ဆီးစစ်ခြင်း။
အဖြေထွက်လာဖို့အတွက် အချိန်ဘယ်လောက်စောင့်တယ်ဆိုတဲ့ အပေါ်မှာမူတည်ပြီးတော့လည်း စစ်ချက်တွေက ပြောင်းပါတယ်။ ဆီးစစ်တံရဲ့ အရောင်ပြောင်းမယ်၊ လိုင်း(အရစ်)ပေါ်မယ်၊ သင်္ကေတ (အနုတ် ဒါမှမဟုတ် အပေါင်း) ပေါ်ဖို့ စောင့်ဆိုင်းရပါမယ်။
စစ်ဆေးမှုတိုင်းအတွက် ဆီးစစ်တံအိတ်ခွံမှာ ညွှန်ကြားချက်တွေ ပါရှိပါတယ်။ တိကျတဲ့အဖြေရဖို့ ညွှန်ကြားချက်တွေအတိုင်း လုပ်ဖို့လိုအပ်ပါတယ်။ ဆီးစစ်ဖို့ ဆီးယူတဲ့အခါမှာ စထွက်တဲ့ဆီးကို မယူပဲ အလယ်ဆီးကိုယူဖို့ ဆရာဝန်တွေက ညွှန်ကြားထားပါတယ်။
ဘယ်အချိန်မှာ ဆီးစစ်ရမလဲ။
ကိုယ်ဝန် ရှိ/မရှိ ဆီးစစ်မစစ်ခင် ဓမ္မတာ စပျောက်တဲ့နေ့ထိ စောင့်ဖို့ ဆရာဝန်အများစုက အကြံပေးထားပါတယ်။ ကိုယ်ဝန် စတည်ပြီး ၂ပတ်ခန့်အကြာမှာ စသိရလေ့ရှိပါတယ်။
ဆီးစစ်တာ ဘယ်လောက်ထိ တိကျပါသလဲ။
ဆီးစစ်တာကို ညွှန်ကြားချက်တွေအတိုင်း မှန်မှန်ကန်ကန် စစ်နိုင်မယ်ဆိုရင် ၉၇ ရာခိုင်နှုန်း တိကျမှုရှိပါတယ်။
ဆီးစစ်တံ အသုံးပြုပြီး ကိုယ်ဝန်စစ်ဆေးတာ ကောင်းပါတယ်။ အိမ်မှာတင် စစ်လို့ရပြီး ကုန်ကျစရိတ်လည်း သက်သာလို့ပါ။ အဖြေ မြန်မြန်ထွက်တယ်၊ အသုံးပြုရတာလည်းလွယ်ကူတယ်။ ဘယ်လိုပဲဖြစ်ဖြစ်၊ ညွှန်ကြားချက်အတိုင်း မတိကျဘူး၊ စစ်ဆေးချိန်ဟာ အရမ်းစောနေမယ်ဆိုရင်တော့ ရလာတဲ့ အဖြေက တိကျမှာ မဟုတ်ပါဘူး။
ဆီးစစ်ပြီးလို့ ကိုယ်ဝန်မရှိဘူးလို့ အဖြေထွက်နေတဲ့ မိန်းကလေးတစ်ယောက်မှာ သန္ဓေတည်ခြင်းလက္ခဏာ (ဓမ္မတာ ပျောက်တာ၊ ပျို့အန်တာ၊ ရင်သား ပျော့ပြီး ဒဏ်ဖြစ်တာ) တွေရှိနေသေးတယ်ဆိုရင်တော့ နောက်တစ်ပတ် စောင့်ပြီး နောက်တစ်ကြိမ်ထပ်စစ်ပါ။ ဒါမှမဟုတ် ဆရာဝန်ပြပြီး ကိုယ်ဝန်ရှိမရှိ သွေးစစ်ဆေးမှုလုပ်ပါ။
သွေးစစ်ခြင်း။
ကိုယ်ဝန် ရှိ/မရှိ သွေးစစ်ခြင်းရဲ့ အားသာချက်။
-ဆီးစစ်တာ ထက်ပိုပြီး ကိုယ်ဝန်ဖြစ်နိုင်ခြေကို ၇ရက်မှ ၁၂ရက်ထိ စောသိနိုင်ပါတယ်။ (ဒါပေမဲ့ ကိုယ်ဝန် မရှိဘူးလို့အဖြေထွက်ပြီး သန္ဓေတည်မှု လက္ခဏာတွေ ပြနေသေးတယ်ဆိုရင်တော့ ဓမ္မတာစပျောက်တဲ့ ရက်ကို စောင့်ပြီး ထပ်စစ်ရဦးမှာပါ။)
-သွေးထဲမှာရှိတဲ့ hCG ဟော်မုန်းပါဝင်မှု အတိုင်းအတာကို သိနိုင်ပါတယ်။ (ဆရာဝန်တွေက အဲ့ဒီ့အတိုင်းအတာကို ကြည့်ပြီး သန္ဓေတည်မှုမှာ ဖြစ်တတ်တဲ့ ပြဿနာတွေရဲ့ အတိအကျကို ခြေရာခံနိုင်ပါတယ်။)
သွေးစစ်ခြင်းရဲ့ အားနည်းချက်။
-ဆီးစစ်တာထက် ငွေကုန်ကြေးကျများတယ်။ (ဆရာဝန် စစ်ဆေးခနဲ့ ဓာတ်ခွဲခန်း ကုန်ကျစရိတ်)
-အဖြေထွက်ဖို့ အချိန်ယူရတယ်။
-ဆေးရုံ၊ ဆေးခန်းမှာသာ စစ်ဆေးနိုင်တယ်။
Ref:americanpregnancy
သီဟနိုင်
Trend Myanmar
