ဓာတ်စာ ဟူသည်မှာ နေ့စဉ် စားသောက် နေကြသော ဟင်းလျာ (သို့မဟုတ်) အစားအစာ ကိုပင် ဆေးဖက် ဝင်အောင် စီမံ၍ စားသုံးခြင်း ပင်ဖြစ်သည်။ အထူးသဖြင့် လူငယ်များတွင် ဓာတ်စာ မလိုသော်လည်း လူကြီးများတွင် အသက်အရွယ် အရ ကိုယ်ခံအင်အား ချို့ယွင်းလာခြင်း၊ ရောဂါဝေဒနာ တစ်ခုခု ကပ်ငြိလာခြင်း အတွက် သက်သာ စေမည့် မိမိရောဂါနှင့် တည့်မည့် ဓာတ်စာစားရန် လိုအပ်ပေသည်။
အသက်ကြီးလာလျှင် အားနှစ်မျိုး လိုသည်ဟု ဆိုသည်။ ထိုအား နှစ်မျိုးမှာ သွေးအား နှင့် လေအား ဖြစ်သည်။ သွေးအား ဆိုသည်မှာ အနောက်တိုင်း နည်းအားဖြင့် သွေးပေါင်ချိန် သောအခါ အပေါ်သွေး ဖိအား၊ အောက်သွေးအား ၁၂ဝ-၈ဝ မီလီမီတာ (ပြဒါး) ရှိနေသော အားကို ရည်ညွှန်းပြလျှင် အလွယ်တကူ သိနိုင်သည်။ အနောက်တိုင်း ဆေးပညာဖြင့် ဖော်ပြ၍ မရသော အားတစ်မျိုးမှာ လေအားပင် ဖြစ်သည်။
ရှေးက ဆရာကြီး များက''လေမဆက်၊ သေဘက်သို့ နီးလာပြီ'' ဟု ဆိုရိုးစကား ရှိခဲ့သည်။ ခန္ဓာကိုယ်ကြီးကို ထမ်းဆောင် ထားသော ကြွက်သား၊ အကြော၊ အရိုး၊ အဆစ်၊ ဆိုင်ကြော၊ စုကြော များသည် လေတွန်းအား၊ ကန်အား၊ ထောက်အား မကောင်းတော့ခြင်း ကြောင့် သွားလာ ထိုင်ထ ရာတွင် မကောင်းတော့ခြင်း၊ မဟန်နိုင်ခြင်း မိမိကိုယ် မိမိ မသယ်နိုင်ခြင်း တို့ ဖြစ်လာသည်။ ခန္ဓာကိုယ်တွင် လှည့်ပတ်နေသော သွေးသည်ပင် လေတွန်းအားဖြင့် လှည့်ပတ် နေသည်ဟု ယူဆခဲ့ ကြသည်။
အသက်ကြီးလာလျှင် အားယုတ်သည်မှာ ယုတ်စွအဆုံး ဆီးသွား လျှင်ပင် တွန်းအား မရှိသဖြင့် ဆီးကုန်အောင် အချို့ အကြာကြီး သွားရသည်။ ဆီးသွားပြီး လျှင်လည်း ဆီးကျန် နေသဖြင့် ပြန်သွား ချင်စိတ် ဖြစ်ရသည်။ ဆီးကုန်အောင်မ သွားသည့်ေ ရာဂါ၊ ဆီးမထိန်း နိုင်သည့် ရောဂါ၊ ဆီးကျိတ် ရောဂါတို့မှာ အသက်ကြီး လာသည့် ယောက်ျား များတွင် အဖြစ်များသော ရောဂါများ ဖြစ်သည်။
အသက်ကြီးသည့် မိန်းမများ တွင်လည်း ဆီးရောဂါ မရှိသည် မဟုတ်၊ ယောက်ျားများ ကဲ့သို့ ဆီးကျိတ်ကြီးသည့် ရောဂါ မရှိသော်လည်း သားအိမ် လျှောပြီး ဆီးအိတ်ကို ဖိမိသည့် ရောဂါသည် လေအား မကောင်း သောကြာင့် ထောက်ကန် ဝါယော မကောင်း သောကြောင့် ဖြစ်သော ရောဂါဖြစ်သည်။
လေဆက် စေသော ဓာတ်စာတစ်မျိုးကို တင်ပြရလျှင် ရဲယိုရွက် နှင့် ငါးခူ တွဲ၍ချက်သော ဟင်းလျာကို တင်ပြလို ပါသည်။ ထို ဓာတ်စာသည် လူကြီးများ အတွက် လေအား ဖြစ်စေသော ဓာတ်စာ ဖြစ်သည့်အပြင် သွေးအား ကိုလည်း အသင့်အတင့် ဖြစ်စေသော ဓာတ်စာမျိုး ဖြစ်သည်။ လူငယ်များ အတွက်လည်း ခါးသက်ပြီး ဆိမ့်သော အရသာ ရှိသဖြင့် နှစ်သက် စေနိုင်သည်။
ငါးခူနှင့် ရဲယိုရွက် ချက်သော နည်း နှစ်နည်းရှိသည်။ ပထမနည်းမှာ ငါးခူကို ဆီပြန်ချက်ပြီး ရဲယိုရွက်ကို ကတ်ကြေးဖြင့် ပါးပါးကိုက်ကာ အုပ်ချက်သည့် နည်းဖြစ်သည်။ ဒုတိယ နည်းမှာ ငါးခူကို ချင်း၊ ကြက်သွန်ဖြူ ဖြင့် ပြုတ်ပြီးကာ အရိုးဖယ်ပြီး အသားချည်း မွှယူပါသည်။ ထိုအသား ကို မညှီအောင် ငရုတ်ကောင်း အနည်းငယ်၊ ကြက်သွန်ဖြူ ထောင်း၊ ငံပြာရည်ဖြင့် နယ်ပြီး ရဲယိုရွက်ဖြင့် ဖက်ထုပ် ပြုလုပ်ကာ ဝါးနှီး စတုတ်တံ ကလေးထိုးပြီး ရေနွေးငွေ့ဖြင့် ပေါင်းစားသော နည်းဖြစ်သည်။ ရဲယို ရွက် ကို ဝါးမစား လျှင်လည်း ပေါင်းသည့် အငွေ့ကြောင့် ငါးခူအသား အတွင်းသို့ ရဲယိုရွက်၏ ဝါယောဆောင်သော ခါးသက်သက် အရသာ သည် ရောက်ပြီး ဖြစ်နေပါသည်။
ရဲယိုရွက်နှင့် ငါးခူချက် ဓာတ်စာ စားခြင်းဖြင့် အကြော လေလျှောက် အားနည်းသူများ၊ လေဖြတ် လေငန်း ဝေဒနာသည်များ၊ ဆီးနှင့် ကျောက်ကပ် ရောဂါရှိသူများ၊ အရိုးအဆစ် အားနည်းပြီး ကျီးပေါင်းတက် ရောဂါ ရှိသူများ ဝေဒနာ သက်သာ ပျောက်ကင်းစေရန် အထောက် အကူပြု နိုင်ကြောင်း တင်ပြ လိုက်ရ ပေသည်။
ကြည်မြင့်လွင် (မုဒြာ)
#Yadanarpondaily
#ရတနာပုံနေ့စဉ်
http://myawady-myawady.blogspot.com/2015/01/blog-post_22.html
