အဆိုပါလေ့လာမှုကို သုတေသန ပညာရှင်များက အမေရိကန်နိုင်ငံ ဆန်ဖရန်စ္စစကို ဧရိယာ၊ စင်စင်နတီ ဧရိယာနှင့် နယူးယောက်မြို့ရှိ အသက်ခြောက်နှစ်မှ ရှစ်နှစ်အရွယ် မိန်းကလေး ၁၂ဝဝ ကျော်ကို ၂ဝဝ၄ ခုနှစ်မှ ၂ဝ၁၁ ခုနှစ်အထိ အကြိမ်ကြိမ် လေ့လာဆန်းစစ်ခဲ့ရာမှ တွေ့ရှိခဲ့ခြင်း ဖြစ်သည်။ ဖော်ပြပါ အသက်အရွယ် များတွင် အပျိုဖော်ဝင်လာကြောင်း သိသာထင်ရှားသည့် လက္ခဏာမှာ ရင်သားများ ဖွံ့ဖြိုးလာခြင်းပင် ဖြစ် သည်ဟု ဆိုသည်။
လေ့လာမှုရလဒ်များအရ လူဖြူ မိန်းကလေးများသည် ပျမ်းမျှအသက် ၉ ဒသမ ၇ နှစ်တွင် အပျိုဖော်ဝင် လာပြီး ၁၉၉၇ ခုနှစ်က လေ့လာခဲ့သည့် ပျမ်းမျှ အသက်ထက် သုံးလေးလ ငယ်လာ ကြောင်းနှင့် ၁၉၆ဝ ခုနှစ်များက လေ့လာခဲ့သည့် အချက်အလက်များ ထက် အသက်အရွယ် ပိုငယ်လာသည် ဟု သိရသည်။
လူမည်း မိန်းကလေးများသည် ပျမ်းမျှအသက် ၈ ဒသမ ၈ နှစ်တွင် အပျိုဖော်စတင်ဝင်လာပြီး ယခင် လေ့လာ ထားသည့် ရလဒ်များနှင့် ခြားနားမှုမရှိဟုသိရသည်။ လက်တင် အမေရိကမှ မိန်းကလေးများသည် အသက် ၉ ဒသမ ၃ နှစ်တွင် အပျို ဖော်ဝင်လာပြီး အာရှသူများမှာ အသက် ၉ ဒသမ ၇ နှစ် တွင် အပျိုဖော် ဝင်သည်ဟုလေ့လာမှုတွင် ဖော်ပြသည်။
ယခင်လေ့လာမှုများနှင့် ထူးမခြား နားသည့်အချက်မှာ မိန်းကလေးများ အပျိုဖော်ဝင်ချိန် စောရသည့် အကြောင်းမှာ အဝလွန်မှုနှင့် အဓိက ဆက်စပ်နေကြောင်း၊ မိန်းကလေး များ၏ body mass index(BMI) ခန္ဓာကိုယ်အလေးချိန် အညွှန်းကိန်း မြင့်တက်လာမှုသည့် အသက်ငယ် ငယ်နှင့် အပျိုဖော်ဝင်စေသည့် အကြောင်းရင်းဖြစ်ကြောင်း နိုဝင်ဘာ ၄ ရက်ထုတ် ဆေးပညာဂျာနယ်တွင် ဖော်ပြထားသည်။
(အေဝမ်းစိုး)
သတင်းနှင့် စာနယ်ဇင်းလုပ်ငန်း
