၁။ ဆရာ သားကြောဆက်လို့ရလား။
၂။ ဆရာ ကျွန်တော်က အခု အသက် (၅၁) နှစ်ရှိပါပြီ။ ၂ဝဝဝ ခုနှစ်မှာ သားကြောဖြတ်ထားပြီး ယခုအခါ သားကြောပြန်ဆက်ဖို့ ရနိုင်/မရနိုင်သိချင်လို့ပါခင်ဗျာ။ ရန်ကုန်မှာနေပါတယ်။
ယောက်ျားတွေ သားကြောဖြတ်ပြီးမှ ပြန်ဆက်လိုသူတွေရှိတယ်။ USA မှာ ၅% လောက်ရှိတယ်။ သားကြောဖြတ်တာ ရှင်ခန်းဖြတ်မဟုတ်ပါ။ ပြန်ဆက်လို့မရဘူးတော့ မဟုတ်ပါ။ ဒါပေမယ့် သီအိုရီအရ ဖြစ်နိုင်ပေမဲ့၊ လက်တွေ့မှာ အတော်ကြီး ခက်ပါတယ်။ (မိုက်ခရို-ဆာဂျရီ) အနုစိတ် လုပ်ရလိမ့်မယ်။ ကရိကထများတယ်၊ လက်ဝင်တယ်။ ကုန်ကျတယ်။
အမေရိကားမှာဆိုရင် တနှစ်မှာ လူ ၆ သိန်းဟာ $300 ကနေ $1,000 အကုန်ခံ ဖြတ်နေကြတယ်။ ဖြတ်ထားတဲ့သားကြော ပြန်ဆက်ဘို့ဆိုရင်တော့ $7,000 ကုန်မယ်တဲ့။ အောင်မြင်မှုနှုန်း စောစောပြန်လုပ်သူတွေက ပိုများတယ်။ ဖြတ်ထားပြီး ၃ နှစ်အတွင်း ပြန်ဆက်ချင်သူတွေက ၇၆%၊ ၁၅ နှစ် ကြာမှလုပ်ရင် ၃ဝ% ကလေး ပြန်ရနိုင်တယ်။
မြန်မာပြည်က အခြေအနေတော့ မသိပါ။ ကျွန်တော်က ကြံဖန်ခွဲစိတ်တာဝါသနာပါလို့ စိတ်ထဲမှာ ပြန်ဆက်ပေးဘို့ နည်းလမ်းတွေကို ခဏခဏကြံဆစဉ်းစားနေမိတယ်။ လက်တွေ့တော့ တယောက်ကိုမှ လုပ်မပေးဘူးခဲ့ပါ။
Microsurgical Vasectomy Reversal (Vasovasostomy and Epididymovasostomy) http://malefertility.jhu.edu/VasectomyReversal.php
Dr. တင့်ဆွေ
https://www.facebook.com/drtintswe
