နေမာ၏ အရည်အသွေးကို မည်သည့်အခါကမျှ သံသယ မဝင်ခဲ့ဟု အဲလ်ဗက်စ်ဆိုနေမာအနေဖြင့် ဘာစီလိုနာ အသင်း၏ ကြယ်တစ်ပွင့် ဖြစ်လာနိုင်သည်ကို မိမိ လုံးဝ သံသယ မဝင်ကြောင်း နောက်ခံလူ ဒန်နီအဲလ်ဗက်စ်က ပြောကြားလိုက်သည်။ ဘရာဇီးလ် လက်ရွေးစင် တိုက်စစ်မှူးလေး နေမာသည် ဆန်းတို့စ်အသင်းမှ ဘာစီလိုနာသို့ စတာလင်ပေါင် သန်း(၅၀)ဖြင့် နွေရာသီ က ပြောင်းရွှေ့ ရောက်ရှိလာသူ ဖြစ်သည်။ ၎င်းသည် လာလီဂါတွင် ဂိုးမသွင်းနိုင်ဘဲ ရုန်းကန်နေရသည့်နောက် ဝေဖန်မှုများ ကြုံခဲ့ရပြီး ဘာစီလိုနာ ဂန္ထဝင်ကြီး ဂျိုဟန်ခရိုက်ဖ်က နေမာနှင့် လီယွန်နယ်လ်မက်ဆီ တွဲဖက်ကစားရန် မဖြစ်နိုင်ဟုပင် ပြောဆိုခဲ့သည်။ သို့သော်လည်း ရီးယဲလ်ဆိုစီဒက်ကို (၄-၁)ဖြင့် အနိုင်ရသော ပွဲစဉ်တွင်မူ နေမာနှင့် မက်ဆီတို့ အချိတ်အဆက်မိမိ တွဲဖက် ကစားခဲ့ပြီး နှစ်ဦးလုံး ဂိုးသွင်းနိုင်ခဲ့သည်။
နေမာနှင့် လက်ရွေးစင် အသင်းတွင်လည်း တွဲဖက် ကစားနေသည့် အဲလ်ဗက်စ်က "ကျွန်တော်က နေမာ့ အရည်အသွေးတွေကို ကောင်းကောင်း သိပြီးသားပါ။ ဘာစီလိုနာနဲ့ သူအံဝင်မယ် ဆိုတာကို ကျွန်တော် သေချာပေါက် နားလည်ထားတယ်။ ခုချိန်မှာ သူ့ရဲ့ ခြေစွမ်းက စပြီးတော့ ကောင်းမွန်လာပါပြီ။ ဒါကို ကျွန်တော် မအံ့ဩဘူး"ဟု ဆိုသည်။ အသက်(၂၁)နှစ်ရှိ နေမာသည် ဘာစီလိုနာ ကစားကွက်တွင် အသားကျရန် အတန်ငယ် ရုန်းကန်နေရဆဲ ဖြစ်သော်လည်း တစ်စထက်တစ်စ အံဝင်လာဟန် ရှိနေသည်။
အဲလ်ဗက်စ်က အသင်းသည် ပုံစံသစ် တစ်ခုကို ချက်ချင်းပြောင်းလဲယူဖွယ် မရှိသေးဟု ဆိုသည်။ "နည်းပြ ဂီရာဒို မာတီနိုက ဘာစီလိုနာရဲ့ ပင်ကိုယ်ဟန်ကို ဆက်ထိန်းထားစေချင်တယ်။ သူက ကိုယ်ပိုင်ဟန်နဲ့တော့ ပြောင်းလဲမှုတချို့ လုပ်ဆောင်မှာပါ။ ဒါပေမဲ့ အမှတ်ပေးဇယား ထိပ်ဆုံးမှာ ရှိနေချင်ရင် ချက်ချင်း အပြောင်းအလဲတွေ လုပ်ဖို့ မလွယ်ဘူးဆိုတာ သူလက်ခံတယ်လေ။ ဒါပေမဲ့ ခက်ခဲတဲ့ ပွဲစဉ်တချို့မှာတော့ နည်းပြက ပုံစံကွဲလေးတွေ ဖန်တီးလိမ့်မယ် ထင်ပါတယ်"ဟု အဲလ်ဗက်စ်က မှတ်ချက်ပြုသွားသည်။
Planet Myanmar Network
