ဘုရင့်နောင်ပွဲရုံဝင်း ဇန်နဝါရီ ၂ဝ ရက် မွန်းလွဲ ၃ နာရီခန့်က အင်ကြင်းလမ်းမနှင့် ငုဝါလမ်းထိပ်တွင် ငုဝါလမ်းအတွင်းသို့ ကွေ့ဝင်သည့် ၁၂ ဘီးကုန်ကား ၆ခ/--- ဟီးနိုး အမျိုးအစား စိမ်းနုဖြူကျားအရောင် ယာဉ်မောင်း ကိုအောင်အောင် (၃ဝနှစ်)သည် ယာဉ်တစ်စီးကို ရှောင်ရာမှ လမ်းထောင့်တွင် စိုက်ထူထားသော လျှပ်စစ်ဓာတ်တိုင်ကို တိုက်မိခဲ့ကြောင်း၊ အတိုက်ခံရသော ဓာတ်တိုင်သည် ဓာတ်တိုင်အနီး ရပ်ထားသော ကိုင်ပိုင်အိမ်စီးယာဉ်ငယ် BAGO ၃က/--- အဖြူရောင် နောက်ပိုင်းပေါ်လဲကျရာ ယာဉ်နောက်ပိုင်း ပျက်စီးခဲ့ရကြောင်း မျက်မြင်တွေ့ရှိသူများက ဆိုသည်။
၁၂ ဘီးကုန်ကားသည် မိတ္ထီလာခရီးစဉ်တွင် ကုန်သယ်ယူပို့ဆောင်နေသော ကုန်ကားတစ်စီးဖြစ်ကြောင်း ကားဂိတ်ပိုင်ရှင်တစ်ဦးကဆိုသည်။ လမ်းဘေးတွင်ရပ်ထားသော အိမ်စီးယာဉ်ငယ်မှာ စိန်ပန်းလမ်းရှိ မြစ်ဝကျွန်းပေါ်ဒေသသွား ကုန်ကားဂိတ်ပိုင်ရှင် တစ်ဦး၏ကားဖြစ်ကြောင်း၊ အမှုကို သက်ဆိုင်ရာမှ စစ်ဆေးအရေးယူနေကြောင်း သိရသည်။
ခင်ဆိုင်
သတင်းနှင့် စာနယ်ဇင်းလုပ်ငန်း
