ကြွက်များတွင်ပင်မဆဲလ်နည်း ပညာကိုအခြေခံကာ ကျောရိုးမကြီးရှိ အာရုံကြောဆဲလ် များကို ပြန်လည် ဖန်တီးလာနိုင်ကြောင်းကိုNature medicine တွင် ပါဝင်သော သုတေသနတစ်ခုအရသိရပါသည်။ ပင်မဆဲလ်(stem cells)များသည် ပြန်လည်ဖွံ့ဖြိုးသန်စွမ်းရေး ဆေး ပညာ၏ အခြေခံသဘောပင်ဖြစ်သည် ။ ဥပမာအရေပြားဆဲလ်များ ၊ အသည်းဆဲလ်များသည် ယင်းတို့ ကိုယ်တိုင်ပြန်လည် တည်ဆောက် အစားထိုးနိုင်စွမ်းရှိသည် ။
လူ့ကိုယ်ခန္ဓာမှကြွက်သားများ လှုပ်ရှားမှုပြုလုပ်ခြင်းကို ဦးနှောက်မှထိန်းချုပ်ထားသည် ။ ဦးနှောက်မှ ကျောရိုးမကြီးဆီသို့ သွားသော အာရုံ ကြောဆဲလ်များ လမ်းကြောင်းကိုkcorticospinal tract ဟုခေါ်သည် ။ ယင်းလမ်းကြောင်းရှိ အာရုံကြော ဆဲလ်များအား ပြန်လည်ပွားများနိုင်
စွမ်းရှိ မရှိကို ကယ်လီဖိုးနီးယားဆန်ဒီယေဂိုဆေးကျောင်းနှင့်စစ်ပြန်များ အဖွဲ့၊ ကျန်းမာရေးစောင့်ရှောက်မှု အဖွဲ့တို့မှသုတေသနပညာရှင်များက ဂျပန်နှင့် ၀ိုင်စကွန်စင်ရှိ လုပ်ဖော်ကိုင်ဖက်များနှင့် ပူးပေါင်း ကာလေ့လာခဲ့ကြခြင်းဖြစ်သည် ။
စမ်းသပ်ခံ<ကက်များ ကျောရိုးနာဗ့်ကြောမကြီးဒဏ်ရာရရှိသောနေရာများတွင် အာရုံကြောဆိုင်ရာ ပင်မဆဲလ်များ (multipotent neural progenitor cells) ကိုထည့်သွင်းပေးလိုက်သည်။ ထိုဆဲလ်များသည် ထိခိုက်ဆုံးရှုံးသွားသောအာရုံကြောဆဲလ်များကိုထင်မှတ်ထားသည့် အတိုင်းအတာ ပိုမိုသာလွန်စွာ အစားထိုးပြန်လည်ပွားနိုင်ခဲ့ကာ <ကက်များအားလည်း ယခင် ဒဏ်ရာမရခင်က အခြေအနေ ထက်ကောင်းမွန်စွာလှုပ်ရှားနိုင်ခဲ့သည်ကိုတွေ့ရှိခဲ့ခြင်းဖြစ်သည် ။
ယခင်ကပြုလုပ်ခဲ့ကြသောစမ်းသပ်မှုများစွာကိုအောင်မြင်စွာလုပ်ဆောင်နိုင်ခဲ့ခြင်းမရှိပဲ ယခုမှ သာလျှင် ပထမဦးဆုံးအကြိမ်အောင်မြင်ခဲ့ခြင်း ဖြစ်ကြောင်း ၊ နောက်ထပ်စမ်းသပ်မှု များစွာပြုလုပ်ရန် ရှိသေးကြောင်း ၊ လူသားတို့ထံတွင်လည်း ယခုလိုမျိုး အာရုံကြောဆိုင်ရာ ပြန်လည်အစား ထိုး ပွားများနိုင်ခြင်းရှိ မရှိပြောဖို့ ရာမှာ အဝေးကြီးလိုသေးကြောင်းကို သုတေသနခေါင်းဆောင် ပါမောက္ခ ဒေါက်တာမာခ့်မှပြောကြားခဲ့ ပါသည်။
Dr.AZ
Health Updates Journal
https://www.facebook.com/HealthUpdatesJournal
