သီချင်းနားဆင်ခြင်းဟာ လူတွေကိုနည်းပေါင်းစုံနဲ့ အကျိုးပြုနေတာကို သိကြရဲ့လား ???





ရုံးကအပြန် ၊ ကျောင်းကအပြန်မှာ သီချင်းခပ်လန်းလန်းလေးတစ်ပုဒ်ကို နားဆင်လိုက်တာနဲ့ ကိုယ့်ရဲ့ ခန္ဒာကိုယ်တစ်ခုလုံး လန်းဆန်းသွားသလို ခံစားမှုမျိုး လူတိုင်းဖြစ်ဖူးကြပါလိမ့်မယ်။ သီချင်းနားဆင်ခြင်ဟာ တကယ်ကိုလည်း လူတွေကို နည်းပေါင်းစုံနဲ့ အကျိုးပြုနေတယ်ဆိုတာ သုတေသီတွေက လေ့လာတွေ့ရှိထားပါတယ်။

 ဂီတဟာ ပြင်ပလောက,ကနေလူတွေရဲ့ စိတ်နဲ့ ဆက်သွယ်မှုကို အကောင်းဆုံးပြုလုပ်ပေးနေတဲ့ အရာဆိုတာကတော့ ဘယ်သူမှ မငြင်းနိုင်ပါဘူး။ ဂီတနဲ့ လူ့ခန္ဒာကိုယ်ဟာဆိုရင် ဝိုင်ယာကြိုးနဲ့ သွယ်တန်းထားသလိုမျိုးကို ခိုင်မြဲနေတယ်လို့ သုတေသီတွေက ဆိုပါတယ်။

ဒီလို ချိတ်ဆက်နိုင်မှုတွေကြောင့် သီချင်းနားဆင်ခြင်းဟာ လူတွေရဲ့ စိတ်ဒဏ်ရာကို အကောင်းဆုံးကုစားပေးနေနိုင်တာလည်း ဖြစ်ပါတယ်။ အဆိုကျော် Kendrick Lamar ကတော့ စိတ်ဒဏ်ရာတွေရလာရင်သီချင်းနားထောင်လိုက်တာက ဝေဒနာတစ်ဝက်လောက်ကို လျှော့ချပစ်လိုက်နိုင်တယ် ထင်ပါတယ်လို့ ပြောပါတယ်။

 သီချင်းတွေဟာ နာကျင်မှုတွေ ၊ ဒေါသတွေကို လည်း လျှော့ချပေးနိုင်တယ်လို့ MNT ကဆိုပါတယ်။ ခွဲစိတ်ခါနီး လူနာပေါင်း ၇၀၀၀ ကျော်ကို လက်တွေ့စမ်းသပ်ခဲ့တဲ့ သုတေသနမှာဆိုရင် သီချင်းနားဆင်လိုက်တာဟာ ခွဲစိတ်ခံနေတဲ့အချိန်မှာ နာကျင်မှုတွေ ၊ ကြောက်စိတ်တွေကို အတော်လေးကို လျှော့ချပေးနိုင်လိုက်တယ်လို့ အဖြေထွက်လာခဲ့ပါတယ်။

ကိုယ်ဝန်ဆောင်တွေဟာ သီချင်းနားထောင်ပေးတာနဲ့  fibromyalgia လို့ ခေါ်တဲ့ ကိုယ်ဝန်ဆောင်စဉ်ဖြစ်တတ်တဲ့ အဆစ်အမြစ်ကိုက်ခဲမှုတွေကို လျှော့ချပေးနိုင်တယ်လို့ ဒိန်းမတ်နိုင်ငံက ဆရာဝန်တွေက ဆိုပါတယ်။ သီချင်းနားထောင်ခြင်းဟာဆိုရင် ဦးနှောက်အတွင်းမှာရှိတဲ့ opioid လို့ ခေါ်တဲ့ နာကျင်မှုတွေကို လျှော့ချပေးနိုင်တဲ့ ဒြပ်ပေါင်းတွေကို ထုတ်လုပ်ပေးမှုကို အစပျိုးပေးနိုင်တာကြောင့် နာကျင်မှုတွေကို လျှော့ချပေးနိုင်တာပါ။

အကယ်လို့သာ သင်ဟာ စိတ်ဖိစီးမှုတွေများလာမယ်ဆိုရင်တော့ အကြိုက်ဆုံးသီချင်းတွေကို ရွေးပြီး ထပ်တလဲလဲ နားထောင်ပေးတာကလည်း ခန္ဒာကိုယ်ဖြစ်စဉ်ကို စည်းချက်ပြန်မှန်စေပြီး စိတ်ကိုလည်း ပြန်ကြည်လင်စေနိုင်တယ်လို့ ကနေဒါနိုင်ငံက ဂီတပရော်ဖက်ဆာ  Isabelle Peretz က စစ်တမ်းပြုစုနိုင်ခဲ့ပါတယ်။


ဂီတဟာ နှလုံးရောဂါအတွက် အကောင်းဆုံးကုထုံးအဖြစ် သုတေသီတွေက လက်ခံထားကြပါတယ်။  ဂီတ ကုထုံးဟာ လူနာတွေကို စိတ်တည်ငြိမ်စေတဲ့အတွက် နှလုံးနဲ့ သွေးကြောတွေရဲ့ တုံ့ပြန်မှုတွေကို တည်ငြိမ်သွားစေတဲ့ သက်ရောက်မှုတွေ ဖြစ်ပေါ်စေတာပဲ ဖြစ်ပါတယ်။၁၀ စက္ကန့်စာ စည်းချက်သံတွေ ကို ထပ်ခါထပ်ခါနားထောင်နေခြင်းဟာ သွေးဖိအား ပြောင်းလဲမှုတွေဖြစ်ပေါ်စေသလို နှလုံးခုန်နှုန်း မြန်နေတာကိုလည်း လျော့ကျစေနိုင်ပါတယ်။ သီချင်းနားထောင်တာဟာဆိုရင် သွေးဖိအား ၊ နှလုံးခုန်နှုန်းနဲ့ ခန္ဒာကိုယ် အပူချိန်တွေကို တိုက်ရိုက်အကျိုးသက်ရောက်ပြီး ကိုယ်နားထောင်တဲ့ သီချင်းပေါ်မူတည်ပြီး ပြောင်းလဲတယ်လို့ သိရပါတယ်။


မကြာသေးခင်ကမှ ထွက်ပေါ်လာတဲ့ စစ်တမ်းအရတော့ ဂီတနားထောင်ခြင်းဟာ မျက်လုံးသူငယ်အိမ်ကို ပိုကျယ်လာစေတယ်လို့လည်း သိရပါတယ်။ သီချင်းရဲ့အကြောင်းအရာတွေနဲ့ နားထောင်သူရဲ့ သီချင်းအပေါ် စိတ်ခံစားမှုတို့ပေါ်မူတည်ပြီး မျက်လုံးသူငယ်အိမ်က ပိုကျယ်လာတာပါ။ ဒါ့ကြောင့် ဆရာ / ဆရာမတွေအနေနဲ့  အိပ်ငိုက်နေတဲ့ ကျောင်းသားတွေကို သူတို့ အကြိုက်ဆုံး သီချင်းတွေကို နားထောင်ခိုင်းတဲ့နည်းနဲ့ အိပ်မငိုက်အောင် ပြုလုပ်နိုင်ပါတယ်။


(Paing A K)

#သစ်ထူးလွင်(ကျန်းမာရေး)
#health.thithtoolwin.com

Ref : MNT


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

သတင်းစာနှင့် ဂျာနယ်များ