ယခုတွေ့ရှိသည့် ကိုင်မန် အများစုမှာ နှုတ်သီးပွကိုင်မန် မျိုးနွယ်များ ဖြစ်ကြသည်။ ရီယိုမြို့သည် (၂၀၁၆)ခုနှစ်၊ နွေရာသီ အိုလံပစ် ပြိုင်ပွဲများကို လက်ခံကျင်းပရန် စီစဉ်နေရာ အိုလံပစ် ဂေါက်ကွင်းများရှိ ရေကန်များထဲတွင်ပါ ကိုင်မန်များ ရောက်ရှိနေသဖြင့် ၎င်းတို့ကို လိုက်လံဖမ်းဆီးနေရသည်။ ကိုင်မန်တို့ သည် ပုံသဏ္ဍန်အားဖြင့် ကြောက်မက်ဖွယ် ဖြစ်သော်လည်း ခန္ဓာကိုယ် သေးငယ်သလို ပင်ကိုယ်ဗီဇအားဖြင့် ရန်လိုမှု မရှိချေ။ ၎င်းတို့သည် လူသားများအတွက် အန္တရာယ် ပေးလေ့မရှိသည့် တိရစ္ဆာန်အဖြစ် သတ် မှတ်ခြင်း ခံထားရသည်။ ယခုအခါ ရီယိုမြို့ထဲရှိ ကွန်ဒိုတိုက်ခန်းများပေါ်မှ စီးဆင်းလာသည့် အညစ်အကြေး ရေဆင်းပိုက်များ အဆုံးသတ်ရာ ရေအိုင် များတွင် ကိုင်မန်များကို တွေ့မြင်နေနိုင်ပြီ ဖြစ်သည်။
အဆိုပါ ရေကန်များထဲတွင် သာမန်အားဖြင့် ငါးများရှင်သန် ပေါက်ဖွားနိုင်ခြင်း မရှိရာ ကိုင်မန်များ အစာရေစာ ပြတ်လပ်မည် စိုးရိမ်သောကြောင့် ၎င်းတို့ကို ကြက်သားများ ခုတ်ထစ် ကျွေးမွေးထားရသည်။ ကိုင်မန်တို့သည် ကြွက်နှင့် ငှက်များကိုလည်း ဖမ်းယူစားသောက်လေ့ ရှိသည်။ ဘရာဇီးလ် သဘာဝ ပတ်ဝန်းကျင် သုတေသီများက ကိုင်မန်များကို လိုက်လံလေ့လာရာ (၈၅)ရာခိုင်နှုန်းသည် အထီးများ ဖြစ်နေရာ လိင်သတ်မှတ်ချက် မမျှတလွန်းသည့် အနေအထား ဖြစ်နေကြောင်း တွေ့ရှိရသည်။ "မိလ္လာစွန့် ပစ် စနစ် စည်းကမ်းမဲ့ပြီး အထိန်းအသိမ်း မရှိတာကြောင့် လိင်ကွဲပြားမှု မျှခြေ ပျက်သွားတယ်လို့တော့ ထင်တယ်။ သေချာတော့ မပြောတတ်ဘူး"ဟု သဘာဝဝန်းကျင်ဆိုင်ရာ ပညာရှင် ရီကာဒို ဖရီးတက်စ်က မှတ်ချက်ပြုခဲ့သည်။
ကိုင်မန်တို့သည် ကြမ်းတမ်းသည့် ပတ်ဝန်းကျင်တွင် ရှင်သန်နေထိုင်နိုင်စွမ်း ရှိကြသည်။ ကိုင်မန် (၅၀၀)ကျော်ကို လိုက်လံ ဖမ်းဆီးကာ သဘာဝ မြစ်ချောင်းများထဲ ပြန်လွှတ်ပေးခဲ့သည့် ဖရီးတက်စ်က "ကျွန်တော် တစ်ခါတော့ အကိုက်ခံရဖူးတယ်။ လက်မှာပါ။ သိပ်တော့ မနာပါဘူး။ ပြဿနာက လက်မှာ ပိုးဝင်လို့ တော်တော်လေး ကုယူလိုက်ရတာပါ။ အဲဒါက သူတို့ကိုက်လို့ မဟုတ်ဘဲ ပတ်ဝန်းကျင် ရေတွေက အရမ်း ညစ်ပတ်လို့ပါ"ဟု ပြောကြားသွားသည်။
Planet Myanmar Network
