အမျိုးသမီးတွေရဲ့ ကျန်းမာရေးကို အကြီးအကျယ်ခြိမ်းခြောက်နေတဲ့ ရောဂါဘယတွေကို ဖြစ်စေတဲ့ အချက်တွေကတော့ အများကြီးပါပဲ ။ ဒါပေမဲ့ ကျန်းမာရေးနဲ့ ညီညွတ်တဲ့ အလေ့အထတွေကို လိုက်နာမယ် ဆိုရင်တော့ နှလုံးရောဂါ ၊ ကင်ဆာရောဂါ ၊ လေဖြတ်တာနဲ့ အသက်ရှူလမ်းကြောင်း ဆိုင်ရာ ရောဂါတချို့မဖြစ်အောင် ရှောင်ရှားနိုင်ပါလိမ့်မယ် ။ အမျိုးသမီးတိုင်း အစဉ်ကိုယ်ကျန်းမာ ၊ စိတ်ချမ်းသာရှိနေဖို့ ဘဝနေထိုင်မှုပုံစံကို ကျန်းမာရေးနဲ့ ညီညွတ်အောင် လိုက်နာဖို့လိုပါတယ် ။
1. ဆေးလိပ်မသောက်ပါနှင့်
ဆေးလိပ်သောက်တာက ရောာဂါပေါင်းများစွာကို ဖြစ်စေနိုင်ကာ သေဆုံးစေနိုင်တဲ့ အချက် တစ်ချက်ဖြစ်ပါတယ် ။ သင်က ဆေးလိပ်သောက်သူဖြစ်ရင် နှလုံးရောဂါနဲ့ ကင်ဆာဖြစ်နိုင်ခြေက သိသိ သာသာ မြင့်တက်လာပါလိမ့်မယ် ။ သန္ဓေတားနည်းကို သုံးနေသူဖြစ်ရင် ဆေးလိပ်သောက်ပါက အဆို ပါရောဂါတို့ဖြစ်နိုင်ခြေကို ပိုမြင့်တက်စေပါတယ် ။ သူတစ်ပါးသောက်တဲ့ ဆေးလိပ်ငွေ့ကို ရှူရင်လည်း အလားတူကျန်းမာရေးကို ထိခိုက်စေနိုင်ပါတယ် ။
2. ကိုလက်စထရောကို လျှော့ချပါ
သွေးတွင်းကိုလက်စထရော အဆင့်များတာက နှလုံးရောဂါဖြစ်စေနိုင်ပါတယ် ။ အမေရိကန်နှလုံး ကျန်းမာရေးအသင်းအရ အသက် ၅၅နှစ်မှစ၍ အမျိုးသမီးတစ်ဦးရဲ့ သွေးတွင်းကိုလက်စထရောအဆင့်ဟာ အမျိုးသားတစ်ဦးထက် မြင့်တက်နေတတ်ပါတယ် ။ ရူမတွိုက်အဆစ်ရောင်နာရှိတဲ့ အမျိုးသမီးတွေ က နှလုံးရောဂါဖြစ်နိုင်ခြေ ပိုများတာကြောင့် သွေးတွင်းကိုလက်စထရော အဆင့်ကို စောင့်ကြည့်သင့် ပါတယ် ။ နှလုံးသွေးကြော ကျန်းမာရေးကိုလည်း အမြဲစစ်ဆေးသင့်ပါတယ် ။ ကိုလက်စထရောလျော့ ကျစေတဲ့ အစားအသောက်တွေကို စားပေးဖို့လိုပါတယ် ။
3. ကိုယ်အလေးချိန်ကို စောင့်ကြည့်ပါ
အမျိုးသမီးတွေက ကိုယ်အလေးချိန် ပေါင် ၂၀နဲ့ အထက် ပိုများနေရင် သွေးဖိအား လည်း မြင့် တက်နေနိုင်ပါတယ် ။ အဆီတွေ များလွန်းနေရင် ၊ အထူးသဖြင့် ခါးတစ်ဝိုက်မှာ အဆီပိုတွေရှိနေရင် ကျန်းမာရေးပြဿနာတွေ ဖြစ်နိုင်ခြေ မြင့်တက်နေပါတယ် ။ ဖြစ်နိုင်တဲ့ ရောဂါတွေက ဆီးချိုသွေးချိုရောဂါ ၊ နှလုံးရောဂါနဲ့ လေဖြတ်တာတို့ပဲ ဖြစ်ကြပါတယ် ။ ကိုယ်အလေးချိန်လျော့ကျစေဖို့ ကာဗိုဟိုက်ဒရိတ် ၊ အချိုစာနဲ့ အဆီအဆိမ့်များတဲ့ အစာကို လျှော့စားသင့်ပါတယ် ။
4. ပြည့်ဝဆီရှောင်ပါ
အဆီအဆိမ့်များတဲ့ အစာတွေကိ်ုစားတာက ကင်ဆာရောဂါ အမျိုးမျိုးဖြစ်နိုင်ခြေကို မြင့် တက်စေနိုင်ပါတယ် ။ လေ့လာမှုအရ အဆီအဆိမ့်များများစားတာက ရင်သားနဲ့ အူမကြီးကင်ဆာ ဖြစ်နိုင်ခြေ ကို မြင့် တက်စေတယ်လို့ သိရပါတယ်။ ထပ်ပြန်ကြော်ဆီတွေကိုလည်းရှောင်ပါ ။
5. ဟင်းသီးဟင်းရွက်စားပါ
ဟင်းသီးဟင်းရွက်နဲ့ သစ်သီးဝလံတွေများတဲ့ အစားအစာတွေက သွေးတွင်း ကိုလက်စထရော ကို လျော့ကျစေပါတယ် ။ လေ့လာမှုတချို့အရ ဟင်းသီး ဟင်းရွက်တွေကိုစားတာကြောင့် ကင်ဆာဖြစ်နိုင်ခြေကို လျော့ကျစေနိုင်တယ်လို့ သိရပါတယ် ။ လတ်ဆတ်တဲ့ အပင်ထွက်ပစ္စည်းတွေကို စားပါ ။ တစ်နေ့ငါးကြိမ်လောက် စားပေးသင့်ပါတယ် ။
6. အပန်းဖြေပါ
သင့်ခန္ဓာကိုယ်ကို အနားပေးဖို့ အရေးကြီးပါတယ် ။ တရားထိုင်တာ ၊ အသက်ပြင်းပြင်းရှူတာ ၊ စာဖတ်တာ စတာတွေအားလုံးက သင့်စိတ်ကို အနားရစေတဲ့ နည်းတွေပါပဲ ။
7. လေ့ကျင့်ခန်းလုပ်ပါ
ဘယ်လိုလေ့ကျင့်ခန်းပုံစံမဆို သင့်ကို ပိုမိုကျန်းမာပြီး လန်းဆန်းမှုရရှိစေပါတယ် ။ သင်က အားကစား ခန်းမမှာ ချွေးထွက်အောင် လေ့ကျင့်ခန်းမလုပ်ဖြစ်ရင် အဆင်ပြေတဲ့အချိန်တိုင်း လမ်းလျှောက်ပေးပါ ။ ကလေးတွေနဲ့အတူ ပြေးလွှားဆော့ကစားပါ ။
8. ပုံမှန် သားအိမ်ခေါင်းအသားစယူစစ်ဆေးပါ
သားအိမ်ခေါင်း အသားစယူစစ်ဆေးတာက ကင်ဆာအကြိုပြောင်းလဲမှုတွေကို အစောပိုင်း အဆင့်မှာကတည်းက သိနိုင်ပါတယ်။
9. သွေးဖိအားကို ပုံမှန်တိုင်းတာပါ
သွေးတိုးတာက အများအားဖြင့် လက္ခာဏာ မပြတတ်တာကြောင့် သွေးတိုးနေတဲ့သူ အများစု က သွေးတိုးရောဂါရှိမှန်း မသိကြပါဘူး ။ ဒါကြောင့် သွေးဖိအားကို သိနိုင်အောင် ပုံမှန်တိုင်းတာပါ။
10. ရင်သားကိုစစ်ဆေးပါ
ရင်သားကို မိမိဘာသာ တစ်လတစ်ကြိမ် စစ်ဆေးပါ ။ စစ်ဆေးလိုက်လို့ အလုံးအကျိတ်စတဲ့ သံသယဖြစ်စရာ အပြောင်းအလဲတွေ တွေ့ရင် ဆရာဝန်ထံသွားပြပြီး ရင်သားဓာတ်မှန်ရိုက်သင့် သလားဆိုတာ တိုင်ပင်သင့်ပါတယ် ။
Mg Mandalay
https://www.facebook.com/mg.mandalay
