နှလုံးနဲ့ကင်ဆာ ရောဂါ ဆေးလိပ်ကြောင့်ပါ


ဆေးလိပ်သောက်သောကြောင့် ကင်ဆာရောဂါ ၁၂ မျိုးဖြစ်ကြောင်း အမေရိကန်ပြည်ထောင်စုတွင် သေဆုံးသူ ၃၄၆ဝဝဝ နီးပါးအနက် ၄၈ဒသမ၅ရာခိုင် နှုန်းသည် ဆေးလိပ်ကြောင့်ဖြစ်သည့် ကင်ဆာ ၁၂ မျိုးထဲမှ တစ်မျိုးမျိုးဖြင့် သေဆုံးသည်ဆိုသည်ကို လေ့လာမှု တစ်ရပ်အရသိရသည်။

အမေရိကန်ပြည်ထောင်စုတစ်ဝန်း လုံးတွင် ဆေးလိပ်သောက်ခြင်းကိုလျှော့ချ ရန် စုပေါင်းအားထုတ်နေလင့်ကစား ဆေးလိပ်အကြောင်းရင်းခံရောဂါဖြင့် သေဆုံးသူအရေအတွက်မှာ ကြီးမား များပြားနေဆဲဖြစ်ကြောင်း သိရသည်။

တခြားဆိုးရွားပြင်းထန်သော ရောဂါ များအပါအဝင်ကင်ဆာရောဂါများကြောင့် သေဆုံးမှုလျှော့ချရေးလုပ်ငန်းကိုဆက်လက်
 ဆောင်ရွက်နေရာတွင် ဆေးလိပ်သောက် ခြင်းကို အထောက်အပံ့ပြုနေခြင်းများ ရပ်စဲသွားရေးဦးတည်ချက်ထားခြင်းအပါ အဝင် ဆေးရွက်ကြီးထိန်းချုပ်ရေးကို ပို၍ပြည့်စုံကျယ်ပြန့်စွာ ဆောင်ရွက်ရန် လည်းလိုအပ်သည်ဟု လေ့လာတွေ့ရှိ ချက်တွင်ဖော်ပြထားသည်။

အမေရိကန်ပြည်ထောင်စုတွင် ၂ဝ၁ဝ ပြည့်နှစ်၌ ၂၃ဒသမ၂ ရာခိုင်နှုန်းရှိနေရာ မှ ၂ဝ၁၂ခုနှစ်၌ ၁၈ဒသမ၁ ရာခိုင်နှုန်း အထိ လျှော့ချနိုင်ခဲ့သည်ဟု သုတေသီ များကဆိုသည်။

အဆုတ်ကင်ဆာ၊ အဆုတ်လေပြွန် ကင်ဆာနှင့် လေပြွန်ကင်ဆာရောဂါတို့ ကြောင့် သေဆုံးသူများအနက် ၈ဝ ရာခိုင်နှုန်းမှာဆေးလိပ်သောက်ခြင်းကြောင့် ဖြစ်ကြောင်း၊ အသံအိုးကင်ဆာဖြစ်ရာ တွင်လည်း ၇၇ ရာခိုင်နှုန်းမှာ ဆေးလိပ် သောက်သောကြောင့်ဖြစ်ကြောင်းလေ့လာ တွေ့ရှိချက်ကဖော်ပြသည်။

လောကမှာ အကြောင်းရှိလို့အကျိုး ရှိတယ်။ ဒါမှမဟုတ် အကြောင်းကြောင့် အကျိုးဖြစ်တယ်လို့ ဗုဒ္ဓဘုရားရှင် ကိုယ်တိုင်ဟောကြားထားတာရှိပါတယ်။ ပြန်ပြီးရှင်းပြရလျှင် အကြောင်းကြောင့် အကျိုးဖြစ်တယ်ဆိုတာကို ပါဠိလိုက ပဋိစ္စသမုပ္ပာဒ်လို့ခေါ်ပြီး အင်္ဂလိပ်လိုတော့ Cane and Effect လို့ဆိုပါတယ်။

ဆိုလိုတာက ဆေးလိပ်သောက်ခြင်း ကြောင့် ကင်ဆာရောဂါတွေဖြစ်တယ် ဆိုတဲ့သဘောပါပဲ။ ဒါ့အပြင် ဆေးလိပ် သောက်ခြင်းကြောင့် နှလုံးရောဂါလည်း ဖြစ်နိုင်ပါသေးတယ်။

တစ်ခါက စားသောက်ပွဲတစ်ခုတွင် ရင်ဘတ်အောင့်သည်ဟုပြောပြီး ရုတ် တရက်လဲကျသွားသူတစ်ဦးကို တွေ့ဖူး ပါသည်။ နှလုံးတိုက်ခိုက်ခံရခြင်း (Heart Attack)ကြောင့် ဖြစ်ပါတယ်။ ထိုသူမှာ ဆေးလိပ်အလွန်သောက်သူ တစ်ဦးဖြစ်ပါတယ်။ ဆေးလိပ်တစ်လိပ် သောက်လိုက်တဲ့အခါတိုင်း လူ့ခန္ဓာကိုယ် မှာရှိတဲ့သွေးကြောများ ကျဉ်းသွားသည်။ သွေးကြောအကြီးအသေး၊အခက်အလက် အများအထိ ဆွဲဆန့်လိုက်လျှင် မိုင် ၂ဝဝ ခန့်ရှိတယ်လို့ဆိုပါတယ်။ မယုံနိုင်စရာ။ ဆေးလိပ်ထဲမှာပါတဲ့ ကျပ်ခိုးကြောင့် ထို သွေးကြောကလေးတွေ ကျဉ်းသွားခြင်း ဖြစ်ပါတယ်။
ဆေးလိပ်တစ်လိပ်သောက်လိုက်တိုင်း သွေးကြောများကျဉ်းသွားသည်မှာ လေး နာရီအထိ အချိန်ကြာသည်ဟုဆိုသဖြင့် အကယ်၍သာ ဆေးလိပ်ဖြတ်လိုက်လျှင် မသောက်ဘဲနေလိုက်မည်ဆိုလျှင်ဆေးလိပ် ဖြတ်ပြီး လေးနာရီကြာလျှင် ကျဉ်းနေသော သွေးကြောလေးများ ပြန်ကျယ်လာမည်။ သွေးစီးဆင်းအား၊ သွေးလျှောက်အားပြန်
 ကောင်းလာမယ်လို့ဆိုနိုင်ပါတယ်။

ဆေးချိုးမှာပါတဲ့(နီကိုတင်း)ဓာတ် ကြောင့် အလွယ်တကူမြင်သာအောင် ပြောရလျှင် ကျပ်ခိုးကြောင့်ကျဉ်းသွားတဲ့ သွေးကြောမကြီးများမှာ ပြန်၍ကျယ်ပြန့် ရန် လွယ်ကူသော်လည်း အခက်အလက် အစွန်အဖျားရှိ သွေးကြောလေးများမှာ ပြန်ပြီးကျယ်ပြန့်ရန်မလွယ်ကူပါ။ အချို့ အစွန်အဖျားရှိ သွေးကြောငယ်လေးများ ဥပမာ ခြေသန်းသို့သွားသော သွေးကြော ငယ်လေးမှာပိတ်သွားပြီး မသိမသာကိုက် လာရာမှ သတိပြုမိသောအခါတွင် ခြေ ချောင်းလေးများမည်းနေသဖြင့် ဆေးရုံ တက်၊ ဓာတ်မှန်ရိုက်ပြီး ခြေချောင်း ကလေးများဖြတ်လိုက်ရတဲ့ဘဝရောက် သူများလည်းရှိပါတယ်။ ဆေးလိပ် အသောက်များ၍ ခြေသန်းကလေး တစ်ချောင်းဖြတ်ရသူတစ်ဦးကို တွေ့ဖူး ပါတယ်။ခြေသန်းသည်ခြေထောက်တစ်ခု လုံးနှင့်စာလျှင် ဘာမှအသုံးမဝင်ဟု ထင် စရာရှိသော်လည်း မရှိသောအခါ၊ ပြတ် သွားသောအခါအလွန်ကြည့်ရဆိုးပါတယ်။ ထို့ထက်ပို၍ဆိုးသည်မှာ ထိုခြေချောင်း ကလေးဖြတ်ရသူမှာ အမျိုးသမီးတစ်ဦး ဖြစ်နေသောကြောင့်ပင်။

အမျိုးသမီးများဆေးလိပ်သောက်သည် မှာ မြန်မာပြည်တွင် ရှားရှားပါးပါးဖြစ် သော်လည်း အနောက်တိုင်းတွင် အလွန် သောက်ပါတယ်။ ဆိုရှယ်ကျ၍ အလှအပ စတိုင်လုပ်သောက်ရာမှ စွဲသွားခြင်းဖြစ် နိုင်ပါတယ်။ဆေးလိပ်ကြောင့်သွေးကြော ကျဉ်းရာတွင် အမျိုးသမီးများက ပို၍ ကျဉ်းပြီးပိတ်လွယ်ပါတယ်။ သူတို့၏ သွေးကြောများမှာ ပို၍သေးသွယ်ပြီး နုနယ်သောကြောင့် ကျဉ်းလွယ်ပိတ် လွယ်ခြင်းဖြစ်ပါတယ်။
ဆေးလိပ်ကြောင့် အစွန်အဖျားသွေး ကြောငယ်လေးများကျဉ်းရာတွင် ဒုက္ခ အပေးဆုံးမှာ နှလုံးသွေးပတ်ကြောများ ကျဉ်းသွားခြင်းပင်ဖြစ်ပါတယ်။သေသည့် အချိန်အထိ အနားမရသူမှာ နှလုံးပင်ဖြစ် ပါတယ်။ အမြဲတမ်း စည်းချက်ဝါးချက် မှန်မှန် ခုန်နေရပါတယ်။ လူကအနားယူ ပြီး အိပ်ပျော်နေသော်လည်း သူ့နှလုံးက အနားမရ၊ ခုန်နေမြဲပင်ဖြစ်ပါတယ်။ နှလုံး နားရချိန်မှာ သူ့ခုန်ချက်တစ်ခုနှင့်တစ်ခု ကြား တစ်စက္ကန့်၏ ၁ဝ ပုံတစ်ပုံခန့် အချိန်ကလေးသာရှိ သည်ဟုဆိုသည်။ နှလုံးခုန်ခြင်း လုံးဝရပ်သွားချိန်မှာ လူသေ ချိန်ဖြစ်လေသည်။

လူ့ခန္ခာကိုယ်တစ်ခုလုံးအတွက်အသက် ရှင်နိုင်ရေးလုံလောက်အောင် သွေးပို့ပေး ဖို့မှာ နှလုံး၏တာဝန်ဖြစ်သည်။ နှလုံးမှ ညှစ်ထုတ်လိုက်သော သွေးလက်တစ်ခုပ် စာခန့်သည် ဖိအားညှစ်အားကြောင့် တစ် ကိုယ်လုံးရှိမိုင် ၂ဝဝ ခန့်ရှိသော သွေး ကြောကြီးငယ်များမှ အခက်အလက် အစွန်အဖျားအထိရောက်သွားသည်။ လူ့ခန္ခာကိုယ်တစ်ခုလုံးရှိဆဲလ်များ၏ လိုအပ်ချက်အသက်ရှင်နိုင်ရေးဓာတ်စာ မှာ'အောက်ဆီဂျင်'ပင်ဖြစ်သည်။ ထို သွေးရဲရဲတို့ရှိ သွေးနီဥများသည် လူ့ခန္ခာ ကိုယ်အတွက် လိုအပ်နေသောအောက် ဆီဂျင်များကို သယ်ဆောင်သွားကြသည် ဟုသွေးဗေဒပညာရှင်များကပြောကြသည်။ထိုအောက်ဆီဂျင်ကို သယ်ဆောင်ပို့ပေး သူမှာ နှလုံးမှညှစ်ထုတ်လိုက်သောသွေး ပင်ဖြစ်သည်။ သွေးမရောက်သောနေရာ များမှာ အောက်ဆီဂျင်ပြတ်ပြီး ကလာပ် စည်း(Cell) များသေပြီးနောက်ပုပ်သွား တတ်လေသည်။
ခြေချောင်းကလေးသို့ သွေးမရောက် သောအခါ ပုပ်သွားပြီးဖြတ်လိုက်ရသည် ကို မြင်နိုင်သော်လည်း ဦးနှောက်သို့ သွေးမရောက်သောအခါ ဦးနှောက်၏ အစိတ်အပိုင်းအချို့သေသွား၊ ပုပ်သွားပြီး အလုပ်မလုပ်တော့သောအစိတ်အပိုင်း အခြမ်းကို လေဖြတ်သွားသည်ဟုခေါ် သည်။ ၄င်းအစိတ်အပိုင်းကိုအပြင်မှ မမြင်ရသော်လည်း ဦးနှောက်၏ညာဘက် အခြမ်းသွေးမရောက်၍ ပုပ်သွားသော အခါတွင်လည်း လူ၏ဘယ်ဘက်အခြမ်း မလှုပ်နိုင်လေဖြစ်သွားရသည်။

ဦးနှောက်၏ ဘယ်ဘက်အခြမ်းတွင် သွေးမည်းပိတ်ခြင်း၊ သွေးကြောပေါက် ခြင်းတို့ကြောင့် သွေးထောက်ပံ့မှုမရ သော
အခါတွင် အထူးသဖြင့်စကားပြော ဆိုမှုအစိတ်အပိုင်းကို ထိခိုက်သဖြင့် ညာ ခြမ်းလေဖြတ်သူများမှာ စကားမပီခြင်း၊ အချို့လုံးဝစကားမပြောနိုင်တော့ခြင်း ဖြစ် နိုင်သည်။

အဓိကသွေးထောက်ပံ့သူမှာနှလုံးပင် ဖြစ်သည်။ ထိုနှလုံးကိုယ်တိုင်ကလည်း သွေးထောက်ပံ့မှုရမှအသက်ရှင်နိုင်မည်။
 နှလုံးပုံကိုကြည့်လျှင်လူကြီးလက်သီးဆုပ် ပမာဏခန့်ရှိပြီး ထိုနှလုံးအပြင်တွင် သစ်မြစ်များယှက်နွှယ်သကဲ့သို့ ရစ်ပတ် နေသော နှလုံးပတ်သွေးကြောများကို တွေ့ရမည်ဖြစ်လေသည်။ ထိုနှလုံးပတ် သွေးကြောများကပင်နှလုံးကိုသွေးထောက် ပံ့ပေးနေခြင်းဖြစ်သည်။

ဆေးလိပ်သောက်သူများတွင် တိုက် ရိုက်ထိခိုက်မှုအခံရဆုံးမှာ အဆုတ်ဖြစ် သည်။ အဆုတ်ပြီးလျှင် နှလုံးသွေးကြော အဖွဲ့ဖြစ်သည်။အဆုတ်မှအောက်ဆီဂျင်ရှူ သည့် လေအိတ်အတွင်းသို့ ဆေးလိပ်မီး ခိုးများဝင်လာသည့်အခါ အောက်ဆီဂျင် အပြည့်အဝမရ၊ဆေးချိုး၊ကတ္တရာများက အဆုတ်လေအိတ်များတွင်ကပ်ငြိကျန်ခဲ့ သည်။ဆေးချိုးကြောင့်အဆုတ်မှတစ်ဆင့် နှလုံးသို့ပို့သော သွေးကြောမှာပါ ကျဉ်း မြောင်းလာသည်။

နှလုံးကိုပတ်နေသောသွေးကြောများ ကျဉ်းမြောင်းလာသောအခါ နှလုံး၏သွေး ငတ်နေသော ဝေဒနာကိုစူးအောင့်ခြင်း ဖြင့်ဖော်ပြလေ့ရှိသည်။ အချို့မှာ စကား ပြောနေရင်း၊အစာစားနေရင်း ဘယ်ဘက် ရင်ထဲမှ စူးခနဲထိုးသွားသည်ဟုပြောကြ သည်။ နှလုံးသွေးငတ်နေကြောင်း သတိ ပေးချက်ပင်ဖြစ်ပါသည်။ ထိုသို့နှလုံးမှ အချက်ပြနေလျှင်၊ ဆေးလိပ်သောက်သူ ဖြစ်လျှင် ဆေးလိပ်ဖြတ်ဖို့အချက်ပြနေ ခြင်းပင်ဖြစ်ပါသည်။
နှလုံးအထူးကုဆရာဝန်ကြီးတစ်ဦး က စာရေးသူကို သတိပေးဖူးပါသည်။ ''ခင်ဗျား ခြေနှစ်ချောင်းတွေ၊ ခြေလေး ချောင်းတွေ၊ အဆီခဲတွေ ဘယ်လိုပဲမစား ဘူးရှောင်တယ်ပြောပြော ဆေးလိပ်မဖြတ် လို့ကတော့ ဘာမှမထူးခြားဘူး။ နှလုံး သွေးကြောကျဉ်းပြီး တစ်နေ့ဒုက္ခရောက် မှာပဲ''ဟုပြောဖူးပါသည်။ မှန်ပါသည်။ စာရေးသူကိုယ်တိုင်နှလုံးအောင့်လာသဖြင့် ဆေးရုံတက်ပြီး နှလုံးသွေးကြောဓာတ်မှန် ကြီး (Angiogram) ရိုက်ကြည့်သည့် အခါ နှလုံးပတ်သွေးကြောကြီးတစ်နေရာ တွင် ၄ဝမှ ၅ဝ ရာခိုင်နှုန်းကျဉ်းနေသည် ကို ဓာတ်မှန်ပုံနှင့်တကွတွေ့ရပါသည်။ ၇ဝ ရာခိုင်နှုန်းကျော်ကျဉ်းလျှင် နှလုံး သွေးကြောထောက်ကိရိယာ(ှအနာ) ထည့်ရတော့မည်ဖြစ်ပါသည်။ ကုန်ကျ ငွေမှာသိန်းဆယ်ဂဏန်းများစွာ ကုန်ကျ ပါလိမ့်မည်။

နှလုံးအောင့်ရောဂါရနေသူသည် ဆေးလိပ်သောက်သူဖြစ်ပါက အမြန် ဆုံးချရမည့်ဆေးချက်မှာ 'ဆေးလိပ်ဖြတ် ခြင်း'ပင်ဖြစ်ပါသည်။ နှလုံးအောင့်ရောဂါ သောက်ဆေးများ၊ အရေးပေါ်ပုံဆေးများ မည်မျှပင်စွမ်းနေပါစေ ဆေးလိပ်မဖြတ် လျှင် မသက်သာနိုင်ပါ။ အဓိကအကျဆုံး အချက်ကိုအရင်ဆုံးလုပ်ဆောင်ပါ။ စိတ် ပြတ်အောင်ကြိုးစားပါ။

နိုင်ငံကြီးတော်တော်များများတွင် ဆေးလိပ်မသောက်ရေးနေ့သာမက ဆေး လိပ်ငွေ့ကင်းစင်ရေးကိုပါ ကြိုးစားနေကြ သည်ဟုသိရပါသည်။ ဆေးလိပ်သောက် သူ၏ မှုတ်ထုတ်လိုက်သော ဆေးလိပ်ငွေ့ လေထဲမှာလွင့်လာပြီး တစ်ဆင့်ခံရှူရှိုက် မိသူကိုပါ နှလုံးရောဂါသွေးကြောကျဉ်း ရောဂါများရလာစေနိုင်သည်ဟုဆိုပါသည်။ ကိုယ်တိုင်သောက်သူများမှာ လွန်ကဲလျှင် ဆေးချိုး၊ ကတ္တရာများကြောင့် အဆုတ် ကင်ဆာဖြစ်သူများစွာရှိလာပါသည်။

လူတစ်ယောက်မှာ ကျောက်ကပ် နှစ်ခု၊ အဆုတ်နှစ်ခုပါသော်လည်း နှလုံး မှာ တစ်ခုတည်းသောအသက်သွေးဆက် ကိရိယာပင်ဖြစ်ပါသည်။ ထိုကိရိယာ အတွက် သွေးထောက်ပံ့မှုပေးနေသော သွေးကြောငယ်ကလေးများမကျဉ်းစေရန် အတွက် အဆီခဲ၊ အဆီဆိုးများရှောင်ရန် လိုအပ်သည်။ လမ်းလျှောက်ခြင်း၊ ကိုယ် လက်လှုပ်ရှားခြင်းများလည်းလိုအပ်သည်။ ထို့ထက်ပို၍လိုအပ်သည်မှာ''ဆေးလိပ် မသောက်ဖို့နှင့် ဆေးလိပ်ခိုးအငွေ့များကို ရှောင်ရှားဖို့ပင်ဖြစ်ပါကြောင်း''တင်ပြ လိုက်ရပေသည်။

တစ်နေ့က ပုဂ္ဂလိကသတင်းစာတစ်စောင်တွင် 'အမေရိကန်ပြည်ထောင်စု၌ ကင်ဆာရောဂါကြောင့်သေဆုံးသူများအနက် တစ်ဝက်နီးပါးမှာ ဆေးလိပ်သောက်ခြင်း ကြောင့်ဖြစ်'ဟူသောခေါင်းစဉ်ဖြင့် သတင်းတစ်ပုဒ်ဖတ်လိုက်ရသည်။ အမေရိကန်ပြည်ထောင်စုတွင် ၂ဝ၁၁ ခုနှစ်၌ ဆေးလိပ်သောက်သူများအနက် တစ်ဝက်နီးပါးသည် ကင်ဆာရောဂါ
တစ်မျိုးကြောင့်သေဆုံးသည်ဟု အမေရိကန်၏လေ့လာမှုတစ်ခုက ယခုလ ၁၅ ရက်တွင်ဖော်ပြခဲ့သည်။

ထက်အောင်(ဥပဒေ)
The Union Daily
http://uniondaily.net/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ