြင် ဟော်မုန်းဓာတ်ပါသော ဆေးများမှီဝဲခြင်း၊ ဟော်မုန်း ထုတ်လုပ်သော အကျိတ်များတွင် ရောဂါရှိခြင်းနှင့် ကျောက်ကပ်ရောဂါရှိခြင်းကြောင့် လည်း သွေးတိုးနိုင်သည်။ ကိုယ်ဝန်ဆောင် မိခင်များတွင် ကိုယ်ဝန်ဆောင်စဉ် ကိုယ်ဝန်ဆိပ်တက်ခြင်းကြောင့်လည်း သွေးတိုးနိုင်သည်။ ထို့ကြောင့် သွေးတိုးရောဂါဖြစ်စေ သည့် အကြောင်းအချက်များကို လူတိုင်းသတိပြုဆင်ခြင်ပြီး နေထိုင်စားသောက်ကြ ရန်လိုအပ်သည်။
သွေးတိုးရောဂါလက္ခဏာများ သွေးတိုးရောဂါသည် တစ်ခါတစ်ရံတွင် မည်သည့်လက္ခဏာမျှမပြဘဲ ရှိနေတတ်သော်လည်း သွေးတိုးရောဂါကြောင့် ထိခိုက်သောကိုယ်အင်္ဂါအစိတ်အပိုင်းကိုလိုက်၍ ခေါင်းမူး ခြင်း၊ ခေါင်းကိုက်ခြင်း၊ မျက်စိဝေခြင်း၊ ဇက် ကြောတက်ခြင်း၊ အားအင်ကုန်ခန်းခြင်း၊ မောပန်းခြင်း၊ ရင်တုန်ခြင်း၊ ရင်ဘတ်အောင့် ခြင်း၊ ကိုယ်ဖောရောင်ခြင်းစသည့်လက္ခဏာများ ခံစားရတတ်သည်။
သွေးတိုးရောဂါ၏ေ နာက်ဆက်တွဲ ဝေဒနာများ သွေးတိုးရောဂါသည် ဆေးကုသမှု သေချာမခံယူလျှင် နှလုံးသို့ သွေးပေး ပို့သော သွေးလွှတ်ကြောကြီးများကျဉ်း၍ နှလုံးသွေးလုံ လောက်စွာမရရှိခြင်းကြောင့် နှလုံးအားနည်း ရောဂါ၊ နှလုံးကြီးခြင်း၊ နှလုံးသွေးကြောပိတ် ခြင်း၊ နှလုံးသွေးကြောကျဉ်းခြင်း၊ နှလုံးညှစ်အားလျော့ကျခြင်း၊ ရုတ်တရက်နှလုံးအမော ဖောက်ခြင်းအပြင် သေဆုံးသည်အထိ ဖြစ်နိုင်သည်။ အလားတူပင် သွေးတိုးရောဂါ ကြောင့် ဦးနှောက်သွေးကြောပေါက်ပြီး ချက်ချင်းသေဆုံးနိုင်သကဲ့သို့ ဦးနှောက်သွေး ကြောပိတ်ပြီး လေဖြတ် ခြင်း၊ ကိုယ်တစ်ပိုင်း သေခြင်းများလည်းဖြစ်နိုင်သည်။ ထို့ပြင် သွေးတွင်းအဆီဓာတ်များပြီး သွေးကြော ကျဉ်းခြင်းကြောင့် ကျောက်ကပ်နှစ်ဖက်စလုံး တစ်ပြိုင်တည်းပျက်စီးပြီး တစ်ကိုယ်လုံးဖောရောင်ခြင်း၊ မျက်စိသွေးကြောများ ပျက်စီးပြီး မျက်စိမှုန်ခြင်း၊ အမြင်အာရုံချို့ယွင်းခြင်းများမှ မျက်စိကွယ်သည်အထိ ဖြစ်နိုင်သည်။
ဆရာဝန်နှင့်ပြသရမည့် အခြေအနေ သွေးတိုးဝေဒနာရှင်တစ်ဦးအနေဖြင့် ခေါင်းကိုက်ခြင်း၊ ဇက်ကြောတက်ခြင်း၊ မူးဝေခြင်း၊ မျက်လုံးပြာခြင်းခံစားရသည့်အခါ၊ ခြေလက်ထုံကျဉ်၍ လှုပ်ရှားမှုမကောင်းသည့်အခါ၊ ဆေးပုံမှန် သောက်သော်လည်း ဝေဒနာမသက် သာသည့်အခါ၊ အစားအသောက်၊ လေ့ကျင့် ခန်းပြောင်းလဲလိုက်သည့် အခါနှင့် အခြား ရောဂါဝေဒနာများခံစားရသည့်အခါ စသည့်အခြေအနေများဖြစ်ပေါ်လာပါက တတ်ကျွမ်း နားလည်သောဆရာဝန်များနှင့်ပြသရန်လိုအပ်သည်။
သွေးတိုးရောဂါဖြစ်လျှင် ဆောင်ရန် သွေးတိုးဝေဒနာရှင်တစ်ဦးအနေဖြင့် နေ့စဉ်ပုံမှန်လမ်းလျှောက်ခြင်းသည် သွေးတိုးရောဂါ ကို ထိန်းချုပ်ကာကွယ်နိုင်သောကြောင့် နေ့စဉ် နံနက်တိုင်း မိနစ် ၃ဝ ခန့် လမ်းလျှောက်ရန် လိုအပ်သကဲ့သို့ အသက်ရှူလေ့ကျင့်ခန်းနှင့် ကိုယ်လက်လှုပ်ရှားမှု မှန်မှန်ပြုလုပ်ရန်လည်း လိုအပ်သည်။ ဘဝကိုပျော်ရွှင်ကျန်းမာအောင် လေ့ကျင့်နေထိုင်ခြင်းသည် စိတ်ဖိစီးမှုနည်းပါးစေပြီး သွေးတိုးရောဂါကို သက်သာစေသည်။
ထို့ကြောင့် စိတ်ဖိစီးမှုသက်သာစေရန် ညအိပ်ရာဝင်ခါနီး မိနစ် ၃ဝ ခန့် တရားထိုင်ခြင်း၊ သမထ၊ ဘာဝနာများ ရှုမှတ်ပွားများ ခြင်းများကို ဆောင်ရွက်သင့်သည်။ အစားအသောက်အနေဖြင့် မဂ္ဂနီစီယမ် ဓာတ်ပါဝင်သော အမျှင်ဓာတ်များသည့် ကန်စွန်းရွက်၊ ချဉ်ပေါင်ရွက်၊ ဟင်းနုနယ်၊ ကင်ပွန်းချဉ်ရွက်စသည့် ဟင်းသီးဟင်းရွက် များကို နေ့စဉ်စားသုံးရန် လိုအပ်သကဲ့သို့ ဗီတာမင်စီကြွယ်ဝသော အရည်ရွှမ်းသည့် လိမ္မော်သီး၊ ကမ္ဗလာသီး၊ နာနတ်သီး၊ ပန်းသီး၊ သံပရာသီး၊ ရှောက်သီး၊ ကျွဲကောသီး၊ ဖရဲ သီး၊ စတော်ဘယ်ရီသီးစသော သစ်သီးတစ် မျိုးမျိုးကို နေ့စဉ်စားသုံးရန် လိုအပ်သည်။ ပိုတက်စီယမ်ဓာတ်ကြွယ်ဝသော အုန်းစိမ်းရည်သောက်ခြင်း၊ ငှက်ပျောသီးစားခြင်းသည် လည်း သွေးတွင်းဆိုဒီယမ်ဓာတ်ကို လျှော့ချပေးသောကြာင့် သွေးတိုးခြင်းကို သက်သာ စေသည်။ နေကြာစေ့၊ ကွာစေ့၊ ဖရုံစေ့၊ သစ်ကြားသီးစသည့် အခွံမာအသီးများကို မကြာခဏ စားသုံးခြင်းသည်လည်း သွေးတွင်း မကောင်းသောအဆီဓာတ်ကို ချေဖျက်ပေး ခြင်းကြောင့် သွေးကြော ကျဉ်းခြင်းကို ကာကွယ် နိုင်ပြီး သွေးတိုးရောဂါကို သက်သာစေသည်။
တိရစ္ဆာန်မှရသော အဆီဓာတ်ကိုရှောင်ပြီး အိုမီဂါ-၃ အဆီဓာတ်ပါဝင်သော ငါးမြင်း၊ ငါးကြင်း၊ ငါးတန်စသည့် ရေချိုငါးမျိုးစုံကို တစ်ပတ်နှစ်ကြိမ်စားသုံးခြင်း၊ သွေးတွင်းရှိ ကိုယ်လက်စထရောဓာတ်မှ မကောင်းသော အဆီကို ချပေးနိုင်သော ကြက်သွန်ဖြူ၊ ကြက်သွန်နီ၊ နနွင်းတို့ကိုစားသုံးပေးခြင်း၊ အဆီနည်းပြီး ကယ်လ်ဆီယမ် ဓာတ်ကြွယ်ဝသော နွားနို့သောက်သုံးခြင်းနှင့် ဟင်းသီးဟင်းရွက်၊ အသီးအနှံများများစားသုံးခြင်းတို့သည် သွေးတိုးရောဂါကို သက်သာစေသည်။
ဝမ်းတစ်လုံးကောင်း ခေါင်းမခဲ ဆိုသကဲ့သို့ ဝမ်းမချုပ်အောင် နေထိုင်ခြင်းသည်လည်း သွေးတိုးရောဂါကို ကာကွယ် ထိန်းသိမ်းခြင်းအတွက် အရေးပါလှသည်။ ထို့ပြင် သွေးပေါင်မှန်မှန်ချိန်၍ စနစ်တကျဆေးကုသမှု ခံယူပြီး သွေးပေါင်ကျဆေးကို ဆရာဝန်ညွှန် ကြားချက်အတိုင်း မှန်မှန်သောက်သုံးပါက သွေးတိုးရောဂါနှင့် နောက်ဆက်တွဲရောဂါ များကို ကာကွယ်ထိန်းသိမ်းနိုင်မည်ဖြစ်သည်။
သွေးတိုးရောဂါဖြစ်လျှင် ရှောင်ရန် သွေးတိုးဝေဒနာရှင်တစ်ဦးအနေဖြင့် ဆေးလိပ်သောက်ခြင်း၊ အရက်အလွန် အကျွံ သောက်ခြင်းမှ ရှောင်ကြဉ်ရမည်။ ကိုယ်အလေးချိန်ပုံမှန်ဖြစ်ရန်ထိန်းသိမ်း၍ အဝမလွန်အောင် နေထိုင် စားသောက်ရန်လည်း လိုအပ်သည်။ ထုိ့ပြင် စိုးရိမ်ပူပန်မှု၊ စိတ်သောကဖိစီးမှု မှန်သမျှ လျှော့ချရမည်။ အဆီ အအိမ့်များသောအစားအစာများဖြစ်သည့် ထောပတ်၊ မလိုင်၊ ပြည့်ဝဆီပါဝင်မှုများသော အစားအစာ၊ စားအုန်းဆီနှင့် ပြန်ကြော်ဆီ ပါဝင်သော ဆီကြော်မုန့်မျိုးစုံတို့ကို ရှောင်ကြဉ်ရမည်။ အငန်ဓာတ်များသော အစားအစာ များဖြစ်သည့် ငါးပိရည်၊ ငံပြာရည်၊ ငါးပိ ကြော်၊ ငါးခြောက်၊ ဆားနယ်ထားသောအစား အစာများ၊ အိမ်သုံးဆား၊ လျက်ဆား၊ ကြက်သားမှုန့်နှင့် အချိုမှုန့်စသည်တို့ကို ရှောင်ပြီးအငန်ဓာတ် နည်းနည်းစားမိလျှင် ပိုတက်စီယမ် ပါသော သစ်သီးပိုစားသုံးရမည်။ အမဲသား၊ဝက်သားစသည့် တိရစ္ဆာန်မှရသည့် အဆီ အအိမ့်များ ကိုလည်း ရှောင်ရမည်ဖြစ်သကဲ့သို့ ပွဆေးဆော်ဒါနှင့်ပြုလုပ်ထားသော ခေါက်ဆွဲ၊ အီကြာကွေး၊ ပဲပြုတ်၊ ဘိန်းမုန့်၊ ကိတ်မုန့်စသည်တို့ကို အတတ်နိုင်ဆုံးရှောင်ကြဉ်ရသည်။
သို့မှသာ သွေးတိုးရောဂါနှင့် နောက်ဆက် တွဲရောဂါများကို ကာကွယ်ထိန်းသိမ်း နိုင်မည်ဖြစ်ပြီး ကျန်းမာ ပျော်ရွှင်သော ဘဝကို ပိုင်ဆိုင်နိုင်မည်ဖြစ်ကြောင်း ရေးသားတင်ပြအပ်ပါသည်။ ။
ဆောင်းပါးရှင်-ဇာနည်အောင်
မြ၀တီ
https://www.facebook.com/pg/mwdmedia
