ဒိန်ချဉ် စားသုံးခြင်းသည် ဆီးချိုရောဂါ ဖြစ်ပွားမှု အန္တရာယ်ကို လျှော့ချပေးနိုင်

ဒိန်ချဉ်နှင့် အဆီဓာတ် ပါဝင်မှု နည်းသော ဒိန်ခဲများကို စားသုံးခြင်းသည် ၎င်းအစား အစာကို လုံးဝ မစားသုံး ခြင်းနှင့် နှိုင်းယှဉ်ပါက ဆီးချိုရောဂါ ဖြစ်ပွားမှု အန္တရာယ်ကို လေးပုံ တစ်ပုံခန့် လျှော့ချ ပေးနိုင်ကြောင်း၊ ဗြိတိန် နိုင်ငံသား ၃၅ဝဝ ကို လေ့လာမှု ပြုလုပ်ခဲ့သည့် သုတေသီ များ၏ ပြောကြားချက် အရ သိရကြောင်း အင်တာနက် သတင်း တစ်ပုဒ်တွင် ဖော်ပြထားသည်။

သုတေသီ များသည် နိုင်ငံ အရှေ့ပိုင်း နော်ဖော့ခ်ခရိုင် အတွင်း၌ နေထိုင်လျက် ရှိသည့် အမျိုးသမီး များနှင့် အမျိုးသား များကို ၁၁ နှစ်ကျော်ကြာ လေ့လာမှုများ ပြုလုပ် ခဲ့ပြီး လေ့လာမှုများ စတင်ခဲ့ချိန် မှစ၍ ၎င်းတို့၏ စားသောက် နေထိုင်မှု အကျင့် စရိုက်ကို အသေးစိတ် လေ့လာမှတ်သား ခဲ့ကြသည်။

၁၁ နှစ်ကြာ လေ့လာမှုများ ပြုလုပ် ခဲ့ရာတွင် ဒိန်ချဉ်၊ ပြင်သစ် ဒိန်ခဲနှင့် အဆီဓာတ် နည်းပါးသော ဒိန်ခဲများကို စားသုံးသည့် လူ ၇၅၃ ဦးသည် ၎င်းအစား အသောက်များကို လုံးဝ မစားသုံးသည့် အခြား လူများထက် ရောဂါ ဖြစ်နိုင်ခြေ ၂၄ ရာခိုင်နှုန်းခန့် ပိုမို နည်းပါးကြောင်း တွေ့ရှိ ခဲ့ကြခြင်း ဖြစ်သည်ဟု အဆိုပါ သတင်းတွင် ဖော်ပြထားသည်။

မြ၀တီ