၁။ ဆရာကျွန်မအသက်က ၃၅ ပါ။ အိမ်ထောင်ကျတာ ၈ နှစ်ရှိပါပြီဆရာ။ ကလေးမရှိပါ။ ၂ဝ၁ဝ ကနေ၂ဝ၁၂ လောက်ထိ မာဘလွန်၂၈ သောက်ပါတယ်ဆရာ။ ၂ဝ၁၃ လောက်ကစပြီး မသောက်တော့ပါ။ မသောက်တော့သည့်လမှစပြီး ရာသီမလာတာခုထိပါဆရာ။ ကျန်ခဲ့တဲ့ ၆ လလောက်က မာဘလွန် ပြန်သောက်တော့ ပြန်လာပါတယ်ဆရာ။ အဲဒိနောက်ပိုင်း မသောက်တော့ မလာတော့ပါဘူးဆရာ။ ဆေးခန်းတခေါက်ပြဖူးပါတယ်ဆရာ scan လဲဖတ်ပါတယ်ဆရာ။ ဗိုက်ထဲမှာတော့ အလုံးတို့ဘာတို့မရှိဘူး ပြောပါတယ်။ ဆေးပေးပါတယ်။ သောက်လို့ကုန်တဲ့အထိ ရာသီမလာပါဘူးဆရာ။ နောက်တခေါက် မသွားတော့ပါဆရာ။ ဆေးခန်းတခေါက်သွားတာ၂၅ဝ ကျော်ကျလို့ပါဆရာ။ ဘာဆေးများဝယ်သောက် ရမလဲဆရာ။ စိုးရိမ်စရာရှိပါသလားဆရာ။
၂။ ကျွန်မ တားဆေးကို နှစ်နှစ်ခန့်သောက်ခဲ့ပြီးနောက် ဆေးကို ရပ်လိုက်ပါတယ်။ သောက်လက်စ ဆေးကဒ်အကုန် ရာသီလာအပြီးမှာ နောက်တကဒ် မသောက်တော့ဘဲ ရပ်လိုက်တာပါ။ အခု တလနေတော့ ရာသီလာရမယ့် အချိန်မှာ မလာဘဲဖြစ်နေပါတယ်။ ရက်ကျော်တာ (၇) ရက်ရှိပါပြီ။ Test နဲ့ စစ်ကြည့်တော့လည်း Negative ဖြစ်နေပါတယ်။ ဘာကြောင့်ဖြစ်ရတာလဲ။ ဆေးခန်း သွားဖို့လိုမလား။ လမမှန်ရင် ကလေးရောရနိုင်ပါ့မလား သိချင်ပါတယ်။
၃။ ကျမညီမလေး၊ အသက် ၃ဝ၊ အပျို၊ ရာသီမလာတာကြာနေလို့ (့) ကို သွားကုတာ၊ တားဆေး သောက်ခိုင်းတယ်။ သောက်နေတုံးမှာ လာတယ်။ မသောက်တော့ မလာတော့ပြန်ဘူး။
ရာသီအကြောင်းမေးသူတွေက ဆရာဝန်ကိုတော့ ပွင့်လင်းရိုးသားသင့်ကြတယ်။ အသက်အပြင် အိမ်ထောင်ရေးလိုတယ်။ အိမ်ထောင်မကျပေမယ့် ပြောဖို့လိုတဲ့အချက်မျိုးလည်းရှိနိုင်တယ်။ ရာသီမလာတဲ့အကြောင်းတွေ များတယ်။ အသက် ၄ဝ-၄၅ ဆိုရင် သွေးဆုံးတော့မလို့လား စဉ်းစားရမယ်။ အီစထိုဂျင်ထုတ်တာ နည်းနည်းလာလို့ ရာသီရက်တိုတိုလာမယ်။ နည်းနည်းလာမယ်။ ၁၂ လတာ မလာတော့ရင်တော့ သွေးဆုံးပြီလို့သတ်မှတ်တယ်။
၁။ မွေးကတည်းက ရာသီတခါမှ မလာသေးခြင်း
၁၆ နှစ်သမီးလောက်အထိ ရာသီတခါမှမလာလို့ အပျိုဖြစ်နောက်ကျတာ ဖြစ်နိုင်တယ်။ သိပ်ပိန်နေသူတွေ၊ အားကစားအပြင်းလုပ်သူတွေ၊ ငယ်ငယ်ကတည်းက ဘဲလေး၊ မာရသွန်၊ ဂျွမ်းဘားကစားတဲ့ မိန်းကလေးတွေမှာ ရာသီလာတာ နောက်ကျတတ်တယ်။ အဲဒါတွေမဟုတ်ရင် ရောဂါတခုခုကို စဉ်းစားရမယ်။ မွေးရာပါ မျိုးပွါးအင်္ဂါတွေ ချို့ယွင်းနေတာ၊ သားအိမ်မပါတာ၊ ဗဂျိုင်းနား မပါတာ၊ ဗဂျိုင်းနားအခန်း ၂ ကန့်ဖြစ်နေတာနဲ့ အပျိုမှေး ပိတ်နေတာ။ ပစ်ကျူထရီအကျိတ်ရောဂါ၊ ဟိုက်ပိုသဲလ်မတ်စ်ရောဂါ၊ မျိုးဥထွက်စေမဲ့ ခရိုမိုဇုမ်းတွေက ပုံမှန်မဟုတ်တာ၊ အဝလွန်တာ၊ လည်ပင်းကြီးဟော်မုန်းနည်းတာ + များတာ။ Turner’s syndrome လိင်ခရိုမိုဇုမ်းရောဂါ၊ (ခေါင်းကိုက်၊ နို့ရည်ထွက်၊ လူက ပိုဝလာ၊ ဝက်ခြံပေါက်၊ လိင်စိတ်ပြောင်းလဲ၊ စကားသံ နိမ့်လာ၊ မျက်နှာမှာ အမွေးပိုပေါက်၊ မျက်စိကြည့်မကောင်း ဖြစ်လာတာတွေရှိမယ်။)
၂။ အရင်ကလာပြီးနောက်မှ ရာသီမလာခြင်း
ကိုယ်ဝန်ကို အရင်ဆုံးစဉ်းစားရမယ်။ သွေးဆုံးချိန်စောတာလဲ ထည့်တွက်ရမယ်။ တချို့ သန္ဓေတားဆေး-တားနည်းတွေက ရပ်လိုက်ပေမဲ့ ၃-၆ လ အထိ ရာသီ ပြန်မလာတာ ဖြစ်တတ်တယ်။ Busulfan, Chemotherapy, Chlorambucil, Cyclophosphamide, Phenothiazines ဆေးတွေကြောင့်လဲ ဖြစ်နိုင်တယ်။ စိတ်ဖိအားများနေချိန်၊ စိတ်ဓါတ်ကျနေချိန်၊ ကလေးနို့တိုက်နေချိန်၊ ကိုယ်လက်လှုပ်ရှားမှု သိပ်များသူ။ နာတာရှည်ရောဂါတခုခု ခံစားနေရသူ၊ အစာအာဟာရချို့တဲ့သူ၊ အဆီ 15% - 17% body ထက်နည်းနေသူ၊ ချက်ချင်း ပိန်ကျသွားသူတွေမှာ ပိုဖြစ်လာနိုင်တယ်။
မျိုးဥအိမ်ကြောင့် ၄ဝ%၊ PCOS မျိုးဥအိမ်မှာ အကျိတ်လေးတွေ ရှိနေတဲ့ရောဂါ၊ ဟိုက်ပိုသဲလမတ်စ်ကြောင့် ၃၅%၊ ပစ်ကျူထရီကြောင့် ၁၉%၊ သားအိမ်ကြောင့် ၅%၊ ကိုယ်ဝန်ပျက်-ဖျက်လို့ သားအိမ်ခြစ်ရာကနေ သားအိမ်ထဲအမာရွတ်၊ တခြားအကြောင်းတွေကြောင့် ၁% ဖြစ်တာ တွေ့ရတယ်။
ရောဂါအဆန်းအပြားတွေ ထည့်ရေးရပေမဲ့ အများဆုံးဖြစ်တာတွေကို ရွေးထုတ်ပါမယ်။ ကိုယ်ဝန်ရှိခြင်း၊ ကလေးနို့တိုက်နေချိန်၊ အပျိုဖြစ်စကာလ၊ သွေးဆုံးစောခြင်းနဲ့ တားဆေးတွေဖြစ်တယ်။ စိတ်ဖိအားများနေချိန်၊ စိတ်ဓါတ်ကျနေချိန်၊ စိတ်ဖိအားများခြင်း၊ အစားအသောက်နည်းလွန်းခြင်း၊ စားချင်စိတ်မရှိတဲ့ရောဂါ။ အစာအာဟာရချို့တဲ့သူ၊ အဆီ 15% - 17% ထက်နည်းနေသူ၊ ချက်ချင်းပိန်ကျသွားသူတွေ။ အဝလွန်သူ၊ ပိန်လွန်းသူ။ ပုံမှန်ရှိသင့်တဲ့ ကိုယ်အလေးချိန်ထက် ၁ဝ% နည်းရင်။ လေ့ကျင့်ခန်းများလွန်းခြင်း၊ အမျိုးသမီးအားကစားမယ်တွေ ၅-၂၅% မှာ အဲလိုဖြစ်ကြတယ်။ နာတာရှည်ရောဂါခံစားနေရသူ၊ တချို့မှာ ၃ လခံထိုးဆေးကနေ ရာသီမလာတာအဖြစ်များတယ်။ စိတ်ရောဂါဆေးတွေ၊ ကင်ဆာဆေးတွေ၊ စိတ်မကျဆေးတွေ၊ သွေးတိုးကျဆေးတွေ၊ အလာဂျီဆေးတွေဖြစ်တယ်။ PCOS မျိုးဥအိမ်မှာ အကျိတ်ကလေးတွေရှိနေတာ အဖြစ်မနည်းလှပါ။ Inflammatory Bowel Disease အစာလမ်းရောဂါတခုနဲ့လဲ ရာသီမမှန်တာက ဆက်စပ်နေတတ်တယ်။ လူက ပိန်လာတယ်၊ ဗိုက်နာမယ်၊ ဝမ်းပျက်မယ်။
ဆေးစစ်တဲ့အခါ ရောဂါရာဇဝင်မေးတယ်၊ အထွေထွေစစ်ဆေးတာ၊ လိင်အင်္ဂါနေရာတွေ စစ်ဆေးတာ လုပ်တယ်။ ကိုယ်ဝန်ရှိ-မရှိ စစ်သင့်တယ်။ ဟော်မုန်းအခြေအနေတွေကို စစ်မယ်။ Estradiol, FSH, LH, Prolactin, Testosterone နဲ့ Progesterone Challenge Test (Provera) စစ်နည်းနဲ့ ပရိုဂျက်စတီရုမ်းအခြေအနေကို စစ်မယ်။ လည်ပင်းကြီးဟော်မုန်း အခြေအနေတွေစစ်မယ်။ မျိုးဥအိမ်အလုပ် စစ်ဆေးခြင်း၊ တင်ပါးဆုံနေရာကို အာလ်ထွာဆောင်း ရိုက်မယ်။ CT scan, MRI ဦးခေါင်းကို ရိုက်တာတွေ၊ သားအိမ်အတွင်းသားစထုတ်ပြီး စစ်ဆေးတာ၊ သားအိမ်ထဲကို ကရိယာနဲ့ကြည့်တာနဲ့ မျိုးဗီဇစစ်တာတွေလဲ လိုရင်စစ်မယ်။
ရာသီလာမမှန်တာ အမျိုးသမီး ၃ဝ% လောက်မှာ ဖြစ်တယ်။ မမှန်ဘူးဆိုယုံနဲ့မပြီးပါ။ ရာသီမလာတာ၊ စောတာ၊ နောက်ကျတာ၊ နည်းတာ၊ များတာတွေ အားလုံးကို မမှန်စာရင်း သွင်းတယ်။ ရာသီမှန်ဘို့ရာ Estrogen နဲ့ Progesterone ဟော်မုန်းတွေ မှန်ရမယ်။ ဟိုက်ပိုသဲလ်မတ်စ်၊ ပစ်ကျူထရီဂလင်းနဲ့ မ-မျိုးဥအိမ်အင်္ဂါတွေ ကောင်းနေရမယ်။ ရေရှည်မှာ ကလေးမရနိုင်တာနဲ့ အရိုးအားနည်းတာတွေ ဖြစ်တယ်။ ဆေးကုနည်းတွေ အမျိုးမျိုးရှိတယ်။
ရေရှည်မှာ နောက်ဆက်တွဲ ဖြစ်နိုင်တာတွေကတော့ ကလေးမရနိုင်တာနဲ့ အရိုးအားနည်းတာတွေ ဖြစ်တယ်။
ဆေးကုနည်းတွေ အမျိုးမျိုးရှိတယ်။ ဘာလို့ရာသီမလာသလဲသိရင် ကုသပေးနိုင်တယ်။ အလွယ်ကုသနည်းတွေကတော့ လူနေမှုအကြောင်းခံတွေကို အရင်ပြင်ပါ။ ကိုယ်ဝန်ရှိ-မရှိစစ်ပါ။ အစာအာဟာရ မျှတလုံလောက်အောင် စားသုံးပါ။ ကိုယ်လက်လှုပ်ရှားမှု အတင့်တင့်အောင်သာ လုပ်ပါ။ စိတ်ဖိအားတွေ စနစ်တကျလျှော့ချပါ။ ကျားဟော်မုန်းများနေသူဆိုရင် ဟော်မုန်းအစားထိုးကုသနည်းလုပ်ရမယ်။
ဟော်မုန်း ၂ မျိုးတွဲပါ ကိုယ်ဝန်တားဆေးသုံးလေ့ရှိတယ်။ အမေရိကန်အမျိုးသမီး ၁့၅ သန်းက တားဆေးကို ကိုယ်ဝန်တားဘို့ မဟုတ်တာအတွက် သုံးနေကြတယ်။ ရာသီလာချိန် နာတာသက်သာဘို့၊ ဝက်ခြံပေါက်တာ သက်သာဘို့၊ ရာသီလ-ရက် မှန်ဘို့အတွက်သုံးကြတာ ဖြစ်တယ်။ Hirsutism ဟော်မုန်းရောဂါ၊ ရာသီလာချိန်ဖြစ်တဲ့ မိုင်ဂရင်းရောဂါနဲ့ သားအိမ်အကျိတ်ရောဂါတွေအတွက်လဲ ပေးတယ်။ တားဆေးကို အပျိုတွေသုံးပေမဲ့ အပျိုရည် မပျက်စေပါ။ လိင်စိတ်ပိုတာလည်း မဖြစ်ပါ။
ဒေါက်တာတင့်ဆွေ
https://www.facebook.com/drtintswe/
