မှော်နှင်တံအလား သနပ်ခါး


''ရွှေဘိုသနပ်ခါးတုံးများ... ရန်ကုန်လိမ်းဖို့ယူ၊ ဘယ်လိုအသားမည်းမည်း...ဝါဝါညက်ညက်ဖြူ...

ပုဇွန်တောင် ကြည့်မြင်တိုင်သူနဲ့ မန္တလေးမြို့တော်သူ...ရွှေဘိုသနပ်ခါးလိမ်းကြရင်ဖြင့် စိမ်းစိမ်း ညက် ညက်ဖြူဖြူ  ကြံကြံဖန်ဖန် ရန်ကုန်သူ မန္တလာမြင့်တို့ ရန်ကုန်သူ၊ မန္တလေးသွားလို့ အသား မည်းပြန် သတဲ့ဆူ ''နန်းတော်ရှေ့ဆရာတင်ရေးသား၍ အဆိုတော် မန္တလာမြင့် သီဆိုခဲ့သော ''ရွှေဘိုသနပ်ခါး''အမည်ရှိ သီချင်းကို နားထဲတွင် ပြန်လည်ကြားယောင်မိသည်။ မိန်းကလေး တို့၏ သဘာဝအလှကို ဖွဲ့ဆို ထားခြင်းဖြစ်သည် ။ ပါးပြင်နှစ်ဖက်တွင် သနပ်ခါးတင်ကာ ပါးကွက် ထူထူလေးနှင့် ဟန်မူပိုသော မိန်းကလေး၏ မျက်နှာသည် နဂိုရုပ်မချောသော်လည်း သနပ်ခါး ရနံ့ သင်းပျံ့ပျံ့က အနံ့မွှေးကြူ တလူလူရှိ၍ ယဉ်စစအလှကို မြင်ရသူက ဘဝင်ကျအောင် လှလိုက်တာဟု ထင်မှတ် သွားရပေသည်။ ကုန်းဘောင်ခေတ် စာဆိုတော် တစ်ဦးကလည်း သနပ်ခါးခြယ်သ၍ အသွင်သဏ္ဌာန် လှလာသည့် မိန်းမပျိုလေး၏ အလှကို စာစီကာခြယ်မှုန်း ပြထားသည်။ ''ဥမ္မာဒန်သနပ်ခါး၊ မြတ်ပါးသို့ခြယ်လျှင်၊ နတ်အလားလို့ တကယ်ထင်မယ် ၊ အရွယ်ပင်ငယ်ရ၊ တော်ကနုပန်း ကြာငုံလို၊ ဂန္ဓာရုံထူးတတ်နိုင်မျှ၊ အဆင်းတော်အင်္ဂါမှာ၊ ကဉ္စနာဟန်ပ မင်္ဂလာလျှံကြွလို့ ၊ အနန္တကျက်သရေ၊ ခြယ်သသူနုအသား၊ စုဖုရားယိုး မှတ် လောက်ပေ၊ မိုးနတ်ခြောက် ဝတိံမြေဝယ်၊ ဣနြေ္ဒထည်လှတဲ့နတ်မယ်လျဘရဏီ၊ ငေးရှုရသည်၊ ပြိုင်လိုက်တိုင်းဘက်မမီတယ် ၊ မျက်နှာချီခေါင်ချုပ်မို့လေး...''သနပ်ခါး လူးလိုက်သည့်အတွက် အရွယ်နုပျိုကာ အသားအရေ စင်ကြယ်ဝါဝင်း ကြည်လင်သည်။ နှိုင်းယှဉ်၍ မရသော အလှ ပိုင်ရှင်ကို နတ်ပြည်ခြောက်ထပ်မှ အလှကြွယ်ကြွယ် ဣနြေ္ဒထည်လှသည် ဆိုသော နတ်သမီး လေးပင် ငေးမောကြည့်ရှုရသည်။ သနပ်ခါးလူး၍ အလှကြီး လှနေသူလေးမှာ မိမိအလှကို မာန်ကိုးကာ ခေါင်းမော့ပြီး အလှမာန် တက်နေမည်ဖြစ်သည်။ သနပ်ခါးသည် မိန်းကလေးများ အတွက် ခြယ်သကာ လူးဖို့ရန်သက်သက် မဟုတ်ပေ။ လူတို့အတွက် ဆေးဖက်ဝင်သော နံ့သာမျိုး တစ်မျိုးဖြစ်သည်။ သနပ်ခါး၏တန်ဖိုးကို မသိတတ်ကြ၍ အနောက် နိုင်ငံများတွင် အသုံးချပစ္စည်း အလှအပ ခြယ်သရာတွင် အသုံးပြုလေ့ မရှိကြ။ မြန်မာနိုင်ငံတွင်လည်း ယခု အချိန်တွင် သနပ်ခါး၏ တန်ဖိုးကို အထင်မကြီး အသိအမှတ် မပြုဘဲ ဓာတုဗေဒနှင့် ဖော်စပ် ထားသော အလှပြင် ပစ္စည်းများကိုသာ အထင်ကြီး၍ တန်ဖိုးကြီးကြီး ပေးဝယ်ကာ သုံးနေကြ သည်။

သနပ်ခါးသည် အမွှေးရနံ့ မလွန်ကြူးသော်လည်း သင်းသင်းမွှေးမွှေး ချွေးကလေး တစိုစို အသားအရေအေး ကာ ခံစားမှုကို နှစ်လိုဖွယ်ရာ ပေးလေသည်။ အဆင့်အတန်း မနိမ့်သော မြန်မာ့ရင်းမြစ် သနပ်ခါး စစ်စစ်ဖြစ်သည် ။ မြန်မာ့သနပ်ခါးစစ်စစ်၏ အရသာသည် ပူသည်၊ ခါး သည်၊ အနည်းငယ်စပ်သည်၊ အစာကိုကြေစေသည်၊ လေကိုရစေ သည်၊ သွေးကိုကြွစေသည်၊ အခိုးကိုပွင့်စေသည်။ သွေးသားကို ကြည်လင်စေပြီး အသားအရေကို နူးညံ့ပျော့ပျောင်း စေသည်။ ငန်းဖမ်းရောဂါကို အထူးနိုင်နင်းသည်။ သနပ်ခါးသည် မြန်မာ့ဝေါဟာရ စစ်စစ်ဖြစ် သည်။ မြန်မာသမားတော်တို့၏ ကြံဆချက်အရ ခန္ဓာကိုယ်ကို သနစေသော (သို့မဟုတ်) ခန္ဓာကိုယ်၏ အညစ်အကြေးတို့ကို ဖယ်ရှားခြင်း၊ သန့်ရှင်းစေခြင်း တို့ ပြုလုပ်ပေးသည် ။ (သနခါ-သနစေသောအရာတို့ကိုခါထုတ်ပေးသည်)သနပ်ခါး၏ ရုက္ခဗေဒအမည် (Limonia acidissma, Narigi crenulata) ဖြစ်သည်။ သနပ်ခါး၏ အရသာသည် ခါးသည်။ ခန္ဓာကိုယ် အတွက် ကျန်းမာရေးကို အထောက်အကူပြုသည်။ ခါးသော အရသာသည် အရေထူ အရေ ပြားကို အားဖြည့်ပေးသည်။ ထို့ပြင် သွေးလေကို ညီညွတ်စေ၍ သွေးကို သန့်စင်စေသည်။ သွေးလည်ပတ်မှုကို ထိန်းပေးသည်။ နှလုံးကိုများစွာ အကျိုးပြုသော ဆေးဖက်ဝင် ပစ္စည်းဖြစ် သည်။ မြန်မာ့ ဆေးပညာရှင်တို့ အဆိုအမိန့်အရ သနပ်ခါးသည် အမြစ်၊ ပင်စည်၊ အရွက်၊ အသီးကအစ လူတို့အတွက် လွန်စွာ အသုံးဝင်လေသည်။ အမြစ်-ဝမ်းနုတ်ဆေး၊ ချွေးထုတ် ဆေးတို့ ဖော်စပ်ရာတွင် ထည့်သုံးလေ့ရှိသည်။ နနွင်းမှုန့်နှင့်သွေး၍ သောက်ပေး၊ လိမ်းပေး ပါက မီးယပ်ရောဂါသည်များ သွေးသား မှန်ကန်စေသည်။ သနပ်ခါးအမြစ်ကို ဆားထည့်ပြီး သွေးလိမ်းပါက အညောင်းအညာကို ပျောက်စေသည်။ ကလေးများ အအေးမိ၍ နေထိုင် မကောင်းဖြစ်လျှင် သနပ်ခါး အမြစ်တုံးကိုသွေးပြီး သနပ်ခါးအနှစ်ကို ကွမ်းရွက်စိမ်းရည်နှင့် တိုက်လျှင်ပျောက်သည်။ သနပ်ခါးအမြစ်တုံး ကိုသွေးကာ နေ့စဉ်မှန်မှန် လိမ်းပါက အသား အရေစင်ကြယ်ပြီး မှဲ့ခြောက်၊ တင်းတိပ်၊ ဝက်ခြံဖုထွက်ခြင်းတို့ ပျောက်လေသည်။

အသည်း ရောင် ရောဂါဝေဒနာ စတင် ခံစားနေရချိန်တွင် သနပ်ခါး အမြစ်တုံးကို ဆားနှင့်သွေး ကာ ရေနွေးကြမ်းပန်းကန် တစ်ဝက်ခန့် သောက်ပေးလျှင် သက်သာသည်။ ပင်စည်-သနပ်ခါး၏ ပင်စည် သည် ထွက်ပေါ်လာသော အပွေးအခေါက်ပေါ် မူတည်ကာ တန်ဖိုးရှိလေသည်။ အကိုင်းအခက်၊ အတက်ကအစပင် နှစ်ထပ်ပွေး အခေါက်ထူပါက ကျစ်လျစ်သိပ်သည်း၍ ပိုပြီး ဈေးခေါ်ကောင်းသည်။ ပင်စည်သည် သနပ်ခါး တစ်ပင်လုံးတွင် ရောင်းပန်း အလှဆုံးဖြစ်သည်။ ဝက်ခြံအမာရွတ်ရှိသူများ သနပ်ခါး ကို ပျစ်ပျစ်သွေးပြီး နေ့၊ ည လိမ်းပေးလျှင်ပျောက်သည်။ မိတ်၊ အင်ပျဉ်၊ အသားအရေ ယားယံလျှင်လည်း သနပ်ခါးနှင့်ဆားရောပြီး လိမ်းပေးရသည်။ သနပ်ခါးသည် နေ့စဉ်လိမ်းပေးပါက အသားအရေ ကို ချောမွတ်နူးညံ့စေသည် ။ အရွက်ကို ဝက်ရူးပြန် ရောဂါအတွက် ဆေးဖော်စပ်ရာတွင် ပါဝင်သည်။ အနာကြီး ရောဂါသည်များ အတွက် အရွက်ပြုတ်ရည်ကို ရေချိုး ပြီး ချွေးအောင်းပေး လျှင် ရောဂါ သက်သာ သည် ။ အရွက် ပြုတ်ရည်ကို ဆားခတ်၍ သောက်ပါက ငှက်ဖျားရောဂါကို ပျောက်စေ သည် ။ အရွက်ခြောက်ကို အမှုန့်ပြုပြီး ရေနှင့်သောက်ပါက အဖောအရောင်၊ အနာအဆာတို့ ပျောက်သည်။ အရွက်-သနပ်ခါး(အသီး)ကို အဆိပ်ဖြေဆေး၊ ခွန်အားတိုးဆေး၊ ကျောက်ရောဂါ ကာကွယ်ဆေးနှင့် ပြင်းထန်သော အဖျားရောဂါဆေးတို့ ဖော်စပ်ရာတွင် ပါဝင် အသုံးပြုသည်။ အသီး-အသီး ပြုတ်ရည်ကို ခပ်နွေးနွေးတွင် ငုံပေးပါက သွားနာခြင်း၊ သွားကိုက်ခြင်းတို့ကို သက်သာစေသည်။

၂ဝ၁ဝ ပြည့်နှစ်တွင် ထိုင်းနိုင်ငံရှိ သုတေသီ တစ်စုသည် သနပ်ခါးအခေါက်တွင် ပါဝင်သော ဓာတ်ပစ္စည်း များကို အသေးစိတ် လေ့လာကြရာ သနပ်ခါးတွင် အင်တီအောက်ဆီးဒင့် (ခေါ်) ခန္ဓာကိုယ်အား အကျိုးပြုဓာတ်တိုး ဆန့်ကျင်ပစ္စည်း တစ်မျိုး ပါဝင်သလို အသားအရေ ရောင်ရမ်းခြင်းကို သက်သာစေသည့် ဓာတ်များအပြင် ဗက်တီးရီးယားများ ကို သေစေသည့် ဓာတ်နှင့် အရေပြား အရောင်ကို ပြောင်းလဲဖြစ်စေ သည့် ဟော်မုန်း ထွက်ရှိမှုကို ဟန့်တား ပေးသည့်ဓာတ်များ ပါဝင်နေသည်။ ထို့ပြင် သနပ်ခါးသည် နေပူဒဏ် အပြင် နေလောင်ခြင်းကို ဖြစ်စေသည့် အဆင့်မြင့် ခရမ်းလွန်ရောင်ခြည်ကိုပါ ကာကွယ်လေသည်။ ထို့ကြောင့် ဓာတုဗေဒ ပစ္စည်းများဖြင့် ဖော်စပ် ထားသော အလှပြင် ပစ္စည်းတို့ထက် မြန်မာ့ရိုးရာ သနပ်ခါး ကို ကျောက်ပျဉ် သန့်သန့်လေးမှာသွေးပြီး ရနံ့သင်းသင်း မွှေးမွှေးလေးကို လူးကာ ချွေးလေး တစို စို နှင့် အေးအေးလေး ခံစားရသော အရသာသည် မိန်းကလေးတို့အတွက် သဘာဝ မူပိုင်အလှ သာဖြစ်လေသည် ။

သဘာဝ မဟုတ်သော ခေတ်မီအလှပြင် ပစ္စည်းတို့မှာ သိပ္ပံပညာထွန်းကား လာမှ ပေါ်ပေါက် လာ ကြခြင်းဖြစ်သည် ။ ဆရာကြီး စစ်ကိုင်း ဦးဖိုးသင်း၏ အဆိုအရ လွန်ခဲ့ သောနှစ်ပေါင်း ၂၄ဝဝ ကျော်ကာလ သရေခေတ္တရာ ဗိဿနိုး မိဖုရားတို့ ခေတ်ကာလကတည်း က ရှိခဲ့သည်။ သုပညာပရန္တတိုင်း ကောင်းစားစဉ်က ထိုခေတ်ရှိ အမျိုးသားတို့သည် သနပ်ခါး ကို အသုံးချ၍ လိမ်းခြယ်လေ့ရှိကြောင်း (ဆရာမ ကြီး ဒေါ်စောမုံညင်း ၏ မြန်မာအမျိုးသမီး ဆင်ယင်ထုံးဖွဲ့မှု)မှ တွေ့ရသည် ။ သနပ်ခါးကို နေ့စဉ်လိမ်းရန် မသွေးနိုင်၊ အချိန်မပေးနိုင်လျှင် အဆင်သင့် ရစေရန် သွေးထားကြသည်။ ထိုအခါတွင် သွေးပြီးသားသနပ်ခါး မပုပ်မသိုး၊ အနံ့ မပျက်စေရန် ထိန်းသိမ်းရာတွင် မြန်မာ့နည်းစနစ်နှင့် ထိန်းသိမ်းကြလေသည်။ ရှောက်ရည်၊ သံပရာရည်များ ထည့်သလို ကျောက်ချဉ်ကိုလည်း အမှုန့်ပြုကာ ထည့်ကြသည်။ သို့မှသာ ကြာရှည်ခံပြီး မပုပ်မသိုးဘဲ သနပ်ခါးကို ရရှိမည်။ အချို့ကမူ ငွေမတ်စေ့လေးများ ထည့်ထား လေသည် ။

သနပ်ခါးသည် မြန်မာ့ရင်းမြစ်အပင် စစ်စစ်ဖြစ်သော်လည်း နံ့သာငါးပါးနှင့် နှိုင်း ယှဉ်ပါက သင်းပျံ့သော ရနံ့ထွက်ကနည်းလေသည်။ ယနေ့ခေတ် သိပ္ပံနည်းပညာ စနစ်ဖြင့် ပါဝင်သောဓာတ်ကို လေ့လာသော အခါတွင် ကူမာရင်ဓာတ်က အဓိကပါဝင်သည် ။ သနပ်ခါး သည် မြန်မာမိန်းကလေးမှန်လျှင် အလှပြင် ပစ္စည်းအဖြစ်နှင့် သာမက ကျန်းမာရေး အတွက်ပါ လိမ်းရန် ဆောင်ထားသင့်သော ပစ္စည်းအ မှန်ဖြစ်လေသည် ။ အမျိုးမျိုးသုံးစွဲ၍ ရသောကြောင့် သနပ်ခါးတုံးလေးသည် မှော်ဝင်ပစ္စည်း၊ မှော်နှင် တံလေးနှင့် တူလေသည်မို့ ''မှော်နှင်တံအလား သနပ်ခါး''ဟူ၍ပင် တင်စား လိုက်ချင်ပါတော့သည်။

မြ၀တီ
https://www.facebook.com/mwdmedia

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ