သရက်ခရိုင်၊ ကံမမြို့ အမှတ်၎ ရပ်ကွက် သက်တော်ရှည် သက်တော်ရ ဘုရားနှစ်ဆူ ရှေ့ကား လမ်းပေါ်ရှိ မျက်ကွယ် ကွေ့တွင် ဒီဇင်ဘာလ ၃၀ ရက်နံနက် ၁၁ နာရီက ယာဉ်မောင်း ကြည်သိန်း (၃၈)နှစ် မောင်းနှင် လာသော ဟီနိုးကားအမျိုးအစား ကုန်တင်မော်တော်ယာဉ် ယာဉ်အမှတ် စ/၉၀၀နှင့် တဖက်မှ မော်တာကြီး(ခ) ဟန်ဇော်ဝင်း (၃၁)နှစ် မောင်းနှင် လာသော ဂျာလင်းအမျိုးအစား မော်တော်ဆိုင်ကယ် ယာဉ်အမှတ် ၃၃/ယ -၂၀၉၃၆ နှစ်စီး မျက်နှာချင်းဆိုင် တိုက်မိရာ မော်တော် ဆိုင်ကယ် မောင်းနှင် သူမှာ အခင်းဖြစ် နေရာ၌ပင် ပွဲချင်းပြီး သေဆုံးသွားခဲ့ပြီး ဆိုင်ကယ်နောက်မှ လိုက်ပါစီးနင်းသူ သန်းထိုက်စိုး(၂၂)နှစ်မှာ ပွန်းပဲ့ ဒဏ်ရာ များသာ ရရှိပြီး အသက်အန္တရာယ် စိုးရိမ်ရဖွယ်မရှိကြောင်း သိရသည်။ အဆိုပါဖြစ်စဉ်အား မြို့မရဲစခန်း စခန်းမှုး ရဲအုပ်ထွန်းစံအောင်က ယာဉ်(ပ) ၆/၂၀၁၃ ပြစ်မှုပုဒ်မ ၃၀၄(က)/ ၃၃၈ ဖြင့် အမှုဖွင့် အရေးယူ ဆောင်ရွက် ထားကြောင်း သိရသည်။
MOI Webportal Myanmar
