ဆရာမင်္ဂလာပါရှင့် ကျမသမီးလေးက ၇ လရှိပါပြီ။ အရပ်ပုမယ်လို့ထင်လို့ပါ။ ကျမကအရပ် ၅ ပေ၇ ရှိုပြီး အမျိုးသားက ၅ ပေ ၁၁ ရှိပါတယ်။ ဒါပေမဲ့အမျိုးသားရဲ့အဖေက ၅ ပေတောင်မပြည့်ပါဘူးရှင့်။ သမီးလေးက အဖိုးနဲ့တကိုယ်လုံး စွပ်ချွပ်တူလို့ပါ။ အရပ်လည်း အရမ်းပုမှာစိုးလို့ပါရှင့်။ အရပ်ရှည်ဆေး ဘယ်လိုတိုက်ရပါမလဲရှင့်။
အရပ်ရှည်ဆေးဆိုတာမှန်သမျှ လုံးဝမသင့်ပါ။ လူ့အရပ်ဆိုတာ သူ့အရိုးတည်ဆောက်မှုမှာ မူတည်တယ်။ အရိုးကို ပိုခိုင်အောင်သာ ဆေးနဲ့လုပ်နိုင်တယ်။ ပိုရှည်အောင်လုပ်မရပါ။ လူတယောက်ရဲ့အရပ်ကို မျိုးဗီဇနောက်ခံနဲ့ ပါတ်ဝန်းကျင် အကြောင်းတရားတွေကနေ သက်ရောက်တယ်။ ယောက်ျား-မိန်းမ အရွယ်ရောက်ချိန်မှသာ တသက်လုံးရှိမယ့်အရပ် ဖြစ်လာတယ်။ ဟော်မုန်းတွေကနေ သက်ရောက်စေတယ်။ အဲဒီအရွယ်မှာ အခရာကျတယ်။
မျိုးဗီဇကလည်း အဓိကကျတယ်။ ၆ဝ-၈ဝ% က မိဘတွေရဲ့အရပ်နဲ့ ဆက်စပ်နိုင်တယ်။ မျိုးဗီဇသဘောက အဖေဆီက ၁ နဲ့ အမေဆီက ၁ ပေါင်းတာကို ၂ နဲ့စားသလိုတော့ မဟုတ်ပါ။ လွှမ်းမိုးတဲ့မျိုးဗီဇရှိတယ်။ အဖိုးအဖွားနဲ့သွားတူတာလည်း ဖြစ်နိုင်တယ်။ မိခင်ကိုယ်ဝန်ဆောင်စဉ်က အစားအသောက်နဲ့လဲ ဆိုင်နိုင်တယ်။ ကလေးဘဝနဲ့ အရွယ်ရောက်ကာနီး စားတာတွေနဲ့လဲ ဆိုင်နိုင်တယ်။
လူ့အရပ်ရှည်မှုဟာ အရိုးရှည်တွေက အဓိကဖြစ်တယ်။ ပေါင်ရိုးနဲ့ ခြေသလုံးရိုး။ ဒါတွေ ဆက် မရှည်တော့ချိန်မှာ ရပ်တန့်သွားတယ်။ Epiphyseal plates ဆိုတာ ပိတ်သွားချိန်မှာ ဆက်မရှည်တော့ဘူး။ အရိုးရှည်တွေထိပ်မှာရှိတဲ့ အဲဒီ အရိုးနုတွေက အရွယ်အလိုက် တဖြေးဖြေးမာလာပြီး အရိုးမာတွေ ဖြစ်လာတယ်။ ခြေထောက်ပိုင်းက လူ့အရပ်နဲ့ တဝက်လောက်ဆိုင်တယ်။ Ossification အရိုးမာတွေဖြစ်တဲ့ အသက်အပိုင်းအခြားတွေ ရှိတယ်။ အရိုးစုတခုကြည့်ပြီး သူ့အရပ်ရော အသက်ပါ မှန်းလို့ရတယ်။
ယေဘုယျ ယောက်ျားတွေက မိန်းမတွေထက် ရှည်တယ်။ မိန်းကလေးတွေဟာ သူတို့ရှိနေတော့မယ့်အရပ်အမောင်းကို ယောက်ျားလေးတွေထက်စောပြီး ရောက်ကြတယ်။ အပျိုဖြစ်တာက လူပျိုဖြစ်တာထက် စောလို့ဖြစ်ပါတယ်။ မိန်းကလေး ၅-၁၂ နှစ် နဲ့ ယောက်ျားလေး ၅-၁၄ နှစ်မှာ အရိုးအများဆုံးက အရိုးမာတွေဖြစ်လာကြပြီ။ ၁၇-၂ဝ နှစ်ရောက်ရင် လက်နဲ့ လက်ပြင်ရိုးတွေမှာဖြစ်ပြီ။ ၁၈-၂၃ နှစ်ရောက်ရင် ခြေထောက်ပိုင်း အရိုးတွေဖြစ်မှာဖြစ်ပြီ။ ၂၃-၂၅ နှစ်မှာ ရင်ညွှန့်ရိုး၊ ညှပ်ရိုး နဲ့ ခါးရိုးတွေက ဖြစ်ကြပြီ။ အသက်အစိတ်မှာ အားလုံးပြည့်စုံသွားမယ်။ အသက် ၂၅ ကျော်ရင် မရှည်ချင်နဲ့တော့။ ဒိနောက်ပိုင်းမှာ နည်းနည်းတော့ ရှည်လာနိုင်တာလဲရှိပါတယ်။ အသက်သိပ်ကြီးချိန်မှာတော့ ဆက်မရှည်တော့တာ သေချာတယ်။ ကျောရိုးမကြီးက အရိုးတွေကြားက အရိုးနုလေးတွေအပေါ်မှာ မူတည်လို့ အဲလိုဖြစ်တယ်။
အားတက်စရာပြောရရင် ကြောရိုးမကြီးမှာ အရိုးပေါင်း ၃၃ ခုရှိပေမဲ့ ၂၄ ခုက တခုနဲ့တခု ဆက်မသွားကြဘဲနေရစ်တယ်။ ဒီအချက်ကို အရပ်ရှည်ဘို့ အသုံးချနိုင်တယ်လို့ ဆိုတယ်။ ကြောရိုးမကြီးဟာ လူ့အရပ်ရဲ့ ၃၅% နဲ့ဆိုင်တယ်။ ဒီအချက်ကို ကောင်းကောင်း အသုံးချရမယ်လို့ ဆိုပါတယ်။ လေ့ကျင့်ခန်းနဲ့ အရပ်ရှည်ဘို့လုပ်တာကို ကောင်းတယ်လို့ အားပေးသူတွေက ဒီလိုလုပ်တာက ကြီးထွားစေတဲ့ဟော်မုန်းကို ထုတ်စေအောင်လုပ်ရာကျတယ်လို့ပါ ဆိုတယ်။ ဆရာဝန်တွေက ပြောတာတော့ မဟုတ်ပါ။
သိပ်ဆင်းရဲတဲ့ အရပ်ဒေသတွေမှာ အာဟာရချို့တဲ့တာတွေကြောင့် ကြာလာရင် အများစုက အရပ်ပုမယ်။ ဒုတိယကမ္ဘာစစ် ကာလ ဂျပန်တွေ အရပ်ပုကြတာအသိဘဲ။ အခု မပုကြတော့တာ ဘာလို့လဲ။ ၂၅-၁၁-၂ဝဝ၂ ထုတ်ဂျပန်သတင်းမှာ နွားနို့သောက်လို့ပြောတယ်။ လူငယ်တွေ နွားနို့သောက်များလာတာ ၁ဝ နှစ်အတွင်း အဆ ၅ဝဝ တောင်ရှိသတဲ့။ ပေါင်မုံ့လဲ အမျိုးစုံအောင်စားသတဲ့။ ဈေးချိုတဲ့ Bumper rice ဆန်ထက်တောင် ပေါ်ပြူလာ ဖြစ်လာတယ်။ ဒါကြောင့် ပေါင်မုံ့စားနှုန်းက ၁၁ ဆတက်လာတယ်။ ကိတ်မုံ့စားတာလဲ ပိုများလာတယ်။ ဒါကြောင့် ၁ဝ နှစ်သမီးလေးတွေက သူတို့အမတွေထက် ၁ လက္မပိုရှည်လာကြတယ်။ အလေးချိန်လဲ ၁ ပေါင်တိုးလာကြတယ်။ စစ်မဖြစ်ခင်ကထက် ၃ ပေါင်ပိုလေးပြီး လက္မဝက် ပိုရှည်လာကြတယ်။
ကျောရှည်သူက ထိုင်နေရင် မပုသလိုဘဲ။ ပေါင်ပိုရှည်သူ ထိုင်ရင် မရှည်သလို ထင်ရတယ်။ အမျိုးသမီးတွေ အရပ် ၄ ပေ ၁၁ လက္မထက်နိမ့်ရင် တင်ပါးဆုံကွင်းကျဉ်းလို့ ကလေးမွေးဖွါးရာမှာ ခက်နိုင်တယ်။ ရှည်ရင် ကျွမ်းဘား၊ ပြိုင်ကားမောင်းတာတွေမှာ အားသာကြတယ်။
အာဟာရပြည့်ဝဝ စားသုံးပါ။ ကျန်းမာနေစေရမယ်။ ကိုယ်လက်လေ့ကျင့်ခန်း၊ ဆန့်တန်းမှုပါတဲ့ အားကစား ဥပမာ ရေကူး၊ တင်းနစ် ကစားပေးပါ။ ဘာတန်းကနေ အောက်တွဲလောင်းချနည်းလုပ်ပါ။ ဘားဆွဲရင် လက်ရှည်တယ်ဆိုရင် ခါးလဲရှည်နိုင်တာပေါ့။ ဘားတန်းဆွဲရင် ခါးကလဲဆန့်ရတယ်။ ခြေကလဲဆန့်ရတယ်။ အနေအထိုင်ကအစ ပြင်ပါ။ ခါးမတ်မတ်ထိုင်၊ ခါးဆန့်လမ်းလျှောက်ပါ။ တနေ့ ၈ နာရီအိပ်စက်ပါ။ အရပ်ရှည်ချင်သူတွေ စားဘို့ကောင်းတဲ့ဆေးနဲ့ အစာမှာ ဗီတာမင် (ဒီ)၊ (ပရိုတင်း)၊ ဗီတာမင် (အေ)၊ (ကယ်လ်စီယန်) နဲ့ ဓါတ်ဆားတွေ ပါသင့်တယ်။
လူတွေမှာ ကျောလျှားရှည်သူနဲ့ ပေါင်တံရှည်သူ မတူပါ။ Long-legged beauty, Long Elegant Legs, Sexy Legs, Hot legs ဆွဲဆောင်မှုရှိတဲ့ ပူလောင်စေတဲ့ နာမဝိသသေနတွေ အများကြီးရှိတယ်။ အရပ်ရှည်သူတွေက ဖက်ရှင်မယ်လုပ်လို့ ရတယ်။ ရုပ်ရှင်မင်းသမီးဖြစ်နိုင်တယ်။ ဘောလုံးဂိုးဖမ်းသူဟာ အရပ်ရှည်တာ တပမ်းသာတယ်။ အရပ်ရှည်တာက နှလုံး ကျန်းမာရေးကောင်းတယ်။ ကင်ဆာဖြစ်မှာတော့စိုးရတယ်။ သိပ်ရှည်နေသူတွေမှာတော့ နှလုံးသွေးကြောအတွက် မကောင်းပြန်ဘူး။
Dr. တင့်ဆွေ
https://www.facebook.com/drtintswe/
