သိပ္ပံ ပညာရှင်တွေဟာ နှလုံးရောဂါ အတွက် ကုသနိုင်မယ့် ဆေးကို တွေ့ရှိခဲ့ပြီး အဲဒီဆေးကတော့ ၁၉၅၀ ခုနှစ်ကတည်းက ထုတ်လုပ်ထားတဲ့ ဆေးဝါးတစ်မျိုး ပဲ ဖြစ်ပါတယ်။
နှလုံးရောဂါ ဟာ ဗြိတိန်နိုင်ငံမှာ ရှိတဲ့ လူဦးရေ ၉၀၀,၀၀၀ ယောက်တို့ကို သက်ရောက်မှု တွေ ရှိခဲ့ပါတယ်။
အသက် အရွယ်မရွေး နှလုံးရောဂါ ဖြစ်ခဲ့ကြပြီး လူအများစုကတော့ အသက်ကြီးပိုင်းတွေပဲ ဖြစ်ပါတယ်။ ထို နှလုံးရောဂါရှင်တွေရဲ့ ထက်ဝက်လောက်က အသက် ၇၅ နှစ်အထက် တွေပဲဖြစ်ကြပါတယ်။
Hydroxychloroquine (HCQ) ဆိုတဲ့ ဆေးဝါးတစ်မျိုးဟာ လွန်ခဲ့တဲ့ ၆၅ နှစ်ကတည်းက ငှက်ဖျားရောဂါ ကုသဖို့အတွက် တီထွင်ခဲ့ကြတာဖြစ်ပြီး တီထွင်ပြီး မကြာခင်မှာပဲ ထိုဆေး ဟာ ခုခံအား ကျဆင်းစေတဲ့ ရောဂါတွေဖြစ်တဲ့ Lupus နဲ့ rheumatoid arthritis တို့လိုရောဂါ တွေကိုလည်း ပျောက်ကင်းစေတာကို သိရှိခဲ့ရပါတယ်။
အခုတစ်ကြိမ်မှာတော့ Oxford တက္ကသိုလ်က သုတေသီတွေဟာ နှလုံးရောဂါကို ထိုဆေးဝါးနဲ့ သက်သာစေနိုင်တာ ကို ရှာဖွေတွေ့ရှိခဲ့ကြပါတယ်။
" Lupus ရောဂါဖြစ်ပွားနေတဲ့သူတွေဟာ နှလုံးကိုပါထိခိုက်မှုတွေရှိခဲ့ပါတယ်။ အဲဒီလို Lupus ရောဂါ ခံစားနေရတဲ့ သူတွေကို HCQ တိုက်ကျွေးလိုက်တဲ့အခါမှာ နှလုံးရောဂါ ဖြစ်ပွားနိုင်နှုန်းလည်း လျော့နည်းသွားတာကိုတွေ့ရပါတယ်။ " လို့ ထိုသုတေသန ကို ဦးဆောင်ခဲ့တဲ့ ဒေါက်တာ Rebecca Burton ကဆိုပါတယ်။
သုတေသီတွေရှာဖွေတွေ့ရှိခဲ့တာကတော့ ထို HCQ ဆေးဝါးဟာ နှလုံးရဲ့ sino-atrial node လို့ခေါ်တဲ့ နေရာ မှာ သက်ရောက်မှုတွေဖြစ်လာအောင်လုပ်ဆောင်ပေးပါတယ်။ ထိုနေရာမှာရှိတဲ့ ဆဲလ်တွေဟာ နှလုံးရဲ့ကြွက်သားတွေက ထုတ်လွှတ်ပေးတဲ့ အီလက်ထရို အချက်ပြ မှုတွေကို ဖန်တီးပေးပြီး နှလုံးခုန်ခြင်းကို ထိန်းထားပေးပါတယ်။ HCQ ဟာ ထို အရေးကြီးတဲ့ အီလက်ထရို အချက်ပြမှုတွေ ဖြစ်ပေါ်လာစေဖို့အတွက် အရေးကြီးတဲ့ ပရိုတိန်းကို ဖန်တီးပေးနိုင်တာပဲ ဖြစ်ပါတယ်။
ထို အဖွဲ့ဟာ HCQ ရဲ့ ဘေးထွက်ဆိုးကျိုးတွေကို သေချာ လေ့လာ စမ်းသပ်နေပြီး အောင်မြင်သွားတာနဲ့ ဗြိတိန် နိုင်ငံ အမျိုးသား ကျန်းမာရေး ၀န်ဆောင်မှု (NHS) တစ်ဆင့် ထိုဆေးတွေကို နှလုံးရောဂါ ခံစားနေရသူတွေထံ ပေးပို့သွားမှာ ဖြစ်တယ်လို့ သိရပါတယ်။
( Mario )
Ref : Mirror
