အလုပ်မှာပါ စိတ်မပါ ဖြစ်ရပါတယ်။ တစ်ကိုယ်လုံးညောင်းပြီး နုံးချည့်ပင်ပန်း နေသလို အမြဲခံစား ရပါတယ်ဆရာ။ ဝမ်းတစ်လုံး မကောင်းလို့ ကျွန်တော် ခေါင်းခဲ နေပါပြီ။ ၀မ်းမချုပ်အောင် ဘယ်လို လုပ်ရမလဲ ဆရာ။ (ကျွန်တော်က ဝမ်းနုတ်ဆေး မစားချင်ပါ) ဦးကိုကို(အမရပူရ)
ဝမ်းချုပ်ခြင်း ဝေဒနာ ဖြစ်ရတဲ့ အကြောင်းအရင်း များကတော့ အစာစားသောက်မှု လွဲမှားခြင်း၊ ဝမ်းသွား ကျင့်မမှန်ခြင်း၊ အသက်ကြီးလာခြင်း၊ အိပ်ရာထဲ အလှဲများခြင်း၊ကား၊ ရထားအစီးများခြင်း စတဲ့ သာမန် အကြောင်းအရင်းများ အပြင် အစာအိမ်ဆေး အချို့၊ သွေးပေါင်ကျဆေး အချို့နဲ့ စိတ်ကျရောဂါ ကုသဆေး အချို့ကြောင့်လည်း ဝမ်းချုပ်နိုင်ပါတယ်။ ဒါ့အပြင် ဆီးချို၊ ကျောက်ကပ်၊ သိုင်းရွိုက်ဂလင်း အားနည်းခြင်း၊ ပိုတက်ဆီယမ်နည်းခြင်း၊ ကယ်လ်ဆီယမ် များခြင်းနှင့် ကိုယ်ဝန်ရှိခြင်း တို့ကြောင့်လည်း ဝမ်းချုပ် နိုင်ပါ တယ်။ ဒါ့အပြင် အူမကြီး ကင်ဆာ၊ အူလမ်းကြောင်း ပိတ်ဆို့ခြင်း၊ အူကျွံအူခေါက်ခြင်း စတဲ့ အူလမ်းကြောင်း ဆိုင်ရာ ဝေဒနာများကြောင့်လည်း ဝမ်းချုပ် နိုင်ပါသေးတယ်။ တချို့ကတော့ စအိုကျွံခြင်း၊ ဝမ်းညှစ် ကြွက်သား အားနည်းခြင်း၊ စိတ်ကျခြင်း၊ ဝမ်းပုံမှန် မသွားဘဲ ချုပ်တည်းထားခြင်း တို့ကြောင့်လည်း ဝမ်းချုပ် ခြင်း ဖြစ်ပေါ် နိုင်ပါတယ်။ ဒါကြောင့် အထက်ပါ လက္ခဏာတွေ အနက် ဝမ်းချုပ်ခြင်းကို ဖြစ်စေသော ရောဂါ ရှိပါက အဆိုပါ ရော ဂါကို ဦးစွာ ကုသရမှာပါ။ ဝမ်းချုပ်စေသော ဆေးများနှင့် ဝမ်းနုတ်ဆေး အပြင်းစားများ သုံးစွဲခြင်းကို ရှောင်ပါ။ အမျှင်ဓာတ် များများပါသော သီးနှံ၊ ဟင်းသီးဟင်းရွက်များကို စားသုံးပါ ။ ရေ၊ ဖျော် ရည်နဲ့ အချိုရည်များများ သောက်ပေးပြီး ကိုယ်လက်လှုပ်ရှားမှု မှန်မှန်လုပ်ပါ။ အမျှင်ဓာတ် ပါသောဆေး Normacol တို့၊ Fybogel-Fybranta တို့ တွဲသောက် နိုင်ပါတယ်။ ဝမ်းချူဆေးတောင့်လည်း သုံးနိုင်ပါတယ်။
နံနက်တိုင်း ပုံမှန် ဝမ်းသွားတဲ့ အကျင့် လုပ်ဆောင်ပေးပါ။ ဝမ်းချုပ်ခြင်း ဖြစ်ရတာဟာ အစားအသောက် အနေအထိုင် မမှန်ကန်ခြင်း၊ ရေသောက်နည်းခြင်း၊ ဝမ်းသွားကျင့် မရှိခြင်း၊ အူလမ်းကြောင်း လှုပ်ရှားမှု မမှန်ခြင်းနဲ့ ကိုယ်လက်လှုပ်ရှားမှု နည်းခြင်းတို့ကြောင့် အဖြစ်များပါတယ်။ ဒါပေမဲ့ ဝမ်းချုပ်တာဟာ အူမကြီး ကင်ဆာရဲ့ ရှေ့ပြေး လက္ခဏာလည်း ဖြစ်နိုင်တာကြောင့် ဂရုပြုဖို့ လိုအပ်ပါတ ယ်။ ဒါကြောင့် ဦးကိုကိုရဲ့ မလိုအပ်ဘဲ ဝမ်းနုတ်ဆေး မစားတဲ့ အကျင့်ဟာ အလေ့အထ ကောင်းပါ။ အူလမ်းကြောင်း ပိတ်လို့ ဝမ်းချုပ် သူတွေမှာ ဝမ်းနုတ်ဆေးကြောင့် အူပေါက်ခြင်း၊ ရောဂါပို ဆိုးခြင်း၊ အရေးပေါ် ခွဲစိတ်ရခြင်းတို့ ဖြစ်တတ်ပါ တယ်။ ဒါကြောင့် ကောင်းမွန်မျှတသော နေထိုင်နည်းဖြင့် ဝမ်းတစ်လုံးကောင်းလို့ ခေါင်းမခဲ စေနိုင်ကြောင်း ပါ။ အနေအထိုင်၊ အစားအသောက်၊ အလေ့အကျင့် ပြောင်းလဲ လိုက်တာနဲ့ ဝမ်းပုံမှန် ဖြစ်သွားပါမယ်။ အကယ်၍ ကိုယ်အလေးချိန် သိသာစွာ ကျဆင်းခြင်း၊ ဝမ်းသွားသွေးပါခြင်း၊ ဝမ်းသွားလိုက်၊ ချုပ်လိုက် အဖြစ် များခြင်း၊ ဗိုက်ဖောင်း လာခြင်း၊ ပျို့အန်ခြင်း၊ သာမန်ထက် ပိုမောပန်းခြင်း၊ ဗိုက်နာခြင်းစတဲ့ လက္ခဏာတွေ ဖြစ်ပေါ်ရင်တော့ နီးစပ်ရာဆေးရုံ၊ ဆေးခန်းသို့ အမြန်ဆုံး သွားရောက်ပြသ သင့်ပါကြောင်း လမ်းညွှန်ရင်း ဦးကို ကိုလည်း ဝမ်းကောင်းလို့ စိတ်ကြည် ပျော်ရွှင် ချမ်းမြေ့ပါစေကြောင်း ဆုတောင်း အပ်ပါသည်။
မြ၀တီ
ဒေါက်တာစွမ်း (ဆေး - ၁)
