နွေမိုးဆောင်း ရာသီမရွေး မီးတောက်နေသည့် ကံမမြို့ အနီးမှ ထူးခြားသော နတ်မီးတောက်တောင်

မကွေးတိုင်း ဒေသကြီး သရက်ခရိုင် ကံမမြို့နယ် နတ်မီးတောင် ကျေးရွာအုပ်စု နတ်မီးတောင် ကျေးရွာလေး တွင် တည်ရှိသော နတ်မီးတောက် တောင်တွင် နွေ၊ မိုး၊ ဆောင်း သုံးရာသီလုံး မီးငြိမ်းခြင်း မရှိဘဲ ထူးခြားဆန်းပြားစွာ မြေကြီးကျောက်ပုံ များကြားမှ မီးတောက်နေလျက် ရှိကြောင်း သိရသည်။ အဆိုပါ နတ်မီးတောက် တောင်မှာ သရက်မြို့မှ ဆိုလျှင် ၁၄ မိုင်ခန့်ဝေးပြီး ပြည်မြို့မှ ဆိုလျှင် ၃၉ မိုင်ခန့် အကွာအဝေးတွင် ရှိကာ ကံမမြို့နှင့် သရက်မြို့သို့ ဆက်သွယ်ထားသော ကားလမ်းဘေးတွင် တည်ရှိသည်။

အဆိုပါ နတ်မီးတောက်တောင်မှာ ရှေးနှစ်ပေါင်း မည်မျှကတည်းက တည်ရှိခဲ့သည်ကို ယင်းဒေသတွင် နေထိုင်လျက် ရှိကြသော နှစ်ပေါင်း ၈ဝ ကျော် ဒေသခံများပင် မမီခဲ့ကြကြောင်း၊ ယင်းနတ်မီးတောက် တောင်ကို ဒေသခံများက မင်းမဟာဂီရိခေါ် ပန်းပဲ မောင်တင့်တယ်နတ် လာရောက် နေထိုင်သည်ဟု ယုံကြည်လျက် ရှိကြကြောင်း၊ ယခင်က ဝါတွင်းကာလတွင် မီးတောက်ခြင်း မရှိဘဲ သီတင်းကျွတ်လ ပြီးမှသာ အဆက်မပြတ် မီးတောက်လျက် ရှိကြောင်း၊ ယခုအခါ ပြီးခဲ့သည့် သုံးနှစ်တာ ကာလမှစ၍ ဝါတွင်း ကာလတွင်ပါ မီးတောက်လျက် ရှိကြောင်းနှင့် ယခင်က လမ်းပန်း ဆက်သွယ်ရေး ခက်ခဲမှုကြောင့် လူသူ အသွားအလာ နည်းပြီး လူသိနည်းခြင်း ဖြစ်ပြီး ယခုလမ်းပန်း ဆက်သွယ်ရေး ပွင့်လင်းလာသည့် အခါတွင် လူသိများလာကာ လာရောက် လည်ပတ်သူ များလာကြကြောင်း ဒေသခံများ ထံမှ သိရသည်။

အဆိုပါတောင်၏ ထူးခြားချက်များမှာ တောင်၏အပေါ် မြေကြီးနှင့် ကျောက်တုံးများကြားမှ မီးတောက်များ ထွက်ရှိနေခြင်း၊ မိုးဘယ်လောက်ပင် စွေစွေ အဆိုပါ မီးမှာ မသေခြင်း၊ နွေရာသီတွင် ဘေးနားမှ အမှိုက်များ ရှိသော်လည်း မီးကူးစက် လောင်ကျွမ်းမှု မရှိခြင်း၊ အဆိုပါ မီးတောက်နေသော ကျောက်ပုံဘေးနားတွင် အပင်ငယ်၊ အပင်ကြီးများ ရှိသော်လည်း အဆိုပါ အပင်များ၏ အရွက်များမှာ ညှိုးနွမ်းမှု မရှိခြင်း၊ မီးတောက်ရာ နေရာတစ်နေရာ တည်းသာဖြစ်ပြီး ကျန်သည့် နေရာများမှာ မီးတောက်မှု မရှိခြင်းတို့ ဖြစ်သည်။

''ဘုန်းကြီး ဒီကိုရောက်တာ ၃၅ နှစ်ရှိပါပြီ။ ဒီရွာတွေရဲ့ထုံးစံအရ ရွာကို တောမီးဝင်မှာ စိုးလို့ မီးလှန်ရတယ်။ ဒီလိုမီးလှန်တယ် ဆိုတာ ဒီဘက်ရွာကနေ မီးတို့ပြီး လွှတ်ရတာပေါ့။

အဲဒီအချိန်က တောင်ပေါ်မှာ မြက်သက်ငယ်မိုး နတ်ကွန်းလေး တစ်ခုရှိတယ်။ မီးလောင်ပြီဆို ပါသွားပြီလို့ ထင်ထားတာ မီးငြိမ်းလို့ သွားကြည့်တော့ ဒီအတိုင်းပဲ ပြန်မြင်ရတယ်။

မီးအပူရှိန်နဲ့ လောင်ကျွမ်းမသွားဘူး။ ၁၉၆၉ ခုနှစ်လောက်အချိန်က ဒီနေရာကို ရေနံလာတူးတဲ့ အဖွဲ့က ဒီမှာရှိတဲ့ ကျောက်ပုံကြီးတွေကို စက်နဲ့ထိုးဖျက် ခဲ့ဖူးတယ်။ ရုတ်တရက် စက်တွေ ပျက်သွားပြီး ထိုးတဲ့သူတွေလည်း အန္တရာယ် ဖြစ်ခဲ့ကြတယ်။ အခုဒီနေရာမှာ ကျောက်ပုံကို တွေ့နေရတာက ဒီကိုလာကြတဲ့ လူတွေက လိုရာဆုတောင်းပြီး ကျောက်တုံးတွေကို ပုံခဲ့ကြလို့ အခုလို ကျောက်ပုံကြီး ဖြစ်နေတာပါ။ အရင်က ဒီကျောက်ပုံတွေက ဝါတွင်းဆို မီးသေတယ်။ အခု သုံးနှစ်ရှိပြီ ဝါတွင်းလည်း မီးက မသေတော့ဘူး'' ဟု နတ်မီးတောက် ကျောင်းတိုက် ဆရာတော် ဥူးဥက္ကသက မိန့်ကြားသည်။ ၎င်းကျောက်ကြားမှ မီးများကို ညနေပိုင်းနှင့် ညအချိန်များတွင် ကောင်းမွန်ထင်ရှားစွာ တွေ့ရပြီး အလင်းရောင်မှာ အဝေးမှပင် ထင်ထင်ရှားရှား မြင်ရကြောင်း သိရသည်။

မြ၀တီ
https://www.facebook.com/mwdmedia?fref=nf


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ