သွေးပျစ်ခြင်းကြောင့် ကျွန်ုပ်တို့ခန္ဓာကိုယ်တွင် သွေးကြော အမျိုးမျိုး ပိတ်ဆို့မှုဖြစ်နိုင်ပါသည် ။ သွေးပျစ်ခြင်း သည် သွေးလွှတ် ကြော များကို ထိခိုက်နိုင်သလို သွေးပြန်ကြောများ ကိုလည်း ပိတ်စေနိုင်ပါသည် ။
ကျွန်ုပ်တို့၏ဦးနှောက်ရှိ သွေးလွှတ်ကြော ပိတ်လျှင် လေဖြတ်ခြင်းကိုဖြစ်စေ နိုင်ပါသည်။
မျက်စိအတွင်းရှိ သွေးလွှတ် ကြော လေးပိတ်လျှင် ရုတ်တရက် အမြင်အာရုံပျက်စီးနိုင်ပါ သည် ။ နှလုံးသွေးကြောပိတ်လျှင် နှလုံးသွေးကြောကျဉ်း ရောဂါ အမျိုးမျိုးနှင့် နောက်ဆက်တွဲ ရောဂါ များဖြစ်စေနိုင်ပါသည်။ အဆုတ်သွေးကြော ပိတ်လျှင်လည်း ရင်ဘတ် အောင့်ခြင်းနှင့် သလိပ်အတွင်းသွေးပါခြင်းတို့ဖြစ်နိုင်ပါသည်။
ခြေချောင်းလက်ချောင်း သွေးကြောပိတ်လျှင်ခြေချောင်းလက်ချောင်း ပုပ်သွားနိုင်ပါသည်။အခြား အသည်း၊ ကျောက်ကပ်၊ အူလမ်း ကြောင်းတို့ကိုလည်း အလားတူ ဒုက္ခပေးနိုင် ပါသည်။
ဤကဲ့သို့ သွေးပျစ်ခြင်းကြောင့် သွေးကြော ပိတ်မှုကိုကာကွယ်ရန်အတွက် အက်စပရင် စသော သွေးကျဲဆေးများကို ကုသဆေးအဖြစ် အသုံးပြုကြရသည်မှာ အားလုံးအသိပဲဖြစ်ပါသည်။ အက်စပရင်ဆေးသုံးခြင်းကြောင့် အများ ဆုံးဖြစ်သော ဘေးထွက်ဆိုးကျိုးမှာ အစာအိမ်ရောင်ခြင်းနှင့် အစာအိမ်သွေးယို စိမ့်ခြင်းဖြစ်ပါသည်။ အခြား သွေးမခဲ အောင် အသုံးပြုသောဆေးတစ်မျိုးဖြစ်သည့် ဝါဖရင်တွင်လည်း သွေးထွက်ခြင်းများဖြစ်စေနိုင်ပါသည်။
ဤနေရာတွင် သွေးပျစ်သူများအတွက် သဘာဝသွေးကျဲစေသော အစားအသောက်(၁ဝ)မျိုးကို ဖော်ပြထားပါသည်။
ငါးများတွင်ပါဝင်သည့် အိုမီဂါ-၃ (ခေါ်) လူကိုအကျိုးပြုသည့် အဆီဓာတ်တစ်မျိုးမှာ သဘာဝသွေးကျဲဆေး တစ်မျိုး ပင်ဖြစ်ပါသည်။
အပင်မှရသော အိုမီဂါ-၃ သည်လည်း သွေး ပျစ်မှုကို လျော့ကျစေပါသည်။ အိုမီဂါ-၃ အများဆုံးရသောအစားအစာများမှာ ထောပတ်သီး၊ နှမ်းစေ့နှင့် အခွံမာသီးအစေ့များတွင် အဓိက ပါဝင်ပါသည်။
ချင်းကို ဟင်းခတ်အမွှေးအကြိုင်အနေဖြင့် တစ်မျိုး၊ ချင်းသုပ်အနေဖြင့် တစ်ဖုံ နေ့စဉ်စားသုံးခြင်းဖြင့် နှလုံးသွေးကြော ကျဉ်းရောဂါကို ကာကွယ်နိုင်ပါသည်။
ရေအသက်တစ် မနက်ဟု ကျွန်ုပ်တို့ နားလည်ထားကြသည်။ ဤနေ့စဉ်သောက်သုံးနေသောရေသည်ပင်လျှင် သဘာဝ သွေးကျဲ ဆေးတစ်မျိုးဖြစ်ပါ သည်။ သွေးကြော ပိတ်ခြင်းကို အလွယ်တကူပိတ်စေနိုင်သော ရောဂါရှိသူများ(ဥပမာ-ဆစ်ကယ်ဆဲလ်အနီးမီးယား) တွင် ရေဓာတ်လျော့နည်းလျှင် သွေးကြောပိတ်ခြင်း ကို မြန်စေပါသည်။
အက်စပင်ဓာတ်ပါဝင်မှုများသည့်အစား အစာများသည်လည်း သွေးကျဲစေပါသည်။ အက်စပင်ဓာတ်ပါဝင်မှုများသည့် အစားအစာ များမှာ ဟင်းခတ် အမွှေးအကြိုင် အမျိုးမျိုးဖြစ် သည့် ငရုတ်သီး၊ ငရုတ်ကောင်း၊ နနွင်းမှုန့်၊ သစ်ကြံပိုးခေါက်၊ စမြိတ်ပင်၊ တောရှုံးပင် စသည်တို့ဖြစ်ပါသည်။
သစ်သီးအခြောက်များသည်လည်း ဓာတ်မတိုးပစ္စည်း ပါဝင်မှုများ သဖြင့် နှလုံးသွေးကြော ကျဉ်းခြင်းကို ကောင်းမွန်စေပါသည်။ ၎င်းတို့မှာ စပျစ်သီးခြောက်၊ ခရမ်ဘယ်ရီ သီးခြောက်၊ ဆီးသီးခြောက်၊ ချယ်ရီသီးခြောက်တို့ဖြစ်သည်။
ကိုယ်လက်လှုပ်ရှားမှုပြုလုပ်ခြင်းသည်လည်း သဘာဝသွေးကျဲဆေးတစ်မျိုးပင်ဖြစ်ပါသည်။ လှုပ်ရှားမှုပြုသည့်အခါ ခန္ဓာကိုယ် တစ်ခုလုံး သွေးလည်ပတ် မှုကောင်းစေ ပြီး သွေးကြော ပိတ်ခြင်းမှ ကာကွယ်ပေးပါသည်။ ဗီတာမင်ဘီ-၆ သည်လည်း သွေးကြော မာကျောခြင်းကို ကာကွယ်ပေးပါသည် ။ သွေးကြောနံရံထူခြင်း၊ မာကျောခြင်း သည် သွေး ကြောပိတ် မှုကို ပိုမိုဖြစ်ပွား စေပါသည်။ ဆန်၊ ဂျုံ၊ အာလူးချိုနှင့် အရွက်စိမ်းများတွင် ဗီတာမင်ဘီ-၆ ဓာတ်ပါဝင်မှုများ ပါသည်။
ဗီတာမင်အီးသည် သွေးမခဲစေသောဓာတ် ပါဝင်မှုများပါသည်။ အချို့သော သုတေသီများက ဝါဖရင်ကဲ့သို့ပင် အာနိသင် ရှိကြောင်း ဆိုကြပါသည်။ ထို့ကြောင့် ဗီတာမင်အီးကို လိုသည်ထက်ပိုသုံးစွဲ ပါက သွေးယို စိမ့်ခြင်းများ ဖြစ်နိုင်ပါသည် ။
ဂျင်ကို ဘီလိုဗာ(ခေါ်) တိုင်းရင်းဆေးပင် တစ်မျိုးသည် သွေးလည်ပတ်မှုနှုန်းကို မြန်စေခြင်းဖြင့် သွေးခဲခြင်းမှ ကာကွယ် ပေးပါသည်။
အထက်ဖော်ပြပါများသည် သဘာဝသွေး ကျဲစေသော အစားအသောက်များနှင့် နည်းလမ်းများဖြစ်ပါသည်။ ၎င်းတို့ကို ဥာဏ်နှင့်ယှဉ်၍ လိုက်နာသုံးစွဲမည် ဆိုပါ က လေဖြတ်ခြင်း၊ နှလုံးသွေးကြောကျဉ်းခြင်းတို့ကို အတိုင်းအတာ တစ်ခုအထိ ကာကွယ် နိုင်မည်ဖြစ်ပါသည်။
ဗဟုသုတအနေဖြင့် သဘာဝသွေးတိတ် ဆေးများကိုလည်း ဖော်ပြလိုက်ပါသည်။ ပဲတောင့်ရှည်၊ အစိမ်းရောင်ရှိသော အရွက်များ၊ ဘရိုကိုလီ (ခေါ်)ပန်းဂေါ် ဖီစိမ်း၊ ဂေါ်ဖီထုပ် တို့တွင် ဗီတာမင်ကေ ပါဝင်မှုများသောကြောင့် အနာကို သွေးတိတ် မြန်စေပါသည်။ သွေးကျဲ စေသည့် ဓာတ်များလျှင် ဆိုးကျိုး အနေဖြင့် သွေးယို စိမ့်ခြင်းများ ဖြစ်စေ တတ်ပါသည်။
ဤသို့ဖြစ်လျှင် ဤသွေးတိတ်ဆေးကို ကုထုံး အနေဖြင့် အသုံးပြုနိုင်ပါသည်။ ။
Ref: Health article 101-2017
ပါမောက္ခ ဒေါက်တာ ခင်ဖြူပြာ
https://www.facebook.com/mwdmedia
