Tinea Versicolor ညှင်း


၁။ ဆရာရှင့် ကျမအသက်က ၂၈ ပါ အိမ်ထောင်မရှိ ရာသီလဲမှန်ပါတယ်။ ကျမရဲ့ ပခုံးနားနဲ့ နောက်ကျောမှာ နီညိုရောင်အကွက်တွေဖြစ်နေပါတယ် အရင်ကလည်း အဲ့လိုနေရာတွေမှာ ညှင်းပေါက်ဖူးပါတယ် အခုအကွက်မျိုးတော့ ဒီတခါပဲတွေ့ဖူးပါတယ် ကိုင်ကြည့်ရင်လည်း ညှင်းကွက်ကိုကိုင်ရသလို ပြောင်ချောချောဖြစ်နေပါတယ်။ ညှင်းဆိုရင် အဖြူကွက်လို့ပဲမြင်ဖူးလို့ပါ။ ဒီဟာတွေကလည်း ညှင်းပဲလားရှင့်။ ပေါက်နေတာသတိထားမိတာ ၁ လကျော်ပါပြီ။ ပုံများကိုလည်း attach တွဲပြီးပို့လိုက်ပါတယ် (ကန်တော့ပါ ဆရာ) သောက်ဆေးလိမ်းဆေးနဲ့ဆောင်ရန်ရှောင်ရန်များကို ညွှန်ကြားပေးပါရန် လေးစားစွာ အကူညီတောင်းခံအပ်ပါတယ်ရှင်။

ဆရာ ကျွန်မအသက် ၃၃နှစ်ရှိပါပြီ။ ကျွန်မ မျက်နှာ လည်ပင်းနဲ့ ကျောတ၀ိုက် အရှေ့ရင်ဘတ်မှာရော ညှင်းများ ပေါက်နေပါတယ်ရှင့်။ ကျွန်မက နဂို အသားဖြူတာမို့ ဖြစ်ခါစမှာ မသိခဲ့ပါဘူး။ အခု မြန်မာပြည်ပြန်လည်ပြီး အသားညိုသွားတဲ့အခါမှ သိသိသာသာ ပေါ်လာတာပါ။ အရင်က ပုံမှန် အသားမညီတာလို့ ထင်ခဲ့တာ အခုမှ တော်တော်များများ ပြန့်နေတာပါဆရာ။ ပြီးခဲ့တဲ့လကမှ စပြီးသတိထားမိတာပါ။ ကျွန်မ လက်ရှိ့့ မှာ အလုပ် လုပ်နေတာပါ။ ဆရာဝန်နဲ့လည်းပြနေပါတယ်ရှင့်။ fungus infection လို့ပြောပါတယ်။ ketoconazole တလ သောက်ခိုင်းထားပြီး လိမ်းဆေး micon cream ပေးထားပါတယ်။ သောက်တာ သုံးပတ်ရှိပါပြီ။ ဘာမှ မထူးခြားသေးပါဘူးရှင့်။ လူမြင်ရတဲ့နေရာတွေမှာဆိုတော့ ရုံးလည်းသွားနေရတော့ စိတ်မချမ်းမသာ ဖြစ်နေရလို့ပါ။ ကျောဘက်တွေလည်း ဆေးလိမ်းမရလို့ မပျောက်မှာ အရမ်းပဲစိုးရိမ်နေပါတယ်။ ဒီညှင်းရောဂါကို အရှင်းပျောက်အောင် ကုလို့ရပါသလားဆရာ။ အချိန်ဘယ်လောက်ယူရပါသလဲ။ ဘာကြောင့် ဖြစ်ရတာပါလဲ။ အစားအသောက်နဲ့ ဆိုင်ပါသလား။ ကျွန်မက တကိုယ်ရေသန့်ရှင်းရေးလည်း အရမ်းဂရုစိုက်ပါတယ်။ ချွေးထွက်တော့ သန်ပါတယ်။ ရာသီလည်းမမှန်တာ အပျိုဖော်ဝင်ကတည်းကပါ။ အရမ်းစိတ်ဆင်းရဲနေရလို့ပါ။ ဖြေကြားပေးပါဆရာရှင့်။

Pityriasis Versicolor ညှင်းဆိုတာ Malassezia furfur ကြောင့်ဖြစ်ပြီး၊ အဖြူ-ပန်းရောင် ကတ္တီပါလို နူးညံ့တယ်။ ခန္ဓာကိုယ်အပေါ်ပိုင်းမှာ ဖြစ်တယ်။ ကူးစက်ရောဂါမဟုတ်ပါ။

အစစအရာရာအလွန်ရှားပါးတဲ့ (မဆလ) ခေတ်မှာ ဆေးရှာရတာ အတော်ခက်ခဲခဲ့တယ်။ ညှင်းပေါက်နေသူတွေကို အခုရေးတဲ့ဆေးတွေ မပေးနိုင်ဘူး။ နည်းပညာကလည်း ဖလင်နဲ့ရိုက်တဲ့ကင်မရာခေတ်မို့၊ ဖလင်ဆေးတဲ့ (ဟိုက်ပို) ဆေးရည်အကျကို ဓါတ်ပုံဆိုင်ကတောင်းပြီး အလိမ်းခိုင်းခဲ့ရဘူးတယ်။ နောက်ပြီး Sodium thiosulfate ဆေးရည် လိုက်ရှာပြီး ပေးခဲ့ရသေးတယ်။ ဒီဆေးရည်က ဆေးပညာမှာလဲအတော်အသုံးကျတယ်။ Cyanide poisoning (စိုင်းယာနိုက်) အဆိပ်သင့်တာ၊ Sulfur mustard poisoning မုံညင်းငွေ့အဆိပ်သင့်တာတွေမှာလဲ သုံးတယ်။ Calciphylaxis ကျောက်ကပ်ဆေးနေရသူတွေ အခြေအနေဆိုရင်လဲပေးတတ်တယ်။ Ringworm ပွေး၊ Tineaversicolor ညှင်းအတွက်လဲပေးတယ်။

ခေတ်ပေါ်လိမ်းဆေးတွေ -
• Clotrimazole 1% solution တနေ့တခါ၊ တပါတ်ကြာလိမ်းပါ။ Clotrimazole (1%) + Selenium sulfide (2.5%) (Candid-TV) တွေကိုရောသုံးနိုင်တယ်။ Clotrimazole (Lotrimin, Mycelex) and Miconazole (Lotrimin) လိမ်းဆေးကိုတနေ့ ၂ ကြိမ်၊ ၁ဝ-၁၄ ရက်ကြာလိမ်းပါ။ Clotrimazole, Miconazole or Terbinafine လိမ်းဆေးတွေက ခံစားရတာကိုသက်သာစေတယ်။
• Fluconazole 150-300-400 mg ကို ၂ ပါတ်ခြားပြီး ၂ ခါပေးတာနဲ့ ထိရောက်တယ်။
• Hydrogen peroxide ကလဲအတူတူဘဲ။ ဒါပေမဲ့ အမာရွတ်ဖြစ်မှာစိုးရတယ်။
• Ketoconazole (Nizoral ointment and shampoo) လိမ်းဆေးဆိုရင် ၁ဝ မိနစ်ကြာ၊ နေ့စဉ် ၂ ပါတ်လိမ်းပါ။ Ketoconazole shampoo 1% or 2% လဲထပ်မဖြစ်အောင် ၃ပါတ်ကြာအောင် လိမ်းပါ။
• Selenium sulfide 2.5% lotion or Shampoo လိမ်းဆေး ၇-၁၄ ရက် လိမ်းပါ။ Selenium sulfide shampoo 1% (Selsun Blue) or 1% Ketoconazole shampoo (Nizoral) လိမ်းဆေးကို ၁၅ မိနစ်ကြာ၊ တပါတ်မှာ ၂ ကြိမ်၊ ၂-၄ ပါတ်ကြာလိမ်းပါ။ Selsun Blue ထဲမှာ 1% Selenium sulfide သာပါလို့ တချို့ကိုသာ ပျောက်စေတယ်။
• Terbinafine 1% solution တနေ့နှစ်ခါ တပါတ်ကြာလိမ်းပါ။

ခေတ်ပေါ်သောက်ဆေးတွေ -
• Fluconazole 400 mg (၁) ကြိမ်တည်းသောက်ပါ၊
• Itraconazole (Sporanox) ၅ ရက်သောက်ပါ။ Itraconazole 200-400 mg တရက်ခြား ၇ ရက် သောက်ပါ။Itraconazole 400 mg တနေ့ ၁ ကြိမ်၊ ၃-၇ ရက်သောက်ပါ။ သတိထားဘို့က Atorvastatin (Lipitor) ခေါ်တဲ့ (ကိုလက်စထော) ကျဆေးနဲ့ တွဲမပေးသင့်ပါ။
• Ketoconazole 200 mg တနေ့ ၁ ကြိမ်၊ ၇ ရက်သောက်ပါ။ Ketoconazole 400 mg (၁) ကြိမ်တည်းသောက်ပါ၊ (၁) ကြိမ်တည်းသောက်ဆေးသောက်ပြီးနောက် ၁-၂ နာရီအကြာမှာ လေ့ကျင့်ခန်းလုပ်လို့ ချွေးထွက်ရင် ပိုကောင်းတယ်။
• Ciclopirox (Ciclopiroxolamine) ဆေးကိုလဲအစားထိုးသုံးနိုင်တယ်။

မေးတဲ့သူ ချွေးထွက်များတာ ပျောက်ဘို့နှေးစေတယ်။ Hyperhidrosis ချွေးထွက်များလွန်းလို့စာကို ဆရာ့ဘလော့မှာ ဖတ်လိုက ဖတ်ပါ။ ရာသီအတွက် စစ်ဆေးသင့်တယ်။

ပုံက မေးတဲ့သူပို့တာ မဟုတ်ပါ။

ဒေါက်တာတင့်ဆွေ
https://www.facebook.com/drtintswe/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ