အသံတောင်မထွက် နိုင်၊ စကားမပြောနိုင်၊ အစာမမျိုချနိုင် တဲ့ အခက်အခဲတွေ၊ ဝေဒနာတွေ ဖြစ် ပွား ခံစားလာရပါက တတ်ကျွမ်းတဲ့ ဆရာဝန်နှင့်ပြသ၍ ဗိုင်းရပ်စ်ပိုး ကြောင့်လား၊ ဗက်တီးရီးယားပိုး ကြောင့်လား ဆိုတာ ရောဂါ အမှန်ရှာ ဖွေဖို့ လိုပါလိမ့်မယ်။ "လည်ချောင်းနာတယ်" လို့ မိသားစုဝင် တစ်ဦးက ပြောပြလာရင် ပါးစပ်လေးဟခိုင်းပြီး "အား"လို့ အော် ခိုင်းလိုက်ပါ။ လျှာရဲ့နောက်ထဲကို ဓာတ်မီးရောင် သို့မဟုတ် အလင်း ရောင် ကောင်းကောင်း ရတဲ့နေရာမှာ စစ်ဆေး ကြည့်ရှု ကြည့်ပါ ကဘာ့ကြောင့် လည်ပင်းနာ ရသလဲဆိုတဲ့ သဲလွန်စကို ရှာဖွေတွေ့ ရှိနိုင် ပါလိမ့်မယ်။ အာခေါင် အလယ် မှာရှိတဲ့ အာသီး နှစ်လုံး နီရဲ ရောင်ရမ်းနေလားဆိုတာ ကြည့်ရှုပါ။ ဗက်တီးရီးယား ပိုးကြောင့် ဆိုရင် အဖြူစက် အကွက်လေး တွေတောင် မြင်ရ တတ်ပါတယ်။
သိပ် ဆိုးဝါးနေ ရင် ပြည်တွေတည်နေတာတောင် မြင်ရ လိမ့်မယ်။ ဗိုင်းရပ်စ်ကြောင့် တုပ်ကွေးဖြစ် လို့ လည်ချောင်းနာတာမျိုးလည်း အဖြစ်များပါတယ်။ အဲဒီရောဂါဝေဒနာ ကတော့ နှာရည်ယိုတာ၊ နှာစေးတာ ကစပြီး ချောင်းတွေဆိုး၊ လည်ချောင်း နာလာတတ်ပါတယ်။ ပူလိုက်၊ အေး လိုက်ရာသီဥတုဖောက်ပြန်ချိန်မှာ ဖြစ် လေ့ရှိပြီး ကိုယ် တစ်ယောက် တည်း ဖြစ် တာ မဟုတ်ပါဘူး။ အများနှင့်အတူ ဘတ်စ်ကားစီးရင်း၊ ရထားစီးရင်း အများသုံး လက်တန်း တွေ ကိုင်မိပြုမိ ရာက ကူးကြတာပါ။ ဘတ်စ်ကား မှတ်တိုင်၊ ဘူတာရုံ တွေမှာ ကား အလာ၊ ရထား အလာစောင့်ရင်း တစ် ယောက်ယောက် က "ဟပ်ချေး" နှာချေတာ ကြောင့်ဖြစ်စေ၊ ချောင်းဆိုး လိုက်တာ ကြောင့်ဖြစ်စေ ၄င်းနှာရည် အမှုန် အမွှားထဲမှ ဗိုင်းရပ်စ် ပိုးတွေ ဟာ အသက်ရှူ လမ်းကြောင်းမှ တစ်ဆင့် ကူးစက်ခ ရတော့ တာပါပဲ။
ဗီဒီယိုရုံ၊ ရုပ်ရှင်ရုံ၊ ဈေး၊ ကုန်တိုက် စတဲ့ လူစု လူဝေး များတဲ့ နေရာ တို့မှလည်း ကူးစက် နိုင်ပါတယ်။ ဗိုင်းရပ်စ် ပိုးကြောင့်လား။ ဘတ်တီးရီးယားပိုး ကြောင့်လား ဘယ်လို သိရမလဲ။ ဗိုင်းရပ်စ်ကြောင့် အအေးမိရင် ဖျားလေ့ရှိတယ်။ အဖျားသိပ်ကြီးလေ့ မရှိပါ။ ဖျားလည်းဖျား၊ လည်ချောင်း လည်းနာပြီး ကိုယ်အပူချိန် ၁၀၁ ဒီဂရီ ဖာရင်ဟိုက်လောက်ရှိတတ်တယ်။ ဗက်တီးရီးယား Streptococcus ကြောင့်ဆိုရင်တော့ အဖျားကြီးနိုင်ပါ တယ်။ သို့ပေမယ့် ဒီပိုးကလည်း တစ်ခါတလေ အဖျားမကြီးတတ်ပါ။ ဗက်တီးရီးယား ပိုးကြောင့် လည်ချောင်း နာတာဆိုရင် ခဏ ခဏ ပြန်ဖြစ် တတ်ပါတယ်။ နာရင်လည်းကြာတယ်။ ပိုဆိုးတယ်။ တစ်ခါတစ်ရံ အစား အသောက်ပျက်ပြီး မစားချင်မသောက် ချင် ဖြစ်တတ်တယ်။ ခေါင်းကိုက်၊ ဗိုက်နာလည်းဖြစ်တတ်တယ်။ လည်ပင်းနဲ့ ရင်ဘတ်မှာ အနီ စက်လေးတွေ ရှားရှားပါးပါး ပေါ်လာ တတ်တယ်။ ပြီးမှ တစ်ကိုယ်လုံးမှာ အစက်တွေ ညီညီညာညာပေါ်လာ တတ်သေးတယ်။
ဒါမျိုးဖြစ်တာက တော့ ရှားပါတယ်။ ရိုးရိုး လည်ချောင်းနာတာက တော့ ဗိုင်းရပ်စ်ပိုးကြောင့် ဖြစ်လေ့ ရှိပြီး ရက်မကြာခင်မှာ သက်သာသွား တတ်ပါတယ်။ တချို့ ၁ ရက်လောက် ပဲ လည်ချောင်းနာပြီး နောက်နေ့တော့ အိုကေပါပဲ။ ဘာဆေးဝါးမှ သောက် စရာမလိုဘဲ (လည်ချောင်းသိပ်နာ တယ်လို့ ခံစားရရင်တော့ ပါရာစီ တမောလ် ၁ လုံးလောက် သောက်ရုံ ဖြင့်) သက်သာ သွားပါတယ်။ ရေနွေး နွေးလေး ထဲမှာ ဆားလက်ဖက်စား ဇွန်း တစ်ဇွန်းလောက် ထည့်မွှေပြီး ပလုတ် ကျင်းလိုက်ရုံဖြင့် လည်ချောင်းနာတာ သက်သာ သွား စေနိုင်ပါ တယ်။ ဒါမှ မဟုတ် ငုံဆေး ပြားငုံတာ၊ ခံတွင်း သန့်စင်ဆေးရည်ဖြင့် ပလုတ်ကျင်း တာမျိုး လုပ်ပေး နိုင်ပါတယ်။ လည်ချောင်း နာတာ ၃ ရက် ကျော်လာပြီး ပိုဆိုးလာရင် ဆရာ ဝန်နှင့် ပြသပါ။ လိုအပ်ပါက ပဋိဇီဝ ဆေးပေး ပါလိမ့်မယ်။ ဗိုင်းရပ်စ် ကြောင့်လား၊ ဗက်တီး ရီးယား Streptococcus ကြောင့် လားခွဲခြားသိရန် Rapid Strep Test လုပ်ပေးနိုင်ပါတယ်။
နာနေတဲ့နေရာမှာ ပိုးသန့်ထားတဲ့ ဂွမ်းလေးနဲ့ အသာ အယာ သုတ်ယူပြီး ဓာတ်ခွဲခန်းမှာ ၅ မိနစ်မှ ၁၀ မိနစ်အတွင်း စစ်ဆေး ကြည့်ရှု ပေးနိုင် ပါတယ်။ ဓာတ်ခွဲခန်း က ဗက်တီးရီးယား ပိုး မတွေ့ပါလို့ အဖြေ ရပါက ထပ်ပြီး ပိုးမွေးကာ စစ်နိုင် ပါသေး တယ်။ Throat Culture လုပ်တာ ကတော့ ရက်သတ္တပတ် အနည်းငယ် ကြာတတ်တယ်။ Streptococcus ပိုးကြောင့် ဖြစ်တာသေချာသွားပြီ၊ အဖြေပေါ်ပြီ ဆိုရင် ဆရာဝန်က သင့်အား ပဋိဇီဝ ဆေး ၁၀ ရက်ခန့် သောက်ခိုင်းပါလိမ့် မယ်။ Streptococcus ဗက်တီးရီး ယားပိုးကြောင့် လည်ချောင်းနာရင် သင့်အနေဖြင့် သင့်လက်များအား ဆပ်ပြာဖြင့် သေချာစွာဆေးကြောပါ။ မိမိ မိသားစုဝင် တစ်ဦးဦးမှာ ဗက်တီး ရီးယားပိုး ကြောင့် လည်ချောင်းနာ ပါက လက်ကို ဆပ်ပြာဖြင့် မကြာခဏ ဆေးပေးပါ။ လူနာ အသုံး အဆောင် အားလုံး သီးသန့်ခွဲပေးထားပြီးဆပ်ပြာ၊ ရေနွေးတို့ဖြင့် ဖွပ်လျှော် ဆေးကြော ပေးပါ။ သွား ပွတ်တံလို ပစ္စည်းမျိုးအား လူနာ ရောဂါ ပျောက် ကင်းသွား ပါက လွှင့်ပစ်ပါ။ နောက်ထပ် အသစ်တစ်ခု အသုံးပြုပါ။ လူနာသုံးနေသော ပစ္စည်းများ ဥပမာ-မျက်နှာ သုတ်ပဝါ၊ အဝတ်အစား များကို အတူ မသုံးစွဲ သင့်ပါ။
By Health Digest
