မေးခွန်း မလာတဲ့နေ့ဆိုတာ ရှားတယ်။ မျိုးဥအိမ် အိတ်-အကျိတ်-ရေအိတ် ဖြစ်တဲ့သူ မနည်းလှပါ။ တခါတုံးက သတင်းတခုကလည်း ဓနုဖြူတွင် လူဥ အုသည်တဲ့။ မဟုတ်ကြောင်း ရေးလိုက်ပါတယ်။ ဒီတခါကတည်း မြိတ်မှာ အပင်းလို့ ထင်ပါသတဲ့။ အဲတာလည်း အပင်းမဟုတ်ပါ။ ဆက်ဖတ်ပါ။
အမျိုးသမီးတိုင်းမှာ မျိုးဥအိမ်တစုံစီပါတယ်။ အဲတာကနေ အလုံး (အကျိတ်) ဖြစ်တာကို Ovarian cysts လို့ခေါ်တယ်။ သေးသေးလေးကနေ ကိုယ်ဝန်မွေးကာနီးအရွယ်အထိကြီးနိုင်တယ်။ အရွယ်ကောင်းတွေ မှာ ဖြစ်တာများတယ် ။ သွေးဆုံးပြီးသူတွေ ၁၅% သာဖြစ်နိုင်တယ်။ အမျိုးမျိုးအစားစားရှိတယ်။ အိတ်ထဲမှာရှိနေတာက အမျိုးမျိုး။ အများအားဖြင့် ခပ်ဝါဝါအရည် ။ ချွေးထွက်အိတ်ထဲကအရည်မျိုးပါရင် ခပ်မြစ်ပြစ်ဖြစ်မယ်။၊ အဆီတွေပါနိုင်တယ်။ တချို့မှာ ထူးဆန်းတာတွေ ပါနေတတ်တယ်။ ဆံပင်လို အမွှေး၊ အရိုးလို၊ သွားလို၊ အရိုးနုလိုစတာတွေပါနေမယ်။ Dermoid cyst ဒါးမွိုက်-ဆစ် ခေါ်တယ်။ အမှန်က လူ့ကိုယ်ခန္ဓာမှာရှိနေတဲ့ (တစ်ရှူး) အမျိုးအားလုံးက ပါနေနိုင်တယ်။ မျိုးဥအိတ်သာ မဟုတ်ပါ အရေပြားမှာ လည်း ဒါမျိုးဖြစ်တတ်တယ် ။ မျက်နှာ၊ လည်ပင်းနဲ့ နောက်ကျော။
အဖြစ်များတဲ့ ရောဂါတခုပါ။ အရွယ်မရွေး ပြောရမလားဘဲ။ အပျိုလေးတွေရော အဖွါးကြီးတွေကိုပါ ခွဲပေးရဘူးတယ်။ ဘာလို့ဖြစ်သလည်း အတိအကျ ပြောမရ၊ ကံတရားကိုသာ လွှဲချကြရအောင်။ အတော်များများ သတိမထားမိတတ်ပါ။ ရာသီလာတာလည်း ပုံမှန်။ နာတာကလည်း မသိမသာ။ ကိုယ်ဝန်ဆောင်သလို ဗိုက်ကလေး ပူလို့ စူလာမှ သိရတာ များတယ်။ အလုံးက ဗိုက်ထဲမှာ (အမှန်က ဗိုက်အောက် တင်ပါးဆုံရိုးကွင်းထဲမှာပါ) သူနဲ့ တွယ်နေတဲ့ သားအိတ်ပြွန်က နောက်တို့ဘေးတို့မှာ ကပ်နေတာ မဟုတ်လို့ ခပ်လွယ်လွယ် ရွေ့ရှားလှုတ်ရှားနိုင်တယ်။ လှုတ်ရင်း၊ ရွေ့ရင်းနဲ့ အညှာနဲ့တူတဲ့နေရာက လိမ်ပြီး၊ သူ့ဟာသူ ချည်သလို ဖြစ်တတ်သေးတယ်။ အဲလိုဖြစ်ရင် နာတာခံစားရတော့မယ်။ မခွဲရင် သွေးထွက်၊ ပေါက်ထွက်ဖြစ်နိုင်တယ် ။
မျိုးဥအိမ်အရည်အိတ်အမျိုးမျိုး
- Graafian or follicular cysts အမျိုးမစားကသေးတယ်။ အလိုလိုပျောက်သွားနိုင်တယ်။ ဗိုက်စူးပြီးနာတတ်တယ်။ ၂၅% သောအမျိုးသမီးတွေမှာဖြစ်တယ်။ တဖက်ထဲမှာဖြစ်တာများတယ်။
- Corpus luteum cysts ဆိုတာ လစဉ်မျိုးဥထွက်အပြီးမှာဖြစ်တယ်။ LH ကြောင့်ဖြစ်ရတယ်။ အမှန်က ပုံမှန်ဖြစ်ရမယ့် (ဖေါ်လီကယ်) ဖြစ်တာပါ။ ဒီဟာကနေ (ပရိုဂျက်စတီရုန်း) ဟော်မုန်းထုတ်ပေးတယ်။ ကိုယ်ဝန်ဖြစ်မလာရင် ပျက်စီးသွားမယ်။ အဲတာမျိုးဖြစ်မလာရင် အလုံးလည်းမဖြစ် ဟော်မုန်းလည်းမထုတ်ပါ။ ဆက်ကြီးလာခဲ့ရင် ဗိုက်နာမယ်။ ပေါက်ထွက်ရင် စူးရှပြီးနာမယ်။ ဒီဟော်မုန်းက မျိုးဥထွက်ဘို့လုပ်ပေးတယ်။ (ကောပတ်းစ်လူတီယမ်) ဖြစ်ဘို့လုပ်ပေးတယ်။ အကျိတ်ဖြစ်ရင်တော့ ဆက်ကြီးပြီး အဲတာမျိုးမလုပ်နိုင်ပါ။
- Hemorrhagic cysts သွေးပြည့်နေတဲ့မျိုးဥအိမ်အကျိတ်
ပေါက်ထွက်ရင် ဗိုက်အောက်ပိုင်းကနာမယ်။ အကျိတ်ထဲမှာ သွေး အရည်ရောအခံပါရှိနိုင်တယ်။
- Chocolate cysts ချောကလက်ဆစ်စ်ဆိုတာကို Endometrial cysts လို့လည်းခေါ်တယ်။ Endometriosis သားအိမ်ရောဂါ ရှိနေတဲ့အမျိုးသမီးတွေမှာဖြစ်တယ်။ သားအိမ် (တစ်ရှူး) တွေက သားအိမ်မဟုတ်တဲ့နေရာတွေမှာ ရောက်နေတဲ့ရောဂါ ဖြစ်တယ်။ ရာသီဖြစ်စဉ်မှာ ပထမလဝက်မှာ တက်လာတဲ့ (အီစထိုဂျင်) ကနေသက်ရောက်တယ်။ သွေးတွေက ကြာတော့ အရောင်ပြောင်းရာကနေ ချောကလက်ရောင်ဖြစ်လာတယ်။ ဗီတာမင် (ဒီ) နည်းသူတွေမှာ ဖြစ်တယ်။ (ပရိုဂျက်စတီရုန်း) နည်းနေမယ်။
- Cystadenoma အကျိတ်ကတမျိုးဖြစ်တယ်။ မျိုးဥအိမ်အပြင်လွှာကနေဖြစ်တယ်။ ၃ဝ စင်တီမီတာအထိကြီးနိုင်တယ်။
- Multiple cysts အကျိတ်တွေအများကြီးလည်းရှိနိုင်တယ်။ Polycystic ovaries လို့ခေါ်တယ်။ (PCOS) နဲ့ မတူပါ။
- Polycystic Ovary Syndrome (PCOS) ဆိုတာ မျိုးဥအိမ်မှာအလုံးအကျိတ်လေးတွေ အများကြီးရှိနေတာဖြစ်တယ်။ ရာသီမမှန်တာနဲ့ ကျား-ဟော်မုန်းများနေတာ ၂ ခု ဖြစ်တယ်။ ကျား-ဟော်မုန်းများနေသူမှာ ဝက်ခြံပေါက်မယ်၊ အမွှေးပေါက် များမယ်၊ လူဝမယ်၊ အဆီပြန်မယ်၊ ကလေးမရဖြစ်မယ်။ မြန်မာအမျိုးသမီးတွေ အဖြစ်မနည်းပါ။ မကြာမကြာမေးကြတယ်။
- Ovarian cancer မျိုးဥအိမ်ကင်ဆာဆိုတာ အသက်ကြီးမှသာဖြစ်တယ်။ ပျမ်းမျှ ၆၃ နှစ်အရွယ်။ လူကဝရင်ပိုဖြစ်တယ်။ ကလေးမမွေးဘူးသူတွေမှာ ပိုဖြစ်တယ်။
- Dermoid cysts (ဒါးမွိုက်ဆစ်စ်) ဆိုတာ မွေးကတည်းကပါလာတာဖြစ်တယ်။ သန္ဓေသားဖြစ်စဉ်မှာ အရေပြားက တခြားနေရာထဲမှာ ပိတ်မိနေခဲ့လို့ ဖြစ်ရတယ်။ တဖြေးဖြေးကြီးကြီးလာတယ်။ ၁၅ စင်တီမီတာလောက်အထိ ကြီးနိုင်တယ်။ ရောင်ရင်တော့နာမယ်။ အထဲမှာ အသေအချာစစ်ကြည့်ရင် ဆံပင်၊ အမွှေး၊ အရည်၊ သွား၊ အရိုး၊ အရေပြား၊ အာရုံကြော၊ ချွေးထွက်အိတ်စတာတွေ ပါနေနိုင်တယ်။ ဖြေးဖြေးချင်းကြီးလာတယ်။ အပင်းလို့ ခေါ်ကြတယ်။ ၄ နေရာမှာ ဖြစ်တယ်။
(က) Dermoid cysts in the brain ဦးနှောက်မှာဖြစ်တယ်။ အဖြစ်တော့ မများပါ။
(ခ) Dermoid cysts in the nasal sinuses နှာခေါင်း-ဆိုင်းနပ်စ်မှာဖြစ်မယ်။ ခွဲထုတ်ရတာ ခက်တယ်။ ရှားတယ်။
(ဂ) Dermoid cysts of the spinal cord ခါးရိုးဆစ်ထဲက အာရုံကြောမှာဖြစ်တာ။ ပိုးဝင်တတ်တယ်။
(ဃ) Ovarian dermoid cysts မျိုးဥအိမ်မှာ ဖြစ်တယ်။ မျိုးပွါးနိုင်တဲ့အရွယ်တွေမှာဖြစ်တယ်။ အညှာနေရာလိမ်လို့နာနိုင်တယ်။ ပိုးဝင်လို့ရောင်နိုင်တယ်။ ပေါက်ထွက်နိုင်တယ်။ ခွဲထုတ်ရမယ်။ ချက်ချင်းခွဲရတတ်တယ်။ ဒီရောဂါကို ခွဲထုတ်လို့ အထဲကဟာတွေကြည့်ပြီး အပင်းလို့ ဗမာတွေကပြောကြတယ်။ ရှားရှားပါးပါး ကင်ဆာဖြစ်နိုင်တယ်။
ကုသနည်းတွေရှိတာမှာ အသက်၊ အကျိတ်အမျိုးအစား၊ အရွယ်အစားနဲ့ ခံစားနေရတာတွေအပေါ်မူတည်ပြီး ရွေးချယ်ရတယ်။
(က) တချို့သေးတာလေးတွေက အလိုလိုလည်းပျောက်နိုင်လို့ စောင့်ကြည့်နိုင်တယ်။
(ခ) ကိုယ်ဝန်တားဆေးပေးနည်း။
(ဂ) ခွဲစိတ်ကုသနည်းကို နောက်ဆုံးမှာ ရွေးရတာများတယ်။ ခွဲစိတ်နည်းမှာ Laparoscopy ဗိုက်ထဲကြည့်ကိရိယာနဲ့ ကြည့်ရင်း သေးတာကိုသာ ခွဲထုတ်လို့ရမယ်။ ကင်ဆာလားသိချင်လို့ အဲဒီနည်းနဲ့ခွဲထုတ်ပြီး စစ်ဆေးရတယ်။ အများအားဖြင့်တော့ ဗိုက်ကိုခွဲပြီးမှသာ ထုတ်တယ်။ ခွဲတာမှာလည်း Ovarian cystectomy အကျိတ်ကိုသာ သပ်သပ် ထုတ်နည်းလုပ်လို့ရရင် အကောင်းဆုံးဖြစ်တယ်။ အားလုံးကရတာတော့မဟုတ်ပါ။ Oophorectomy မျိုးဥအိမ် တခုလုံး ထုတ်နည်းလည်းလုပ်ရတာရှိတယ်။ တကယ်လို့ ကင်ဆာဖြစ်နေရင် မျိုးဥအိမ် နှစ်ခုလုံး + သားအိမ်ပြွန် + သားအိမ် အားလုံး ထုတ်ရမယ်။ ဆက်ပြီးလည်း ကုသရမယ်။
မျိုးဥအိတ်တဖက်နဲ့ ပြွန်တဖက်မရှိရင် သားသမီးရဘို့ တဝက်တော့ အခွင့်အလမ်း နည်းသွားစေတယ်။ မျိုးဥအိတ်နဲ့ ပြွန်၊ နှစ်စုံလုံးရှိနေပါမှ အမျိုးသမီးပီသစေနိုင်လို့ပါ။ မ-ဟော်မုန်းတွေ ပုံမှန်ထွက်၊ လင်ယူ-သားမွေး၊ ကလေးယူဘို့ရာ စိတ်ချရမယ်။ တခါဖြစ်ဘူးရင် နောက်ထပ် မဖြစ်နိုင်တော့ဘူးလို့ မပြောနိုင်ပါ။ ရာသီမမှန်ရင်။ သိပ်ငယ်ငယ်ကတည်းက ၁၁-၁၂ နှစ်သမီးကစ ရာသီကလာရင်၊ ကလေးမရတဲ့သူ၊ လည်ပင်းကြီးဟော်မုန်းနည်းသူ၊ ကိုယ်အပေါ်ပိုင်း အဆီများသူတွေမှာ ဖြစ်တတ်လေ့ရှိတယ်။
အဲလိုခွဲထားခံရသူအတွက် စိတ်မပျက်ပါနဲ့။ ကင်ဆာကို မပြောင်းစေတတ်ပါ။ ကလေးရဘို့ ၅ဝ% ဆိုတာ နည်းတဲ့ အခွင့်အလမ်း မဟုတ်ပါ။ သေခြာပါတယ်ဆိုတဲ့ တားဆေးတွေက ၉၉% စိတ်ချပါဆိုတဲ့ အထဲကနေ ကိုယ်ဝန်ဆောင်သူ ရှိတယ်။ အစားရှောင်စရာမလိုပါ။ ကျန်းမာအောင်သာ မျှတတဲ့အစာစားပါ။ ဆေးလည်း ပုံမှန်အားဆေးသာ လိုပါတယ်။
အိတ်ထဲမှာရှိနေတာက အမျိုးမျိုး။ အများအားဖြင့် ခပ်ဝါဝါအရည်။ ချွေးထွက်အိတ်ထဲက အရည်မျိုးပါရင် ခပ်ပြစ်ပြစ် ဖြစ်မယ်။၊ အဆီတွေပါနိုင်တယ်။ တချို့ကြ ထူးဆန်းတာတွေပါနေတတ်တယ်။ ဆံပင်လို အမွှေး၊ အရိုးလို၊ သွားလို၊ အရိုးနုလို စတာတွေ။ တောမှာ အပင်းထည့်တယ်လို့ ပြောတတ်ကြတာမျိုးပေါ့။ Dermoid cyst ဒါးမွိုက်-ဆစ် ခေါ်တယ်။ အမှန်က လူ့ကိုယ်ခန္ဓာမှာရှိနေတဲ့ (တစ်ရှူး) အမျိုးအားလုံးက ပါနေနိုင်တယ်။ မျိုးဥအိတ်သာ မဟုတ်ပါ အရေပြားမှာလည်း ဒါမျိုးဖြစ်တတ်တယ်။ အဲလိုပုံသာတင်ရင် ဖေ့စ်ဘွတ်မှာ လိုက်ခ်တွေများမှာသေချာတယ်။
ကျွန်တော် ထိုင်း-မြန်မာနယ်စပ်က KNU ကရင်ဆေးရုံလေးတခုမှာ မျိုးဥအိမ်အလုံးကြီးကို ကြုံကြိုက်လို့ ခွဲပေးခဲ့ရဘူးပါတယ်။ ဆေးရုံကလည်း တောထဲမှာ၊ ကင်မရာလည်းမပါလို့ ဓါတ်ပုံမရိုက်နိုင်ပါ။
ဒေါက်တာတင့်ဆွေ
https://www.facebook.com/drtintswe
