ပဲခူးတိုင်းဒေသကြီး ဒိုက်ဦးမြို့နယ် သပြေတန်း ကျေးရွာအုပ်စုနှင့် အင်းသဇင်ကျေးရွာအုပ်စုကြား ဆက်သွယ်ရေး တာဘေးရှိ ရေအနက် တစ်ပေခွဲခန့်ရှိ လယ်ကွင်းတွင် သြဂုတ်လ ၃၁ ရက်နေ့ ညနေ ၆ နာရီကျော်၌ အသက် ၄၀ ကျော် အမျိုးသားတစ်ဦး ရေနစ်သေဆုံးခဲ့ကြောင်း အင်းသဇင်ကျေးရွာ အုပ်ချုပ်ရေးမှူး ဦးထွန်းနောင်က ပြောကြားသည်။
အင်းသဇင်ကျေးရွာတွင် နေထိုင်သော သေဆုံးသူ ဦးမြင့်အေး (ခ) အငယ်လေးသည် ယင်းနေ့ နံနက်ပိုင်းတွင် သရက်ကံရွာသို့ ငါးရှဥ့်ရောင်း ထွက်သွားခဲ့ရာ နေ့လယ် ၁၂ နာရီခန့်က ထမင်းပြန်စား အရက်သောက်ပြီး အိမ်မှပြန်လည် ထွက်ခွာခဲ့ကြောင်း၊ ညနေ ၆ နာရီကျော်တွင် အင်းသဇင်ကျေးရွာနေသူများက လယ်ကွင်းအတွင်း လူတစ်ဦး သေဆုံးနေသည်ဟု ကျေးရွာအုပ်ချုပ်ရေးမှူးထံ အကြောင်းကြားခဲ့ရာမှ မိသားစုဝင်များ သိရှိခဲ့ကြောင်း ၎င်းကရှင်းပြသည်။
အဆိုပါ သေဆုံးမှုကို သေမှုသေခင်း အမှတ်စဉ် ၇/၂၀၁၃၊ ပုဒ်မ ၂၈၅ ဖြင့် အမှုဖွင့် စစ်ဆေးလျက် ရှိကြောင်း ဒိုက်ဦးမြို့နယ် မြို့မရဲစခန်းထံမှ သိရှိရသည်။
The Voice Weekly
