၃၁-၈-၂၀၁၃ ရက်နေ့ ၂၀၁၅ အချိန် ကယားပြည်နယ်၊ မော်ချီးမြို့နယ်၊ လိုခါးလိုကျေးရွာ အရှေ့ဘက်ရှိ ဦးဘဲထယ်(၅၅)နှစ်၏နေအိမ်တွင် ခဲလုပ်ငန်းအတွက်အသုံးပြုရန် ယမ်းများသိုလှောင် ထားရာမှ ပေါက်ကွဲမှုဖြစ်ပွားသဖြင့် ဦးဘဲထယ်တွင် ဦးခေါင်း၊ ခြေနှစ်ဖက်၊ လက်နှစ်ဖက်ပြတ်တောက် ဒဏ်ရာများဖြင့် အခင်းဖြစ်နေရာတွင်သေဆုံးခဲ့ပြီး သမီးဖြစ်သူ မနော်လယ်စေး(၂၇)နှစ်တွင် ၀ဲလက်ကောက်ပွန်းပဲ့၊ ဦးခေါင်းနောက်ပိုင်းဖူးရောင်ဒဏ်ရာ၊ မြေးဖြစ်သူ စော်မားထယ်တူး(၅)နှစ်တွင် ဦးခေါင်းထိပ်ပေါက်ပြဲဒဏ်ရာများ အသီးသီးရရှိခဲ့သည်။ ထို့ပြင် နေအိမ်ခေါင်းရင်းဘက်ရှိ ဆောက်လုပ်ဆဲ နေအိမ်၌နေထိုင်သူ ဦးနော့နော်ဖူး(၂၂)နှစ်နှင့်ဦးမောင်လှဦး(၂၇)နှစ်တို့တွင် ဦးခေါင်းပေါက်ပြဲ ဒဏ်ရာများရရှိခဲ့သောကြောင့် ဖားဆောင်းပြည်သူ့ဆေးရုံသို့တင်ပို့ကုသကာ မော်ချီးနယ်မြေရဲစခန်း (ပ)၆/၂၀၁၃၊ ပြစ်မှုပုဒ်မ ၂၈၆/၃၃၇/၃၃၈/၃၀၄-က ဖြင့် အမှုဖွင့်အရေးယူထားကြောင်း သတင်းရရှိသည်။
ရဲဇာနည်
