၁၂.၈.၂၀၁၄ ရက်နေ့ ၁၉၄၅ အချိန် မင်္ဂလာဒုံမြို့နယ်၊ ပြည်လမ်းအတိုင်း မင်္ဂလာဒုံ ဘက်မှ ထောက်ကြန့် ဘက်သို့ မင်္ဂလာဒုံမြို့နယ်နေ ကိုသန်းဝင်းအောင်(၂၃)နှစ် စီးနင်းမောင်းနှင်လာသော ၃၃ယ/----- ANBO-125 အမျိုးအစား နက်/ဖြူရောင် ဆိုင်ကယ်သည် မြန်မာစီပီလိုက်ဖ်စတော့ခ်ကုမ္ပဏီ လီမိတက်ဝင်းရှေ့အရောက် ယာဘက်လမ်းစပ်၌ရပ်ထားသော သာကေတမြို့နယ်နေ ဦးထွန်းညို မောင်းနှင်သည့် ၁ဃ/----- ထရပ်တာ အငှားယာဉ်တွင်တွဲထားသော နတ/---- နောက်တွဲ ယာဉ်၏ နောက်ပိုင်းအား ၀င်ရောက်တိုက်မိခဲ့ပါသည်။
ယာဉ်တိုက်မှုကြောင့် ဆိုင်ကယ်မောင်းနှင်သူ ကိုသန်းဝင်းအောင်တွင် ယာနားထင် ပေါက်ပြဲ၊ ရင်ဘတ် ပွန်း၊ ၀ဲပါးပွန်းဒဏ်ရာများရရှိကာ အင်းစိန်ဆေးရုံသို့ ပို့ဆောင်စဉ် သေဆုံး သွားခဲ့ပါသည်။
ယင်းသို့ ဆိုင်ကယ်မဆင်မခြင်မောင်းနှင်သူ ကိုသန်းဝင်းအောင်(သေဆုံး)အား မင်္ဂလာဒုံမြို့နယ်၊ ထောက်ကြန့်နယ်မြေရဲစခန်း ယာဉ်(ပ)၄၂/၂၀၁၄၊ ပြစ်မှုပုဒ်မ ၃၀၄-က/၂၇၉ ဖြင့် အမှုဖွင့်အရေးယူ ဆောင်ရွက်လျက်ရှိကြောင်း သတင်းရရှိ ပါသည်။
Yangon Police
https://www.facebook.com/yangonpolice
