အမျိုးမျိုးဆင်ခြင်ပေးကြပေမယ့် တကယ်တော့ ပျင်းတာပါ။ ကျန်းမာရေးအတွက် ပုံမှန်လေ့ကျင့်ခန်း လုပ်ရမယ်ဆိုတာ သိပေမယ့် ထသွားပြီး လေ့ကျင့်ခန်းလုပ်ဖို့ မလုပ်ဖြစ်တာ ဖြစ်ပါတယ်။ တကယ်တော့ လူတစ်ယောက်မှာရှိတဲ့ စိတ်ပါပဲ။ စိတ်အင်အား(Will power) ဖြစ်ပါတယ်။ လေ့ကျင့်ခန်းလုပ်ရမှာကို မိမိစိတ်ထဲမှာ ဦးစားပေးနိုင်ဖို့ ဖြစ်ပါတယ်။ ညဘက်မှာ TVက ဇာတ်လမ်းတွဲတွေ၊ ဘောလုံးပွဲတွေကို ညဥ့်နက် သန်းခေါင်အထိ ထိုင်ကြည့်ဖို့တော့ အချိန်ရကြပြီး၊ မနက်စောစော ၁၅ မိနစ်လောက် လေ့ကျင့်ခန်း လုပ်ဖို့တော့ အချိန်မရကြတာ ဖြစ်ပါတယ်။
ပါမောက္ခ Stuart Biddle သုတေသနပြုလုပ်ပြီး ရေးတဲ့ “ Cracking The Codeး The science Behind Motivation to Exercise” ဆိုတဲ့ စာအုပ်ထဲမှာ လေ့ကျင့်ခန်းလုပ်ဖို့ လူတွေစိတ်ပါလာဖို့ အချက်သုံးချက် လိုတယ်ပြောပါတယ်။ ပထမအချက်ကတော့ ကိုယ့်အတွက် သိသာတဲ့ တိုးတက်မှုရှိရမယ်။ ဒုတိယ အချက်ကတော့ ကိုယ့်အတွက်လုပ်ချင်ရမယ်။ တတိယအချက်ကတော့ လေ့ကျင့်ခန်းလုပ်ဖို့ စွဲလမ်းရမယ်လို့ ဆိုပါတယ်။ အဲဒီလိုမှမဖြစ်ရင်တော့ ခဏလုပ်ပြီး ရပ်သွားမယ်လို့ ဆိုပါတယ်။ လေ့ကျင့်ခန်းကို စွဲစွဲမြဲမြဲ အကျင့်တစ်ခုလို လုပ်ဖို့ခက်ပေမယ့် အကျင့်ဆိုတာ မွေးရာပါ မဟုတ်ပါဘူး။ လုပ်ယူလို့ရပါတယ်။ လေ့ကျင့်ခန်း လုပ်တာကို စိတ်ထဲမှာ ပျော်ရွှင်လာပြီဆိုရင် တောက်လျှောက်လုပ်တော့မှာ ဖြစ်ပါတယ်။ အိမ်အလုပ်တွေများလို့ လေ့ကျင့်ခန်းလုပ်စရာ မလိုပါဘူးဆိုတဲ့ အိမ်ရှင်မတွေကို ပြောချင်ပါတယ်။ အိမ်အလုပ်လုပ်ရင်း လှုပ်ရှား နေရတဲ့အခါမှာ စိတ်က ပင်ပန်းနေပါတယ်။နှလုံးခုန်နှုန်းက မမြန်ပါဘူး။ လေ့ကျင့်ခန်းလုပ်ဖို့ ကျန်းမာဖို့ လိုအပ်တဲ့ နှလုံးခုန်နှုန်း မရနိုင်ဘူးဆိုတာ သတိပြုစေလိုပါတယ်။
လေ့ကျင့်ခန်း မလုပ်ဖြစ်တာ အကြောင်းအမျိုးမျိုးပြနေတဲ့ ကိုကိုတို့၊ မမတို့၊ ဦးဦး၊ ဒေါ်ဒေါ်တို့သိဖို့ကတော့ အဲဒါတွေရဲ့ နောက်ကွယ်မှာ ပျင်းနေတာက အဓိကပါ။ လေ့ကျင့်ခန်းလုပ်ဖို့ဆိုတာ အချိန်လည်း ဒီလောက်မလို၊ ငွေကုန်စရာလည်း မရှိပါဘူး၊ လမ်းလျှောက်လို့လည်းရတယ်။ စက်ဘီးစီး၊ ရေကူး၊ ယောဂလုပ်၊ အမျိုးစုံ ရှိပါတယ်။ ကိုယ့်အိမ်ထဲ တီဗီဖွင့်ပြီး Aerobic လေ့ကျင့်ခန်း လုပ်လည်း ရပါတယ်။ အခုအခါမှာ Mobile Phoneနဲ့ အသုံးပြုလို့ ရတဲ့ Exercise App တွေ ရှိနေပါတယ်။
ကျန်းမာရေးအတွက် လိုအပ်တဲ့ နှလုံးခုန်နှုန်းရဖို့နဲ့ ကိုယ်အလေးချိန်လျှော့ဖို့ လေ့ကျင့်ခန်း မှန်မှန်လုပ်ဖို့ လိုပါတယ်။
( မှတ်ချက်။ ၂၀၁၄ခုနှစ်၊ သြဂုတ်လထုတ် EcoEcho Journal အတွဲ(၅)၊ အမှတ်(၅)မှဥာဏ်ကျယ်လေး(Eco) ရေးသားသော ဆောင်းပါးမှ ကောက်နှုတ်ဖော်ပြပါသည်)
MOI Webportal Myanmar
https://www.facebook.com/MOIWebportalMyanmar
